O’taste (禧利街)

Open Now

Now Closed

喺中環想食韓國菜嘅外賣，見到呢間O’taste嘅食物幾吸引，尤其係啲紫菜飯卷，決定買返個便當來試下～烤牛肉紫菜飯卷便當烤牛肉紫菜飯卷賣相唔錯，睇落好足料，而且食落都口感好豐富，可惜味道比較淡，主要係因為啲烤牛肉唔夠惹味！相反啲炒年糕就超辣，食兩舊已經食唔到落去，但啲炒年糕仲有啲魚膏，用料都算係豐富嘅！韓式炒粉絲味道適中，粉絲口感彈牙，唔錯～

快手韓餐，紫菜包飯即買即走🥹🥹🥹辣豬肉味幾好味🥸🥸🥸叮一下更香🤗🤗🤗其他定食有點像冷盤😼😼😼紫菜包飯滋味更佳🫶🫶🫶沒胃口時的好選擇

突然好想食韓國菜，search 下openrice 中上環做外賣既韓國店唔多，Otaste 中環上環都各有分店夾埋同事幾個一齊訂，叫左伴飯同埋便當同卷物牛肉伴飯好足料，味道都唔錯，同埋估唔到係紅米飯，有小小出乎意料，牛肉唔係得一兩片果d, 簡單數都有5 6 片 飯量就唔算多，但女士食既就岩岩好喇！ 卷物我食過幾次，今次繼續encore 芝士！ 真心正 呢個個人大推便當就... 同事comment年糕比較辣 總括來講係ok 既

外賣叫左呢間野食 本身睇樣都正正常常 但壽司入面d蟹柳係一舊粉 炸雞係凍嘅（唔係放耐左果隻凍 係好似雪櫃拎出黎咁凍） 其他炸物都唔好食屋企人叫嘅雞湯都冇咩料…好求其 … 冇下次

係熊貓見到外賣自取價錢幾抵食，就同同事一齊試下！去到舖頭見到好多人等緊外賣，好彩一早落定單姐～我叫左個一品牛肉便當，一望到個盒，嘩，會唔會大盒左啲。入面一共有七樣配菜，配菜好似每日隨機，我個日係泡菜、西芹、蓮藕、薯仔、炸雞、紫菜蛋捲、炸魚餅！飯係紫米飯，口感幾特別，牛肉唔嚡，但有少少油，不過整體都高質既👍🏻👍🏻👍🏻我同事食牛肉飯卷配炸物便當：我地都好鍾意食粉絲，如果粉絲分量多返啲就好啦！炸紫菜卷雖然凍左，但都仲有啲脆。至於飯卷真係好好好好味！入面有好多材料，分量十足，十分推介！！！

O'taste 此分店在2018年開的,初時食物服務都可以,後期我午飯時間去買S2泡菜豆腐湯因需時製作,直頭唔做我生意再加上我有一次在它剛開門時買飯卷,老闆竟然給我一條隔夜飯卷,我就沒有再幫襯了那時一街之隔的蘇杭街已經開了另一間O'taste,我一直都幫襯蘇杭街分店,直至最近蘇杭街分店執了,今天我再一次幫襯禧利街店買完我便行了出去買些東西,因為以往經驗是湯要等好耐,回來時已15分鐘後,查看枱上未取的外賣,沒有我的,唯有繼續等,過了10分鐘見店員得閒些便問一問,店員便pack給我,咁即係一早有啦,當時我的取餐號碼已經過了差不多30個,好在我公司近,否則真是火都黎......回到公司打開一看......怎樣呀,隻碗已經細蘇杭街分店一至兩個size,仲要得半碗,$70一個外賣真是咁平咩?講返食物質數,碗飯淋到一pat pat,未至於是糊仔,但已經到公立醫院爛飯狀態湯較淡味肉剛能舖過碗底,肉質還可以只是略鞋小小我決定我放棄啦,其實已經比過好多次機會,真的一次比一次差...

