奧壽司

Open Now

Now Closed

今日約左朋友團拜，地點係數碼港既「 奧壽司 」。已經有幾年冇去數碼港啦，唔知係咪因為新年啦，商場人流好少，但係「 奧壽司 」就幾多人，餐廳差不多有 8 成坐滿 。打開 menu 👀, 選擇頗多，刺身、壽司、串燒、拉麵、鍋物⋯樣樣有，就連Hot Pot 都有。前菜先點三文魚、帆立貝刺身，牡丹蝦壽司，厚切肥美，新鮮！三文魚色澤鮮明，紋路清澈，油脂分佈平均。帆立貝鮮甜，啖啖肉，有口感。牡丹蝦好鲜甜主菜：清酒煮蜆，鷄腎七味燒、燒鯖魚、吉列炸生蠔、冷稻庭烏冬。燒物做得唔錯，非常惹味，唔乾身！鷄腎爽口有嚼勁，燒鯖魚皮脆肉香，吉列炸生蠔炸得金黃，外層酥脆，內裏多汁。冷稻庭烏冬，烏冬柔軟彈牙煙靭，再配以獨特醬油汁，口味濃郁。下次去數碼港會再光顧。

數碼港對我來說真係好遠，但為左食嘢我會專程入來....😜網上睇資料哩間餐廳應該係全商場最多人選擇的一間，所以專登入試試。沒有失望，魚生新鮮，熟食味道都ok。兩口子叫左個魚生拼盤，牛肉鍋，蟹粥，及三串串燒。魚生新鮮，八款都好食，喜歡厚切既朋友一定唔好錯過。個人喜歡薄切多d，感覺無咁肥😜雲丹蟹粥，個人好鍾意，似泡飯多d好入味。牛肉鍋，日式甜豉油湯底，不算太甜，但個人唔太鍾意甜湯底，下次可能會問下可否改清湯😋😋配料全部可另追加。串燒最喜歡雞翼，燒得啱啱好燒粟米牛油跟碟另上👍最可惜係牛脷燒得過左火，太乾整體來說我會再來😋😋

在9月中當晚3號風球 (百里嘉)，幸好！強勁的10號颱風 (生竹) 尚未殺到！好街坊揸車接我由上環到薄扶林數碼港，平日夜晚走來數碼港商場已經好冷清！商場內也較為燈光昏暗！ 猶如一個死城！連玻璃門也貼上膠紙做足防風措施！我們走到 3 樓日式餐廳 <奧壽司>，只有大約 5枱食客，環境寧靜，坐得闊落舒適，是跟朋友或另一半飯聚的好地方！供應多元化的日式美食！依上菜次序！日式生蠔 $98一客3隻，每隻廣島蠔肥美大隻， 配上入口酸咪咪的日式柚子醋！令人打開味蕾！立魚湯蜆鍋 $88奶白色的魚湯，味鮮味美，浸住滿載飽滿鮮甜的蜆！雲丹蟹粥 $98 似是食湯飯，並非預期綿綿的口感，勝在混合鮮美的海膽提升鮮美度！北海道帆立貝黃金燒 $148這款跟蟹籽芝士燒蠔用上同款醬汁，況且只得一隻，超唔抵食！帆立貝切成粒，感覺較入味！蟹籽芝士燒蠔 $78一客兩隻，價錢合理！燒蠔都幾大隻！ 芝士的鹹香，跟蠔也幾夾得來！露筍串 $20/串 露筍簡單灑上木魚絲，木魚絲獨特的味道，令露筍食落更清甜！牛脷串 $28/串點串燒時，大家都好有默契地說出牛脷！最緊要沒有腥臭味，這點店方也做得到！以黑椒粒調味，其發揮最大作

今日去左數碼港睇戲😎睇完戲四處遊蕩😝見到呢間為於數碼港唯一一間嘅日本餐廳🇯🇵中意覓食嘅小妹當然入去拜訪下啦😉點左一道每日精選🐚「日式生蠔」$98一客三隻👌🏻每隻相約大小且飽滿😊係小妹中意食嘅Creamy 生蠔😙滿足有多款壽司選擇🍣但又想每款試下店員推介壽司盛🍱一客有11件每款都相當新鮮肥味😌無雪味最開心有海膽😘味道鮮甜一D都唔腥牡丹蝦size大🦐爽口彈牙中意明太子嘅朋友仔不能錯過明太子炒露筍🤗明太子份量相當多🤩但唔會過咸露筍爽脆無根😚兩者配搭相當夾

