農米莊 (豉油街)

Open Now

Now Closed

農米莊係多年來最愛既米線😍幾年前岩岩開既時候，果陣藥膳湯岩岩興起一食既時候真係俾佢驚豔到，因為我好中意藥膳既味道😜佢地既湯底冇落味精，食完唔會口渴🤩而且藥膳味濃郁，岩岩開既時候真係成日去食👍而家隔左幾年，水準都仲keep到😉係賣相差左小小🤣🍜懷舊藥膳雞湯米線（$46）午餐時間黎到，lunch set 配一杯野飲咁耐冇食湯底依然keep到同一個味🥲係擺盤爭左啲🤣雞肉都算多件而且有肉👍仲有紅棗、杞子、蟲草花、冬菇、雲耳、生菜材料好豐富，真係好滿足😋野飲叫左熱檸蜜（+$2），冬天滋潤下佢既黑蒜米線亦係好正，值得一試👍/😋食物質素：8/10🍽️用餐環境：5/10💰性價比：7.5/10👣回頭率：8/10/📌農米莊 (豉油街)旺角豉油街68號地舖

趕住返工之前唔知食乜好就喺屋企附近睇下有乜好食 最後揀咗呢間近近哋又方便其實之前已經食過好多次 所以都唔需要點諗就叫咗呢個雞飯 不過lunch就係第一次食 佢可以跟菇飯唔使加錢 就梗係跟啦 因為真係香好多等咗大概五分鐘就有得食啦 真係快靚正 大大碟都係五十蚊有找切雞有5件 一如以往嘅水準都係好滑嘅 飯量都好足夠 不過呢間餐廳真係有啲人手不足 因為接嘅外賣單都有唔少 所以令到堂食嘅客人都需要等啲時間 但其實見啲職員都已經好快手快腳 值得一讚嘅

湯底夠味精好飲嘅，今次突然想食肥牛就+12蚊啦，點知黎到得2塊(係真係得2塊)。即刻叫個男職員埋黎睇，佢話係咁嫁喎，我話肥牛貴到6蚊一塊？個男職員自己都呆左2-3秒先話老闆set好得2塊嫁炸，之後叫個女職員黎，女職員即刻補返幾塊比我話會同老闆反映🙄其實出面食都有4-5塊啦，佢地又唔係用安格斯肥牛，如果真心老闆話得2塊，不如寫返係餐牌到話比顧客聽啦。真心唔會再+12蚊食2塊普通肥牛🙄

🥥椰子雞湯米線 $58湯底清甜唔油膩 帶濃濃椰子味同雞味係意想不到地夾☘️芫荽雞湯米線配溏心蛋 $58芫荽湯底感覺清新 同樣唔油膩相信係自家熬製無落味精 因為就算飲咗幾啖湯都唔會口渴米線比譚仔幼身 掛湯效果更好而且份量好多 女仔有機會食唔哂細食嘅建議嗌少米

尋晚同男朋友出咗去旺角買嘢。買完之後佢就提議去農米莊到食。去到農米莊，我哋等咗張一檯就入得，唔洗等好耐。打開餐牌見到有好多出面米線舖唔會有嘅湯底！(°д°)我同男朋友分別嗌咗藥膳湯雞米線加鴨血同黑蒜湯雞米線加豬軟骨。見到有啲食評話等米線等咗有啲耐，但可能有人同我喺到傾計，所以唔係好覺。|ω･`)我哋碗米線都幾大碗，但我見我男朋友嘅豬軟骨嘅份量好似有啲少，感覺上要加12蚊有啲唔抵。(ó﹏ò｡)但佢個豬軟骨都幾好食，好腍！(✽´ཫ`✽)而我加嘅鴨血都係要12蚊，有兩舊。湯底方面，佢個藥膳湯都幾重藥材味！(´∇｀)我哋都覺得好好飲！但我食到好飽，所以飲唔晒啲湯。黑蒜湯底方面，我本身唔係好識欣賞黑蒜個陣味，所以我覺得麻麻。|ω･`)但男朋友就覺得幾好飲，都重黑蒜味。總括嚟講，唔錯！下次會想試吓佢個椰子雞湯！(〃▽〃)

