NN Coffee & Gin (Under Renovation)

鰂魚涌區呢間粉紅系夢幻Cafe💕喺網上略有名氣，一開始我都係衝着佢嘅裝修同埋非常岩打卡嘅飲品而黎，但係估唔到佢啲手工意粉會咁出色！比起我之前食過I 字頭嗰間好出名嘅意大利手工意粉仲好食，佢啲闊條麵煮到外層軟化，中間半熟不生，非常有咬口但又唔會過硬喎💯技巧拿挰得好好！而且價錢係平一大截，唔使$100 有一碟，環境又乾淨明亮，好舒服可以坐一個下午，以後我一想食意粉，我諗我都會推介朋友過黎！香蒜大蝦意粉🦐$98 (🌟9/10)大蝦size 好巨型，足足有5大隻，非常爽口彈牙新鮮，闊條麵正如我上述，質感令人驚艷，香蒜味道濃郁，不過因為呢個意粉有三大隻紅椒，會越食越辣㗎🌶️唔食得辣嘅朋友要注意🤫煙花女意粉 💃🏻$98 (🌟9/10) 開頭聽個名都一頭霧水，但係店員推介我哋就試試，呢款手工扁意粉就係用茄汁做醬汁基底，比起大蝦個款我更喜歡呢款嘅濕潤感，材料有鯷魚乾、蕃茄、橄欖、酸豆等，食起黎酸酸甜甜好開胃Around the world 🌎 $108 (🌟8.5/10)我好鍾意去旅行，亦對地球儀情有獨鍾，所以喺網上見到啲呢杯嘢飲已經bookmark 定要黎，呢杯酒用左地球儀裝住，再放入行李箱，靚到同朋

今日又係一個人食飯喺太古城附近都有唔少好嘢食, 喺openrice睇到這間打卡推介餐廳，就上嚟試下一出𨋢就見到這間餐廳裏面滿滿粉紅色，有好多花佈置，就入去坐低坐低睇餐牌有咩食就見到餐牌個尾，有呢個 空中舞蹈試堂，覺得真係幾有趣， 現代舞試堂竟然只係100蚊1.香蒜大蝦意粉隻碟好大,裏面份量睇落好似好少，實際都合理最尾係食飽嘅估唔到成碟裏面蝦嘅份量好多，而且都幾大隻，食落係爽口意粉感覺比較厚身，所以食落比較煙韌 飲品揀咗rose latte我要咗小甜，感覺濃味了一點，下次叫正常甜都可以， 飲落有陣陣的玫瑰味飲住rose latte望住周圍都係花，覺得好似沉浸咗喺花海裏面雖然今日係一個人嚟食飯，但係感覺喺呢個咁浪漫嘅環境，成個人都覺得好放鬆侍應都非常細心，喺飲品同食物未上前，主動遞上一杯暖水，非常非常細心整體覺得下次閨蜜聚會都可以嚟呢又或者呢放假可以去嘗試舞蹈試堂

最近鰂魚涌新開咗一間咖啡店crossover瑜伽嘅cafe，有好多花花裝飾同打卡位！咖啡店嘅食物方面有很多選擇，咖啡、小食、沙律、甜品都有，選擇多到令人眼花撩亂！ 我試咗蒜香鮮蝦手工意大利粉($98) 一份。闊條麵十分彈牙有口感，配上蒜香鮮蝦，味道鮮美！而佢哋嘅脆炸黑松露薯條 ($68)，炸得香脆，加上黑松露嘅香味，真係好香口！如果唔想飲酒精飲品，可以試下佢哋嘅Signature Tea。我叫咗 The Dusk ($50)，係伯爵Earl Grey茶底、加上蘋果汁同桃汁混合嘅飲品，味道香甜！如果你鍾意酸酸甜甜嘅，可以試下 Sour Sweet ($50)，係一杯英式早餐茶、檸檬同埋接骨木花混合嘅飲品，味道清新！最特別嘅係，呢間咖啡店同時有埋瑜伽教室，食完飯上埋堂wheel yoga，伸展一下，超relax!

