Noodle and Dog (Closed)

尋日喺上環蘇杭街見完客仲未食晏，諗住求其食少少就搭地鐵趕返公司，途中經過呢間 Noodle and Dog，由於太肚餓，於是就二話不說衝入去醫肚，睇咗餐牌，啲野食名都幾得意，速食得黎仲要中西fusion，例如腐乳熱狗，都幾有諗頭，我就穩陣啲叫咗個蕃茄湯麵同蝦滑，食麵之前梗係飯啖湯先㗎啦，呢個蕃茄湯好濃郁好足料，咸淡適中，做佢應該冇落味精，夠健康，唔似其他舖頭啲羅宋湯通粉咁落足味精，再試吓個麵，軟硬適中，唔錯！跟住再試埋嗰蝦滑，好有蝦味，足料蝦膠冇溝粉，夠彈牙，直竪拇指！試咗呢兩樣野，感覺可以再幫襯，下次經過就一於試吓腐乳熱狗先！順便支持吓呢啲買少見少嘅本土小食店！

早兩星期見到公司附近開咗間新食店,今日就去買外賣返公司同同事一齊食,入到舖頭一睇餐牌,全部熱狗名都好特別,有麵狗(真係有麵係熱狗入面),腐乳狗,秋田狗,素狗  除咗熱狗之外仲有小食,沙律,湯麵同冷麵,選擇都好多,最後同同事點咗秋田狗,素狗,豆腐沙律,蝦滑蕃茄湯麵 (熱狗店長幫我地剪開方便share食)返到公司一打開外賣盒, 全部都好足料,秋田狗$39有香腸,蟹柳,沙律菜,洋蔥,木魚絲同埋日本芥末醬,芥末醬有少少攻鼻但不是太辣,材料雖然多但食落好夾素狗$39名副其實係素菜,裡面有大磨菇,炒洋蔥,蕃茄粒,沙律菜,雖然無香腸但係材料都好豐富,洋蔥炒得好淋,有洋蔥既甜味,蕃茄粒有醋既香味加埋煎香既大磨菇好好味豆腐沙律$20有大大舊日本豆腐,沙律菜加芝麻汁,好抵食蝦滑蕃茄湯麵$35入面既蝦滑鮮味爽口,蕃茄湯好濃仲食到有細細粒嘅蔬菜粒,不過有少少辣,應該係黑椒既關係,相信冬天飲的話會暖笠笠總括我地買既食物全部味道都好好,而且價錢合理,3個人食到飽飽每人45蚊有找店長仲俾咗個電話我地,叫我地下次可以先打電話落order然後再去攞,咁就仲方便連5分鐘都唔洗等,以後多個好味嘅外賣選擇

三個月前幫趁過，今日想食熱狗，點知人面全非，但帶來極度驚喜！㨂咗隻有炸魚仔嘅麵狗（原來係南丫島產品），爽爽紫洋蔥同火箭菜在底，有質感嘅chili sausage ，冷麵加芝麻汁再放炸魚仔，變成一篇完美嘅樂章，outrageous！冇嘢講，堅得，俾個like !跟住老細介紹每天佢新鮮做的蕃茄湯，我就覺得好什菜湯，夠晒料但唔夠咸，個老細話冇味精同雞粉，加上現代飲食唔興咁濃，好，又俾佢兜到，過關！除咗熱狗，原來佢哋仲話提倡㨂幾多食幾多呢個環保概念，任D人將自己個人喜好組合成有個性兼有特式。於是朋友㸃了美國肥牛加三葱炒腸粉再追加日本溫泉蛋，重有「士拉差」辣椒醬俾佢配合，值情要喺個讚字前面加晒星星魚蝦蟹！！另外老細重有求必應，同一D集團式經營唔同，回復番香港人小店情懷，絕對值得支持！價錢仲嘩，嘩，嘩！平過附近飲杯㗎啡！