NUTTEA (鴻力工業中心)

Open Now

Now Closed

近來健康大行其道，大家都注重養生，我也不例外，平時喜歡吃Nuts,對於天然的堅果，是沒有抗拒力的。這間Nuttea 我個人很喜歡👅粉紅莓好堅果奶蓋茶老公點了這杯季節限定的粉紅莓堅果奶蓋茶，一飲到底的粉紅莓莓酸酸甜甜的，是有新鮮的草莓鮮榨而成，配上堅果奶蓋後，出奇地口感清新，不會過分負擔。烏龍堅果奶茶這杯烏龍堅果奶茶是我的心頭好，我加上了黑糖凍和珍珠後，配上烏龍茶的清香、堅果的味道，整杯奶茶喝下來就是感覺豐盈，黑糖凍煙煙韌韌，實在非常值得加配。下次試試其他奶茶，一定要加黑糖凍和珍珠。原來不知不覺已經在香港有很多分店，一直見到附近的上班族和街坊也是支持者，希望繼續在其他地方開分店，更方便地買到這些健康飲品吧。

成日都同朋友講好想試nuttea, 想試吓用堅果打出嚟嘅奶蓋係咩味，今日終於試到。呢日嚟九龍灣呢間鋪，位置唔算係好旺嘅地方，不過兩三點嚟到都要排吓隊。鋪面唔算好大，有個位置可以俾客人拎完嘢飲之後整理吓行裝，或者堂食。呢度嘅奶蓋或者堅果奶，係由五種堅果，分別係杏仁，核桃，榛子，夏威夷果仁同腰果打出嚟，比起用奶製品打出嚟嘅會感覺健康啲，啱哂呢幾年嘅vegan風氣。我同朋友各自嗌咗杯紅肉火龍果堅果奶蓋茶同伯爵朱古力堅果奶蓋茶，兩杯都係鋪頭有特別推介嘅。因為係堂食，所以店員都冇幫我地加膠蓋，更加可以幫杯嘢飲影靚啲。火龍果個杯飲落好refreshing,會飲到火龍果肉，奶蓋上面都放咗一堆火龍果肉。堅果奶蓋好厚身，鋪頭有提供一啲匙羹仔俾你食啲奶蓋，奶蓋食落去有好香嘅果味，比起奶制嘅奶蓋增添咗啲風味，好喜歡！另外我自己個杯伯爵茶首先一飲個茶或伯爵茶味好香濃。呢杯個奶蓋有少少唔同，係朱古力堅果奶蓋嚟，朱古力味好重，蓋過咗堅果味。我呢杯嗌咗無糖，但一啲都唔會覺得寡，撈勻咗啲奶蓋感覺啱啱好。下次嚟會想試埋佢啲堅果奶，不過佢啲奶蓋真係好出色，好驚下次嚟又會心大心細添🥲

由台灣引入嘅堅果奶蓋茶品牌，堅持做對的事 💪🏻 用料相當優質，用咗5種堅果：腰果、核桃、杏仁、榛果、夏威夷果仁低溫萃取而成，所以堅果味嘅奶蓋特別濃郁。佢地仲無用牛奶或者奶精架，咁有乳糖不耐症嘅朋友都可以飲到啲咁正嘅奶蓋茶啦伯爵朱古力堅果奶蓋茶 📍$47首先用鏟食一啖個奶蓋 ，3⭐️嘅推薦飲品果然名不虛傳！朱古力同堅果味都好濃郁 😍 究竟點樣做到？！ 奶蓋打得好醇厚好滑身，2隻味都好香好夾，有少少似朱古力cream，但又有香滑健康嘅堅果味再飲一啖伯爵茶，淡淡嘅茶香配埋堅果朱古力奶蓋，真係飲到停唔到烏龍堅果奶茶 📍$34飲落唔會太甜，堅果奶味較重，仲有啲果仁碎增加口感四季春堅果奶蓋茶 📍$341⭐️招牌飲品，同樣有一層充滿堅果香嘅奶蓋，不過今次上面就有啲果仁粒，好有咬口 👍🏻 茶底都好清新

