貴族甜品 (元州街)

Open Now

Now Closed

今日同朋友去黃金買野，熱辣辣想搵個地方坐下抖抖，附近好似無乜café，咁就去左呢間甜品店，叫左兩個甜品share食。白雪公主　$32點睇呢個配色都係bella而唔係白雪公主，芒果唔算多但都甜既，芒果汁有加糖偏甜，河粉好多下食飽飯食覺得膩，椰子味唔算濃但都滑既，雪糕係雀巢貨色，意料之中既因為個價錢都好抵下。少女時代睇個名唔知係乜，問店員先知，應該係因為顏色好少女啦哈。巨峰味刨冰配小丸子紅豆同雪糕。靚就幾靚既，食落完全唔夾，巨峰味糖漿好人造味；紅豆同巨峰又唔夾；但係紅豆同vanilla雪糕同小丸子又夾倒。正確泥講應該話個刨冰味錯左，整體都怪怪地。至在坐下，平平地簡單食下甜品，都ok既，

因朋友最近搬到長涉灣住，三個人house warming之後就搵甜品做完結，所以去左依間甜品。入到去每人叫一樣，再加一份糖不甩，一齊互相分享。第一道甜品係榴槤公主：榴槤味相當足，食落口有好多榴槤肉，可見用料充足。第二道係椰王燉3.6牛奶蛋白：牛奶好香而且唔太甜，唯一唔夠好就係可能燉耐左，蛋白唔夠滑。整份甜品連椰殼的肉都食埋。第三道甜品係紅棗雪蓮子燉桃膠：同樣料足，有兩三匙桃膠(算係甘),唯一唔好係太淡味，甜多少少會好D。第四就係糖不甩：無唔特別，所以唔多講了。

我同朋友上網團購左甜品放題券，可以黎到依間貴族甜品任食放題正鍾意食甜品既你地可以成日黎~依張係甜品放題餐單（心諗原來唔係全部甜品都可以放題😂）張紙上面既甜品可以任叫，中式西式甜品都有，如果想睇圖可以睇返普通餐單！甜品圖好吸引💕 我地叫豆腐花同芝麻糊，可以兩溝食😂味道正常，同普通出面食果d一樣，唔洗突登食，不過鍾意食都可以點。🤗另外有幾款甜品只可點一次，我地點左窩夫同心太軟，正呀😍 顏值好高，味道好好。窩夫熱辣辣，睇得出即叫即整，外脆內軟，加埋雪糕食，一熱一凍，一流👍🏻而心太軟朱古力味好濃郁！流心朱古力流哂出黎😍完全唔會因為放題就求奇整，高質👍🏻。最後我地每人好似都叫左十幾樣野，真係飽死😂🤣一日內食左10樣甜品，重點係只係100蚊左左，真係太抵！最後連晚飯都無食😂😂

先說一說宇治金時，在多間甜品店都食過。首先，這甜品會伴著綠茶味的雪糕球、紅豆、丸子及綠茶冰。這店在上述的材料品質都算不錯。綠茶雪糕球有綠茶味，當然質感不會是靚雪糕，但都幾有綠茶味。紅豆不會過甜，軟硬適中。我最鍾意煙靭丸子的，這店的丸子質感煙靭。過往這款甜品的冰都很易溶變水，沖淡了味道，但這店的卻溶得不快。另外，忘記了甜品的名字，不過其實是芒果拿破崙。這甜品製作需要，在焗製的過程已嗅到香味。店員送來時，我雙眼一睜，因為幾大份，有三件。不過，店員都坦白說，脹泡泡，但中間是空的😅。最終我自己食得晒的，不會太飽，但有點滯。這拿破崙焗得香脆而不燶，而且鬆化。芒果也甜甜的。下次要試埋心太軟😋

