雙節棍粉麵餐廳

Open Now

Now Closed

夥計推介。娃娃菜煲出色。 另外個湯都有家既感覺完全飲唔到味精既感覺同夠清淡。另外本人比較大食要求多飯。佢地都有回應飯既份量。另外入便更加有波睇。超正。又有波睇又有酒飲。遲下唔食飯黎睇波都爽！

平時多在長沙灣深水埗食飯，今日向少人啲嘅石硤尾行，見到這間茶餐廳幾多人，決定一試下午茶，結論是不推薦，無下次。不明為何這麼多好評食物嘅味道可以好主觀，但衛生絕對有眼見。今日係二零年二月十六日，全城抗疫，但不只一位員工全程無戴口罩，整西多、菠蘿油一直無停口講嘢。水吧係面對食客所以我們看得到，不知道看不到的廚房怎樣。菠蘿油 $26，凍飲+$4菠蘿油經微波爐叮出嚟，賣相不討好，味道普通西多士$28 ，凍飲+$4比菠蘿油正常，可以

今晚叫到會在家開派對，成班朋友上嚟屋企玩，之前已經在這間茶餐廳叫定到會來家中了，老世還親自送外賣，啲野食送到上嚟仲熱辣辣香噴噴，今晚我們多數都係叫炒粉麵飯，因為這間茶餐廳食過D小炒好好味，尤其是炒粉麵飯好夠鑊氣，小菜也好好味，我還叫了兩款雞一款是鹽焗雞跟炸子雞，我最喜歡吃雞，尤其是炸子雞這裏整得很好吃，我跟我的朋友們全部吃完了還不夠吃，最終還要再打電話去跟餐廳再叫外賣，幸好老闆熱情好客，今晚大家也吃得很開心😊

晚上跟朋友食飯，又去了每個星期都聚一聚的餐廳，因為老闆熱情好客，落到去老闆過嚟介紹小菜，加上今晚有波睇，我哋一路食嘢一路飲酒睇波，我跟朋友都喜歡這裏，老闆每次都有不同推介，上次天氣凍了老闆就介紹我哋食煲仔小菜，今晚我唔想食家常便飯，老闆就介紹我哋食左幾款家常小菜，我最喜歡這裏的幹炒牛河，用幼河粉炒特別入味，豆豉鯪魚油麥菜好耐冇食了，這裏師傅，的小炒鑊氣十足，尤其嗰碟豉椒炒蜆和風沙雞我最鍾意，最重要係飲埋啤酒咁多嘢食埋單都係幾百蚊，咁抵食價錢又平…正！

今日下午茶想搵啲嘢食下，就落咗去雙截棍茶餐廳，之前食過夜晚D小菜都好食，見今日得閒就試下下午茶，食咗個生炸雞髀沙律，都係26蚊，仲已經有埋野飲，只雞髀仲好鬼死大隻，見到都忍唔住口，隻雞髀食落去入邊仲有好多汁，唔會因為係生炸雞髀而乾身不好吃，入邊啲肉仲有肉汁，炸得好好味，我仲加咗六蚊飲咗杯特飲紅豆奶茶，真係好好飲，紅豆又多D奶又香，可能我對黑白奶情有獨鍾，因為用黑白奶沖出嚟嘅茶特別好飲，食完個下午茶真係好飽，真係超級抵食！值得畀個讚！

平時行過見都幾多人幫襯，又有NOW TV睇，又有足球睇，而且睇價格又唔係好貴。叫左２個下午茶，乾炒牛河$35同海鮮炒烏冬$35 ，包熱飲。凍飲就要加$4。乾炒牛河份量都算幾多，牛肉片亦唔會似出面茶記下午茶餐咁少，佢依度都有7, 8 片嫁。而且河粉係我鐘意嘅薄身款，即好似越式湯檬咁嘅質地咁。最後我大食都食唔晒，所以係非常抵食。烏冬我老公食茶底唔錯好溫馨嘅係依度有埋差電位同魚露任你添，而且可能都仲新，環境光猛又乾淨，會繼續支持。

之前坐巴士經過見到有間新既茶餐廳，今日又行經咪入去試下，生意很好，老板Joe哥又有善，見我得一支公，就親自介紹左個招牌雙色飯比我，有老火湯，又有凍飲，又大碟又好食，茶餐廳價錢，大酒樓質素，真正平靚正。