冬天的天氣還不算很冷，只有貼近秋風的涼意，天還是陰陰沉沉的，對於想去郊外野餐又怕被太陽伯伯曬著的女士們，這連日來的天氣確實不錯，所以趁這天的天氣到了數碼港的大遍草地玩了一轉，接著便在商場裏的奧壽司吃過晚餐。商場的餐廳不多，大多是兒童補習室和一大室內遊樂場為主，恰恰留意到奧壽司的存在。門外設有餐牌觀看，看到啱食的食物才確定進場無誤。餐廳的位子多的是，所有椅子都是沙發型有靠背，自然坐得舒服，更設有四人為主的卡位，環境闊落得很。牛脷串 ($35)串燒類的率先送到，牛脷串相當厚身，爽口又帶嚼勁，中間還是呈粉紅狀，牛味香濃，簡單用鹽和黑椒調味已經很入味。雞翼串 ($22)雞翼外層炸微皮薄而甘脆，內裡肉質熟腍而沒有一絲未熟粉紅肉色，肉嫩非常，再灑上胡椒粉，咸香而鮮，口感增加。鰻魚露筍卷 ($72)鰻魚塗上香甜的燒汁，令魚肉更加肉嫩細膩，配搭露筍清爽清甜的味道，簡單又直接吃到的美味。芝士天婦羅蝦卷 ($88)炸天婦蝦的外層炸漿得薄，還若隱若現地透現鮮蝦淡淡玉白的玉身，蝦肉鮮甜不乾身。入口輕脆未有一絲油膩感，果然是新鮮炸起熱的證據，配搭咸香怡人的半融芝士，多吃幾件都唔覺得漏。特上火焰壽司盛合 ($28

今晚同老公去左數碼港睇戲，順便到數碼港商場內吃晚飯，我們揀了3/F 的奧壽司餐廳半開放式設計，環境開揚，晚上商場的遊客很少，所以格外寧靜我們點了沙律、湯物、壽司和串燒蟹子沙律：好多蟹子，開胃之選立魚湯蜆鍋：滿鍋的蜆，加上鮮味魚湯，好食到了令人期待的壽司出場有我最愛的劍魚腩，厚切，口感豐盈，要encore!海膽壽司很肥美鮮甜，特上吞拿魚腩入口即溶，老公讚不絕口帶子和赤貝都好新鮮；還有大大隻的牡丹蝦，肉質彈牙，誠意之作！串燒方面我們點了和牛、雞軟骨、牛脷、餃子雞翼和免治雞肉串值得一讚是我的大愛--免治雞肉串，咬落帶點爽脆加上日本雞蛋黃，真係好好食！！數碼港內餐廳的選擇不多，幸好有這間高質的日本餐廳

入嚟數碼港睇完戲，再玩埋個龍珠展，呢頭其實真係無咩行，好多人係因為佢後面個對海無敵大公園先過嚟。多數人都係附近屋園啲住客，工人姐姐們放吓狗，啲國際學校嘅學生打吓波咁。連公園都玩埋，仲有咩好做呢？當然係醫肚啦。呢度商場二樓有間日本嘢，裝修幾有情調。裡面有個刺身盛合睇Menu好似好大盤好夠份量，再叫咗個芝士牛肉炒飯。個刺身盛合真係幾大set，有大吞拿魚腩，三文魚腩，赤身，劍魚，油甘魚，牡丹蝦，帆立貝，鱆紅魚，海膽等等。全部都非常新鮮，估唔到呢度無咩人都有間好嘢，個芝士牛肉炒飯都炒得啲飯好鬆，粒粒分明。仲有拉絲效果，值回票價。

