無邊 (大壩街) (Closed)

今日去咗呢間荃灣西餐廳我哋叫咗佐一個德國豬手套餐有埋兩個餐湯，兩杯飲品同餐包，另散叫一個德國腸意粉，食到真係好飽😎呢個德國豬手真係好大隻，肉質幾嫩，不過佢個皮唔係脆皮口感係淋身，有少少甜度食落去都幾特別，我幾鐘意，而個餐湯係南瓜湯，可以食到南瓜蓉，幾淸香，好飲個餐包就有少少香草加牛油去焗嘅，夠香口而另一個德國腸意粉分量都好多，醬汁好濃不過我覺得有少少過咸，食完不停飲水😅下次就唔會再叫呢個，好驚過咸😟兩杯野飲，我係叫佐一杯凍檸茶，一杯士多啤梨朱古力，士多啤梨個朱古力真係甜到一個點，飲佐兩啖，冇再飲，下次都係叫返檸茶穩陣啲🤣整體來講環境幾好，食物都唔差，下次試吓佢個all day breakfast 🤓

‼️ 𝗡𝗼 𝗕𝗼𝘂𝗻𝗱𝗮𝗿𝘆 ‼️•① ［ 煙 鴨 胸 香 蒜 炒 意 大 利 粉 ］| 超級好食٩(ˊᗜˋ*)و呢個配搭平時都好少見～炒得好入味♥️而且個份量好多！推薦arrrr (*´ω｀*)｜𓋪9/10·② ［ 菠 菜 汁 雜 菌 意 大 利 飯 配 大 啡 菇 ］｜呢個又係好好食:3大啡菇好𝚓𝚞𝚒𝚌𝚢而且菠菜汁唔會話太草青味接受唔到✌🏻｜𓋪8.5/10·③ [ 𝗚𝗲𝗿𝗺𝗮𝗻 𝗦𝗮𝘂𝘀𝗮𝗴𝗲 𝗣𝗹𝗮𝘁𝘁𝗲𝗿 ]| 唔同香腸的大集會。不過味道有少少偏鹹～同埋冇乜特別｜𓋪6/10·No Boundary (Tai Pa Street) (Tsuen Wan)G/F, 9 Tai Pa Street, Tsuen Wan

試過銅鑼灣店，今次黎到荃灣又想encore下。呢間舖位較大，有多d裝修同擺設，好鍾意頭頂呢個樹燈，好有森林feelAll day breakfast勝在夠豐富, 而呢度可以揀唔同配搭同份量, 胃口大既夠滿足, 細食既都唔怕晒💛 今次嗌呢兩個都比deluxe少d材料，但份量1d都唔細 炒蛋超級無敵滑溜但唔水汪汪, 煎蛋留有流心蛋黃而外脆邊🍳 擺盤仲好靚添！套餐本身都已經包簡單檸茶，不過咁熱都係想試下其他凍飲，咁大杯其實真係好抵！朱古力仲要有好多cream係上面，肥得黎開心-No Boundary Classic All Day Breakfast🥓($68)No Boundary Fry-up All Day Breakfast 🍳($88)🍓Strawberry Chocolate (+$12)Iced Mint Chocolate (+$12)-No Boundary銅鑼灣希雲街9號地舖Mon-Fri 1200-2200, Sat-Sun 1100-2200銅鑼灣渣甸街61號地舖西環吉席街70號地舖1200-2200荃灣大壩街9號地舖1000-2200北角和富道92號地舖0900-2

多次經過此店都被其「德國豬手」的廣告單張吸引，但都怕份量太大，所以約齊人才來試吃今天一行４人，２男２女，點了一份香煎雞肉沙律配牛油果煎蛋及法式麵包；柏林德國豬手套餐；炸洋蔥圈香煎雞肉沙律配牛油果煎蛋及法式麵包$98意想不到的是香煎雞肉是切粒上菜，作為沙律來吃，十分方便雞肉有少少調味，應該是以燒烤醬調味，味不太濃，５毫子般大小伴碟的煎蛋是流心蛋，雖然蛋味欠奉，但配以蒜香包一起吃，是不錯的選擇牛油果軟硬度剛好，生菜也新鮮翠綠柏林德國豬手套餐$258 果然和圖片一樣，豬手份量頗大，比餐湯碗還大，份量足夠３人享用，如果還想試其他食品，建議４人來吃包括有豬手一隻，4片蒜香包、２碗南瓜湯、２杯飲品(套餐價加$18-$28不等)蒜香包，蒜味和牛油味都有，麵包軟熟餐湯是南瓜湯應該沒有加忌廉，因為湯不是太濃稠，只有淡淡的南瓜味，沒有忌廉味輪到今天的主角出場在我印象中多年前到德國旅遊也吃過德國咸豬手，當時吃是外皮焦香酥脆，豬質嫰滑，味道是偏咸，而且是蘸以芥末醬。今天所吃的則截然不同，豬手一絲絲的肉質非常軟腍，接近入口即化的口感而豬手的厚實的外皮也是腍的，並不是燒得焦脆可口，非常肥美味道方面則是偏甜的，沒有