隱身於大廈裏的餐廳和教室，這裏表面看是一間餐廳，但原來內有乾坤，是一間集教瑜伽、舞蹈教室在內的打卡餐廳。用上玫瑰粉色作主題，有花花牆和裝飾，牆上有優雅姿勢的呼拉圈瑜伽壁畫，感覺充滿少女心。可以填飽肚子、打卡和上瑜伽班，一次過滿足三個願望💫♡蒜香鮮蝦手工意大利粉$98 🥢必點🥢十分足料呢！有四、五隻蝦，而且用上鮮蝦，大隻彈牙，而手工意大利粉滑溜有咬口，口感特別！配料有紅椒、蘑菇加上蒜香，味道惹味～♡脆炸黑蒜沙律醬薯條$68平日吃黑松露薯條多，所以看到這款黑蒜沙律醬薯條就想嚐嚐了～薯條粗身大條，放下口很有滿足感，而黑蒜沙律醬味道帶有黑蒜的香味和少許沙律醬的酸味。♡Pink Lychee Martini $108Gin,Lychee,Rose,Vermouth由氈酒、荔枝、玫瑰、加烈萄葡酒調製而成，飲品用金色的裝飾盤子放上，非常打卡啊！在粉色花襯托下，飲品很有仙氣感，面層還有一層泡沫，這杯相比另一杯，感覺酒味濃一點。♡Around The World $108Gin,Caramel,Cauracao, Lemon,Soda Water由氈酒、焦糖、庫拉索酒、檸檬、蘇打水調製而成，同樣打卡一流

不嬲都有做開空中瑜珈，見到太古有間結合空中瑜珈同cafe既餐廳，裝修非常之少女心，啲野食都好打卡able，即刻忍唔住去試吓！😍cafe入面有兩間房仔For空中瑜珈。設有試堂，所以即使系瑜珈新手都可以上～我就報左Hammock Flow，上堂氣氛好開心，瑜珈Miss超nicee🤍—————————————————————🌸煙花女手工意大利粉｜$98好可惜果日下午去到所有手工意粉都賣晒😢所以轉左扁意粉，但賣相都一樣靚。煙花女口味系用番茄、橄欖油、油橄欖、蒜、鯷魚等配料煮成既意粉醬。食落好重橄欖同番茄味。🌸脆炸黑蒜沙律醬薯條｜$68出面比較少食到呢隻醬既味道～黑蒜味剛好唔會太濃，所以食到最後都唔覺得膩。薯條夠熱夠脆，放左一段時間都冇變淋。-飲品方面真系不得不說賣相靚到癲-🌸Birdlie｜$108靚靚既鳥籠～酒味比較重，味道以檸檬、橙清新水果為主。🌸Around The World｜$108呢杯直頭成個箱咁上，現場睇真系好震撼，成個地球放左系眼前咁😂味道系甜汽泡酒，酒味唔重，有淡淡接骨木花味，好啱女仔飲👍🏻—————————————————————由食品到飲品都睇得出製作好用心，隨便影都靚。

好方便又有特色嘅cafe，呢度可以食野又可以上瑜伽堂，今日玩左wheel yoga 🧘‍♀️ Studio空間好大，除左wheel yoga, 仲有aerial 同hoop 做完yoga, 同朋友傾下計又可以食下野飲返杯🥰蒜香鮮蝦手工意大利粉🍝好香蒜香味，意大利粉用特製手工製造，加上好多鮮蝦，還有紅黃椒同菇類，味道加視覺都好正👍Love Hug🍸好靚嘅紫色 cocktail 🍸 原來有 gin酒, elderflower，檸檬汁，仲有好靚好香嘅 lavender 薰衣草

近年香港多咗好多少女風打卡Cafe，呢一間除咗有嘢食仲主打空中瑜伽，餐廳旁邊就係一個studio。叫得做少女風Cafe，除咗裝修，佢嘅服務都好細心。一入門口嗰個侍應上咗水，杯水係暖嘅。Ice mocha 咖啡師提醒要攪勻底部嘅咖啡先飲，免頭嘅泡沫都幾厚，飲落去偏甜的。適合一啲冇飲開咖啡嘅朋友。香蒜大蝦意粉大蝦全部剝曬殼，細心。除咗香蒜之外仲加入咗青椒同紅椒，所以食落去有少少辣辣地。蒜油嘅調味偏向仲食，我覺得有少少似平日炒河，意粉係手工意粉，幾有咬口。

估唔到呢度樓上有間裝修得咁靚，充滿鮮花，少女粉紅心嘅Cafe !!!餐廳裏面播住音樂，位置唔算多，不過都坐得幾舒服。餐牌嚟講，佢係主打手工意粉，同埋特色飲品。蟹肉南瓜牛油果手工意粉首先手工意粉嘅質地好煙韌，而且係闊條麵，賣相吸引，而且飽肚。蟹肉配上南瓜同牛油果，配搭清新。而且唔會油膩。配搭一流，特別開胃。卡邦尼手工意粉味道夠濃，而且煙肉份量頗多。一個女仔份量啱啱好。飲品方面，有分酒精同非酒精。我哋嗌咗一杯Rose Latte.呢一間餐廳貼心嘅地方，就係可以嗌脫脂奶。而且拉花特別，賣相吸引。有淡淡嘅玫瑰花香味，唔會太甜。LoveHug 佢係一杯心型嘅嘢紫色飲品，外貌吸引打卡一流。佢材料包括有接木花，檸檬，薰衣草味加上Gin酒。感覺酸酸甜甜，而且每樣材料都平衡得幾好，唔會太甜或者太酸。Conclusion:而呢一個價錢嚟講， 無論環境，食物質素，CP值幾高。而且適合一啲班女仔朋友嚟食飯傾偈打卡。

