愛群快餐店

Open Now

Now Closed

記得之前去愛群食野是一件快樂既事情,不過自從果日下午五點几入去食完果餐之后直到而家我已經好耐無去過果度食野啦!原因都几多下架,第一就更是個收銀啦~因為當我叫餐果陣她總是無心聽我講野,只是顧住禁住部股票機.我一個餐從復講佐三次當我去到水吧前面拿餐果陣,結果都是因為她寫錯而出錯佐!第二就是比我睇廚房入面既人竟然可以直接用手拿住D食物放入碟入面,水吧果個阿姐就是甘將果碟野拿比客我心諗我果碟應該唔會是甘呱......不過都是果句啦,眼唔見為乾淨嘛!第三就是味道囉,我食佐他果度最出名既炸雞肶第一口食落去我自己仲以為自己食緊樹皮呀我諗都唔駛我再講澆去大家都知是咩感受架啦,比起以前真是差佐好多!試問一日比我遇到甘多唔好既野總邊會有心機去果度食野呀,所以愛群而家都無咩野好吸引我去食野啦!(以上只是我個人既經曆,最后既是我食果間是系順利果間愛群快餐店喔!)

佢個免牛飯係我o既至愛。色香味俱存。鹹、甜、酸配合得恰到好處。飯餸份量亦都適中。如果你同我一樣唔怕死，可以叫佢煎蛋轉窩蛋。咁就一絕喇！

路過，似曾相識的舊情懷！正值下午茶時間，點了公司三文治套餐。公司三文治和凍檸茶都好！店內的人情味，是伴菜的良品。許是戀物成癖，但老香港的一切，總教人懷緬。期待下次的路過！

嚇????講到愛群餐\廳服務太差,我又想起榮利集團公司<幾好餐\廳>....但系自從個個老細抄西d舊員工後,服務態度就超差,以前d員工又勤力,態度又好,對d客又好,勁有親切感...聽講移家個個老細好刻薄,對d員工既壓力又大,員工做到個個叫苦,簡直火爆!!!真系凄涼,所以又五怪的d員工既.....我以前系個度d熟客,同以前d員工有講有笑,但系個個老細五知點解一個個抄細,又五知請埋d咩人,唉!!!<br />

近排唔知點解好想搵好食既包，諗諗下不如樓下呢間都試下，見倒有豬柳蛋包本來諗住食，但係收銀話無晒豬柳不如食豬扒包，都無乜所謂就食呢個啦。食落又唔錯，同麥記果個豬扒包比呢個仲好食添，因為塊扒唔會好似麥記果塊咁有膠感，雖然入面除o左塊扒外就得d生菜絲，但已經相當唔錯，而且因為即叫即做既關係特別香口，十一蚊個話貴又唔算貴可算係抵食咁啦。不過呢度個收銀阿姐十年如一日，傾計大過天，自己同其他同事傾緊計就永遠都無視d客成日要個客企係度等佢，一係就一路傾一路寫單，成日寫鬼錯，又或者問你三四次食乜(因為傾緊計無心聽你講野)，都唔明點解咁多人都未炒佢，唔通佢以為自己真係大家姐咩......

我平常都極少到這裏食飯, 但因為對面酒樓裝修, 所以唯有到此店作客。但估不到裏面的兩位中年女店員服務態度真是極其差, 一位是長頭髮束辨子的, 另一個就短頭髮到頸的, 但原來兩個人的服務態度都是一樣, 極差!!!首先, 因我們少到這店, 所以看了幾分鐘才能叫到食物, 但受到長髮女待應在背後說, 看了幾個鐘才叫到野, 我心唸,叫幾耐關佢乜事, 總不可以在客人背後說話, 還要刻意叫客人聽到, 這是什麼的服務態度????!!!!另外短髮女待應也一樣, 叫佢比多杯茶, 望住佢講, 佢唔會比任何反應你, 之後竟然當我冇到, 一杯茶都冇拎黎, 只是拎比新來的客人, 但也不順道拿一杯過來, 這也是什麼的服務態度, 今時今日的香港也有這種不知所謂的服務態度, 請愛群集團的快餐店改善一下吧!!! 否則比d咁既員工影衰你自己辛苦經營的集團!!! 因為我也希望你們的集團越開越大同越開越多!!!