今日又同班知己朋友聚下食嘢飲下啤酒，朋友話去返上次嗰間雙截棍，話嗰度啲位坐得好舒服又可以慢慢飲酒傾偈，我哋一落到去老世就介紹我哋食左幾款新菜式，話而家天氣開始涼最好就係食煲仔菜，介紹我哋食左個上湯菜膽雲吞雞同埋臘味芋頭煲，跟住我哋仲叫咗個油鹽水蜆，牛油煎倉魚，蒜蓉開邊蒸蝦，西蘭花炒帶子同埋菜膽雞，最食得辣嘢嗰個朋友仲叫咗碟麻辣口水魷，每個小菜加十文就可以轉套餐，有飯有湯有飲品，我哋仲叫左幾支啤酒飲添，成班老友一齊一路食一路飲真係好爽食得好開心，啲野食真係好好味，今次我哋預先有留定位去到都唔使等，老世仲話如果下次我哋聚餐唔想出街想留係屋企，仲可以上某外賣APP個網頁點餐外賣速遞嚟屋企，真係超級方便啊，想幾時食就幾時食…正！

今晚跟幾個老友收工聚一聚，有一次我去過這間餐廳有聽老闆説了可以打電話留位，所以去到不用係門口等就有位了，入到去老闆已認得我了，我説今晚想食海鮮他就介紹我們食牛油煎倉魚，油塩水沙白蜆，蒜蓉開邉蒸蝦，豉汁蒸白鱔，還介紹我們食個蝦醬啫啫雜菜煲，每一樣小菜加10蚊就可以轉套餐了，有飯有湯有飲嘢，上次食過覺得好味又抵食所有今晚再來的，小菜上嚟碟碟都好香，尤其是嗰碟牛油煎倉魚，倉魚本來就是我最愛，用牛油煎仲更加金黃更加香口，這一餐我真係食得好開心，最開心嘅係找到個好地方，茶記嘅價錢可以食到非茶記嘅食品，跟朋友過了一個開心的聚會，真係好開心啊！

做完嘢已經係夜晚十點幾，好多鋪頭都已經收啦，幾條友經過呢間新張餐廳見環境幾舒服而且仲有小菜啱晒我哋飲下啤吹下水😊😊😊😊店員推薦既雙節棍博餅👍🏻好味唔油，餸酒一流！價錢唔貴值得一試！個人慣性會叫一份椒鹽豬扒！睇個賣相已經忍唔住要流口水啦😋😋😋後面仲有小炒皇 ，蒸魚 ，蒜蓉菜心！食得有小小急後面就冇影相啦！每一道菜都睇得出係好俾心機去做！呢一餐食得好開心，開心小聚！有機會去開深水埗一定會再去幫襯😊😊😊

今次是第二次在這裏食飯，之前食過這裏的魚🐟覺得好味，今晚跟朋友食飯就去了這裡了，我説想食魚老闆就介紹我食石斑，一百蚊一條石斑仲有飯有湯有野飲送，我D朋友問老闆有咩好食，老闆介紹咗我們食炸子雞跟雙截棍薄餅，之後我們點了多幾個菜，每一碟賣相都好靚，根本唔似喺茶餐廳食飯，最正嘅就係老闆介紹嗰個薄餅，入邊原來有啲蔥花蝦米肉碎，好香口好好味，口感有啲似香口嘅肉餅，食落去啖啖肉，我還跟老闆說笑為何不叫肉餅叫薄餅，之後我飲了一杯紅豆咖啡，正！老闆更說下次落嚟可以先打電話留位訂座，那下次就不用等位了，這餐飯我跟我的朋友食得好開心

今晚揸車經過白田見到有間新嘅茶餐廳叫雙節棍，見個名幾得意橫掂又想食啲嘢就落車去看一看有咩食啦，門口寫住有個蒸魚套餐七十幾蚊有飯有湯有嘢飲，我就叫咗個涼瓜炆倉魚🐟食，點知碟魚🐟一嚟到真係已經嚇我一跳了，七十幾蚊食到咁大條魚，條魚一食落口又夠鮮味涼瓜又炆得好食，我真心推薦朋友仔值得一試，我一個人七十幾蚊有飯有湯又有飲品落樓，仲唔係抵食夾大件，間餐廳服務態度認真D侍應又有禮貌又耐心，我真心會再去幫襯！

食過幾次都好正，每一次食哩度既野都會有新驚喜，上次食完佢地推介既魔鬼魚，真係好好食。所以我一放假就帶埋啲朋友仔一齊落黎食飯。有一次佢地極力推介叫我試下啲炸子雞，講真本人平時係好少食雞既，但既然係佢地推介甘我就試下啦。結果出黎真係好好食，啲皮又薄又脆又香口，飲酒食飯真係一流，結果我食左兩碗飯。最重要既係哩度可以一路睇波一路食野慢慢坐，好舒服。之前去其他餐廳食野邊有得慢慢坐吖，一見你食完就趕你走啦，所以我真係好鍾意黎雙節棍食野架

第一次入到去既感覺好舒服，啲員工好親切。野食都👌，由其是啲炒粉麵好有獲氣👍👍同埋佢啲粉麵檔啲牛丸好彈口，我差不多一星期都一定要食兩三次牛丸河。仲有極力推薦佢地啲辣椒油👍👍夠香夠辣