貴族甜品 (元州街)

Open Now

Now Closed

🧱個牆d畫都幾有西方特色 。 畫畫既女人既衣著好似係一百年前果d咁 。 好華麗既⛪ 。個名好正 😂🤣😹 。 貴族先食得既甜品🍰🍧🍨🍩🍪🎂 ， 我衣d平凡人都想做貴族喎😏😼 。🥭芒果西米露$30 。 D西米唔會話煮到好林 。 都有咬口既😲 。 D mango 冇酸既 ， 全部都甜既。龍珠二世 $35 。 佢衣個個底係有珍珠奶茶果d珍珠既 。 同埋有小丸子甜甜地咁 。 都幾煙煙un un 。 其實佢都幾有杯咖🍨🍨 ， 所以食完都飽飽地 。

🍫心太軟配雪糕2球 $48心太軟外皮焗得焦脆 帶濃濃嘅朱古力味中間有朱古力漿但唔太流心係切開咗先見到 並唔係一界就流出嚟嗰種😢芒果雪糕冰感比奶味重雖然顏色金黃但其實只帶淡淡芒果味。朱古力雪糕質地都算幼滑甜度偏低味道偏淡 勝在夾雜咗啲朱古力碎片增加翻啲口感

芒晶晶 酒釀湯圓飯後一點甜 今日夜晚出奇地熱 食完行一陣想食多碗小甜品先返屋企搵到附近呢間 貴族甜品 芒果肉粒 雪糕一球 水晶珠 黑珍珠酒釀桂花芝麻湯丸 有淡淡的酒香和桂花的清香 個湯係暖湯黎既芝麻湯丸係自家出品 香甜爆餡芝麻餡不會太甜芒晶晶 非常多新鮮芒果肉加埋水晶爆珠 完全反相既質感 一口吃下 口感豐富有爆珠卜卜卜又有芒果既酸甜果肉 仲要加埋有冰凍既芒果雪糕非常降溫下火消費$70評分8/10深水埗元州街158號

已經食過幾次位於深水埗嘅貴族甜品，一直都覺得芒果口味最好食，今次試下楊枝甘露，果然芒果好濃稠，雪糕味好正，份量都夠多！下次都會再試其他但係店如其名，係有少少貴～

同朋友行街行到又熱又攰，咁啱行經呢間甜品舖，大家二話不說就入去。因為係午飯過後時間，店內顧客不多，女店員好nice 著意我哋隨便坐坐低望望Menu 實在太多選擇，但大家似乎都想食雪糕，點了三款附有雪糕嘅甜品▶️七星伴月(雲喱拿椰汁，西米，西瓜，雪糕，水晶珠，黑珍珠)▶️童趣 (鮮雜果，雙球雪糕）▶️芒晶晶 (芒果，雪糕，水晶珠，黑珍珠)牆上掛了幾幅壁畫，感覺好歐陸總結：店舖雖小但總算坐得舒服，甜品/糖水選擇眾多，份量亦豐富，下次一定會再來！

食完晚餐點少得搵下糖水食，見到呢間啲選擇都幾多樣化，有啲窩夫，雪糕，中西糖水，睇相已經有啲吸引，有食慾，又唔洗排隊，就入黎試試佢。法式焦糖燉蛋配雪糕50幾蚊，呢款甜品價位就有少少偏貴，佢焦糖面比較硬，同埋厚身，入面燉蛋味道唔係特別出色，雲尼拿雪糕似係普通既牌子，整體而言唔突出，不太值得。雙球雪糕配一堆水果30幾蚊，呢個反而感覺性價比會高啲，曲奇雪糕我本身都好鍾意食，水果唔會酸，都係正常發揮。下次有機會來會試下佢窩夫！

呢間野食左幾次但由始至終都忠於叫佢個❤️原盅椰皇燉蛋白雙丸❤️$58 (9/10) 係比較貴 但入面有齊我鍾意食嘅野*有2粒湯丸(芝麻味）*芋圓都好多*椰皇蛋白芋圓好夠味，椰皇蛋白好滑熱辣辣 好啱女仔食 仲係冬天食嗰陣仲開心外賣番屋企拎15分鐘都仲好熱雖然貴 但其實兩個人食都好夠今次另外仲試左芒芒小丸子 $ 30 (8/10)係芒果沙冰底 芒果一d都唔酸小丸子好煙韌😋

今晚係深水埗食完四川勁辣水煮魚後，大家建議去食甜品！朋友選擇咗「貴族」甜品‧已經唔係第一次嚟呢間「貴族」甜品，不過已經係好耐之前，只係記得無咩特別‧見之前大家既食評唔係太好，自己都試過有類似經驗‧唔知係咪轉咗手，今次店舖改變咗唔少， 除咗食物美味材料豐富，店內唔再係一班唔理客人既員工，店員服務態度一流，平時有禮貌既我，遇到呢位靚女店員都要大讚一吓。靚女店員衣著和樣貌當然好Sharp，原來除咗說話有禮貌，有問必答平易近人，又會顧及客人感受，盡量安排和滿足客人要求，讚呀~~ so good!我哋一行四人叫咗椰皇燉牛奶蛋白、杏仁糊、牛奶燉蛋白加紅豆同埋龍珠二世‧朋友既杏仁糊，遠遠已經聞到好濃嘅杏仁味，椰皇燉牛奶蛋白好滑椰香味超濃，而我既龍珠二世都能保持一貫水準，唯獨芒果真係有點酸，可能因為唔係季節原因‧今晚大家都非常滿足，對「貴族」甜品評價非常高 ，一定會再來‧我們離開前都向靚女店員讚一讚，比個like先 bye bye 啦 ‧

