Oaoa Pizza House (布心排村)

Open Now

Now Closed

隱世高質pizza!!!好食過其他店既pizza都有好多口味揀：有牛肉、三文魚、雞肉等等選擇，又可以雙拼👍🏼見到d配料都好豐富 超抵食！配埋個醬好惹味，又唔會太漏

本身唔係大尾督居民，今去朋友屋企新屋入伙閒聚，朋友話樓下有 Pizza 好方便，可以邊玩card game 邊等，所以大家叫左一大一細試試。我地揀左羊肉(Halal food)、雞馬蘇里拉芝士、同埋磨菇碎牛肉，意大利辣肉場(牛肉)，另外再加辣(青辣椒)個 Pizza 餅底無得輸，係Maru級數！個底係乾身得黎個粉團係好濕潤 in in 韌韌，但係又唔會好難先扯得開新鮮熱辣辣非常好食，個料嘅濕度同埋個餅底嘅 in 韌感非常夾，唔會有「啲料好少」嘅感覺唯一可惜係個青辣椒加左好似無加，喜歡食辣嘅朋友仔好失望但整體 encore-able！

竟然有羊肉pizza🍕?!menu居然有超過10種口味，可自由雙拼仲要有羊肉!!身為羊肉愛好者梗係要試下啦🤤🍕雙拼Pizza 7"厚批 - BB辣 ($60)▪︎🐏羊肉呢個真係啖啖碎羊肉，幾有羊香味但唔羶，估唔到羊肉加落pizza又唔錯喎，幾有特色而且同其他配料係夾既▪︎🐮蘑菇與碎牛肉相比起羊肉，呢個組合就冇咩特別，牛肉同蘑菇味都唔出，味道冇特色到只可以形容佢做典型pizza既味值得一讚既係芝士係比得重手，好容易拉絲，嫌唔夠仲可以order extra cheese🧀只係批底雖然話係厚批，但係都比坊間既薄同埋較似餅乾，唔係我預期既厚批😕仲有BB辣係會提供辣椒碎，只係又同我認知既辣椒碎唔同，睇落食落都唔多似辣椒，味道偏鹹又唔夠辣，加上可能係潮濕關係結埋左一舊，一係倒唔出，一係大力搖一下之後山泥傾瀉咁成堆瀉曬落個pizza度🤦🏻‍♀️同埋明明話會有oaoa薄餅醬，但店員比漏左我其實味道唔差兼且羊肉pizza係真係好味，一人份pizza亦只係60蚊係相當抵食，只係仲有進步空間。

嗰日放假去大美督個龍尾灘嗰邊游吓水燒下嘢食。返屋企之前，就經過左大美督嘅布心排嗰度買咗兩個Pizza返屋企。想我聽人講話特登過去買呀嘛，咁我咁岩經過冇理由唔買㗎嘛特別一提嘅係，呢一度嘅相片Pizza係唔使額外加錢嘅添！所以我哋兩個Pizza總共做咗四隻味，分別有煙三文魚、牛肉、羊肉同埋雞肉🤪樣樣都試吓啊嘛煙三文魚：佢每一塊 Pizza上面都有一大塊嘅煙三文魚🍣，令到我哋啖啖都可以食到三文魚加pizza嘅味道👍🏻羊肉：羊肉俾嘅份量好多，都幾重羊味，唔算太重羊羶味👍🏻牛肉🐮雞肉🐣：正正常常，鍾意佢哋個醬汁。用嘅比例都算多 😽最鍾意嘅就係佢配埋嘅特色醬，點住嚟食唔會覺得太溜😼我鍾意食辣嘅朋友仔，仲可以另外問佢攞辣椒粉㗎！

上網想搵不一樣的Pizza，見openrice有得訂外賣自取，又怕店關門，所以訂前我專登打電話查詢是否營業。經網上訂設定了自取時間，去到只是等大約5分鐘左右。等的其間都見佢有出外賣送貨及有村民訂Pizza。由於款式不多，有厚薄之分。今次嘗試了一個鮮蝦Pizza，以及馬蘇里芝士。果然小店係有驚喜。批我有選一厚一薄，但我覺兩合個好像差不多厚度。但口感好味道。馬蘇里芝士就一般，芝士都香濃，反而鮮蝦Pizza材料好多，呢一個Pizza係好豐富。不得不提佢附送的醬...大家不防一試。說不出的味道。下次有時間可以嘗試其它不同口味。

8好風球落波後，準時送到👍🏻3個pizza 熱辣辣 推介火箭菜+牛❤️雞同半都好食 可以half half咁揀口味🍕小朋友就勁like芝士菠蘿配上佢哋獨家醬 😋以後唔洗叫其他pizza 🤤🤤

Good value for lazy Sunday with couple of beers. OAOA Pizza offers a simple system for customer to choose the flavour. The pizzas are fair enough from a price value perspective. Also they could provide the delivery service as well. The only complaint is the crust could be improved for better taste. 