見外賣自取價錢實惠於是試了人參雞湯加雞蛋卷半隻春雞，來貨不錯，肉質都易咬，整體清淡得來味道足，湯一點也不鹹，當中有釀入糯米飯的，不過都知道是現成加熱的，所以不會很推介飯中加了紫糯米，除了令顏色更吸引外，味道上亦多了點清甜味最後悔是叫了這個雞蛋卷，是我人生中暫時吃過最難食的，超乾身，好鞋口，調味亦好奇怪，和中間的紫菜非常不夾，味道像曬乾了的紫菜加蛋去煎一樣，有少少乾貨的奇怪味，加上乾到不得了的口感，真的很難吃，不建議吃

公司提供免費午餐假期之前梗係要食得開心啲啦！同事們都一致決定選一間豐盛的開心的韓國餐，當大家打開呢一個便當的時候就馬上打卡10分開心連公司的高層看到也決定下一次加入訂呢一個餐！個人覺得好抵因為好大盒連男同事都食唔晒前菜好色彩繽紛令人大開胃口！飯量很足夠而且係健康的紅米紫米飯，牛肉好似二人份食極都食唔完也是預計中的韓式甜牛肉，前菜當中有啲係魚仔偏向鹹最好食都係蛋同埋甜排骨！值得推介同事都試咗辣魷魚同海鮮鍋都表示讚賞！

依間韓國嘢真係好抵，有超級多材料，仲要如果食飯女士真係好難先食得晒！我今次叫咗個飯卷餐，佢除咗有成10大舊飯卷之外，仲有辣年糕同韓式粉絲。飯卷好睇你叫咩，我就叫咗豬，你見到佢餸同飯嘅比例近乎1:1,甚至飯係少啲，所以唔會怕食飯卷會食咗好多飯又無咩餸嘅依個顧慮，而且10個其實真係好多，食5,6個其實都已經飽。至於個韓式年糕，都真係幾辣，但佢煮得好夠林，唔會好難咬，而且啲辣都真係好入味，同埋年糕都好飽肚。個粉絲其實都係飽肚嘅食物，佢係油油地但好香麻油味。不過韓式餐就唔好期望佢好似啲粉麵飯咁熱辣辣，除咗個年糕之外，其他都係凍咗嘅。另外我再買咗支梨茶。

琴日朋友仔有啲事要去上環, 大食妹又咁啱去開果頭, 就約埋佢一齊食lunch禧利街有好多形形式式嘅餐廳, 大食妹睇黎睇去揀左呢間韓國菜-O'taste<辣炒豬肉紫菜飯卷>飯卷裏面有蟹柳、玉子、辣炒豬肉、酸蘿蔔 同生菜多款配料, 飯嘅部分只有薄薄一層雖然飯卷偏油, 但啖啖都食到滿滿嘅料, 都唔錯<燒牛肉一品便當>燒牛肉一品便當性價比就唔高牛肉味度辣甜, 唔似韓國野...玉子同辣雞太乾, 炒粉絲配料好少雖然有多款配菜, 但90蚊呢種品質, 唔會推介

前排係上環搵食同朋友經過呢間韓國餐廳朋友講起每次經過都好多人咁岩有位, 所以我地就入左去食 ʟᴜɴᴄʜ 喇😝😝.舖頭有堂食有外賣堂食位置唔多, 同埋位置好迫所以如果許可, 我會建議外賣會好啲起碼唔洗迫嘛 😗😗.1) 飯團炒年糕炒粉絲飯 ℍ𝕂𝔻 𝟞𝟠睇佢好似細細份咁, 其實份量都幾多下飯團者係韓國既紫菜包飯 🍙紫菜包飯好足料, 一啲都唔細舊炒年糕唔係好辣, 所以唔食得好辣既人都可以食到年糕唔會煮到大淋, 仲好煙韌.2) 辣炒豬肉『5』種配菜飯 ℍ𝕂𝔻 𝟟𝟘呢個便當真係好大份, 大份到小編食唔晒呢🍱便當既飯係用左紅米, 所以感覺好健康除左辣炒豬肉之外, 便當既配菜炸雞🍗西蘭花🥬同埋『2』款泡菜辣炒豬肉辣得黎好惹味呀🤤🤤🤤其實配菜都不過不失有肉有菜, 亦用紅米去代替白飯, 感覺非常健康😎...小pop會繼續不停食食食，所以如果想得到更多似食資訊，請like & follow～😋

