4號烤吧 (Closed)

12月中某星期日同家人再次幫襯呢間餐廳，今次叫咗一個香辣烤魚，一個翟家欖豉烤魚，伴魚輔菜叫咗雲耳，土豆，拉麵，紅薯粉，蘿蔔片，小食叫咗蜆芥鯪魚球，蒜香雞中翼。呢到叫小辣都好辣，唔食得辣嘅就叫減辣。兩條都係凌波魚，肉多骨少幾好，肉質比較實，但都係鮮嘅。配菜土豆，蘿蔔，紅薯粉都係薄切，而且上枱時半熟嘅，所以好快煲熟。小食鯪魚球同雞中翼係熱辣辣新鮮煮好，水準唔錯。呢到水，火鍋調味料，白飯係自己出去拎，白飯係免費。

冬天嘅時候真係好令人掛住打邊爐同埋雞煲嘅味道，今次就去咗試吓呢一間食肥腸麻辣雞煲，同朋友兩個人食得非常滋味！呢一度嘅肥腸好有彈性，而且加埋雞煲醬汁，真係食到好滋味！而且呢一度雞煲嘅雞肉亦都好大件，食得好開心！雞煲嘅肉質亦都係非常之滑！配合埋呢度雞煲將一齊食，麻麻辣辣嘅香味真係非常吸引！

由於次次都係食雞煲今次決定食埋佢既烤魚！叫左豆花烤魚小辣（佢係麻辣黎）同雞煲既味係相似既 上面有炸過既黃豆好好食好香口～ 豆腐會有6舊左右 另外再叫左薯粉 土豆 金菇薯粉放係烤魚度要等耐少少 始終個爐都好淺 慢慢食都好enjoy半隻雞係之前抽獎中既😂飲品叫左水果茶 酸酸甜甜咁 無咁濟個人偏向雞煲😛味道上好似會濃啲整體分數：7.7

講麻辣雞煲就會想食佢~假期就等左最少45分鐘 時間要自己衡量雞煲個汁真心好正又多😋食完啲雞加少少湯就可以開始打邊爐～唔可以加太多因為太多會變淡。配菜方面可以再加多啲種類 感覺選擇唔太多叫左金菇 生菜 娃娃菜 芝士腸 蟹柳 牛柏葉 竹笙 紅薯粉不過佢個紅薯粉加落雞煲食真係不得了！又有口感又濃味😋整體分數：7.68

呢間火鍋店主打烤魚，雞煲和串燒，也有小食涼菜。水機，飯煲，火鍋調味料放係餐廳中間，客人自己拎，白飯係免費嘅。個次去食烤魚都三個月之前，叫咗個唔辣嘅欖鼓烤魚，有幾款伴魚配菜可以加，如大豆芽，雲耳，紅薯粉，土豆等等，每款都係10蚊。呢個係我鐘意去食嘅原因，味道就可以的，只係水準唔穩定，試過有一次過鹹。條魚都大條，夠滑，肉多骨少。環境都可以，有卡座，冇時限，可以慢慢食。佢哋啲串燒就麻麻哋，可以唔試。

之前已經食過一次大腸雞煲的確唔錯，今次特登去試吓啲串燒，最愛厚燒牛舌，燒大腸，燒雞軟骨（比較細粒）調味適中剛好👍🏼，仲有叫咗半份醉雞鍋，雞雖然嫩，但食唔到有酒味，下次會繼續主力去食串燒😋

香辣雞煲一開始已經成煲湯滾緊。個職員仲要話係d汁落多左D。反映完換左煲新既。結果食緊半包鹽煮甘鹹。一心諗住吾好浪費食物，但完全接受唔到。真係鹹得好過分。仲要特登入去大埔食佢，平日已經無咩客都可以做得甘差

第2次过来吃实在是太失望了。那个鱼全是黑色脏兮兮的汤，一点味道也没有，就这样清黑水拿上人。这茄瓜烧的焦的要死，一点肉都没有。最气人是那个生蚝一点肉都没有干壳三只，还有108。你还不如去抢钱。最令人生气的是，那个服务台那个女人说话粗鲁的要要死，一点礼貌都没有。708人家在掏那个8块，他就说还差8块，谁不给你那8块吗？你有没有一点礼貌啊？真的超级态度不好，好恶心啊，真的错，吃东西难吃都算了，还吃的一点服务都没有一肚子的火。绝对不会再回去吃。食物完全没有水准，根本就不值这个价格完全是不值得。

