農米莊 (豉油街)

Open Now

Now Closed

🍜椰子雞湯米線$58配農米雞、椰子絲、冬菇、雲耳、支竹、生菜🥬湯底好抵讚👍🏻椰子味濃郁清甜唔油🥥，仲有少少奶味，唔會過咸，撈米線啱啱好😝 雞肉滑身🍗， 估唔到有咁多舊，不過略嫌雞肉唔太入味，偏淡味，冬菇好香，其他配料就正常唔算好特別

是日晚餐旺角農米莊養生首選之懷舊藥膳雞湯米線。養生藥膳材料包括有：紅棗、杞子、鮮蟲草花、冬菇、雲耳同時菜，提升香氣的是二大片川芎，不過好似乾身無麥點煮過，這個做法勝在不會太重味。🥄湯底標榜不加味精，其實有咁豐富材料都唔使點加喇！味道清清地甜甜地尚好，如果能溫度熱一點會好一些。🥢米線好爽口又軟又滑。🥢雞髀先最正嫩滑味鮮有雞味。👏👍惟一就是座位都太迫了。$59 免加一都算 OK 架！

今天叫了一碗椰子雞湯米線，出品一流，湯底全部喝完，雞很滑，但指定要雞脾肉，仍夾雜有雞胸，如果加錢可以是全雞脾肉我也樂意，希望日後可以改進，但令我有最大遺憾是冷氣不足，大家都知道啦飲熱辣辣嘅湯米線必會全身發滾，但該店大門常開如圖1，現在的天氣外面咁熱，熱氣攻入舖內，舖內冷氣又不足，我見有附助風扇的，但一把都沒有開啟，如圖2，終於食到大汗夾細汗埋單，乾身進入濕身離開，出品雖好食，但我諗要秋涼才再去幫襯了，會坐得舒服D。

又收工 約咗朋友去旺角買一買嘢 ！經過豉油街果邊睇下晚市有咩好食啦 ！竟然俾我見到有間 門口寫住 招牌椰子雞湯米 ！再俾佢嘅零味精嘅湯底吸引住 ！你知啦 鍾意靚靚嘅我 為咗皮膚好 一定唔食味精㗎嘛 ！如是者我帶埋朋友仔一齊入座 ！店員好有禮貌咁安排我哋坐咗係卡位度即刻叫佢哋嘅招牌  椰子雞湯米線 㗎啦 ！好快 店員就幫我哋上㗎米線 ！一開始 已經俾佢嘅濃濃椰子香味吸引住啦 ！即刻試一試佢啖湯先 ！一飲 ！嘩嘩嘩 ！竟然可以咁好飲 ！完全係無味精 ！好鮮甜 ！好開胃 ！湯已經咁好飲啦 ！唔知啲雞嘅口感係點呢再一口雞肉 嘩 仲好肉嫩 勁好味啊 ！呢碗米線🍜都勁正啊 ！ 未試過嘅你哋快啲叫翻碗 椰子雞湯米線 ！ YumYum ！！！

今日食農米莊呢到最出名就係雞湯米線架啦老細聲稱呢到既湯底都係0味精而係落雞件慢慢煲個湯底出黎令食客食得健康又好味今次黎到叫咗個沙嗲雞湯米線一黎到就即刻飲啖湯先架啦可以！！！！食得出係雞湯又真係好好味飲完一啖又一啖好味到懷疑真係用味精煲出黎但又飲極都唔覺口渴所以應該係0味精firm！！！！！喺呢到食野嗌野飲就真係0尊食完個米線仲有啲餓 點佈署好？最後我嗌咗個小食黃金皮黃小弟唔係好識欣賞下次叫翻雞翼穩陣啲

一間開咗好多年既餐廳，可以仲係度，代表有一定質素，朋友未食過，所以帶佢黎食藥膳雞米線，我自己就揀咗椰子雞米線，湯底味濃，可以飲，飲完唔會覺得口渴，真係值得讚，咁多年味道依然不變，雞又滑又好食，又無縮細，煮得岩岩好，鐘意藥材味既，絕對要試藥膳湯，2碗份量好足夠，加上午餐時段，非常抵食，另外，叫咗個黑金雞翼，呢個反而我覺得普通，同埋有少少鹹，同埋其實食碗米線都好飽，所以唔大食既，小食可以食到咁上下先叫。

打風落雨🌬仲有嘢開有嘢食已經好幸運🍀，有得食醫好肚係非常重要‼️呢間養生雞店都係第一次試，原來唔只一家店，多款雞食品都係招牌菜，價錢經濟實惠，份量十足，絕對係「平靚正」嘅速食選擇😎.———————————————————————————.🥢藥膳雞湯米線🍜🐓💬果然係好大碗，好足料，先喝一啖湯，清甜帶點藥材味道，感覺溫和；雞件肥美嫩滑唔老，配有索湯豆卜同炸腐皮，非常滿足😎.🥢蔥油雞飯🐓🍚💬另一款叫咗雞飯，大大件切雞，大量蔥油撈飯夠晒香，肚痛嘅情況下真係可以啪晒一大碟，配埋鹹檸七🍹，爽晒😎

