海皇粥店 (好爵中心)

Open Now

Now Closed

下午6時,自取外賣, 男女員工都無禮貌. 企了很久也無人理.問女員工又大聲夾惡. 外賣放在一邊又唔出聲. 白等. 炒得啦！以後到唔去海皇. 買嘢都受氣!!買咗油條,牛俐穌. 腸粉. 味道一般. 牛俐穌很細件.

因為工作關係需要響葵芳轉巴士，有啲趕時間，但係又尷尷尬尬有少少時間，所以就走去隨便搵多啲地方食嘢，見到就響地鐵站隔離有海皇粥店，就直接走去嗰度試吓，因為響正巴士站隔離。可能時間比較早人手方面就應該唔係好夠，不過做得到亦都覺得冇問題，係見到佢哋做得比較辛苦啲。識嗰度早餐大部份都係粥麵，食粥感覺時間比較需要多啲，所以結果都係叫咗個米線，叫咗個輕量蕃茄湯米線跟豬肉丸，豬肉丸比較細粒，但係蕃茄湯就好啱我個人口味，我比較鍾意偏酸味多啲嘅，佢完全做到，份量亦都足夠，來嘅時間都快，所以整體嚟講係收貨嘅。

我堂食叫左一碗碎牛瘦肉粥，但職員上餐時，我發覺碗粥只有碎牛而漏左瘦肉，跟住我同職員講，經理同職員們都好有禮貌幫我換過碗粥，仲同我講唔好意思，服務態度大讚，值得加許。

員工素質差，做事慢吞吞而不著急的樣子。 處理事情慢條斯理。我叫外賣既，去到見到d外賣係廚房出咗爐，但完全無員工主動跟進，無員工去包外賣，到我話要拎外賣既時候，佢哋先去理。

菜脯炒米粉 + 家鄉銀針粉餐(凍豆漿)菜脯炒米粉, 食過好多好多次, 好吃的.炒麵其實也不錯, 但菜脯炒米粉更好吃.蒸蘿蔔糕也可以的.今次第一次食家鄉銀針粉餐, 唔錯,  又多一款可常食的選擇.葵芳區內, 有三間地舖粥品店選擇, 三間我都吃過, 另外兩間都只是過得去, 平平.我仍會選擇海皇好爵中心店, 食物味道較平均, 而且菜脯炒米粉及家鄉銀針粉, 較出眾.有關禮貌, 多次觀察此店算是人手不足, 當然會是老闆一層壓一層商業安排, 有次我聽到一位流俐廣東話外賣女士與女收銀員落單對錯對質,需我沒有聽清楚前段因由, 但女收銀員巳誠懇三次望住外賣女士道歉, 出於了事或平息外賣女士怒火也好, 外賣女士仍不放過, 繼續兇神惡語氣追住說......自己冇說錯, 係你落錯.女收銀員服務態度巳算唔錯, 又收錢, 又要聽外賣電話, 又堂食落單, 仲有一口氣, 仲要執枱, 幾好皮氣, 點點人工, 禮貌上算係咁了.我在此店, 吃過十幾次, 禮貌可接受, 或許未見過人手足過, 所以加以體諒多功能小員工吧!

員工態度極差 因為食素原因 入去想買碗白粥 見到有絲苗白粥 見店員打單顯示瑶柱白粥 詢問一下 店員用極差態度答 無㗎喎 有瑶柱㗎 寫咗啦，我話但餐牌寫絲苗白粥，佢望一望 無呀 賣晒啦 你唔退返錢俾你囉 永遠唔會再去

天氣熱，老婆大人不想吃飯，看到海皇粥店便走入去。叫了两碗粥，及第粥味道美，但菜乾排骨粥太鹹，隻鹹肉粽太淋，食物水準真是每況愈下。人手短缺，無人執枱，落單姐姐隔米半遠，我未講完佢已走咗去第二枱，想叫个牛梨酥都唔得。

