茶軒台灣料理珍珠奶茶 (Closed)

昨晚同d舊同學黎食晚飯...四個人叫左個二人餐..但都覺得夠喎.......有小籠包..一般..d皮太厚...西檸鴨.....幾好..甜酸魚都不錯..醉雞..好大陣酒味..仲有飯同野飲送......埋單一人三十幾..幾扺！都唔係其他食家講到咁差啫！

我同個friend 行完街，跟住去揾食，咁入到佢，例牌問我地食唔食煙啦，我地話唔食，最後未又係排返响食煙區。Anyway 我地點咗「無錫小排骨麵」，「台式排骨麵加鹵蛋」，「桂圓茶」，「荔枝冰」，我見我個friend 食碗「無錫小排骨麵」食到口到歪埋，就知應該唔好食。但係我碗「台式排骨麵加鹵蛋」還可以，排骨都算酥，不過我本人鍾意食脆少少，所以我覺得麻麻，鹵蛋唔入味，唔好食，桂圓茶太甜，算吧啦，我咁鍾意飲熱飲都飲唔晒，即係太甜．．．唉．．．Service真係唔係太好，唔計帶位，計上菜直至埋單(唔見咗我地張單) ... 都真係覺得自己好唔存在。或者有下次，因為價錢ok，夜晚食，百零蚊，如非係銅鑼灣揾唔到位，應該都唔會去。

星期五大約九點正左右, 我地9個人在搵下有咩好野食, 但度度都多人到爆, 個間又有等4 個字, 另一間又要等5 個字, 跟住無la la 問呢間又有位wo. 我地太肚餓, 只好見有野食就算... 好入返正題...雖然唔係話對d 野好熟悉, 但呢間野d 野食以這樣的價錢的確係絶對唔值我地叫左不同款的,完全唔好食..就係環境同衛生都bad , 服務都唔可接受, 但味道同價錢就不能接受

夜晚同女朋友搵野食就走去試下入到去waiter帶位態度都係一般點知水都無杯-o-曬咀又無咩餐叫一杯野飲成廿幾三十蚊唔係呀話呀waiter黎女朋友叫先我話遲d先叫個waiter勁黑面我火都黎跟住我叫野叫一碟飯同野飲果waiter都話無!! d野都好快黎但係d野食勁勁勁勁細碟不過d野食都唔算好難食我杯類似柚子茶既超濃好似飲濃縮果汁甘之後我女朋友食個肉醋好似有d怪味就無食張台仲有張意見問卷正黎都多如食果少少野百幾蚊未同仙x岩差唔多完全唔值唔會再去

早幾日興致到和朋友到這間所謂台式餐廳試下，唉! 試完後對他們可說是完全失望。當我們去到，餐廳內只得3 成客人，reception 冇人當值，自已入去問D樓面同事，我地4 位，可以坐邊度啊，佢地好無奈叫我們坐呢張啦，好像妨礙他們傾計，我朋友們order了士多啤梨珍奶茶兩杯，一杯薑母咖啡，一杯香芋珍珠奶茶，結果等了超過二十分鐘後，都冇人理我們，問他們可否快些到，他們回答：就到嫁啦，要做嫁。超過三十分鐘，飲品到了，友人order了一碗魯肉飯，吃了一半發現有一隻小強，叫了位侍應對他說，他回覆是﹕使唔使同你換過。我們見他的態度並不友善，換過都會有危機，不如結賬算吧！

行到累了，想找間Cafe坐下。女服務先帶我們遊餐廳，然後坐下來．．．等．．．menu到，落order．．．等問：我杯奶茶．．．答：等o下啦

hahahha before go with my mumbecoz we have the coupon入到去好快有位（因為好少人）ｄ珍珠奶茶，同埋ｄ油麥菜好正可以試

(24/9/05)同朋友食完lunch, 行一陣話累, 咪坐低飲杯野。嘩...一杯奶茶類要$35!!? 離唔離譜D呀! 叫下午茶餐係會抵D, 但食唔落野噃... 咪簡簡單單叫茶類@$18算喇! 水蜜桃紅茶, 柑桔綠茶,兩杯都好味, 甜度適中。這裡坐係好坐, 服務又好, 但唔化算, 未必再來。