上環lunch time好推介🤤成日想食韓國野 今日行遠小小 去到禧利街就搵到呢間韓式便當驚喜入到去啲staff係講韓文嫁😂餐牌上好多選擇 樣樣都好吸引 最後揀咗呢樣辣炒豬肉5種配菜飯🐷 $70便當入面有辣炒豬肉、韓式粉絲、紅米飯、一舊炸雞同蛋卷、芽菜、泡菜同青瓜其實見到咁豐富已經好滿足了🤩而且味道好好！特別喜歡佢個炒粉絲 好香！辣炒豬肉好濃味 不過我自己唔食得辣 最後食唔到🤣🤣

大約一年前，在上環禧利街開了一間韓式餐廳 O’taste！都幫襯了好幾次！供應的韓式美食琳瑯滿目！可以堂食及外賣R8) 鱷梨蔬菜飯糰 Veggie Kimbab $45一客十件韓式飯卷，包括：菠菜、醃蘿蔔、甘筍絲、黃瓜、韓國火腿、韓國蟹柳、雞蛋...等，當中，酸咪咪的醃蘿蔔口味最為突出！面豉湯鹹了一點，要在公司加水才入到口！ 而且已放涼了！L13) 飯糰+炒年糕炒粉絲飯便當 Kimbab Theokbokki & Glass Noodle $65飯糰似人手包，唔會包得咁實，味道適中，唔會滯口！年糕的辣度及甜味平衡，質地好煙韌挺身，所以都幾飽肚！ 夾雜了柔軟的魚糕及被染至橙紅色又入哂味的黃芽白！炒粉絲真是邪惡到一個點呀！ 算是幾油膩又香口！卻是份量偏少，令人覺得不夠喉！韓國粥蜂蜜南瓜粥 $20這是即開即食的包裝，拉開拉環，並附上膠匙，十分方便！由於，南瓜粥混合蜜糖，入口頗甜！ 而且質感濃稠！鮑魚粥 $35紅色的包裝袋，由於寫韓文的關係，撕開才知道這是紫菜粉及白芝麻，建議熱食！鹹味的鮑魚粥幾綿滑，鮑魚粒帶有嚼勁！ 整體味道及質素也不錯！

夜晚諗唔到想食咩,經過呢間韓式食店,決定買炸雞做晚餐$48/5件韓式無骨炸雞,收銀店員唔識得聽廣東話,只能用英文溝通,自問自己英文能力絕對正常,而且只係簡單兩句溝通,唔知點解整體感覺店員都唔係好友善,仲要黑面,而其實好多時候都會喺地道韓式食店遇到呢個情況講番食物,眼見已經有好多炸雞炸好放咗喺度,而負責煮嘢食嘅店員會馬上再翻炸,大概等三分鐘之後就完成,無骨炸雞分量都幾大舊,啱啱炸起非常非常熱,好香。炸粉略嫌有點厚,雞肉嫩滑,會配上兩個醬汁畀客人,一個係韓式炒年糕嘅辣醬,另一個就酸酸甜甜既醬汁。雖然見到有啲食評都話呢間食店嘅嘢食好一般,但可能由於我今次只係試炸雞,反而覺得味道幾好,比我想像中嘅份量多,配上酸酸甜甜嗰個醬汁幾好食,而且夠熱夠香,不過當然係比較熱氣啦希望呢間食店能夠改善一下服務態度,咁就會更好啦。

O’taste (上環)上環禧利街6號地舖-----照燒雞肉5種配菜飯（$70）- 呢間韓國🇰🇷野 最近係上環連開兩間😯裝修又幾elegant 餐單好多選擇 搞到B仔都忍唔住買黎試下😄 照燒雞份量好多 但雞肉唔算嫩滑 照燒汁味道亦唔濃郁 粉絲 都係清清地 味道唔太甜 燒玉子有少少蔬菜係入面 口感不錯 其餘ge配菜 有豆腐 甜酸雞塊 泡菜 同 菠菜 款式雖多 但全部都係比較清淡 無一款令B仔覺得特別驚艷 總括黎講 呢間韓國野 味道無外表咁吸引 但全部都少油清淡 適合追求健康人士😝-----👶🏻B仔整體評價：7.5/10個👍🏻👶🏻B仔抵食程度：7/10個👍🏻👶🏻B仔環境評分：8/10個👍🏻👶🏻B仔味道評分：7.5/10個👍🏻👶🏻B仔回頭機會：7/10個👍🏻-----跟住我一齊吞食香港啦！🤤#swallowsheungwan