Nun Korean Dessert (Closed)

飯後食個甜品是常識吧! 對於韓式甜品一向都LIKE, 之前對佢地既韓冰一試難忘, 路過呢間主打韓式甜品既店舖又點可以唔巡視下業務呢! 哈.........店內以自助式主理, 選好食物比錢, 再自行拎食物呢個到餐提示器, 食物預備好會叫, 提你去取餐處拎食物, 幾搞鬼餐牌上提供甜品選擇都唔少, 應該實會有想食既甜品行到熱辣辣, 食番碗韓冰, 呢款係麻糬紅豆雪奶 ($55)份量都幾大份, 足夠二人一齊分享, 面頭蓋滿黃豆粉, 加上有麻糬及紅豆, 食落都幾飽肚, 冰質地算幾滑身, 但若然奶味再重D會梗好, 冰溶既速度都幾快, 要快口D食!另一款係魔鬼意大利粉雪糕 ($68)未見真身時會諗意大利粉雪糕究意係咩東東, 見完真身即係將雪糕唧成條狀(類似打邊爐時既唧魚面), 雪糕好重奶味, 份量亦係大份, 伴以香蕉一齊食, 味道都幾夾, 但食完就好有罪惡感啦..............哈!埋單百幾蚊, 以後食甜品又多個選擇啦!

五月初夏的太陽已經開始熱辣辣，逛一下街就已經又熱又渴，買杯汽水或雪糕吃的都不夠過癮，最好的就是吃一碗爽透入心的韓冰。Nun Korean Dessert位置方便，就在時代廣場旁邊。看看餐牌，選擇很多，各式各樣口味的韓冰看得人眼花繚亂除了韓冰外，還有很多特色的精致小食。不過，我還是二話不説地選擇了草莓雪奶 $68分量很足，滿滿的士多啤梨鋪滿牛奶冰，上面還有一小塊芝士和巧克力。牛奶冰非常細緻，士多啤梨非常新鮮，冰和奶都打得均勻，冰非常幼滑，而且附有煉奶可以淋在上面增加甜度，吃完真的透心涼朋友叫了宇治金時紅豆雪奶 $68同樣是分量十足，抹茶和紅豆的分量比例完美，還有很多香口的杏仁片，更令人喜歡的是上面還有一大球綠茶雪糕，簡直是雙重享受我們兩個為食貓還叫了這個韓式朱古力奶油雪糕吐司 $48這個非常好吃，但也非常邪惡一粒粒燒過的棉花糖鋪在厚吐司上，燒過的棉花糖味道甜香四溢。旁邊還有一球雪糕可以蘸來吃，雪糕不甜，是用來中和怕太甜的棉花糖，但雪糕是非常清香的雲尼拿味道，非常match! 這裡位置方便，價錢不貴，可以介紹給姐妹們啦~

晚飯後最好就是吃個甜品，一個女人兩個胃，我就有三四個了。放題過後未夠滿足，便與朋友來到甜品店再接下場。韓式甜品店，不單單有甜品，而且有不少咸食，非常驚喜。韓式綠寶石香甜蜜瓜雪奶。牛奶味道濃郁的雪奶，冰粒用牛奶打得幼滑，入口滿滿牛奶香。蜜瓜滿佈整個雪奶，香甜蜜瓜味道甜甜非常開胃，蜜瓜甜粉末更是清香。新鮮蜜瓜份量非常多，加上煉奶味道更是甜美。香炸海鮮球。海鮮球炸得香脆，即叫即炸非常香脆惹味，外有粒粒脆米，口感更是豐富。內裡原隻鮮蝦，味道香口，伴上沙律醬更是吃不停口。⋯一咸一甜的食物盡在一間甜品店內，又一個滿足了肚子的晚上。

呢晚同三五知己gathering~~~去左時代附近的一間甜品店~~好韓風架~~地方看似好細~但都容納到好多人~~叫左個士多啤梨窩夫~~呵呵~好多士多啤梨呀~正!!!雪糕的士多啤梨味頗真~雖然窩夫有點軟~但味道都ok 架!!呢個緑茶吐司都是推介的~~好多抹茶醬緑茶控應該會喜歡吧!