點左兩碗雞湯底米線加一個小食！服務員落單好似發夢咁，係咁要我講完又講，又再講！等左成25分鐘，一樣野食都無黎過，問佢會唔會係漏單？佢又Hea 覆！在場除左我呢枱客，有幾枱食客都燥曬底！目測有3枱客應該等到唔想再等，起身走左（現場睇d枱都未坐滿，根本唔稱得上忙）又半個幾鐘後，來了一碗麵，又亂咁上錯飲品，問都唔問就車埋黎……！仲有，有個staff 應該係把食物/飲品淋左落個客到，又無講Sorry ,人地嬲到起身就閃，鬧佢都廢事！嗌左小食又漏單，埋單又亂咁print 張單結帳……雖然間野係平，但服務態度同求那其既態度，真係不知所謂！真係慘，老闆請著班咁既員工…..已經比客催，完全睇唔到佢地係想快……10足10 「🟡早🔵」個套：我幫緊你，幫緊你，幫緊你……… 已經Black List

第二次去食今次跌watt 跌得好勁!首先講個服務員,落order 聽d唔聽d 1.麻辣雞米線再加一餸（豬頸肉) 2.花雕雞米線走青！3.小食-泰式魚餅3樣野全部有甩漏麻雞米加少左豬頸肉 花雞米走青又比成碗青我泰式魚餅變左墨魚餅講左話取消小食無啦啦又彈返出黎比我等左起碼45分鐘先到！1.服務員又倒瀉野落客到 搞到個客拍枱走人2.上菜同野飲又上錯枱！3.其他客都有同感話等野食等得好7耐!4.埋單又比錯單我埋 伏到! 食物質素麻麻！無咩事都唔會再去!

公司樓下既餐廳前排出左清潤系列米線（工廈餐廳）結果 居然工廈勝出（？）其實呢度都係朋友介紹話好好食先黎坐低就叫左椰子雞米線上餐速度好快 轉個頭就嚟咗一上到黎 個湯底幾清仲有好多配料但飲湯真係淡淡既椰子味而且係唔專心飲就感受唔到嗰種另外雞油都無乜但又好似得淡淡雞湯味咁唔知係咪因為我走左雞翼（朋友話無乜肉叫我走左佢）雞件得5-6件 但都算肥瘦得宜幾滑既（公司樓下嗰間多好多，我遲啲再寫）米線係比平時略幼身係滑既 但略嫌無左咬口個人比較喜歡正常size 其實我返到屋企之後有諗 5-6又唔算少嘅而且個湯底清清地都幾好呀但硬係覺得佢同我想像中有啲出入唔知到底係我先入為主定係點不過整體觀感都係覺得有d普通並沒有驚艷既感覺下次再試埋佢個蟲草雞寫多次

同男朋友出去信和行街街，行完有d肚餓但又唔想食大餐咁多，正當係兵糧寸斷之際糾結緊既時候🤔前方突然出現左間閃令令🌟既農米莊😋，見到有椰子雞米線，諗起淡淡的椰子香😌，拖住男朋友就沖左入去。 唔使多諗，我當然就係點左個椰子雞🥥🐔，正想落單之際，竟然見到可以轉薯粉，諗起彈牙嘅薯粉…一於就柯打佢la，男朋友係黑蒜同藥膳中徘徊許久，最終嗜好重口味嘅佢揀選左黑蒜，再揀左兩款小食—爆芝黑松露墨魚餅同無骨菠蘿燒雞翼,之後就流住口水等開餐la🤤 首先送上嘅係男朋友黑蒜薯粉，男朋友話好鐘意佢濃濃嘅黑蒜味，尤其是裡面的冬菇索滿左黑蒜湯底，兩樣野好配搭，一咬落去冬菇嘅一刻，裡面的黑蒜湯就好似萬箭齊發咁噴射而出😳，充滿刺激感，軟Q嘅冬菇口感又好，好似幫牙齒做深度按摩咁一樣舒適，正當我順手牽羊偷食男朋友碗薯粉幾啖之後，我嗌嘅椰子雞薯粉悄然地殺殺殺殺來到😝，一黎到嘅香氣令人聞之一振，飲第一啖嘅湯得一個感覺：超。清甜！！湯頭充滿濃郁的椰香，同椰子水一樣咁清甜，感覺個湯底就好似真係飲緊椰子水咁，再試下舊雞，超。級。滑！佢的火喉係啱啱好，全熟得黎又超級嫰滑仲有濃濃雞味，絕對媲美農場走地雞，好味既程度就好似'酒殺'一樣咁屈機

