奧壽司

Open Now

Now Closed

今日放假，我和老婆同仔仔一家三口揸車去咗薄扶林行街食飯，我本身係住新界區的，所以去到薄扶林是相當遠行都肚餓睇吓附近有咩嘢好食，日本料理有段時間都未食過，門面的餐牌很吸引所以就決定食這間入到店舖店員很有禮貌地招呼我們坐低，細看這裏環境地方非常寬敞，整潔，還座滿很多人餐牌上有很多選擇，花多眼亂每樣我都想食大約10分鐘左右已經送到來，這個燒鰻魚一口咬落去鰻魚皮燒得卜卜脆，魚皮下啲脂肪細細品嚐下散發甘香嘅味道，魚肉加了燒汁去燒十分入味這個燒三文魚頭剛剛燒好，食三文魚頭要論骨，三文魚頭魚油很多所以很香口，而且魚肉都比較細嫩，非常好食這個三文魚腩刺身，食一口滿口甘香非常之多魚油，而且很新鮮，三文魚加豉油和芥辣一齊食感覺很通鼻很清爽這個壽司拼盤有很多款式，每樣都看來很新鮮，帶子刺身食落口非常甜這個海膽壽司，看到他的海膽滿滿的鋪在上面一口食落去感覺很清甜甘香這個燒茄子也很好味，燒得剛剛好，食一口有很香的蒜蓉味，加上茄子肉一齊食非常之好味，很好吃，值得推薦

是晚同他去好耐都無去過的數碼港，原來平日晚上數碼港人煙稀少，所以都只係睇下夜景咁😅餓了，行入數碼港商場，其實都無特別找尋餐廳。咦！原來商場內有日式餐廳喎！入去試試吧😍見菜牌有很多選擇，我選擇困難症，即管由他選了🤣牛肉鍋$128百多元的牛肉鍋，都頗大份！牛肉很大碟亦新鮮的樣子😉鍋底滿滿的還有雞蛋，好感萌生中😜湯底用了日式甜豉油，材料有吸味的蒟蒻麵及大量新鮮蔬菜，很美味亦很飽肚！牛肉非常新鮮，滾熟後不會太肥整體感覺不錯😋壽司盛$238相比起單點壽司，感覺壽司盛比較抵食🤣當中很多款都是我們喜歡的款式，竟然有1件火炙海膽壽司😍其他刺身魚的壽司都非常肥美😋其他壽司種類亦很多😆七味雞腎燒$22、牛脷串$28特別喜歡牛脷串，新鮮熱騰騰燒出來，牛脷非常爽口，好吃啊😋鰻魚蟹子炒飯$108呢個係我地是晚重點，飯一上枱，熱辣辣，醬汁配搭好好味！份量其實好大😱好多蟹子、鰻魚肉都唔少🤗每人食左2-3碗，好飽！燒露荀腩肉$58呢個小食他食完即刻大讚🤣因爲薄薄的腩肉燒到卜卜脆、好香口，包住新鮮露荀感覺好清新☺️☺️被他吃了大半份啊🤷‍♀️🤷‍♂️其實今晚真係叫得太多🤣真係非常飽，但覺得價錢都算係相宜，而且味道很不錯，今晚的

今日倆人難得一聚，決定去遠d，去左數碼港，好耐無入過黎，簡直好像世外桃源，令人歡心。行左一陣，我地決定食日本野，揀咗澳洲壽司，地方好大，仲有一啲露天嘅位置，成個感覺令人舒服。店員安排左我最鍾意嘅卡位，十分寬敞，舒適明亮。火炙壽司盛盒$280火炙壽司款款新鮮，令人回味。三文魚芝士燒鰻魚卷$88鰻魚燒得非常香口，配上三文魚和芝士，口感一流。鐵板牛肉炒烏冬$82烏冬炒得非常入味同彈牙，鐵板牛肉嘅份量十足，果腹滿足。牛肉鍋$128牛肉鍋熱辣辣香噴噴，牛肉非常嫩，入口即溶，湯底係壽喜燒，配上野菜，非常正。吉列炸生蠔$88吉列炸生蠔外脆內軟，而且充滿蠔汁，絕對是小食推介之一。蘆筍串$20香甜可口，吃不停口。數碼港原來都有質素唔錯嘅日本餐廳，喺度住嘅人真係幸福！