深水埗，食飽飽又口痕，食個甜品先綿綿冰第二次食哩間，試下我平時唔會食既綿綿冰，揀左乳酸味，竟然有4款配菜，唔使另多加錢湯圓加多樣熱食，但食唔慣咁大粒花生碎，仲有湯圓無餡，有d失望

呢日外賣自取app又有做$8優惠，指定款式係紅棗雪蓮子燉桃膠(原價$43)。我食晏時成日會經過呢間糖水舖，但佢2點先開，所以未有機會試過。今日有優惠，就一於偷走買幾碗同同事食下🙈。3點到去到舖頭，無乜人，都唔奇嘅，學生又未放學。店員阿姐好熟悉用部外賣機😂，唔錯，基本上唔使點等，就已經有得拎。糖水非常熱辣辣👍，唔係攤凍哂。等嘅期間，我係咁宜揭下個menu，見到都幾多選擇，有港式有中式，定價都唔平。拎到返office都仲係熱的，但個兜出面好似瀉咗啲，有啲黐立立...。打開見到個糖水都清清地，用個匙羹撩起，係見到有唔少材料嘅，紅棗、杞子、龍眼肉、雪燕、桃膠同皂角米，不過好似有啲料唔係好浸得開😅，桃膠同雪燕仲係一大餅/嚿，煲開咗唔應該係咁。再者，更恐怖係個糖水真係甜到起痰😖😖😖，太誇張了，好彩後尾加咗啲熱水就好啲。總括嚟講，如果齋講呢碗糖水，就真係麻麻地，係幾多料，但太太太太太甜😑，加上啲料未發得起哂，不過以優惠價嘅價錢諗，都接受嘅。至於其他甜品原價都唔太平，無乜特式嘢，環境又好一般，所以未必會嚟食，相信同區會有其他更好嘅選擇。

今日下午叫了糖水外賣 賣相看圖都不用多說吧，嘔吐🤮🤮🤮物一樣成個豆腐花淡而無味🤦🏻‍♀️🤦🏻‍♀️🤦🏻‍♀️零碎的紅豆沒有特別雪米糍放左豆腐花上 完全不夾 口感好怪🤢🤢🤢外面個皮都淋曬👎🏼👎🏼👎🏼👎🏼👎🏼令外同事叫的糖水也黎錯，於是打電話📞📞同舖頭講，點知有個女人聽電話 態度惡劣 叫我同事自己打去戶戶送吧 😤😤😤#千其不要中伏👿👿👿#不會再幫襯 👿👿👿

1️⃣宇治金時 $38小丸子夠煙韌，紅豆都夠淋，抹茶雪糕味道ok😆底層就係抹茶沙冰，有顏色但就冇咩味🤨要撈埋雪糕先好味，但又搞到味道淡左🙈.2️⃣白雪公主 $33 芒果雪糕再配埋新鮮芒果，芒果份量都幾多同都好甜，個底仲有好多河粉，不過我覺得多左啲😶.3️⃣七星伴月 $33個名咁中秋月餅feel😂原來係七粒圓碌碌既西瓜球伴住中間既雪糕球，仲有啲西米同水晶珠，味道正正常常🤣.4️⃣原盅椰皇燉蛋白雙丸 $53雙丸有芝麻湯丸同芋丸，椰皇味好香😁食落都算滑👍🏻

之前食過好幾次芒芒類，榴槤類都好食，態度都好，今日黎開長沙灣食飯，就黎埋食糖水，叫左個杏汁燉雪燕，黎到成碗白膠漿，同佢地講，黑晒面極差態度：「我地呢度係禁架喇，冇落任何野係杰架喇，椰汁都係禁架喇，問佢地可唔可以換，晦氣答咪換囉，諗緊換咩嘅時候就係廚房係度講黎講去問樓面同事換咩牙佢，其實有冇需要禁嘅態度對客，吾鍾意換俾人咪吾黎食囉

貴族甜品，不會再光顧食個最難食的芋圓，硬過石頭，因外賣返到屋企（5分鐘路程）打去同佢講又冇禮貌，唔認自己d食物質素差，同我講話因為凍的，所以係會硬硬地🤮🤮唔係第一次食凍嘅芋圓，離哂譜

有晚朋友話想食香蕉船，見呢度有所以就揀咗呢度食。入到去第一件好笑嘅事係....同其他客人一齊玩「爭櫈仔」。鋪頭裏面有一行二人位拍埋嘅長枱，我同朋友坐近門口，左邊仲有位。跟住staff話因為多人，要我同右邊嘅人一齊向左移。幾乎半張長枱嘅人都要移。所以我第一個感覺係間店好逼。之後最驚訝嘅係....香蕉船嘅雪糕有好多粒冰，仲要好大粒。如果1個雪糕係咁就算啦，個甜品有3個雪糕，3個有冰。都唔知食雪糕定食冰...如果有朋友想去呢度食雪糕/香蕉船，要考慮下先啦~