今日黎到數碼港行街，數碼港商場一上電梯就見到奧壽司，見到餐廳環境都幾舒適就入去試試。日式生蠔一份有三隻，隻隻都好大好肥美，應該係新鮮即叫即開，餐廳有提供醬汁，但個人認為唔落醬就咁食已經好新鮮好正。冰鎮蜆刺身勁大份，蜆起碼有二三十隻，用冰鋪係底部保持新鮮，食落覺得涼涼地帶住鮮味，口感非常豐富，平時好少機會試到。雲丹蟹粥鮮甜美味，有足料海膽蟹肉蟹膏，餐廳非常貼心，提供工具比客人拆蟹，性價比非常高，超抵食。火炙壽司盛合（特上）係必食之選，因為壽司種類多，可以試下唔同食材唔同的味道，火炙的程度剛剛好，烤過後食材帶有煙熏味，入口更香口美味。鰻魚蟹子炒飯用料充足，蟹子鋪滿成個表面，炒飯炒得好香又唔會太乾身，將蟹子撈勻就更加正，又好食又飽肚，值得推介。仲有不同的燒物！推薦牛舌～十分正～最後當然要呢個甜品時間！芝麻味同紅豆味！

首次踏足數碼港，之前一直以為數碼港好似好遙遠，但原來勁方便，九龍同香港都有巴士可到達。今日嚟個family Day入嚟行下，其實一邊行都一邊睇下有冇啲市區冇嘅餐廳，難得入到嚟，當然唔想光顧連鎖式集團啦行行下見到間日本餐廳，我哋真係好鍾意食日本嘢，點都會停低睇下望下，見到個門口已經吸引住我哋入去，好有日本風格餐牌入到去我哋坐梳化一邊，好適合一家大細另一邊户外少少，好有情調，好適合情侶而中間好有特色，枱面上印有字，好特別，又適合一夥子聚會另外壽司師傅對出又有吧枱，適合單身人士入到餐廳比我第一個感覺就係以客為尊，餐廳會諗到照顧每一個人嘅需要而設計，呢點真係要讚蟹籽沙律$48勁多蟹籽，沙律撈得好均勻，醬適中，唔會過多或過少壽司盛$238全部刺身都大大件勁厚切，勁新鮮，呢個set全部都係貴價同靚嘅食材，飯比較細小的，感覺同去咗日本食一樣海膽份量勁多，滿瀉跌落嚟咁，超足料三文魚芝士燒鰻魚卷$88大大件，三文魚有啲厚度，唔似出面食嘅卷物咁求其，睇得出呢度真係好用心制作三文魚包住芝士同鰻魚，好香好香，鍾意食芝士嘅一定要食生蠔$98/3隻一上枱，我「嘩」咗一聲，好大隻大到同自己隻碟一樣大生蠔應該係即開，

在附近工作數年，偶爾都會到數碼港的奧壽司午餐。今天見很久沒去，有點想念奧壽司的便當，就去吃午餐。依舊點了便當D，樣子沒大不同，魚生依舊鮮美，只是熟食水準下降許多，炸軟殼蟹和肥牛卷淡淡的，飯也沒之前的好吃。一個$120的便當，理應有相當的質素，希望奧壽司有所改善。。。

數碼港奥壽司地方幾大，坐得好舒服，店員服務幾好！食過之後覺得幾正！價錢唔貴，相當不錯，質數很高飲番杯啤酒，正呀！蟹子沙律做得幾好，唔會太濕，新鮮即整青瓜絲清爽！唔會過多汁醬，健康清新好選擇日本生蠔，一份有3飯，只要98蚊！每隻都幾大隻又肉厚，最重要真係非常鮮味好 creamy呢！！真大愛喜歡食蠔一定要叫真心推介！火灸壽司拼，壽司飯醋比例剛好！最欣賞是海膽，入口綿綿細緻！海膽creamy入口溶化！其他壽司都不錯！牛肉火鍋，牛肉片都非常高質數，鍋底湯頭比較甜！內有大量蔬菜，再mix上蛋汁食既牛肉！超得又抵食！