以前來食過好多次，一直都幾好，今日去食麻辣雞煲，一食落口已經覺得完全唔同，超多油，超鹹，跟住原來侍應話轉左廚房，以後都唔會嚟食垃圾!最後我哋成家人都去第二度再食過，再無下次

觉得那个价钱也不贵，东西也好吃，烧烤也不错，还会再去服务也不错。就是那个鱼可能不会说很大一条。但是呢，嗯，点了一些烧烤一起买单700多，我还以为要1000多呢，感觉还是蛮便宜的味道还是可以味道我觉得特别好吃。还会再帮衬呢。

住大埔嘅都知大埔都有好多唔同種類嘅雞煲🍲，呢間係每次經過都見到好多人排隊，於是小編就走去試一試啦，店內既位置好寬敞，所以就算等位都唔會等太耐，而且嘢食都好快到，呢間好貼心仲會附上圍裙🧥， 唔驚整污糟件衫，而且店內環境比較暗，俾人好舒服而且又可以同朋友暢飲一杯嘅地方，講返嘢食先，香港人一定會鍾意食一啲又滑又嫩口嘅雞🐔，揀呢間實冇死，佢哋嘅雞好少會斬到有碎骨，而且啲醬汁甜甜地，又唔會太辣，本身諗住叫半份雞一份魚，以為點都食唔曬啦，點知兩盆清光，睇到烤魚嘅汁以為好辣？其實只係掩眼法😏小編唔係好食得辣都覺得可以再辣啲，仲有豬紅食添呀，但只係得大概5塊，小編本身自己係抗拒食生蠔因為覺得佢嘅味道有啲奇怪，但係呢間嘅生蠔好鮮甜而且好多汁🤩，出奇地食完一隻好想再食第二隻

琴日諗住唔煮飯叫個外賣雞煲同老婆撐枱腳，打電話去4號叫佢個外賣香辣雞煲食(列明大辣，大麻), 對方亦都再三確認。老實說，佢速度係快既，唔洗15分鐘比到我。但快野無好野，因為我之前都食過依間野十幾次，一直水準都唔錯，都有信心既，點知叫完返屋企食落口係”甜”嫁!!!甜得黎仲要係雞唔入味，雖然說我都食得辣，但都唔會係甜咁過份掛，搞到我要自己落左10幾隻辣椒，半罐麻辣醬先叫有番少少味，真係失望，無下次!!!

有少少失望上次食雞煲啲醬料好入味 拌飯好食（好辣 但剩係叫咗小辣）整體來講 唔錯但今次食烤魚 先唔講啲料好少 而且條魚完全唔入味 變成似係有少少鹹味 辣味嘅烤魚 一啲醬料嘅香味都食唔出 但好在價錢都唔貴 （因為過咗9點半入座有8折 可以折落黎兩個食咗300）（一條魚200唔到）但火鍋配料幾抵 菜都係18-30左右一份 香港黎講價錢算便 且質素都唔太差我地剩係加咗個10蚊4選配料 土豆雲耳大豆芽拉麵再額外加豆腐同節瓜片拌菜只叫咗涼拌萵荀 有驚喜 好香 偏甜 但個汁點烤魚啲配料幾好食（可能因為烤魚冇醬料味）總體黎講 一試無妨

在疫情下，行過附近，見到鋪內坐位隔離很遠，感覺安全，就兩個人去試吓，鋪已停止供應酒類飲品，於是選了食燒沙巴魚及加了一些配料，等十分鐘就上菜，覺得算好快，服務和環境都可以，不過我無影相。總體可以，無失望，下次去試吓雞煲及燒烤。

天氣凍就好想食雞煲，每次經過呢間餐廳都會聞到陣陣雞煲同烤魚既香味，好吸引不過次次都好飽就冇去試，之前又怕太熱氣，結果錯過左好幾次都食唔到，今次終於把心一橫，直接去食個晚餐！肥腸麻辣雞煲（半隻）好味道以為半隻會比好少，點知無論雞定肥腸都比左好多，食極都仲有咁，特別係肥腸雖然心裡面食雞煲已經有個固定第一，但呢間個雞煲非常香，味道又係另一種感覺，辣味比較重，感覺上配飯會好夾然後最厲害既地方！！！就係呢間店有無限白飯任裝！！！個雞煲真係同白飯超！級！夾，而啲飯係煮得好好味，偏硬有咬口，唔係淋哂個種，兩者夾埋一流如果鐘意食飯真係天堂黎呢個賣點真係好突出成餐飯比個任裝飯做左主角，雞煲變左配角不過唔知係咪太辣，第二日有少少肚痾，清哂腸胃