之前講過依間野飲超正，雖然貴咗啲，，但真係太好味到我又要寫食評去讚佢。😂😂😂😂今次冬天就有特飲嘅，有一杯係芝麻味，本身都想試埋另一杯特飲，但係佢話要等半個鐘以上，我就嗌咗宇治抹茶堅果奶。兩杯都係熱辣辣，啱晒冬天飲。宇治抹茶堅果奶超香！我本身食日本嘢都好鍾意飲綠茶，所以今次飲到依間嘅抹茶我都好期待。點知都係唔會令我失望，因為佢嘅抹茶都好正，綠茶粉超級多，唔會令你覺得有淡嘅感覺，而且冬天咁落去，暖粒粒真開心！芝麻堅果奶呢杯係我朋友叫嘅，我就試咗兩堂，本身我對佢冇乜期待，因為我對芝麻冇乜特別好感，但係飲落去又係超香芝麻味！仲有d飽飽地🥰🥰🥰所以依間真係令我一而再再而三試啊！

好耐冇飲nuttea了😝1. 繽紛火龍果堅果奶蓋茶 $39個堅果奶蓋真係冇得頂 食第二次衣然好香濃嘅堅果味 勁厚 成一大半都係奶蓋 上面仲有少少火龍果粒 好fresh 好鮮甜 覺得健康到可以通便哈哈2. 伯爵朱古力堅果奶蓋茶 $47同樣奶蓋好濃郁 呢個有啲朱古力粉係上面 好濃朱古力味 有啲似飲緊啲朱古力咁 下面伯爵茶味都好濃郁 好香醇 最後將啲cream 撈埋一齊仲變左奶茶 又多個味道Overall推介指數：4.5/5次次飲完都好滿足 好飽肚 覺得可以當個tea嘅分量 但係又冇個種好邪惡嘅罪惡感 好開心

有時，飲入門級的，反而更滿足因為一分錢一分貨十分錢，未必會覺得有十分貨分左幾日試，分別試左飲熱同凍有台灣紅肉堅果奶蓋芒果堅果奶蓋伯爵朱古力堅果奶蓋等價錢由$35-47不等一杯野飲值唔值得賣咁貴？比珍珠奶茶🧋值真係教得好是要用鏟子來享受嗰種堅果香味，真係好正奶蓋好香滑又creamy限量的伯爵朱古力伯爵奶蓋茶$47由於無特別鍾情朱古力但見金奬咁威威，咪買黎試下好厚的好蓋😆肥屎係唔錯既但對比只係$35的堅果奶蓋性價比上，我覺得$35就足夠

在新開張時路過九龍灣曾經試過一次，念念不忘嗰種味道，這個很特別的堅果奶是每一啖都感覺到打碎打滑了等堅果碎，並非像一般台式奶茶可以比美。見到介紹係用腰果、核桃、杏仁、棒果、夏威夷果仁 , 冷壓研磨萃取乳化而成，所以飲落去確實口感較豐富, 細味時會覺得好有層次, 而且好有飽肚感。 今日天氣得8 度, 飲返杯暖肚就最O岩。一杯係黑糖堅果奶咖啡 -點了微糖, 飲落甜度不多,反而更加突出到堅果的味道, 另外有咖啡香味但當然不會濃啦,就好似LATTE 一樣。一個係紫米堅果奶, 寫住季限定應該冬天先有得飲。同樣地微糖了,店員還細心問我需唔需要去冰。 飲下去第一重先有濃濃的紫米香味,第2重就NUTS 味, 然後再細咀嚼紫米 ,真係好好飲。 而且堅果;奶;紫米3種材料總遠遠比一杯珍珠奶茶來得健康。

Nuttea係九龍灣工貿區其實好出名，之前係附近買外賣都見到有人排隊買，一直以為佢只是價錢偏貴的台式飲品店，一直沒有多加留意，咁啱有次陪同事去買，先知原來呢間style好唔同，主打用健康的堅果做奶蓋或茶底 , 好啱成日想減肥但又鍾意飲飲食食的我。個menu 好豐富，樣樣都想試，但見到佢寫個伯爵茶朱古力奶蓋係每日限量100杯，都唔理得天寒地凍，即係order 左杯凍的，叫半甜。朋友叫左個粉紅莓堅果奶蓋，同樣半甜。一拎已經好想飲，個奶蓋好豐盈，厚厚的一層，仲好厚實，番到office,要即係開會，隔一個鐘出來個奶蓋仲係度，因為平時出面買的奶蓋飲品用芝士，奶蓋放耐左會自動消失，但呢個因為係用堅果打出來，所以唔會，唔怪之得個店員提我地要拎匙用。打開個蓋，已經好香朱古力味，用匙食奶蓋真係第一次，想講真係好好味，似食cake,好棉好creamy.食到差唔多連埋個伯爵茶飲，紅茶味道加上少許似甜柑橘的味，獨特的伯爵茶香。朋友的粉紅莓堅果奶蓋佢話都好正，大家發現左呢間之後都會會每星期都幫襯，因為太好飲了。