中學時代其中一個最愛既甜品係棉花冰，涷涷地又軟棉棉，令人食落好舒服又涼快，時隔幾年，棉花冰已經進化左好多唔同既款式，而其中韓國雪奶都係相類近既甜品，一直見到好多人介紹但未有機會試，覺得七八十蚊一個甜品冰有啲唔抵，今次終於黎左試，的確有佢受歡迎既原因既！星期六八點幾到訪，未算多人，坐左一半左右，店內座位都比較迫挾，但未係好多人食所以唔知佢多人時會唔會坐得好唔舒服~士多啤梨麻糬雪奶$68：因為同朋友食完意粉晚餐都有啲漏，所以揀左士多啤梨味諗住開胃啲，佢有兩隻士多啤梨味，一隻有麻糬一隻無但會多啲士多啤梨，咁我見有麻糬梗係即刻揀呢個啦！第一啖食落的確有令人喚然一新既感覺，食落牛奶泡冰加埋面既士多啤梨粉好夾，煉奶另上，所以自己想幾甜就落幾多唔洗怕太甜，我個人最中意甜所以落哂都無問題。整體口感幼滑輕盈，加埋雪糕食就仲正，唔洗幾分鐘就食完，略嫌有好少量既碎冰粒，應該未算最棉滑。但覺得中伏位係個麻糬，個皮係韌到一個點同埋個饀係平時士多啤梨棉花糖果種好假既草莓味，同想像中雪米糍果種口感完全兩回事，扣哂分！！除左呢個問題，整體上都幾好，如果想食甜品又唔想食糖水或者蛋糕咁肥，呢個都係唔錯選擇，所以會再黎但下

來到銅鑼灣，見到地鐵站不遠有Nun的分店，Nun是韓文［雪］的意思，讀［Noon］我仲成日讀錯……除了主打的牛奶冰，好驚喜地原來咸食的種類也很多。(不過都灰的都係去到原來炸嘢同年糕都無) 點餐後會收到的東東，全自助形式。炸醬麵 ($45)說正宗的不會是它，配料也只有幾小條魚餅，薄到吹得走。不過要讚的係麵質彈牙非常，而且炸醬都惹味，不過只係得個醬囉，無料的。韓式煎餃/ 蒸餃 ($38/6隻)餃子相信是平時超市嗰隻，煎的香口過人，蒸的無咁熱氣！而且是即煎，因住辣親口呢！我覺得蒸的比較好食。沾上韓國醬油和辣醬，更添美味，用來填下胃最好不過了。韓式紅寶石芝士蛋糕雪奶 ($72)牛奶冰加上練奶是幸福甜的感覺，好有奶香，加上大大球草莓雪糕和雜莓醬，甜甜酸酸的，都幾開胃。份量剛好兩個人分享。熱韓式抹茶 ($28)上枱好靚，入落好rich又creamy，應該係Green Tea Latte來的，不過試真少少好似落左過多糖水。甜到好過份，其實唔使落咁多。芒果汁 ($35)朋友點的好似都係太甜總括，想平平地食韓國小食過下癮都不錯。價錢係好啱學生哥放學黎食的，親民價錢地方坐得舒服，傾下計都不錯。

吃過晚飯後，大家都覺得缺了些的，於是便到附近的甜品店。除了點甜品外，我們都異口同聲要點這個韓式芝士波波球（$42），波波球味道像魚蛋，彈牙可口，內裡夾著流心芝士，緩緩流出。黃金芒果韓式牛奶軟雪糕（$52）雪糕味道較為creamy, 配上多粒鮮甜芒果，但雪糕溶得太快了。韓式特濃抺茶紅豆奶油吐司（$49）吐司塗滿抺茶醬，香脆美味，配上紅豆和雪糕，芳香甜潤，很美味呢！韓式棉花糖雪糕吐司（$48）同樣是吐司，但這個是佈滿棉花糖的，賣相已經非常吸引，棉花糖鋪在吐司上，味道甜甜的，軟綿的感覺非常邪惡！韓式芝士蛋糕士多啤梨窩夫（$62）窩夫是屬軟腍型，夾著芝士蛋糕和士多啤梨酸酸甜甜，很開胃的。韓式鋒芒畢露芝士蛋糕雪奶（$72）鮮甜芒果伴上濃郁美味的芝士蛋糕，再配上涼浸浸的冰冰，簡直透心涼。韓式魔鬼Oreo 碎碎雪奶（$68）鋪滿Oreo碎碎和oreo餅乾，味道香濃，Oreo 迷絕不能錯過！