攀山涉水黎到數碼港搵好西。好西要數奧壽司!唔好睇少呢個場人跡罕至, 其實有間好野食~兩人黎到, 先叫刺身沙律。 厚肉刺身加新鮮生菜沙律, 刺激味蕾, 胃口大開!再黎特色三文魚! 中間有隻生鵪鶉蛋, 將蛋打係三文魚上。再撈一撈!, 三文魚本來撈有鹹帶小辣醬汁, 伴鵪鶉蛋及芽菜, 配成罕有小食, 超好味!再上既係立魚湯蜆鍋-!魚湯難以置信既甜同香, 一啖接一啖, 停不了口, 而且蜆數量超多, 絕不欺場!再上係女朋友一貫最愛!燒魷魚筒, 味道香口而不過鹹。再到便是今日主角之一 火炙壽司盛盒(特上)壽司配料一流海膽壽司入口即溶, 甘香又甜, 回味無窮。最黎再來生蠔鍋, 配菜豐富, 生蠔新鮮, 湯底濃郁飽到捧住個肚走。

數碼港食肆好少，日本餐廳除左呢間得返艾美酒店果間，所以選擇好少。呢間鋪食物質素麻麻，即係普通日本餐廳既口味，但系態度就差到爆！😡😡😡試過有個姐姐上菜個碟就咁撇落黎，吓襯我！🤬🤬🤬🤬🤬整日都黑晒塊面，睇落都無曬胃口！ 上個星期去食，同事叫左個海膽飯，個海膽都唔新鮮，魚生都麻麻同餐廳反映左都無用。已經係第二次食到唔新鮮既海膽。同埋，要等好耐先上到。以後儘量都唔會幫襯佢！！！花錢買氣受！！！

早幾日，同朋友揸車去數碼港散下心，商場裏面既餐廳唔算多，所以我哋揀咗呢間日本餐廳嚟食晚餐😊😊😊😊我哋爭先揀咗個壽司拼盤，花多眼亂，款款食材都新鮮，蝦壽司很鮮甜🙂蜆肉非常好味串燒就要等來少少，但係雞翼燒到皮脆肉嫩😍😍😍炸魷魚嘅份量都好多，如果冇咁燶就更加好🙂🙂🙂煙肉番茄食落清新，蕃茄減去煙肉嘅油膩感😋😋😋我哋仲叫咗雞腎同雞軟骨，雞腎點上左七味粉，味道更可口！！😗😗😗😗

假日，我同朋友一齊去左數碼港睇戲，期待已久既「與神同行2」終於上映了~在睇戲前，我地諗坐預先食左午餐先，行下行下就搵到呢個地方～餐牌上有太多選擇，我地唔想諗，就叫左一個壽司盛$238~ 一共有9款壽司~ 講到最吸引就係海膽壽司，入口即溶! 帆立貝同吞拿魚亦都很鮮美～ 刺身盛合 $220 ，有7 款刺身，吞拿魚很肥，蝦亦甜美。 帶子亦有陣陣海水味～～墨魚仲好新鮮！！ 清酒煮蜆$68 蜆既份量很多，沒有沙，清酒既味道亦很入味。 炸魷魚鬚 $58 魷魚鬚金黃香脆，食唔停口～ 燒鯖魚 $78 燒鯖魚表皮脆脆地，仲啖啖肉～ 最後仲叫左一Ｄ既串燒～ 串燒非常惹味，唔會太乾仲好JUICY，我覺得燒得最出色既就係腩肉串同雞腎！！ 食完就去睇戲lu~~ 奧壽司 地址：薄扶林數碼港100號數碼港商場307號舖

帶完狗狗去大草地玩之後係時候醫下肚。但係數碼港既食肆唔多，好彩都有比較大路既日本餐廳。先講一下呢間既餐廳環境，呢度既樓底好高而且顧客既聲浪都唔太大。感覺都幾舒服。劍魚腩壽司，海膽壽司 - 海膽好creamy ，香甜。而劍魚腩既油脂都好多，不錯。三文魚腩手卷 - 三文魚好大件唔似出面一啲舖頭咁食到一半就變左紫菜飯。雲丹蟹粥 - 蟹粥裡面有好多蟹膏，而且粥好甜。 而且店家好貼身咁提供左工具，等我地可以食啱裡面既蟹肉。芝士吉列軟殻蟹 - 芝士有拉絲既效果，沙津菜呢個配答都可以解芝士同吉列既油膩感。燒腩仔肉 - 腩仔肉配上大蒽好夾，而且味道又唔會好咸。雞腎七味燒 ，牛脷串 - 牛脷既牛味好重，燒得好好味。鰻魚蟹子炒飯 - 好香口，而且份量都唔少。吉列蠔 - 可能餐廳有賣生蠔，所以連炸蠔既蠔都特別新鮮同大隻。做得特別好味。