-🍴🍽🍴🍽🍴🍽 🍝 🧘‍♀️ 🍷 🧘‍♀️ 🍟 🍴🍽🍴🍽🍴🍽-🥢 煙花女意粉 $98 🆗 材料有鯷魚乾、橄欖油、酸豆、蕃茄醬汁配闊身嘅手工扁意粉。醬汁有少少偏濕，不過食起上嚟酸酸甜甜好開胃👍🏻。🥢 炸黑蒜沙律醬薯條 $68 🆗 炸黑蒜沙律醬薯條嘅醬汁幾香口，有淡淡嘅黑蒜味，薯條新鮮炸起好乾身，外表呈金黃色，熱辣辣好酥脆🤤。🥢 The Dusk $68 🆗 The Dusk伯爵茶做茶底，再mix咗桃同蘋果汁飲落有淡淡茶香，亦有濃果味，非常清新👍🏻。🥢 Birdie $108 🆙呢款gin酒用嚟打卡一流！大大嘅鳥籠中間有一個雀形嘅酒杯，用gin做基調，加入菠蘿同橙汁，果香味濃郁，酸甜可口，好適合女士飲用😋。📌 NN Coffee & Gin 以瑜伽+ cafe輕食為主打，餐廳環境舒適，適合同閨蜜一齋嚟打卡。🥸評價 𝗥𝗮𝘁𝗶𝗻𝗴𝘀🥸食物 𝗙𝗼𝗼𝗱 7/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7.5/10服務 𝗦𝗲𝗿𝘃𝗶𝗰𝗲 8/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10整體 𝗢𝘃𝗲𝗿𝗮𝗹𝗹 7.375/10-🍴🍽🍴🍽🍴🍽 🍝 🧘‍♀️ 🍷 🧘‍♀️ 🍟 🍴🍽🍴🍽🍴🍽-🗺 NN Coffee &

<NN Coffee & Gin> 📍鰂魚涌🔸設計極具心思 🍹 打卡Cocktail 😻😻😻🔸粉紅攻擊 💗💗💗 滿足少女心 上次試過依間餐廳，感覺好特別。不過Lunch實在太多人，食唔到有啲唔忿氣 😆 專誠放工再過嚟，夜晚人流少啲，仲有打卡位坐 😁✌🏼蒜香鮮蝦手工意大利($98) — 估你唔到！竟然有五隻大蝦 🤩 大蝦口感爽脆，配合上手工意大利麵，細膩滑順 😋😋😋 蒜香微辣，好味！煙花女手工意大利粉 ($98) — Spaghetti alla puttanesca嘅主要材料相當簡單，用橄欖、提魚乾、酸豆同番茄做出醬汁，識落鹹鹹酸酸咁樣好惹味 🥴 不過就真係冇乜配料。《當你唔尷尬嘅時候，尷尬嘅就係人哋系列》🤭 要打卡就千祈怕醜，當我叫Gazelle(Gin Tonic)果陣指到明話想要埋後面啲菇菇森林打卡用 🤣🤣🤣🤣🤣🤣🤣🤣 影相出嚟嘅效果真係好靚！好靚！好靚！少女心大爆炸！💗上次飲過Around the world 🌎 今次就推介左朋友是飲呢杯Cocktail 比朋友 💙💙💙 Gin + Cauracao（委內瑞拉藍色酒），個人覺得味道有少少似焦糖味。

呢間cafe同Yoga Class係同一個地方做Yoga之前食個meal🙆🏻‍♀️Cafe唔大～但坐落舒服☺️野食都唔錯😆.🔸蒜香鮮蝦手工意粉用左磨菇，鮮蝦，蒜片，紅椒，食用花，新鮮蔬菜加闊條意粉整成～ 鮮蝦有5隻，仲要大大隻，新鮮彈牙！調味方面唔太濃，但又好入味，意粉都算掛汁，食到尾都仲有汁，不錯🤓.🔸黑松露醬薯條新鮮炸起既薯條，份量都幾多，黑松露味幾濃，連d醬都食曬🫢.🔸Lychee Martini荔枝味重，但酒味都好重，鍾意重酒味既可以試下😆.🔸Around The World焦糖配檸檬，飲落甜甜地，少少似糖味，幾特別🥰.食完坐一陣仲可以直接上瑜珈班，超方便～ 課室都算大，有6條空中瑜伽繩🙈 導師知我地教得初學，有特別照顧同幫忙，唔錯既體驗😛.📍NN Coffee & Gin (鰂魚涌)鰂魚涌英皇道1001號11樓1號舖