又係呢度，由細到大都覺得佢D雞扒同雞柳好好食，近年佢出o左呢隻豉椒雞柳飯，我都經常食，不過唔知係咪今日太多客關係，整得馬虎o左小小，雞柳切得唔好，d洋蔥仲切得鬼死咁大舊添，雞柳仲好多根食到痴晒牙，連我上次讚過煮得好既飯，今次明顯煮唔透.... 可能真係黎呢度食得太多，對佢地越來越嚴格。

其實我同下面其中一位朋友都係講緊順利村果間，不過搵唔倒呢度有，不過我諗都無乜所謂啦橫掂係同一個老細的。今次食呢個係雜菌炒豬頸肉餐，有個食送再加碗飯同個例湯，老實講呢度d例湯真係麻麻，渣同湯係分開放既，係你買果陣先筆埋一碗，所以我覺得唔夠入味，個雜菌炒豬頸肉就真係幾正，佢地落小小xo醬炒有小小辣真係幾開胃，同埋食o左十幾年佢地d飯都算係同區所有食市煮得最好了。

由細細個放學都會落愛群食下午茶雞脾薯條,,,真系勁好味,,,加多杯紅豆冰*V*哇*真系好好FEEL

li間快餐店係我由細食到大gei…食左十幾廿年la…^^幼稚園果時grandma成日帶我黎買外賣…果時至愛係京都骨同粟米肉粒飯…好正…不過咁細個就真係唔知抵唔抵la…都到e+都係廿零蚊,咁我諗果陣都唔會有幾貴o卦???到小學時期就少左食…無成日去lu…多數都係買雞脾或者雞翼做小食…佢d雞脾同雞翼成日都係熱辣辣ga…因為每次只會整幾隻,賣晒至再整…所以多數要等…但真係好正好正…到中學果時,就只會星期六去grandma屋企之前約埋姑姐同阿媽食個tea…佢d tea好抵食ga…我至愛gei係雞翼薯條配紅豆冰…有時就要個雞脾米線都係配紅豆冰…d薯條係超正…又係即叫即整gei…正過麥記多多聲…我本身唔好薯仔都食好多ga…同埋至正gei係佢個drink無論凍飲,熱飲,糖水甚至紅豆冰都唔洗加錢…不過e+好似要la…>.<...但係e+ d時間無咁o岩…少左去食lu…但係都仲好鍾意食li度gei tea^^

因為自少哥和姐會在這裡買飯給我一起吃,雖然只是間唔中才一次,但已好開心,最記得佢炸雞脾,炸薯條,豬扒包都好好味,但自從他們結婚搬走了以後也好久沒吃過了,一天晚上心情失落,好想搵野食,叫了一個石斑飯,本來以為是已經炸成金黃色的一般斑塊,點知原來是鮮魚片,好好味道,好開心~不過有時經過見到它人不多,真的好怕它會執啊!

自80 年代呢間快餐店就開始為內街坊服務, 直到而家佢仍係內唯一一間快餐店, 自小都好希望內開番間麥記之類快餐店, 但以愛群出現已成為心目中代替品. 雖則價錢唔算好平, 但一分錢一分貨, 份量實比足你. 讀小學時逢親返長週都會幫襯佢早餐, 細個開始認識乜係奶茶就係愛群. 讀中學時亦間唔中買午餐飯盒. 到讀大學以至出來工作, 屋企唔煮飯買佢飯盒套餐都係不錯選擇. 佢食物真係極少失手.至深印象就係佢炸雞脾, 炸得認真又脆又香, 雞脾大大隻脹卜卜, 怕肥間唔中食都唔錯.另外粗身波浪紋薯條hit極一時, 但唔係時時都有, 近年亦發覺改用番普通幼身薯條.而本人對黑椒無乜興趣, 但同行朋友就大讚佢以黑椒主題飯意都係好好食.餐湯羅宋湯都係好, 但唔單止西式, 近年中餐都好有水準, 好似京都骨餐都係好食.如店內坐近後門位置, 鍾意聽八是非的話, 執阿嬸一定會滿足到你, 當然呢個見仁見智啦.

愛群係我中學年代最愛流連ｏ既快餐店，佢係彩虹邨屹立多年喇．．．最愛佢地ｏ既早餐同炸物，雖然並非超級好味道，奶茶咖啡又並非超級香濃幼滑，但哩類屋邨式傳統快餐店，真係值得多回味ｏ架。新精頭都有路經，晚市套餐都不容有失，可一試ｏ架！

炸古列豬扒正，皮夠脆又即炸。下午茶選擇多夠大份，抵食。

呢間好味呀傳統快餐店,炸脾超一流!糖水,中湯,其他各樣各樣都唔失禮.下午茶超抵