記得應該大概三年之前去過呢度食野，當時係食套餐再加嘢飲，印象中杯嘢好大，所以只係飲咗一半個人已經飽飽地🤭 今次同朋友去食dinner, 好彩亦都沒有眼闊肚窄叫太多野，如果唔係又食唔晒🫣講下個egg Benedict先。我自己其實幾鍾意呢樣嘢因為好鍾意切流心蛋個feel, 同事亦都鍾意啲蛋黃汁流落去麵包一齊食🥰不過今次隻雞蛋有少少唔夠流心，有點out of expectation。其實仲有個炒煙鴨胸意粉，冇影到，個賣相望落去有啲深色，但係個味道係幾好，just right. 另外就係呢個焦糖朱古力奶，太大杯了，一個人好難飲晒🤣

據稱係主打All Day Breakfast結果我人生第一次夜晚食All Day Breakfast嘅經驗就交付左比佢😂仲要第一次見到有海鮮😳//我自己叫㗎呢 係圖二嘅 ($138)貴出面嘅All Day Breakfast十幾蚊啦都算幾多野食嘅 食完都有七八成飽尤其是隻蛋嘅份量係比眼見感覺上多你話有三四隻蛋我都信🤔表面就比較滑嘅 裏面就普通啦又未至於話有好香蛋味 👌🏻咁其實成碟野基本上都係依個狀況味道係OK 但冇乜啲咩好突出個菇都有汁嘅 但唔算厚實牛角包都唔脆了 煙三文魚得一片 茄汁豆好爛 楓糖煙肉哪有楓糖味(?)如果蕃茄可以整厚身啲煎一煎咁會比較對得起個價錢 🫡//咁返返去圖一嘅 ($158)佢少左隻菇但多左兩隻蝦兩隻青口海鮮味道都係冇乜記憶點的 感覺一般我隻青口仲要內藏碎殼 咬到啲牙差啲爛咁我個人就prefer翻$138了😔//至於野飲 套餐價+$18 each就叫到依兩杯&我就飲士多啤梨果杯嘅士多啤梨同朱古力糖漿味So Heavy朱古力唔夠濃 士多啤梨會搶曬//分數: 5.5/10✨聽講平時好多人排 幾多正評 但我自己唔會推薦At least not all day break

之前係銅鑼灣那間No Boundary 食佢地既All Day Breakfast食左不下數十次，每次都很好味同好抵食。可惜，今日來到荃灣呢間食同一樣菜式，但味道完全係兩回事。楓糖煙肉無落楓糖去煮，完全係乾身同無味；茄汁焗豆煮得很爛；粟米無牛油味；牛角包亦唔係銅鑼灣那間會先烘熱番再比客人食。呢間是凍同唔脆口。總之，荃灣呢間完全比唔上銅鑼灣那間。會番去銅鑼灣食都唔會再來呢間食。雖然價錢一樣，但味道係天同地比。

【大過手掌🖐超淋外皮厚肉豬手+risotto+意粉】呢間No Boundary，有銅鑼灣、荃灣、北角、西環、元朗分店，係朋友介紹我黎食豬手，話好淋好大份，佢兩個人食都差啲食唔曬😂自從第一次食完一試難忘，真心好淋呀❤而且size大過手掌(我女仔手細，男仔手另計😬)，叫左佢個豬手set，包4片garlic bread slice、二人湯、兩杯野飲(特飲另加$), 兩個人食真係食唔曬。4人的話，叫多兩碟main, 飽到豬手要努力清先清得曬(even it is soooooo good😂我會大推佢既豬手，可以齋點豬手set，$258 (extra 10%)btw, 佢有outdoor位+有蓋ourdoor位(餐廳有大大french window開期打開)，所以養寵物朋友可以考慮試下！！✏✏✏✏✏✏✏👅味道：9/10🌌環境：8/10👍🏻推薦：9/10 ______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，exp

No boundary (荃灣）喺荃灣揀咗好耐嘢食上網見到呢間評價唔錯我就去試吓啦1. 德國豬手- 份量都幾大 兩個人食好似太多咁- 外皮脆卜卜 而肉質就比較林身易入口- 本身都好夠味道我自己都冇特別去加任何嘅醬汁就食到lam lam 脷2. 煙鴨胸香炒意大利粉- 個意粉甜甜地- 鴨胸🦆份量都唔少- 食到最後有啲油膩💧3. 香橙熱情果- 野飲就不過不失 冇咩特別 呢度其實環境唔錯同朋友聚會都係一個幾好嘅選擇嘢食方面就一般般味道：🌟🌟🌟/5衛生：🌟🌟🌟/5回頭率：🌟🌟🌟/5

