17
0
0
Level1
2
0
特色熱狗
2015-09-02 371 views
早兩星期見到公司附近開咗間新食店,今日就去買外賣返公司同同事一齊食,入到舖頭一睇餐牌,全部熱狗名都好特別,有麵狗(真係有麵係熱狗入面),腐乳狗,秋田狗,素狗  除咗熱狗之外仲有小食,沙律,湯麵同冷麵,選擇都好多,最後同同事點咗秋田狗,素狗,豆腐沙律,蝦滑蕃茄湯麵 (熱狗店長幫我地剪開方便share食)返到公司一打開外賣盒, 全部都好足料,秋田狗$39有香腸,蟹柳,沙律菜,洋蔥,木魚絲同埋日本芥末醬,芥末醬有少少攻鼻但不是太辣,材料雖然多但食落好夾素狗$39名副其實係素菜,裡面有大磨菇,炒洋蔥,蕃茄粒,沙律菜,雖然無香腸但係材料都好豐富,洋蔥炒得好淋,有洋蔥既甜味,蕃茄粒有醋既香味加埋煎香既大磨菇好好味豆腐沙律$20有大大舊日本豆腐,沙律菜加芝麻汁,好抵食蝦滑蕃茄湯麵$35入面既蝦滑鮮味爽口,蕃茄湯好濃仲食到有細細粒嘅蔬菜粒,不過有少少辣,應該係黑椒既關係,相信冬天飲的話會暖笠笠總括我地買既食物全部味道都好好,而且價錢合理,3個人食到飽飽每人45蚊有找店長仲俾咗個電話我地,叫我地下次可以先打電話落order然後再去攞,咁就仲方便連5分鐘都唔洗等,以後多個好味嘅外賣選擇
Read full review
早兩星期見到公司附近開咗間新食店,今日就去買外賣返公司同同事一齊食,入到舖頭一睇餐牌,全部熱狗名都好特別,有麵狗(真係有麵係熱狗入面),腐乳狗,秋田狗,素狗  除咗熱狗之外仲有小食,沙律,湯麵同冷麵,選擇都好多,最後同同事點咗秋田狗,素狗,豆腐沙律,蝦滑蕃茄湯麵 (熱狗店長幫我地剪開方便share食)
返到公司一打開外賣盒, 全部都好足料,秋田狗$39有香腸,蟹柳,沙律菜,洋蔥,木魚絲同埋日本芥末醬,芥末醬有少少攻鼻但不是太辣,材料雖然多但食落好夾
素狗$39名副其實係素菜,裡面有大磨菇,炒洋蔥,蕃茄粒,沙律菜,雖然無香腸但係材料都好豐富,洋蔥炒得好淋,有洋蔥既甜味,蕃茄粒有醋既香味加埋煎香既大磨菇好好味
豆腐沙律$20有大大舊日本豆腐,沙律菜加芝麻汁,好抵食
蝦滑蕃茄湯麵$35入面既蝦滑鮮味爽口,蕃茄湯好濃仲食到有細細粒嘅蔬菜粒,不過有少少辣,應該係黑椒既關係,相信冬天飲的話會暖笠笠
總括我地買既食物全部味道都好好,而且價錢合理,3個人食到飽飽每人45蚊有找
店長仲俾咗個電話我地,叫我地下次可以先打電話落order然後再去攞,咁就仲方便連5分鐘都唔洗等,以後多個好味嘅外賣選擇
Other Info. : 熱狗好多料唔怪得臨走前店長叫我地唔好拆開晒張紙,要用張紙卷住食,果然夠細心
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2015-09-01
Waiting Time
5 Minutes (TakeAway)
Spending Per Head
$45 (Lunch)
Recommended Dishes
  • 蝦滑
  • 秋田狗
  • 素狗