茶軒台灣料理珍珠奶茶 (Closed)

我同個friend 行完街，跟住去揾食，咁入到佢，例牌問我地食唔食煙啦，我地話唔食，最後未又係排返响食煙區。Anyway 我地點咗「無錫小排骨麵」，「台式排骨麵加鹵蛋」，「桂圓茶」，「荔枝冰」，我見我個friend 食碗「無錫小排骨麵」食到口到歪埋，就知應該唔好食。但係我碗「台式排骨麵加鹵蛋」還可以，排骨都算酥，不過我本人鍾意食脆少少，所以我覺得麻麻，鹵蛋唔入味，唔好食，桂圓茶太甜，算吧啦，我咁鍾意飲熱飲都飲唔晒，即係太甜．．．唉．．．Service真係唔係太好，唔計帶位，計上菜直至埋單(唔見咗我地張單) ... 都真係覺得自己好唔存在。或者有下次，因為價錢ok，夜晚食，百零蚊，如非係銅鑼灣揾唔到位，應該都唔會去。