元樂居 (Closed)

我是在旺角打工的。老實說，旺角是沒有一兩間及格的食店，加上旺角人多，午餐時候客仔多，通常伙計都有狂躁，完全沒service可言。元樂居起碼環境清潔、企理，總算食得舒服啦。食物是普通茶餐廳的東西，水準okay啦，都算不錯，意粉和飯類很好，因為有大量伴菜，看起來叫人知道這是一間頗注意健康的店，給人印象正面。食物清淡，容易入口，位子舒適，好店！

近來差不多每清早，總會到該所餐廳進食早餐。一踏進該所餐廳，整體的感覺頗好，環境優雅。坐下不久，便會有待應寫單，其服務態度不錯，出菜速度亦恰當。另外，該所餐廳所提供的早餐選擇頗多，價錢大眾化，食物及飲料的味道均為理想，尤其奄列之味更為佳。總括來說，該所餐廳不失為良好食肆之一，我誠邀大家不妨一嘗！

東寶飯局之前,咬牙切齒話報仇,仲諗住過午不食,點知早左出門口,眼光光睇見又心郁............唉!係門口傻仔咁諗左五分鐘,最後都係入去,左睇右睇,又唔想太飽,求其叫碗好少出錯既白麵底烏醋伴麵,店鋪無乜人,得我一檯客,但招呼都係一般,好難想像人多時會點,不過好清靜同光線充足,都幾舒服,回歸正題,白麵底伴以青瓜,不過d麵太淋,完全無味,好失敗,清湯另上,但好細碗,兩啖飲完,要叫侍應比多碗,都算幾好飲,到烏醋,味道好濃郁(應該呀),倒落麵上然後混和一齊食,好彩有d青瓜所以有咬勁,如果唔係,d麵淋到唔想食,個餐另有一杯咖啡或奶茶送,反而唔錯,係本末倒置下,下次去不如飲咖啡唔食麵(希望其他食物好d啦)!我終於可以諗到唯一欣賞既地方, 就係個toilet,有十分我比八分..........!

呢間野開係我屋企樓下, 開了差不多一個月, 幾次都過其門不入, 今日星期六又落雨, 好, 試下啦!, 花甲田雞麵, 咁得意的配搭, 可以配白麵, 米線或者疍麵, 白麵!? 好又試下! 哦... 原來係一種以前食個的白色扁麵, 湯清清地不過幾好味, 唔似有味精, 用的是有殼新鮮蜆不是花甲, 蜆好鮮甜, 田雞肶有4隻, 都是新鮮貨, 有幾條白菜仔, 呢碗麵幾鮮, 夠大碗, 最主要是感覺幾健康咁。另外叫了一碗蕃茄椰菜牛肉白麵, 無加工的牛肉, 無獻, 但又唔會唔夠味, 我就覺得幾好味。佢的棘油是自製類似XO醬, 配白麵幾適合。另外叫了一碟麻棘牛展就普通, 棘但不麻。呢間店裝修幾好, 地方好乾淨, 坐低有杯熱茶飲, 以後放工又多一處地方食野!

見佢新開張,所以入去試下晚餐. 叫左京醬豬頸肉米線($22 見圖), 陽春麵($12), 同埋炸雞柳拌薄餅($30), 京醬豬頸肉米線即豬頸肉出奇地淋, 似乎一般豬頸肉應該爽口, 佢竟然淋到好似豬展咁, 而米線同陽春麵一樣好淋, 唔彈牙, 有d失望. 另外炸雞柳拌薄餅, 雞柳只係雞柳絲咁, 好似京方式填鴨咁食法, 不過可惜雞柳本身雞味好淡, 所有只食到d醬料味.地方係一d新式麵家裝修, 幾舒服, 服務亦有禮貌. 價錢合理.