真係不吐不快，事源在日本城買了現金卷，那款一張卷一款食物，埋單時經理責罵點解落單時唔出聲，咁張卷嘅使用條款又冇講事先要出示，起勢鬧話唔同方法入單架，鬼知咩，然後大發慈悲話今次比你用，下次唔比嘞，但上次明明可以用喎，經理又大聲呼喝話你唔好同我講上次。都算，用到咪走囉，仲要叫返我返轉頭，話寫明一次用一張，唔可以同其他優惠一齊用，咁梗係一次用一張啦，唔通睇完比返我咩，我真金白銀買，我相信係現金卷，原來你鍾意就話優惠卷，你玩晒啦，cap水就出卷，用就唔願比人用，搵鬼買都得啦，食野食到一肚氣，堅唔會再幫襯。

以前很喜歡到海皇粥店吃菜乾排骨粥，貪其將老火湯一樣，火候夠，味道足。但上次來吃發覺質素差了很多，感覺加了很多味精，今天突然心思思很想吃，於是再次來試試，菜乾排骨粥用料沒有以前那麼豐富，菜乾跟肉都比較少。味道少了味精，變得清淡，感覺更樸實好吃！炒麵跟以往的差不多，味道中規中矩，最愛加甜醬一同吃，略嫌比較油膩。順帶一提，這裏的姐姐很好人！我們落單時不停為我們配對套餐優惠，看看如何可以以最優惠價錢賣單，實在抵讚！

因為有免費一品海皇粥贈食，所以今天下午來海皇粥店食粥， 另外還加咗一份蝦米腸。從外觀來說，一品海皇粥及蝦米腸都不過不失。粥及餸嘅份量OK，粥底綿👍🏻、蝦雖然是雪蝦🦐但脆口、魚新鮮有鮮味👍🏻、肉丸ok、油炸鬼及花生🥜唔脆囉😑！蝦米腸味道一般，因為腸粉唔夠滑身及只是微温，可能已經做咗一斷時間。服務方面，員工都ok，落單快而當天下午客人唔算多，大概只有二十位客人。整體而言都係嗰句不過不失😅

首次幫襯，甚少寫食評，忍唔住發表下。等左10分鐘都無人執枱無人落單。下下話轉頭轉頭。聽到隔離有幾枱，呢頭落單，個頭話無喇。完全唔想做生意咁。服務態度懶散，接受到先好去幫襯！

只點過粥，推薦粥~豬紅牛肉粥，豬紅完全不腥，滿滿的鮮甜味，太厲害了補血聖品粥體本身都很綿密還點過皮蛋瘦肉粥和南瓜粟米碎肉粥，每當身體不適，或是想吃點清淡的又不想吃的沒滋味，亦或是單純想吃粥，就會想到海皇，碎肉本身都相當夠味，慢慢地在嘗試點不同口味，感覺應該都不會中伏。油條 炸花生 蔥花 白胡椒粉 好味~~唯一不推的點大概就是店員吧，態度......如果不在意的話...海皇的粥本身真的蠻好吃的~離地鐵站又近，相當方便~

入到去見到好多枱客人走左無人執，搵到張枱面都有食剩垃圾，坐低十分鐘搵人叫餐都無，見到全部職員低頭族及傾計，有人行過都話等等，真係唔想嘥氣費事等走咗，以後都唔會去食

這分店我已堂食過過五、六次，但每一次總是有令人失望的地方，食物溫度往往不夠熱，送到來只是微䁔，腸粉、炒麵如是，甚至乎試過在一琬艇仔粥裏面發現有體毛！除食物外，職員工作態度散漫，今天下午為了想吃得清淡點，再次光顧，看到有數張枱客人已走但仍未收拾，我點了一個「粥你愉快餐」，套餐是一碗南瓜肉碎粥及炒麵，炒麵送上來只是微䁔，為什麼懶得連用微波爐翻熱一下也不會呢？！炒麵完全沒有鑊氣更有點濕，南瓜肉碎粥算是不錯。朋友說套餐只賣$27元不能有要求，但我認為一間有熱誠的食肆，是會將做到最好的食物送給客人。