食完意粉午餐，感覺有點意猶未盡，決定在附近找個地方再吃甜品。醒起去年夏天，曾經和老公到訪過時代廣場附近一間以韓式雪奶為主打的甜品店《Nun》，記得當晚品嘗了店裡的咖啡王子香濃雪奶，覺得味道非常出色，反正兒子沒吃過，就一於過去碰碰運氣。對上一次來是舊年 6 月，雖然已經隔咗一年，但除了餐桌和木櫈的擺位有點不同之外，其實店裡的裝潢與去年分別不大。由於上次食評已經介紹過環境和點餐的程序，所以今次決定單刀直入，坐下後先翻閱餐牌。甜品的類別選擇，其實同對上一次來無乜分別，除了主打的韓式雪奶外，餐牌上仍舊有去年才推出的意大利粉雪糕，另外還有雪糕吐司、雪糕窩夫、沙冰、果汁、韓式湯麵、韓式蒸餃、韓式窩貼及炸雞粒等小食，不過就發現原來店裡都加咗好幾款新產品，包括色彩繽紛的馬卡龍雪糕、棉花糖刨冰、韓式熱狗等，就一於每人點一客齊齊開心 share。先介紹兒子點的 Fresh Mango Sherbet 韓式鋒芒畢露黃金雪奶 ($68)，其實這客甜品，材料好簡單，除了刨冰外，就只配有芒果果肉、芒果雪糕同鮮芒果汁，不過分量十足，望落去成座金黃色嘅雪山咁，賣相吸睛。先試一口芒果雪糕，雪糕的質感非常軟滑，而下面的雪

正好乘著佛誕假期, 去銅鑼灣逛逛時裝店, 添些夏季新衣裳, 突然想起我表姐話, 近時代廣場有間韓式甜品店, "NUN KOREA DESSERTS" 出品一流, 於是我和朋友決定去看看.距離時代廣場只須行 2 分鐘, 便找到了, 門口有彩色甜品的 poster, 一見己心動.店子面積不太大, 顧客也不少, 我們幸好找到座位, 再看 menu, 找找心儀甜品......足.我選了 "韓式醉特級 3 球窩夫雪糕窩夫" @72- 等了 10分鐘, 店員姐姐好有禮貌的送到, 真是眼前一亮, 甜品好靚呀......七彩繽紛, 睇見賞心悅目啊此甜品大大碟, 香脆厚厚的窩夫, 包著奶味甜甜的 3個雪糕球, 再鋪上彩色奪目的糖粉, 及繪上新派抽象朱古力圖案, 很美 !!  令我眼福口福也大滿足. 我朋友是芒果發燒友, 她點了 "韓式鋒芒畢露芝果蛋糕雪奶" @$72-外表很靚，很吸引, 圓圓雪榚球在中央, 伴著的是 芝士蛋糕, 及黃金色的新鮮芒果，旁邊圍著的還有切薄片果仁, 入口有濃芒果甜味, 配芝士蛋糕有口感, 全個甜品香滑 雪芭在下面，配有奶，可以自己調教甜味, 店長真貼心. 吃著可愛的甜品

見無人排隊, 就排第1個去試下甜品.店舖細細, 坐位都算多及密, 要好似快餐店甘, 自行到店內櫃檯落ORDER及付錢, 店員會俾1塊ORDER牌你, 食物整好, ORDER牌會震, 再自行出去櫃檯取食物.Nun Korean Dessert咸甜食物都有得揀.咸點有韓式芝士波波球 $42- 脆皮內係一粒魚蛋, 魚蛋包住一小粒溶化芝士. 魚蛋好彈牙, 小心流心會太熱呀.韓式魔鬼OREO碎碎雪奶 $68 - 棉花冰上面放了煉奶, OREO碎, 切開了一半的OREO餅及一球曲奇雪糕.用半片OREO餅當匙用都幾得意. 整個棉花冰唔係好甜, 不過好快溶.韓式棉花糖雪糕吐司 $48 - 熱燙燙的原粒棉花糖放滿在厚多士上, 再配一球芒果雪糕.一口咬著溶左的棉花糖, 同時咬到多士, 唔會太甜, 又香又脆, 仲可以玩拉絲, 同FD一齊食都好好玩.韓式芝士蛋糕士多啤梨窩夫 $62 - 厚身的窩夫, 不是脆脆的那種窩夫, 是軟軟的, TOPPING有芝士蛋糕切粒, 士多啤梨及士多啤梨雪糕, 生果新鮮, 窩夫加雪糕一齊食又凍又軟都幾特別.