太古站B出口出轉左直行過對面馬路，見有幢大廈寫住「1001 King’s Road」，㩒lift上11樓就到。NN Coffee & Gin呢間餐廳隔離就係Pole Beat Gallery。可以去Pole Beat Gallery做瑜珈。做完瑜珈出黎食野或者食完野先做瑜珈又得，食野做運動一條龍，正呀！👏🏻👏🏻👏🏻❤️蒜香鮮蝦手工意大利粉手工意大利粉軟硬適中有口感好香蒜蓉味滿口蒜香有好多蝦同埋蘑菇片，用料十足、口感豐富❤️脆炸黑蒜沙律醬薯條薯條炸到金黃色，夠乾身唔會油，入口香脆，外脆內軟，點埋黑蒜沙律醬食，好味到停唔到口😋！❤️紫薯latte 🍠紫薯latte 上拉了心形❤️圖案～飲落有奶香，加上紫薯的微甜飲到最尾重有啲紫薯蓉，真係真材實料！❤️熱朱古力咖啡師在熱朱古力面上拉了天鵝🦢圖樣，很美～😍朱古力味濃郁🥰

今個星期日約咗朋友去鰂魚涌呢間cafe食嘢同做Ariel Hammock 😝 導師教得好好 教得好清楚 好有耐性 場地好靚 夠大又舒適👍🏻做完yoga 同朋友坐低飲杯茶同食啲嘢 好relaxing🥰-🍝蒜香大蝦意粉 $98大蝦煎得好香口 有5隻 全部都好大隻醬汁有少少辣 有橄欖油 不過唔油 意粉都係手工製 所以好有咬口好煙韌 而且好掛汁-🍟脆炸黑松露薯條 $68粗炸薯條好大份 炸到好脆 黑松露醬汁味道濃郁 我哋點點下就食曬成碟-🍹Rosé $50我比較鍾意呢杯 佢入邊有玫瑰花 同荔枝汁 玫瑰花好清 同甜甜地嘅荔枝汁好match-🍹The Dusk $50用左蘋果汁 桃汁同Earl Grey tea 🍵有桃既香味 好fresh -📍NN Coffee & Gin 鰂魚涌英皇道1001號11樓1號舖#quarrybaycafe#quarrybayfood@nncoffeehk @polebeatgallery

同女朋友喺銅鑼灣整完頭天氣熱到不得了 想飲番杯女朋友又話想飲咖啡用openrice搵到呢間搭幾個站就到嘅餐廳有酒飲又有咖啡飲餐廳位於鰂魚涌英皇道1001號11樓即係太古站B出口行幾分鐘就到餐廳好闊落 燈光鮮明 裝修好少女風好pink啱晒女朋友打卡 喺餐廳食嘢仲可以用優惠價係隔離上空中瑜伽堂 夠晒過癮天氣雖然好熱，但係仍然都夾唔到我哋想飲嘢嘅興致女朋友一眼就揀左呢杯紫薯拿鐵打卡一流之外 入口都出乎意料之外地好飲因為出面好多紫薯飲品都係落調味糖漿而nn既就唔會係咁 紫薯既香味同咖啡味中間有個平衡 入口有啖啖紫薯香又唔會over荔枝馬天尼一上台已經聞到陣荔枝味入口先係荔枝既香氣再黎既就係馬天尼既醇香飲到停唔到！蒜蓉大蝦意粉五隻超彈牙大蝦 加上蒜蓉香味將手工意粉提升到另一個層次唔係坊間既死咸 而係鮮同香味既交融煙花女意粉番茄、橄欖油、油橄欖、鯷魚、辣椒、蒜幾樣簡單既食材將個意粉提升到另一個層次手工意粉好掛汁 每一啖都好濃味飲飽食醉係呢個地段 每人200都唔洗抵食！

Simple but slightly elegant decoration this restaurant has. I came here for lunch after 2:30pm, so it’s even more cozy with not many people. We ordered two handmade pasta as it seems to be their signature. 煙花女手工意大利粉Handmade pasta is a bit chewy with very good al dente. The sauce, though I can’t really describe what it is made of, os really tasty. The pasta can hold the sauce. Olive, mini tomato and mushrooms are added to make it more refreshing. The pansy flower (?) put on the top make the pres