唔知大家平時食米線會嗌啲咩餸呢？雞肉、腩肉定係炸醬🥳呢間米線就係專門剩係食雞肉，除此之外，湯底亦都有好多唔同嘅選擇😻而家就講吓嗰度嘅米線質素🙌🏻➡️酸辣雞湯米線 $49份量方面，米線真係好大份😱雞亦都有成五、六嚿，所以以呢個價錢黎講都真係好抵食👍🏻味道方面，先講講個湯底，呢個湯底以酸為主，辣度就係譚仔十少辣😻米線方面，都算彈牙，不過耐咗就有啲淋😿最後講下啲雞，講真大部份雞都係骨，肉真係好少🥲不過都算嫩😚整體黎講，一般般🙌🏻

今次推介一間湯底特別嘅粉麵店💓呢間店嘅性價比非常高😊⭐ 椰子雞湯米線 ＄58湯底有椰子嘅甜味亦有雞湯味食落去唔喊 唔重口味 👍米線嘅份量多😋有五六件雞 份量都多雞肉嘅口感普通 唔算好滑不過呢個價錢嚟講好合理😄推薦指數：⭐⭐⭐⭐⭐ 酸辣雞湯米線 ＄53酸辣湯底有驚喜🌟辣度較持久不過酸辣味令你越食越開胃推介畀鍾意食辣嘅朋友😜🙌推薦指數：⭐⭐⭐⭐價格：⭐⭐⭐⭐⭐環境：⭐⭐⭐味道：⭐⭐⭐⭐衛生：⭐⭐⭐⭐整體：⭐⭐⭐⭐

成日聽到啲人話農米莊嘅嘅湯底配米線夾到絕一絕，於是今次決定要來試吓佢嘅養生健康之選 - 椰子雞湯米線🤤見到姐姐捧住米線嘅時候已經聞到好香嘅椰子味🤩，見到呢個賣相簡直係流晒口水呀。先試佢第一啖湯底，真係飲得出好香濃嘅椰子味熬製出嚟嘅湯底，而且又唔鹹，我食到最後真係差唔多飲晒成碗湯🤣佢每一件雞都好滑👍🏻又有豆腐卜、木耳、菜，食落都健康嘅。米線同出邊食開嘅差唔多，下午茶來講真係幾抵食㗎🥰 鍾意食椰子嘅你哋不妨試吓呀👍🏻

成日行過都無入去，終於今日去試。椰子雞湯清甜既，不過雞件就普普通通，可能隻雞太瘦，不過唔算太差。藥膳湯好香既，飲落口味都係清既，順口。咁米線份量算多，一定夠飽肚。疏菜份量都足夠，食落成餐好平均，但真係無乜特別。野飲都係叫返普通野好啲，杯特飲顏色太特別，味道都好非凡，唔係難飲，但飲得唔太舒服。因為一開波無人畀餐牌我地，就得張米線可以揀。後來見到佢仲有個雞配香菇飯，可能仲會去多次試埋個飯。人就係咁抵死，唔食過唔心息。

以前大學時候成日食尖沙咀個間，因為佢標榜無味精，以前好鐘意飲埋啲湯~今日去旺角就再想食返當時既味道。我叫左一份椰子雞湯米線($58)加鴨血(+$12)。米線農米雞件，唔難食，但唔滑，有啲鞋。配料都算足既，有椰子絲、冬菇、雲耳、枝竹、豆卜同幾塊菜。另外加既鴨血係酸臭既，完全壞哂。對呢一餐好失望，成個米線比起以前既水準差左好多。唔會再黎食!

係旺角見到呢間主打湯底嘅米線舖決定嚟試下～餐廳主打係佢嘅湯底 選擇都好多有得自選餸 都有得揀set好咗嘅配搭感覺特色米線比較吸引🤤p.s午餐下午茶時段會有唔同嘅價錢嫁～花雕雞湯好香酒味🤩 飲到停唔到雞件都好滑 料都好多雖然貴少少但好推薦！湯底無花雕雞湯咁驚喜 但都飲得出好足料👍🏻豬軟骨煮到好腍 入口即溶🤤本身以為湯底係柚子湯 但原來係融入係豬軟骨度食落酸酸甜甜都幾得意嘅😂————————————————————————總結個湯真係好出色！份量都好大碗 好足料但米線比較腍 如果爽口啲會好啲幾值得試下！