章魚船 (Closed)

食咗一半先記得影相， 章魚船嘅壽司拼盤 可以睇得出材料優質. 88蚊有大拖羅食係邊度搵, 壽司都係新鮮同埋 厚薄適中 ,細微如筷子及wasabi都睇得出店家 對質素嘅追求. 唯一缺點可能係開喺舊區 舊屋苑商場 唔係太多人知, 希望多啲人睇完呢個食評之後可以去試下佢嘅 壽司combo!88蚊食咗三文魚兩件赤身一件油甘魚一件大拖羅一件 六件小卷

今晚要開OT, 同事提議幫襯荃灣，於是由沙田揸車出荃灣買外賣，得知此店開咗二個多月，都幾多人幫襯，攞咗外賣返到沙田已經晚上九點多，正正興高采烈開餐時，先發現少咗一個餐，好掃興，於是whatapps通知返小店，諗住下次再補番個餐，誰不知老師細問我依家係邊，咁我話響沙田😓點知佢話搭的士送番個餐俾我，我都半信半疑！點知真係半小時後，晚上十時多，Ricky姐姐親身搭的士由荃灣送個餐到嚟沙田，我個吞拿魚丼$88， 但由荃灣的士往返沙田都唔止$88！咁溫馨嘅小店，真係好窩心🥰食物有質素👍🏻下次再會幫襯的。（P.S: 其實同事落單唔清晰：-））

行過見到有新食店進駐，決定買外賣返屋企試吓。今次只是試壽司同刺身飯。當時大約13:30，都有幾個人等緊，order左一堆野，畀完錢，話要等30分鐘，ok👌🏻冇問題。見師傅真係即場手握👍🏻，等下就等下。等嘅期間去左aeon行下，行左20分鐘返到去仲未得，店員好有禮貌同我講師傅整緊，等多陣。等了又等，total大約40分鐘，一心諗住快啲返屋企開餐，點知⋯⋯店員同我講唔夠飯，只係整左午餐壽司7貫同三色丼，其他要再等20分鐘或者cancel其他食物🙈晴天霹靂啊😩 店員都極唔好意思，到我出左店門都不停道歉。態度良好👍🏻我就cancel其他食物，帶住兩當餐返屋企啦。講返食物，壽司7貫，醋飯酸度適中，用嘅係赤醋，飯有小小偏紅，日本都唔係間間壽司店用，温度、緊密度控制得好好。唔會死死實實，唔會凍冰冰。刺身丼都係，唔係預製凍住。飯講完，刺身都睇得出落本，新鮮，亦唔會薄切。會返轉頭幫襯。希望試業完可以縮短等候時間

新開荃灣小店🤤🤤🤤開左大約一個月😆我一星期去一次 食物新鮮好味 質素冇走樣 又平 😍一家人去食 大人可以食刺身壽司細路仔可以食熱狗同埋佢哋嘅特飲🤤🤤🤤唔使話一係就大人一係就細路兩全其美🥰🥰🥰方便🥰仲有即開生蠔😍😍有啲即開海膽😍😍有啲即開赤貝😍😍熱狗大大隻多花款小朋友食得又開心🥳🥳平靚正食過真係返唔到轉頭🤤🤤🤤希望多啲新款式大眾可以試吓高質日本餐又唔洗咁高消費 🤤🤤🤤🤤

之前經過見到裝修緊，又熱狗又壽司好少見喎，今日行過見到試業中，擔粗粗入去試下。😁佢寫住熱狗要等大約10至15分鐘，所以先叫左個特濃芝士熱狗。有手握壽司當然要試下啦，係咁咦叫左幾件試下，再叫咗一杯乳酸綠茶。原來試業叫個小食特飲可以減$15，小食都係$15，咁即係送個小食，咁就叫多個吉列多春魚啦。先嚟壽司，魚生新鮮，比我想像中好。再嚟係吉列多春魚，炸得幾好，最緊要係唔油，講真$15有5條接受啦。最後係特濃芝士熱狗，味道都唔錯，最欣賞個麵包底，烘乾左個面，少少脆，但係個包心仲係軟熟既，呢個加分！呢間可以一試，我就會再食。

大窩口冇乜新開嘅餐廳😅咁啱行過有間新開嘅「章魚船」出面睇落以為淨係食壽司🍣本身都興趣不大點知店員主動出嚟同我介紹餐牌同新開張優惠當時8月頭，壽司有9折熱狗加飲品（飲品減$10幾蚊）佢推薦黑松露同肉醬熱狗話啲肉醬係佢哋自製，唔係出面訂貨加上態度好好，我都想俾次機會😎於是我第一次食就點咗肉醬熱狗🌭️果然！係幾唔錯的熱狗包有即叫即烘感肉醬係有少少辣味～幾開胃好啱唔係太肚餓時食或者宵夜配啤酒🍻！我仲加配咗芝士薯條🍟可惜係外賣關係返到屋企啲芝士已經變咗一餅嘢🥲點唔到薯條食第二次食就叫咗壽司同飲品（冇影相）不過不失啦～下次會再encore熱狗🌭️！

今日中午試新野，叫咗章魚船熱狗和魚生飯加炸多春魚和薯條外賣，叧外有兩杯沙冰和珍珠奶茶。薯條和炸多春魚即叫即整，炸得好靚，又脆又好食。魚生飯新鮮厚切，分量都唔少。熱狗種類多，都是即叫即整，所以外賣自取攞到返屋企都仲係好熱，好新鮮又好食。價錢非常公道而且份量充足，老細服務親切，細心又有禮貌，而且佢地會將條熱狗分開兩份，等你食得冇咁麻煩，非常照顧外賣客。不過因為係即叫即整，所以落order之後要多啲時間等，要比少少耐性。

同囡囡行街路過見到新開熱狗🌭️壽司店， 見到小店當然要試吓先喇！買咗d 壽司外賣返屋企同屋企人食，水準好高！拍得住尖沙咀omakase. 後生仔既用心小店，值得支持！