這次主要想說店員的服務態度，分享我看到的過程。我跟朋友到這裏吃糖水，店內的人不多，只有幾個人，但店員卻安排我們坐在門口角落的一張6人坐位，當時已有兩個人在那張枱，店員要求人家坐進去方便我們可以坐在外面，但人家似乎不願意，我們只好坐進去，這也不是問題。然後那兩個走了以後有5個人來了，店員加了一張椅子，也是安排跟我們坐在一塊。他們有要求換個位置，但店員一句“不行“並且說那些位置已經給訂了。我想其實語氣可以好一點點😉吃一碗糖水用不上多少時間，就算是有人訂了位置，相信也可以有更好的安排，好讓其他食客都感覺舒適。😶反正到我門離開的時候(大概20分鐘以後)，那十幾個人都還沒有到，十幾個位置就這樣空著....🙄這次我點了桑寄生蓮子蛋茶，蓮子粉粉的挺好吃的。紅棗沒什麼味道，有核的。蛋也一般。糖水甜甜的還可以。

呢日夜晚同2位小姐o係附近上左個yoga堂，因為無食晚餐就去運動啦，做完yoga都已經9點半啦，無理由食個超heavy晚餐gama，咁大家商量好都覺得去食個糖水係最好的選擇。我地都係沿路行睇下有無咩糖水／甜品店，見到呢間貴族甜品好似都幾唔錯，咁就入去坐低食啦。可能呢邊係民居唔係好多人坐爆哂果隻。我叫左個芒芒小丸子食！相片同實物係一樣，小丸子超多，有圖有真相自己睇～芒果都好甜，正正～個底係芒果沙冰底，甜度岩岩好，唔會係死甜～食完就番去休息啦。

貴族甜品，系我最鐘意的甜點鋪之一，每一次來到，都花多眼亂，晤知試邊一款。但每一次都會點榴櫣公主。我原本晤鐘意食榴槤，自從同榴槤公主邂逅之後，便愛上左榴槤，真系一個神奇的體驗。至少三分一杯系榴槤肉，啖啖系幸福的感覺。奶凍同啫喱甜而不膩，很有咬頭，好Q。最緊要系陣味，牢牢牽住你的心。不得了，榴櫣公主👸🏻其實都比較少在貴族甜品食中式甜品，但今次又真系想試一下木桶豆腐花。佢個樣十分霸氣，整桶上，即撞！店員送上計時器，到時間即可食用好正！絕對冇得彈！一個字，滑

食飽飽 屋企人話請食甜品 正!應該好多人都知元州街附近比較出名既係綠林同松記 不過我地掙扎左一陣之後 決定食間無食過既 而呢間就係Noble啦可能因為啱啱開門 裡面係無人既 有位哥哥仲準備既啲器具打開menu 甜品款式唔算好多 所以我地一致中左裡面宇治金時parfait上台個陣 見到個雪糕同抹茶cream都淺色咁心諗中伏 可能又係甜到喊出黎既糖味假抹茶點知食落口 好有驚起個抹茶cream同雪糕都保有濃濃既抹茶甘苦味配合下面微甜既奶凍紅豆同芋圓真係正到無朋友

飯後要陪老婆食和甜品，貴族甜品食開，都算老顧客，由長沙彎開鋪到而家，但越食越失望........本身鐘意佢平又大份，質素俾許X山好，但今時吾同往日，除左店員keep 住無禮貌，食品質素直線下降..........芒果河粉---->好鞋食，芒果冰有色無味，用色素加，芒果勁酸，我以為食梗檸檬，雪糕都無味.........好難可以咁差，求其到一個點.......沒有最差只有更差!!!!!!!!!!!!!!