中午吃飽飯，回公司時經過見到新開有間台式飲品，我和同事也喜歡飲台式飲品，所以就一人買左一杯返公司飲呢間飲品店有別於市面其他台式飲品，主打用堅果製成飲品，店面裝修陳列了堅果種類，包括了果仁，例如杏仁、腰果、核桃與夏威夷豆飲品 menu 九成都有堅果成份，有1成沒有堅果成份的應該是想照顧對堅果敏感或不喜歡的人我選了伯爵朱古力堅果奶蓋茶，是三粒星的招牌飲品我同事選了四季春堅果奶蓋茶加珍珠，是一粒星的招牌飲品兩杯飲品都整得好靚，來張合照先杯蓋很貼心的貼上貼紙提醒如何飲用奶蓋茶我同事杯奶蓋上鋪上了夏威夷果仁我的朱古力奶蓋鋪上了朱古力粉我同事飲完都大讚夏威夷果仁同奶蓋好夾，而且有好多珍珠我呢杯朱古力奶蓋都好好飲，雖然肉眼睇唔到有堅果，但飲奶蓋時飲到有堅果粒，真係好夾，朱古力味也很濃總括而言，堅果被喻為 「超級食物」，對心血管尤為健康，想不到可以加在飲品裏面，減低了飲台式飲品的罪惡感

好耐冇飲啦，咁多間nuttea都去過，只係差九龍灣間分店未去過，當然要去下啦！九龍灣nuttea就喺零碳天地隔離，有一條街有好多嘢食嘅，佢喺個巴士站再行前少少雖然係工業區但係唔難搵，店鋪唔算大，但係我好鍾意佢嘅裝修，一定會有五大堅果！！ 有一段時間冇去，原來出咗好多新野呀，仲有堅果醬賣！！ 野飲就有黑糖薑薑堅果奶，黑芝芝堅果奶，紫米堅果奶，葡萄堅果奶蓋茶，粉紅莓好堅果奶蓋茶本身想叫粉紅莓好堅果奶蓋茶，但係因為冰度唔可以變，今日又唔可以飲咁凍，所以唯有下次先飲啦最後就叫咗我最鍾意嘅伯爵朱古力堅果奶蓋茶 仍然係咁好飲，攞獎真係實至名歸！！重點係佢的奶蓋仍然咁厚，每次飲都冇變到，真係好正！😍😍唔想行可以叫外賣

Nuttea聽就聽得多啦，今日同朋友去完Megabox回程嘅時候終於有機會嚟到九龍灣分店，終於如願以償可以飲到期待已久嘅nuttea😋！小店門面裝潢十分小清新，簡約美,環境舒服！店內都有不少擺設可以作為打卡位～ Nuttea最主打就當然係堅果奶同堅果奶蓋啦！我哋一入門口其實已經聞好重嘅果仁味！咁我自己就揀左杯比較原味嘅飲品-珍珠堅果奶。果然一試十分之有驚喜，入口非常之香滑，口感好豐富，啲果仁味不斷係口內散發，真係好似同平時食果仁咁嘅感覺，呢杯絕對可以話係飲得到嘅果仁！價錢方面就比普通一般嘅茶飲鋪稍貴少少，但完全係可以睇得出係有用足料，同埋一定係健康之選，鐘意飲野但又想健康嘅你，一定唔可以唔試😋😋😋😋另一杯係粉紅莓好堅果奶蓋茶佢浸厚厚奶蓋有別於出面坊間的芝士奶蓋，佢係用堅果奶打泡，非常特別又健康！ 奶蓋的口感軟綿又滑溜～配搭爽脆的堅果碎topping讓口感更有層次，草莓果蓉果汁都非常新鮮，酸酸甜甜，十分開胃，正！仲有其他唔同系列茶飲可以下次試下🤪鐘意健康嘅你又點可以錯過！快啲去試下！

