Video
6-min walk from Exit D1, To Kwa Wan Station
continue reading
Opening Hours
Today
11:00 - 20:00
Mon - Sun
11:00 - 20:00
Above information is for reference only. Please check details with the restaurant.
餐廳：茶閒裡 (紅磡)地址：紅磡馬頭圍道63號啟岸1樓104號舖飲咖啡嘅西餐廳確實周圍都喺，不過要搵一間能夠好好享受飲茶同打卡嘅餐廳好似就相對較少🙈。隱身於土瓜灣啟岸入面嘅茶閒裡就喺香港數一數二走文青風嘅茶館❤️，店內裝潢簡約整潔，近似日本風，木系家俬配上綠色嘅植物做點綴，想搵個地方休憩一吓就適合不過😎。呢到嘅餐飲以安吉白茶、糯香普洱同小青柑等中式茶為主打，仲有茶啡同特調茶飲等創新嘅款式🆕，食物方面有菜飯套餐同甜品，不過選擇就唔多，如果有多少少選擇應該會更好💪🏽雞翼菜飯套餐($95)有四隻滷水雞翼，每隻都醃到好入味，肉質嫩滑飽滿，肉汁豐富💦，鰻魚菜飯套餐($95)有1/3條塗上蒲燒醬汁嘅鰻魚，食落彈牙滑溜，不過外層就未做到焦香效果🔥，肉質都唔算厚。軟硬適中嘅米飯混合咗青菜增添清脆口感🥬，無論喺配雞翼定鰻魚都有助減低油膩感，同時令健康程度同層次感昇華⬆️，套餐亦包咗一杯野飲同水果，不過份量唔多，男仔可能要叫多個甜品同飲多杯茶先夠飽甜品試咗個芒果茉莉mini林明頓($30)同朱古力mini林明頓($40)🍫，兩款無論喺味道定外觀都做得非常精緻，芒果同椰子絲嘅融合充滿清新滋味，仲帶有茉莉茶香嘅後韻🤤，朱古力嗰款就比較香醇濃郁，表面嘅果仁碎同鬆軟嘅蛋糕形成口感上對比🍰估唔到香港都會搵到罐罐烤奶🥛，用咗瓦煲將茶葉同花瓣用牛奶慢煮，令甘香味逐漸釋放出黎♨️，玫瑰罐罐烤奶 ($68)用咗百瑞香茶底，而茉莉抹茶罐罐烤奶($68)就用咗茉莉雪芽同抹茶🍵，盤仔上仲有齊曬乾花、山楂、米通同小食，令整體味道無咁單一😉，香滑嘅鮮奶茶越煲越濃，養身又暖胃，份量仲要唔少，飲到好飽😂，今個冬天一定要再去飲多次！
continue reading
忙裏偷閑、寫意人生，又點少得一杯茶呢？茶既可以為生活點綴，加添品味；又可以成為一種文青風格。嚟到紅磡嘅茶閒裡，餐廳食物種類唔算太多，但就極花心思，由一杯茶、一份主食同甜品，讓你放慢生活嘅步調，享受寧靜嘅片刻。茉莉飄雪茉莉飄雪非常香滑，而雖然係一杯凍飲，但啖啖都帶有茉莉花茶嘅清香，充滿層次，仲夠晒解喝。小青柑酸酸甜甜嘅小青柑，非常滋潤又消滯，飯前飯後都啱飲。桂花烏龍mini林明頓甜品絕對係茶嘅最好朋友。桂花烏龍mini林明頓帶有香濃嘅烏龍茶味，而奶油則加上桂花味，再配搭清新椰絲，甜而不膩，茶香持久。開心果mini林明頓開心果控必試！開心果mini林明頓味道唔會太甜，Nutty味好重，好滿足！川香孜然牛肉、粟米蒸水蛋、清炒廣東菜心配雜糧飯餐廳而家同nutribite合作，推出多款健康配搭，以兩份蛋白質、一份膳食纖維、一份碳水化合物組成。仲會將能量同營養素參考值印係每份食物上面，讓你健康加分。豉油雞扒、粟米蒸水蛋、三色素小炒配牛肉燜飯健康餐又唔一定淡而無味，川香孜然牛肉微辣夠開胃、豉油雞扒嘅醬汁香濃，雞扒入味又唔乾、至於粟米蒸水蛋嘅粟米非常鮮甜。健康餐同樣可以好好味！
continue reading