暑假就快尾聲，可以的話都盡量帶小朋友去遠D見識參觀，今日就來左數碼港嘅硬蛋體驗管玩，真不錯👍玩左成日攰攰地就食埋晚飯拉，順便歇一歇😅逛左一圈，還是呢間奧壽司較吸引，由於時間早，不用等位，店員招呼左我地坐卡位，很大張枱呢，就算食物一齊上都一定夠位擺而且地方很大，枱與枱之間闊落，望出去落地玻璃因為小朋友不太食生野，所以就點左火炙壽司盛合，很大的一盤，賣相很吸引，令人胃口大開再點多幾件我至愛壽司🍣😍😍牡丹蝦非常新鮮黏口，蝦頭很多膏呢，帆立貝壽司很大粒，厚厚的，鮮味最抵食都算係呢個牛肉煱，牛肉很大盤，再追加烏冬夠晒飽，不過湯就甜咗啲蟹籽鰻魚炒飯，蟹籽一點也不吝嗇，濕濕地很香口食完一餐美味嘅晚餐，真係開懷！到處食食逛逛，圓滿的一天

今日放假同好朋友專登走去数碼港商場行下街睇下戲，睇完戲已經是夜晚6點鐘，我同好朋友都開始肚餓到咕咕聲，諗住去揾野食醫肚，行行下就見到有間叫奥壽司日本料理好吸引，於是乎我地就即刻走入去坐低喇！雲丹蟹粥~粥底好香好綿好濃蟹味，鮮甜惹味，個蟹蓋一食就知好新鮮，一個字正！鰻魚蟹子炒飯~厨師炒飯炒得啱啱好，每粒飯都食到鳗魚同蟹子，食落甜甜地好惹味蒲燒鰻魚~鰻魚超新鲜再加埋D鳗魚汁甜甜地超好食，真是香濃惹味集於一身！蟹子芝士焗蠔~侍應一放上枱我已聞到好香芝士味，食落仲更加正，蠔味香濃，再加上蟹子芝士一齊食，咸香惹味，簡直是絕配呀！炸魷魚鬚~炸得刚剛好，卜卜脆好好味，加埋沙律醬食，食落有另一番滋味！鵝肝多士~厚厚的鵝肝加埋香脆的多士一齊食，好食到不得了！雞泡魚乾~是我的至爱，香甜好味，佐酒一流！最後飲埋一杯冰凍可樂同一杯冰凍乳酸梳打絕對是飽肚完美的一餐！

假期晏晝同朋友去數碼港野餐，黃昏我地就去隔離既數碼港商場搵嘢食，大家都係第一次嚟數碼港，唔知有咩好食，好彩見到有呢間日本料理餐廳，大家都係鍾意食日本嘢既人，即刻好有共識咁入咗去食。門口好日式三文魚他他($78)，三文魚既邊係燒過既，而佢有一啲醋汁係底，食落去小小酸得嚟有好開胃，而且入口即溶，好鍾意呢個口感。帆立貝特上卷($98)，呢個卷物既組合非常之鍾意，因為有牛油果、帶子同係面既三文魚籽，食落去一次食到三種口感。三文魚芝士燒鰻魚卷($88)，呢個組合都好鍾意，芝士再加鰻魚既配搭真係一流，鰻魚味好重，芝士食落去有啲煙煙銀既感覺，但加埋又唔會太膩。火炙壽司盛合($280)，全部都係火炙 燒過既壽司，味道自然比普通壽司香啲，而佢既米飯份量都比較細，唔會好似有啲壽司舖剩係令到你飽就算，油甘魚、池魚等等都有齊。而其中最鍾意就係個海膽壽司，海膽份量好足，一啖食落去個海膽味足滿晒成口而呢個蝦卷都好好食，成條蝦既肉係連晒2個卷，蝦肉味好強勁。吉列炸生蠔($88)，生蠔好大舊，食落去好鮮甜！野菜天婦羅($72)，加埋天婦羅汁，食落去甘甘地，幾得意。雞腎七味燒($22)+大蔥雞肉串($26)，雞肉串既黑