今日行過九龍灣工業區，見到有路經既人揸住杯nutstea,心諗應該唔會係附近買掛，，點知一上openrice搵就真係係九龍灣開左間分店。雖然都唔太近megabox,(但都係一街之隔，好似叫零碳天地）再行前小小就見到呢間小店，舖面不大，但店面比較光猛，，而且裝修依然同幾間分店一樣，，牆上都有一些果仁nuts 類既裝飾。而呢家店面比較貼心既係，多了一些充電位比客人用。講回飲品，我order 左一杯伯爵朱古力堅果奶蓋茶同埋一杯士多啤梨堅果奶茶，先嘗一口奶蓋，個朱古力堅果味道濃厚又不太甜，再飲一啖茶，啖啖茶香，，在沖淡口中奶蓋既味道，再補一啖奶蓋，，真美味。再飲另一杯士多啤梨堅果茶，另一種體驗士多啤梨，不太甜，多了一種清新既感覺，，兩杯都好正，下次去開附近都要試埋其他口味，另外呢一間分店，，多了一張宣傳單張，，就係外送貨服務，買滿三百送啟德，當然還有其他地點，，詳情請看相片 。

想推介下位於九龍灣工業區嘅Nuttea。係工業區有一個咁relaxing嘅手搖杯店真係幾特別。人流唔多，但總有一兩人在店裡聚腳閒聊。店鋪裝修簡約精緻，每一杯飲品都經過細心設計，以堅果奶茶作為重心。係健康的味道呢🤤今次試了本店的得獎作品：🍫伯爵朱古力堅果奶蓋茶 $47 廣告十分吸引，裡面的朱古力是100%純朱古力無牛奶添加。所以我最鍾意佢嘅奶蓋。濃郁嘅朱古力味再加上奶蓋淡淡鹹味，好match‼️另一杯就係🍌香蕉燕麥堅果奶 $39 唔知點解佢張相嘅飲品係粉紅色，實際上香蕉就梗係淡黃色啦～一打開已經聞到好香嘅香蕉味。而燕麥嘅味道令me有種健康生活嘅錯覺(事實不是)。我選佢係因為佢用黎做代餐真係相當不錯(係我pre-lunch的代餐😝(日全食!))另一個證明呢間店健康嘅證據就係飲品嘅甜度。平時我飲任何飲品都習慣叫半糖,但我發現呢間店飲品嘅甜度並不是太高，半糖對我黎講不是太甜😛所以我下次會叫翻正常糖。如果有下次，我會再試埋個純堅果乳。帶成支返工飲好似好jeng🤤

#merry豬覓食在九龍灣之前係旺中飲過呢間堅果奶，飲完成日都想飲返。奈何鋪頭地點唔近屋企同公司。好難成日有得飲。今日同牛奶仔去MegaBox途中經過，事不宜遲即刻買黎過口癮。💠💠💠💠粉紅莓好堅果奶蓋茶 $45係季節限定架，冬天係士多啤梨當做季節，緊係要試試佢啦！佢係士多啤梨果茶，茶底似綠茶啦，加上士多奶梨堅果奶蓋，嗌左少甜都唔會好酸，飲落好清新。好啱女士們飲用！💠💠💠💠堅果珍珠奶茶 $38茶底係烏龍茶加堅果奶。預左堅果奶唔會有鮮奶個種啲奶香。烏龍茶味會比較出啲。珍珠都好q彈有咬口。🤙🏻會翻啅！Nuttea地址:九龍灣

終于飲到呢間啦！！小胖之前就聽過and 見過同事飲 (佢地買返公司飲)，今次和小胖媽行行街意外發現佢的九龍灣店！！！雖然帶口罩無法一路行一路飲，但無阻小胖想飲的心！！🤤🤤佢的奶蓋和台式飲品的奶蓋不同，係超濃厚的的一層，超creamy，佢的主打係堅果奶底同外面的台飲奶底不同，而且係綜合堅果！佢的奶蓋濃厚到要用匙羹挖，每一啖都好似食緊慕絲蛋糕咁小胖和媽媽分别各叫了一杯，伯爵朱古力堅果奶蓋茶和粉紅莓好堅果奶蓋茶。一打開蓋就係濃厚的奶蓋，氣味濃郁，聞到陣陣的朱古力味和粉紅莓的清香，而且奶蓋濃厚得來又唔會過甜佢的茶底十分清香，配上濃厚的奶蓋，一啖奶蓋一啖茶，減低甜膩的感覺，一杯飲品，食出甜品的感覺😍佢的粉紅莓奶蓋，層次豐富，先係濃厚的莓香奶蓋，再一次沙冰般的果莓汁，最後係淡淡果茶，十分好飲！nuttea 真心推推推