茶閒𥚃😘😘😘品嚐茶之道土瓜灣啓岸巷子、進駐以品嚐「茶」之名、咖啡輕食店、全淺木系列、樓底夠高、寬敞舒適、環境清新、充滿文化氣息！悠閒自得🤩🤩✨ 鰻魚菜飯套餐$95鰻魚蘸上甜豉油微烤煎、鎖住肉汁、鮮甜美味、肉嫩溶化入口、色澤鮮明、賣相吸睛、配有嚼口珍珠米菜飯、配搭一流！套餐、水果、桃子和小蕃茄、清甜可口、泡茶！清冼味蕾、品噹甜品❣️# 氣泡茶# 以茶代酒#✨少年氣茉莉雪芽、羅勒、香水檸檬$52以中國茉莉雪芽泡茶、茶香清幽、花香濃郁持久、清新fresh、手打香水檸檬、帶微甜羅勒、混和攪拌、可以品嚐到、有霸氣的綠悠悠氣泡茶🤤超🈵️足！✨朱古力mini林明頓$40起源澳洲、鬆軟帶cream朱古力味、海綿蛋糕、外層沾🈵️朱古力醬、椰絲、榛子、朱古力脆片、並以小方形、咬一口、層次分明、口感豐富！飯後甜品！享受人生！✨什菌臘腸菜飯套餐$90香菇絲、鴻喜菇、臘腸片、菜粒、珍珠米、混和焗！清香爽、不油膩、味道又幾夾、仲有脆邊煎雞蛋！錦上添花、飽肚滿足😌✨青風抹茶鮮奶茶（茉莉雪芽、抹茶、牛奶）$42清幽濃香茉莉雪芽、伴抹茶味、混和香滑鮮奶、成為中式奶茶茶底、綠悠悠、色澤分明、面層以鮮奶泡打泡沫、一陣青風吹過、淡淡花香撲鼻、抹茶奶香溶化口腔💘✨開心果mini林明頓$40濃香開心果味、鬆軟海綿蛋糕、內軟綿綿、沾滿椰絲、開心碎、甜度剛好、口感細膩、yummy yummy 😊茶閒裡紅磡馬頭圍道63號啟岸1樓104號舖港鐵土瓜灣站D1出口、步行約6分鐘
continue reading
土瓜灣樓盤啟岸自從落成後，多咗吾少餐廳進駐，餐廳前身結業後好快就變咗新餐廳，主打舒適品茶☕️種類繁多，環境又寧靜，去放空一下十分不錯。🐔 雞翼菜飯套餐 $85雖然餐廳主打品茶，雞翼亦比想像中有驚喜！雞翼煎得皮脆肉嫩。好耐冇食菜飯🥬菜飯又夠健康💚套餐包飲品，系梔子生椰同梔子椰青要加$10，梔子茶味道清香，加埋椰子加牛奶🥛數款材料加埋竟然幾match🤍椰子味夠突出🥥🫖 月光美人 $68個名好有詩意，系純茶白茶，味道屬冰糖甜，香氣清冽淡雅💆🏻♀️店員更細心咁會擺紙卡系茶品旁邊，有印上茶品特色/ 產地，背後系寫溫度/煮茶時間/ 茶品容量，十分詳細，細節令人感到用心。🤎 桂花烏龍林明頓 $30澳洲傳統甜品，海綿蛋糕軟綿綿，滲出陣陣清新桂花烏龍味☕️Cream細滑而不膩，表面椰絲令賣相加吾少分🤍💚 開心果林明頓 $40通常開心果甜品好多系伏🥸呢度又整得吾錯！表面有大量開心果碎，食落就重開心果味☺️真系第一次食☝
continue reading
上次和朋友試左啟岸1樓的西餐廳, 今次就試下呢間係附近新開的茶館, 裡面裝潢餐椅都是木系, 地方寬敞舒適, 很優雅和寫意~這裡提供簡單的3款菜飯套餐, 包括雞翼、雜菌臘腸或鰻魚，奉送清茶一杯, 有兩款供選擇, 配菜方面就有黃桃和小蕃茄。我地就叫左雞翼菜飯套餐 ($85)和鰻魚菜飯套餐($95)雞翼表面好似小小煎過, 幾入味，雞肉嫩滑, 加上小小芝麻, 食落更香~鰻魚鮮美多汁, 肉質柔軟, 配埋菜飯一齊食, 都幾夾, 有肉有菜, 健康啲~ 茶點 #伴茶左右#烏龍茶mini林明頓 烏龍茶味比較小食所以試下, 入口有很香烏龍茶味道，口感軟滑，甜而不膩配茶唔錯正山小種紅茶:產地福建武夷山, 茶葉經松木熏製而成，有著濃烈的松煙香, 香氣是松煙, 桂圓香, 茶味甘甜中略帶點煙味, 好飲~氣泡茶: 逐風 (茉莉雪芽, 荔枝, 鳳梨) Lychee Sparkling tea:呢杯氣泡茶好靚, 真係好適合打卡, 所以只限凍飲, 哈哈, 飲落有驚喜, 荔枝海鹽味好清新, 茉莉雪芽清香餘韻, 推介~呢到都有好多不同特色的茶系飲品可供選擇, 和朋友一齊邊飲茶閒聊, 真係好享受。
continue reading