今日專登由將軍澳去大埔一間朋友介紹嘅Pizza店試吓佢嘅Pizza，由於店舖可以用WhatsApp落單，所以我們去到只需要等5分鐘就已經可以攞到熱辣辣嘅Pizza，佢哋係即叫即整啱啱出爐嘅Pizza熱辣辣同香噴噴真係想即時試吓。由於我哋係外賣返屋企食，所以我哋冇即時試食🤣🤣🤣。雖然返屋企要一段時間但係都冇影響到個Pizza嘅味道，最重要係佢會跟埋一啲秘製嘅醬汁，令到個Pizza更加出色，食多幾塊都唔會覺得”漏”☺️。呢間店有另一個特色就係無論大批同細批都可以雙拼唔同嘅味道，所以我哋今日試咗四個味道，每個味道都各有特色，我哋試咗2個大薄批1. 02羊肉拼08M磨菇碎牛肉2. 04辣肉腸拼01 雞肉 羊肉pizza真係超級推介完全冇騷味，蘑菇碎牛肉pizza都十分出色。辣肉腸pizza真係冇得輸，雞肉pizza都好有特色。下次一定會再嚟試吓佢其他味道

因本人食嘢比較奄尖，好多嘢唔食。已想試呢間 pizza 店好耐(單車友經過食過話好好味)，睇完 menu 又係好多配料唔食。今日膽粗粗入去 order, 唔要呢樣唔要嗰樣，少D呢樣，加嗰樣。可能小店一一照單全收👍👍👍，唔似出面幾間大牌子，menu係咁就係架啦("企理一邊諗清楚再叫，一下位"，親身經歷😠)。一帶開盒，賣相ok喎， 薄批多醬少芝士燶邊。真係好味道，佢地仲提供咗幾樽自家製醬汁(忘記影相)，有另一風味，其它地方未見過。味道85分，服務態度101分，會再幫襯，仲要介紹俾單車友。

Oaoa Pizza House隱世高質小店 Pizza 勁有誠意可媲美港島啲出名pizza 🍕雞肉披薩、鮮蝦披薩、馬蘇里拉芝士披薩、意大利辣肉腸披薩 14 吋$130@1雞肉>芝士>辣肉腸>鮮蝦薄餅皮煙韌 芝士勁多可拉絲配料勁多 味道好好一個人可以食晒半個 小店附送既秘製醬汁勁好味 清新解油膩 如果地點唔係咁偏遠 每個星期同朋友聚會食都得呀！😋靜靜雞指數 🐥🐥🐥🐣🥚🔂再偷食指數 ✅✅✅✅☑️💲減荷包指數 💸💵💵💵💵——————————————————店舖資料📍 大埔汀角路布心排村9號地舖#eatstealthily #靜靜雞食 #香港美食 #美食 #food #hkfoodie #foodiehk #instafoodie #hongkong #topcitybiteshk #hkfood #hkig #foodporn #discoverhongkong #foodlover #hkrestaurant #pizza

終於唔駛食連鎖pizza店!! 👍🏻👍🏻第一次食Oaoa Pizza House好驚喜🍕分別叫左pepperoni pizza拼chicken pizza 同埋mozzarella cheese拼vegetarian pizza只設外送不設堂食架Pizza好夠熱又好香脆4款口味都咁好食🥳雞肉嫩口，芝士及配菜都好多辣肉腸唔會太咸特別一提綠色sauce好fresh小店咁有心值得再支持！🥰 

如題，pizza真係好新鮮熱辣好juicy，一試難忘!!個晚叫左14吋雙拼pizza，意大利辣肉腸（包括牛肉）拼鮮蝦薄批，材料新鮮，芝士味道濃厚又juicy，$130就可以有甘高質既pizza雖然小店專業做pizza，但希望遲d會有痳意粉同小食，如個日唔叫pizza時，午、晚都可以幫襯多d!!

先講D間店位置的確好易找到！附近有巴士站 、小巴站，重在單車徑旁。晚上亮燈後更明顯易找！！至於個手工薄餅更喜出望外，味道款式多達八種選擇之餘重可選雙併。材料方面配搭得恰到好處！今次小弟選雞肉、鲜蝦雙併……當打開盒一看已見心思，薄餅盒蓋設計可分開作4個碟子用（方便野餐）！接著品嚐薄餅時更驚喜，没想到D雞肉、蝦肉還是那麼嫩滑，D芝士及配菜也比大店豐富。當然大家最關心、最重要的是。。。如此美味薄餅的價格還比大店低！！！

太、太、太好味啦！下次必定再encore.今次試咗半雞肉，半蝦薄批，拉芝好足料。價錢合理，大件夾抵食，小朋友都讚不絕口。下次都可以叫Pizza去海灘果邊嘆下先！

第一次試呢間pizza，叫左mozzarella cheese同埋pepperoni pizza， 因為好鐘意食芝士，所以pepperoni仲加左$20 extra cheese🧀 ，芝士量真係好夠，仲拉絲添😆，食得好開心。配埋綠色的醬好夾好好味😁值得一讚既係送貨非常準時，係預定的時間準時到，pizza送到黎仲係熱辣辣🍕，覺得呢間小店好有心🧡，會繼續支持👍🏻👍🏻👍🏻希望之後可以有小食嗌🧞‍♂️