我黎呢度食過兩次~~因為我係學生~~所以可以叫學生餐~~我覺得價錢ok啦~~唔係特別抵~~不過就幾好食~~又唔駛加一~~我試過"洋蔥雞扒飯"同埋"咖哩豬扒飯"~~兩款我都覺得好好食喎........洋蔥飯個汁有少少酸酸地~~幾開胃~~d雞扒都算好多~~成個飯都唔少架~~起碼我係男仔都食得飽囉~~跟住講下"咖哩豬扒飯"啦~~我覺得佢個咖哩好惹味呀...有少少辣~~最o岩我胃口~~d豬扒又多又冇骨~~同埋都見到佢d咖哩裡面有薯仔青椒~~應該都算足料啦~~野飲就冇咩特別~~同其他台式店鋪一樣~~服務其實我覺得好好架~~我唔明其他人點解話服務差~~雖然d waiter同waitress係好似冇咩笑容~~但其實佢地都好肯幫手~~我見到隔離檯有人去完toilet條key唔知俾番邊個~~個waitress都好好笑容咁即刻接住條key~~冇唔耐煩~~最好我覺得係個經理~~因為佢真係好有禮貌~~我見到隔離檯係外國人~~佢都好細心咁慢慢介紹~~而且我地有兩個人等左一陣都未有野食~~我地叫左傑之後佢真係有即刻幫我地追~~唔係求其敷衍完就算~~仲promise我地一分鐘後即到~~都好好啦！如果要挑剔~~咁我諗

我可以話俾大家聽囉，茶軒呢間野專係搵人笨，我以前係呢間衰野度打過工，所以我肯定話俾大家聽，佢地用D 料並不是乜野上等貨色，佢裡面好多野都係過左期，仲有千祈唔好飲佢果D飲品，因為放係個倉度，成日都會有好多小動物去舐過架。

Dear sir, Actually, I think this is a developed company, and in fact I don't like the food so much, especially the drinks, even the worst I had never drunk. I need the improvement is needed for this food. And, I think the manager and staff work hard already, and the manager ( Man) is very efficient and very helpful. I don't know why this shop can still alive in Hong Kong. The chief operator should think about that. He really can't make all the staff have the same target and they can't enjo

前幾日星期日去呢頭行街，我兩個friends未食野，佢地話肚餓，見到附近有間茶軒，佢地話入去試下，我就冇乜所謂，之前食左少少野，但係都諗住食d野。下晝兩點幾都唔多人，入到去有人帶我地去個位度，不過坐左唔夠5分鐘就要求調位，因為有陣煙味！之後果個位好好多。唔知係咪呢間野星期日冇下午茶定係果時未到下午茶時段，樣樣野都係散叫，想叫個套餐都冇！我同其中一個fd叫蚵仔麵線，另外個fd叫肉燥飯。個肉燥飯黎先，個碗又細，d野又少，心諗蚵仔麵線都唔方得幾多！點知比想像中仲要少！碗麵得果幾啖，好彩之前食左d野咋，如果唔係一定食唔飽！

呢度係比平均不價台灣嘢較貴既地方，又冇set食，樣樣嘢都要分開叫(即係食物同飲品冇得一set咁叫，冇得平啲)，嘢食又唔係特別好食，只屬一般。真係情願去仙踪林好過。不過最吸引既係佢唔駛點等位。

等左成半個鐘, 淨係黎左一樣野,原來個女侍應掛著傾計,冇落其餘兩張單囉!!!仲要一句道歉都冇,服務差到咁囉!以後都唔會去呀!

雖然我冇係lee間食過, 不過我食過旺角新世紀個間。野食就一般啦, 不過次次去親都會叫杯草莓珍珠奶茶,真係幾好飲。價錢方面都唔平, 都要成4-50蚊埋單, 食lunch jar.