和好姊妹到銅鑼灣吃飯，飯後總覺得缺少了一些東西，原來是未吃甜品。於是我們便到勿地臣街的Nun Korean Dessert，滿足我們的另一個胃。和很多甜品店一樣，這裡的店面不大。為減少店員經常走來走去，要客人借過的不便，這裡採用半快餐式運作，大家要到收銀處點餐和付款，選好座位座下，稍後店員便會把食物送到你的桌上。這晚我要吃的，是韓式特濃抹茶紅豆奶油吐司。伴隨著大球抹茶雪糕送入口的，是滿口的抹茶香味。吐司上也塗滿了抹茶醬，清新而帶點小澀的抹茶味令厚吐司變得輕盈，也消減了奶油的厚重感。紅豆和抹茶從來都是最佳配搭，甜甜的紅豆配上抹茶雪糕，給我帶來絲絲幸福的感覺。

本想食聰嫂，但人龍太長所以去咗呢間在附近的韓式甜品店～1. 韓式傳統雪奶本人覺得呢個最好味，奶味香濃而且軟綿綿既雪奶，配上甜甜的綠豆粉，唔會過份的甜，加上紅豆茸令口感豐富，如果係用原粒大棵紅豆的話口感會更好！ 2. 馬卡龍雪奶對比起第一個雪奶，呢個既甜味少一半，因為沒有豆粉和煉奶。但雪糕的甜度剛好，也很香士多啤梨味，但沒有果肉的。至於馬卡龍的大少對比在照卡上的感覺細了一半，而且味道有點假，色素好似好多。另外加了彩色的栗米片，原來是什果味，味道太複雜，很怪。

晚飯之後，來到比較人少的地方－Time Square後街吃甜品。不用等位子，立刻就可進去了。由於份量還大，我們二人來一客份量很大的一碗雪花冰($68)：雪花冰還好啦，冰和奶都打得均勻，不像其他的吃起來滿口冰粒，骨肉分離。士多啤梨最忌酸，他們有浸泡糖水，所以去了酸味。Topping的Cream跟小Cheese cake還是好吃的（雖然只有一口），算是滑，至少比旺角的那些好。所以，個人覺得不是所說的那麽差。最後，因為位子很擠，吃完就走了，如果一大班朋友的話，就去比較大的會比較好。

一直都好中意食韓式甜品，早幾日食完飯突登搵一間係附近的韓式甜品鋪，黎左呢間，叫左個oreo韓冰，佢咁岩做緊promotion,買甜品送一款小食或飲品，咁我叫左芒果沙冰，以為佢咁抵，但係杯芒果沙冰真係吾好飲，冇乜芒果味，好淡好淡。另外個oreo韓冰，冰吾夠碎，所以要自己一路食一路整碎d冰，味道就不過不失，不過整體黎講...麻麻啦！或者下次試下其他甜品

很久以前已試過旺角分店，當時服務還好，但味道一般，到今天朋友途經想試韓冰，我已經做好心理準備，當陪朋友「打大佬」，兩人分享一客，陪她淺嚐就算。銅鑼灣環境比旺角更狹逼，但不同的是，這裡的服務是自助式，在如此狹逼的環境下走向櫃臺自取甜品，是相當辛苦。上次在旺角試了水果類，沒水果應有的甜度，打算今次吸取教訓，叫了「魔鬼Oreo碎碎雪奶」，Oreo碎+普通的冰+Oreo餅+煉奶，普通的冰當然無味，顯然少少的朱古力漿、Oreo餅碎都是不夠甜味，一灘無味的粉融在口中，然後嘗試倒煉奶又太甜，這個配搭真是好失敗，最後忍不住叫了杯水......整體而言，無論環境、服務、食品和價錢都是水平之下，朋友和我都費解為什麼Nun Korean Desset可以在香港開了四間分店，$68這個選擇真是可以食到其他更高質的甜品。