山長水遠黎到薄扶林 一早就揀好餐廳食好d 餐廳好多一家大細 一邊係通商場 不過空間感大同商場冇咩人 所以都唔會好嘈基本上刺身前菜串燒飯麵所有既選擇都好多 睇左幾round先揀到食咩油甘魚刺身 $138魚肉一層深紅一層粉嫩 色澤幾靚 厚切而且冇筋位 口感彈牙 牡丹蝦壽司 $46/件上面係青檸片唔係檸檬片 比較少見 撞色既賣相幾吸引 味道都幾夾幾清新 蝦好新鮮彈牙帆立貝壽司 $30/件帆立貝同樣厚切 偷左隔離牡丹蝦壽司既青檸汁同樣提出鮮味 件刺身係舊飯既好幾倍帆立貝特上卷 $98鋪面既牛油果既漸變綠加上魚子同蟹子 為帆立貝單調既白增加唔少視覺效果 幾種食料配搭得好夾辣味三文魚卷 $68辣味出奇地重同野味 夠晒刺激雞泡魚乾 $78依個燒得乾身香口 一流既下酒小食鰻魚蟹子炒飯 $108撈完鋪係面既蟹子同飯後 竟然每一啖飯都有鰻魚塊同蟹子 非常足料 而且個飯炒得好香又唔會太乾身 輕鬆清碟

入數碼港睇完戲覓食，決定試一試呢間人氣唔錯既奧壽司。走入店鋪感覺好舒適，還有bar枱，枱與枱之間有足夠空間，很適合談天。火灸壽司盛合（特上）（$ 280）上枱好有氣勢，魚生燒過但都食得出都好新鮮，特別推介海膽壽司，份量好多而且好鮮甜！大蝦壽司好特別，出面沾了燕麥脆片去炸，出面食唔到呢！牛油焗金菇 （$38）好香牛油味，另外仲落左paper去吊味，非常好吃！牛油燒粟米 （$18）粟米鮮甜，唔會燒到好干免治雞肉串 （$22）食到大量既雞軟骨，好有口感，雞肉串有𠝹開讓醬汁滲入，非常貼心！鰻魚蟹籽炒飯 （$108）呢個好讚，真係好大一碟，而且滿滿既蟹籽係面，食落好惹味，仲食到好多鰻魚粒，呢個飯完全超出預期，一大碟都被吃光光。三文魚腩壽司 （2件）（$52）三文魚腩好肥美，正！另外店鋪設有火鍋餐，見不小人點了，下次可以試一試呢

好耐冇入過數碼港，今日入到黎，撞正橫風橫雨，好彩畀我地搵到一間味道不錯的日式料理店醫肚。「立魚湯海鮮鍋」本人同仔仔好喜歡食魚，見到這個海鮮鍋相片好吸引，忍唔住落了order。結果，沒有令我們失望。海鮮鍋真材實料，最值得一讚是湯底，魚味十足。難得沒有太多調味料及味精，因為本人於其他餐廳吃過類似的鍋，都是太濃味，飯後口渴萬分！「鍋燒烏冬」味道正常，配料認真，天婦羅炸蝦竟然有兩隻。👍🏻「火炙壽司盛合（特上）」刺身好新鮮，驚喜位是吹卜卜的甜蝦手卷。手卷大大件，外面有疑似粟米片的脆脆，還是第一次食到這麼特別的手卷。味道配搭非常合適，值得一試再試。「野菜天婦羅」味道正常，粉漿不會太厚或者太薄，新鮮熱辣上枱。食鍋梗係要有啤酒，加埋一杯Asahi， 十分滿足。*餐廳有提供BB櫈。

跟大人好耐無去數碼港，難得今日心情好就跟大人拖吓手仔兩口子睇吓戲食個飯睇吓海景咁。之前一向睇完戲就去"奧壽司"食飯，因為大人最愛食日本嘢今日當然都唔例外，去到環境裝修都keep到,服務依舊好食物先係最緊要，仲係咁新鮮可口。本人最鍾意先睇一睇廚師推介再睇 menu, 揀咗一輪我哋決定要個九州網池魚，池魚加少少薑蓉同蔥花夾埋一齊食簡直美味到震，一個忌廉香蒜酒煮蜆，忌廉又濃又滑蜆又煮到剛剛好食到個蜆嘅鮮甜味，一個壽司魚生飯，依個飯一到就見到滿滿嘅刺身甜蝦，三文魚，帶子，油甘魚，玉子，魚子等…個飯上面仲有紫菜跟芝麻令個飯更香，再叫個牛肉鍋，個牛肉鍋蔬菜豐富牛肉就另上估唔到份量都唔算少，肉質都唔錯令我跟大人都食到飽飽，因為我哋仲叫多咗份牛肋骨所以飽到不得了，好彩仲可以去行吓草地睇吓海景俾自己消化吓。