我和男朋友在情人節喜歡簡單地過，老套D講一句，天天都是情人節ma~~ 不過我既唯一要求係一齊食碗糖水，甜甜密密～～紅豆燉蛋白　$25原本想揀淨燉蛋白，但後來都要揀番有紅豆的，紅豆寓意相思，情人節就點碗有紅豆吧！可是，是情人節人多既關係吧?總覺得質素有D參次，蛋白唔夠滑之餘，而且紅豆蓉亦都頗甜的～～最後我竟然未能吃清><!!七星伴月 $3X有雪糕、珍珠、西米、水晶珠等…個人覺得幾有咬口，特別是水晶珠～不過珍珠就略硬，底是用左椰奶，如果可以轉成牛奶，好似冇咁肥吧？

薄荷金時💢$35 (伏中之伏👎)朱古力曲奇雪糕唔錯, 但刨冰係藥水味😣係藥水味❗❗❗好難食😥 但小丸子好食😋宇治金時🍧$35#抹茶控 綠茶雪糕好濃💞, 好好味,唔會太苦😚, 而小丸子好煙韌👍, 紅豆好淋😉, 不過綠茶刨冰就係無味,好淡😐, 要連埋雪糕一齊食先有味😕巨峰金時🍇🍧$35雲呢拿雪糕好食😘 刨冰都係好淡,無咩味😥小丸子好煙韌同埋 紅豆好食 😉總結一句: 好食嘅甜品係宇治金時👍, 最伏最難食係薄荷金時👎👎👎👎 千期唔好試😌

依間甜品鋪同一般鋪唔同 叫得貴族甜品 入面佈置梗係有啲貴族feel架喇 有幅大大張嘅貴族畫真係幾得意架講番甜品嗱 有我最鍾意嘅榴連食 仲有雪花冰依啲涼浸浸嘅野揀 唔想要凍嘅仲可以揀啲中式糖水同心太軟 啱哂一家大細嚟食呀

食完米線就想揾甜品食，經過呢間比佢吸引咗，樣樣都好靚咁，即刻傻咗勁開心話要入去食。佢有最新推出嘅menu，又有常規menu，啲menu圖又大又靚。樣樣都好想食！色彩繽紛～～牛油果嗰個好想試，但又比宇治金時吸引咗，好難簡呀～～叫左一個芒果河粉，佢其實係糯米條、芒果同雪糕配合而成，以前都有其他店有芒果河粉，但通常好少河粉，相反呢個份量就適中！另外，雖然芒果雪糕唔算係好自然嘅芒果味，但都幾香。之後仲有個宇治金時，超鐘意佢滿滿嘅丸子，好好咬呀～ 另外，仲有綠茶雪糕味道幾濃，好有抹茶嘅感覺。最驚嘉係個冰，唔係實的的個啲感覺，但又唔係空氣，而係一小片一小片咁樣組成，不過去個質感好玩，放入口即融，真係超鐘意呀。好想再返兜～～～好想再食

星期六日TEA TIME時間都幾少人, 所以都可以隨便揀位, 不過食食下都有幾班人黎過, 嘈左D不過都坐得幾舒服, 同朋友慢慢坐傾下計都唔會趕你走都幾好叫左1個芒芒小丸子($30), 同香蕉雪糕窩夫($38)芒芒小丸子好快就上枱, 反而個窩夫就等左幾耐下, 超級20分鐘, 懷疑係無乜客所以拖慢左黎整XD芒芒小丸子超級多小丸子, 岩晒煙韌控!!芒果汁都唔會太甜, 好夠凍好FRESH, 而芒果肉都幾多, 所以都算抵食!個窩夫就好似好細份, 但其實$38黎講都OK既,  而窩夫好香脆, 好好食, 食完好後悔無叫全份!!!!!😂😂😂

今晚同屋企人喺深水埗食完飯，阿妹話想食甜品，佢話附近有間糖水舖唔錯，咁就揸車去食，去到店外門口，可能晚上八點半時間尚早，唔算太多人，等左5分鐘就有位～舖內唔係好大，可以坐到30-40人，打開餐牌，價錢唔算太貴～d甜品都幾有特色及好多款式，仲有我最鐘意既芒果系列～有芒果拿破崙、芒果河粉撈、芒果水晶粉、芒果小丸子⋯⋯多不勝數～～我就揀左個芒果小丸子同芒果拿破崙（叫做天使之戀）試，而我妺就揀左芒果紅豆紫米露～～芒果拿破崙好鬆化～好好味，而芒果小丸子就好煙靱～