今日去左數碼港，貪個度環境靚拍下拖，不過個度吾算多野食，見有間日本野，就入去試下。入到去環境幾靚，而且價錢吾貴，我地食左吾少野，先嗌左幾款壽司，有帆立貝，三文魚，吞拿魚，加拿大海膽，覺得都吾錯，全部都好新鮮，帆立貝好好食大大粒，三文魚同吞拿魚都好肥美，海膽新鮮。另外，嗌左串燒，雞軟骨串，雞腎，牛脷串，推介牛脷串，因為佢厚切，燒得外脆內嫩，入面仲少少juicy，好好食。而雞軟骨串同雞腎都燒得好香，好有咬口。主食有奧壽司魚生飯同鐵板鰻魚炒烏冬，烏冬好大碟，鰻魚份量都多，價錢又平$88，一齊share 好食。魚生飯嘅魚生好多種類，有三文魚，魚子，蛋，尤魚，舌拿魚等等，好豐富好好食又新鮮。最後食埋杯綠茶雪糕，完美丫。

第一次入數碼港嘅感覺似去咗外國，商場竟然俾我發現一間隱世的日本菜，地方闊大， 餐廳出面有個大露台，可以望到整個商場嘅中心點，當日下午餐去到已經座無虛席，氣氛非常之熱鬧。特級刺身拼盤：當中包括海膽，日本生蠔，油甘魚，三文魚腩，帶子，吞拿魚，蝦。所有食材都非常新鮮，我特別喜歡海膽，夠曬肥美，好重海水味，然後係日本生蠔，原汁原味，唔會好腥，三文魚腩非常肥，夠曬鮮甜。燒三文魚蕎麥麵配加州卷定食：三文魚半生熟，外面用火槍燒到效果外脆內軟，配上蕎麥麵感覺上非常健康。不得不提係個醬汁。便當f餐：蔥三文魚,吞拿魚腩飯,芝士焗軟殼蟹，雜錦刺身，蟹籽沙律。下午食一個便到非常豐富， 軟殼蟹焗到很鬆脆，軟殼蟹又好鮮甜，配上沙律唔會太漏，蔥三文魚亦都好大舊。

朋友喺數碼港返工嘅今日特登嚟搵朋友食飯行咗個商場一個圈呢間日本餐廳好似幾吸引座位企理價錢上可以接受啦咁就試試佢個名叫做奧壽司顧名思義應該壽司好食啲嘅所以我哋叫嘢食都集中叫多啲壽司呢度嘅壽司種類好多雖然比唔上出名嘅迴轉壽司但係佢嘅種類都令人幾滿意我哋叫咗啲普通野啦有三文魚壽司、三文魚腩壽司、鰻魚壽司、特色三文魚壽司呢個特色三文魚壽司就要講下啦佢係本身嘅三文魚切粒再加上特製嘅醬料帶出三文魚嘅鮮味軍艦壽司除咗個餡好重要之外紫菜都好緊要㗎呢度嘅軍艦壽司就可以做到個紫菜都仲係好趣好新鮮仲有帆立貝壽司、吞拿魚壽司、劍魚腩壽司除咗個飯好均勻唔會散魚生嗰部份仲好新鮮立魚湯足料之餘一啲都唔腥呢個燒青魚笑得啱啱好外表好趣裏便就好Juicy仲有好多魚油嘅味道

住南區的朋友說星期五晚如無訂座食飯，數碼港商場是不錯的選擇，人流較少，適合傾計。是晚與朋友飯聚，也試一下這家比較多顧客的奧壽司。先點一份雞泡魚乾，魚乾仍然保留一定水份，齒頰留香，佐酒一流。每款壽司起碼要點兩件，每件價錢約$15至$65，所以我們決定要一盤有11件的特上火炙壽司盛合（$280）。每件刺身也是一半火炙過，一半是刺身的，每口也有兩隻滋味。其中以油甘魚、鰻魚和海膽壽司最出色雲丹蟹粥是一人份，但材料也不少：紅蘿蔔絲、洋蔥、冬菇絲、肉碎和全只蟹。粥底比較羔身，蟹肉也新鮮。但餐廳未有提供鉸剪和濕紙巾，所以吃時比較麻煩。明太子炒露筍帶咸香，露筍略嫌過腍。總括而言，在這用餐省卻排隊時間，食物款式也頗多，食物質素中上。