因為某人話好耐無食話toast ,特地要求黎食lunch!抗疫期，唔多人黎食lunch!侍應都係果啲唔係好好services 既外籍人士！入到去無人係入面！我地係第一台客，走既時候就有人黎啦無邊厚多士特登嚟食呢一個係多士，水準就梗係有㗎啦，不過即叫即整，就要等耐啲時間，而且個底就燶咗啲！一般來講呢一個都真係幾好食幾爆肚好香口！意大利飯呢，我就覺得同我老公整嘅水平差唔多！唔多似餐廳嘅水準！我食剩一半有多…Double chocolate 我覺得個味道就比較淡，冇我想像中咁有濃郁嘅朱古力味道，對朱古力控來說說失望左啲！不過價錢來講，都幾抵食嘅！性價比都幾高！而且佢個湯都幾好飲

之前已經食過佢嘅晚餐，覺得好抵食！所以今日再嚟試下佢嘅午餐😋估唔到2點幾去到，都已經坐滿咗9成！今次嗌咗一個Royal Breakfast ($138) + Creamy Smoked Salmon & Mushroom Spaghetti ($128)～Royal Breakfast 有沙律、蕃茄、煙三文魚、茄汁豆、粟米、細牛角包、腸、炒蛋、煙肉同埋大啡菇。覺得食落冇太大驚喜，但炒蛋做得幾好，粟米有牛油香，牛角包可以熱啲！🍅🍳🥓🥐🌽🥗而意粉方面就有驚喜！本身以為係普通白汁意粉，但食得出好重芝士味！！好好食！真係名副其實Creamy Spaghetti～😋 兩個人食啱啱好，意粉好大份！！遲啲再嚟試下其他嘢～☺️✨

荃灣之友推介西餐。餐廳位於荃灣西站，步行約14分鐘，路程有點遙遠。不過朋友推介，所以就決定和朋友試一試。我們大約六點左右到達。裝修方面，環境空間感舒服。人流比較多的一間西餐廳🍴主菜方面和漢堡包🍔味道贊❤️❤️❤️❤️❤️而價錢方面中等，服務態度不好錯，會再去的一間西餐廳👍🏻也會推介朋友。特別推介德國豬手，外皮烤到脆卜卜，肉質鮮嫩又Juice，分量比想像之中大，配上醬汁更加美味可口。☺️☺️☺️

呢間餐廳之前都有聽過但一直都冇食過🍴餐廳嘅坐位好多而且好闊落😳佈置睇得出好有心機😜lunch menu 嘅款式都好多選擇🤩🔸餐湯🥣應該係蘑菇湯🍄但湯落咗好多胡椒🧂唔係好飲到其他味🥲🔸挪威煙三文魚野菌意大利飯 $128呢個認真正🥰每一啖都食到煙三文魚🤤而意大利飯上面有兩塊煙三文魚😙飯裡面有有菇同番茄🍅而平時嘅意大利飯都係偏硬呢個就唔硬🙌🏻而且一定都唔膩😚🔸帶子配墨魚汁海鮮扁意粉$158🦑呢個相對較清淡👐🏻而配料有魷魚圈🦑帶子同3隻青口,意粉係用橄欖油炒😗整體黎講適合冇咁重口味嘅人而個人就一般般🤨🔸冰凍Oreo朱古力奶 +$18飲品嘅賣相好靚😍而朱古力奶就係正常🙌🏻而Cream都好棉😚但Oreo可以再多d就更正😆

讚：1 環境闊落2 咖啡唔貴 三十銀就有一大杯彈1 時勢艱難 見佢lunch都無心就支持下 但實在唔得 招牌Toast上檯超靚仔 結果另一邊係完全燶既 要邊食邊刮走啲燶位先得 另一個菜式雞肉牛油果 成份餸都係雪味 食唔落

#黃店🇭🇰TW-No boundary呢間黃店之前成日有聽人講過，但終於可以去試，試食既日子都距離我PO呢篇稿有一段小日子，果時仲有晚市食，係呢間舖頭食食吓停電haha仲要停電果下連主菜都未到🤣要摸黑咁食咗半餐Dinner～～呢個經歷都好似係第一次 不過舖頭員工好似見慣見熟 勁冷靜😆🤘🏻小編同朋友仔係叫咗晚市二人SET～有餐湯兩個主菜可以加配飲品 加配嘅飲品大杯好飲🤘🏻👅 煙鴨胸香蒜炒意大利粉(⭐7/10) Haha呢個其實係好食既，但個感覺好似中式嘅乾炒意粉，香蒜味唔算太出，冇乜驚喜同埋特別，煙鴨胸唔會太肥，味道適中，唔會煮得太鹹，食落有少少甜甜地嘅味道👍🏻👅3X3炸雞翼拼盤(⭐6/10) 呢個係有三隻唔同口味嘅雞翼拼盤，個雞翼炸得好好食，外脆內滑，不過佢既唔同口味只係面上既汁有所唔同(好似係沙律，茄汁，蜜糖)，所以覺得佢既雞翼唔算話好特別😶‍🌫️可以試吓其他小食～～👅挪威三文魚野菌意大利飯(⭐8/10) 擺盤好靚，中間擺咗用煙三文魚整成嘅玫瑰花 好有心思，意大利飯好Creamy，亦都好入味，有濃濃既芝士同白汁味，成個飯仲配搭咗菇同三文魚碎喺入面，而且用料都非常多，好夾好好食～～但都因