旺角抵食足料養生靚湯米線🍜 — 農米莊呢一間係朋友介紹咗比我好多次話啲湯底好正嘅米線，重話呢間係必食嘅🤣講咗咁耐，終於食到！懷舊藥膳雞湯米線($55)配料好豐富，包括有：雲耳、杞子、紅棗、冬菇、蟲草花、時菜、川芎。米線份量好多！而且夠煙韌！啲雞亦整得好嫩滑😍湯底飲落係覺得佢冇落過味精咁，但係味道都足夠、唔會好淡，飲落都幾鮮甜👍🏻仲有微微甘甘地嘅藥材味😋真係連湯都飲晒🤣食完都冇覺得口渴🧐呢個價錢來講都幾算唔錯、又抵食！值得推薦😆

剪完頭髮之後，髮型師推介我去食依間米線，話自己間唔中都會外賣返屋企食下，咁我都唔執輸去買返碗黎試下啦⋯店家為左保持返米線本身口感，將湯同食物分開左裝。食材非常之豐富，有杞子，雲耳，紅棗，豆皮，蟲草花，豆卜，雞肉都不欺場，有五至六舊，仲有小花菇，倒完湯落去之後發現米線量都好澎湃，同以前嘅譚x有得揮。湯飲落去好清甜，藥材味濃得黎唔會有唔舒服嘅感覺，帶骨雞肉食落有口感，但係用牙都容易咬開嘅，豆皮同豆卜索晒啲湯好正，杞子同紅棗都係鮮甜可以食嘅。唯一美中不足係我食到差唔多尾時食到有條頭髮，如果唔係我個人會想比滿分雖然有少少缺憾，但依然好推介大家試下，味道真係好ok!

疫情之下，想堂食既餐廳唔多難得見到有一間，當然要試一試唔知道係因為太冷清定還是什麼原因入左餐廳後，等左大約5-10分鐘都冇人招呼一到以為係咪閂左門定還是只限外賣午市套餐E. 鮮茄菠蘿牛肉飯$48午市套餐，有附送滋潤雞湯味道不錯，仲有原隻雞腳附送不過本人唔太食雞腳就自動略過啦食物好快送到有別於其他餐廳既碟頭飯先講鮮茄汁，有點太過水，唔夠結身，比較淡味不過餸飯食都還可以牛肉則中規中矩，唔會太靭唔會太嫩而菠蘿方面，比較失望因為菠蘿都偏酸😣另外，蕃茄和洋蔥數量都唔少，保證夠飽👍🏻

昨天經過這間舖，在門外望到餐牌好像很吸引。但當入到去時，侍應生服務態度差，黑口黑面，還被他強廹坐入一個位內，選了那個藥膳雞湯米線，米線太幼，湯底很淡沒有藥膳味，我想以後很難會再去。

今天經過這餐廳，門口的餐牌非常吸引，所以入了去，但這餐廳的服務員態度非常差，求其塞你入去一個位，非常不滿。叫了碗藥膳雞米線，但米線非常幼，不是一般的米線，湯底也非常淡，沒有藥膳味，可以講非常差

又黎到最愛既米線😍佢地既湯底好多都係藥膳湯，冇落味精，食完唔會口渴😋而且藥膳味濃郁，湯連埋米線食真係好正👍雖然賣相差左小小，不過味道真係好唔錯🤣🍜黑蒜雞湯米線（$45）午餐時間黎到，唔洗等位直入lunch set 配一杯野飲黑蒜雞湯係我心中呢間鋪既第二位第一位永遠都係藥膳雞湯米線不過呢個湯黑蒜味超濃郁，中意蒜味既朋友可以試下😋雞肉都算多件而且有肉👍野飲叫左熱奶茶（+$2）熱奶茶就麻麻地，茶味太重而且苦澀，唔會再叫🤦‍♀️/😋食物質素：7.5/10🍽️用餐環境：5/10💰性價比：7.5/10👣回頭率：8/10/📌農米莊 (豉油街)旺角豉油街68號地舖

#旺角 #豉油街 #農米莊 我覺得比以前少咗啲鮮味😅#芫荽雞湯米線 $58 好夠荽，雞湯比以前少咗啲鮮味，其他不過不失👌雞件都係咁嫩滑#喇沙雞湯米線 $57 都係一般😅湯底唔夠濃又唔夠杰身，無椰味👣旺角豉油街68號地舖味道: 6/10味精: 1/10價錢: 7/10環境: 6/10服務: 7/10#vinainmongkok #vinafood #nmcnoodls #hongkongcuisine #fusioncuisine #chineseparsley #chineseparsleychickenbrothricenoodles #laksachickenbrothricenoodles #ricenoodles #foodporn #foodie #hkfoodie #f4follow #f4f #likesforlike #l4l #l4likes

農米莊係多年來最愛既米線😍幾年前岩岩開既時候，果陣藥膳湯岩岩興起一食既時候真係俾佢驚豔到，因為我好中意藥膳既味道😜佢地既湯底冇落味精，食完唔會口渴🤩而且藥膳味濃郁，岩岩開既時候真係成日去食👍而家隔左幾年，水準都仲keep到😉係賣相差左小小🤣🍜懷舊藥膳雞湯米線（$46）午餐時間黎到，lunch set 配一杯野飲咁耐冇食湯底依然keep到同一個味🥲係擺盤爭左啲🤣雞肉都算多件而且有肉👍仲有紅棗、杞子、蟲草花、冬菇、雲耳、生菜材料好豐富，真係好滿足😋野飲叫左熱檸蜜（+$2），冬天滋潤下佢既黑蒜米線亦係好正，值得一試👍/😋食物質素：8/10🍽️用餐環境：5/10💰性價比：7.5/10👣回頭率：8/10/📌農米莊 (豉油街)旺角豉油街68號地舖