愛群快餐店

Open Now

Now Closed

入彩虹邨，要尋食的話，因為此屋邨甚有歷史的關係，一定會以舊食肆，同古早味行頭。而我是次再到來，也不想多說《鑽石冰室》，而是介紹一家小型的連鎖快餐店，叫做《愛群快餐店》。一看門面，很容易就知道，這是我們一眾7、80後的學生時代飯堂，先付錢後取食的老香港 style 快餐店。固定式座位是現今及以前的快餐店座位標準，而這一個場景，就正正是我們中學時代食快餐店仔的那一個場景，作為一名70後的我，當然會帶有小感觸啦。有朋友說來這兒買外賣是值得一評的，因為他們會用印有自己 logo 的紙盒盛載食物。可是，我每一次來彩虹都是早上路過，不會亦不需要買外賣，所以我只能夠輕輕地品味早餐，而早上的早晨套餐，就有一個可愛兼古早味的雞湯火腿通粉作為醒神的佳品。味道，是很濃的雞精味，通粉又煮得甚腍，熱度不高，可以快快趣連通粉連湯連火腿吃掉，是香港快餐的精神所在。來快餐店食早餐，通常都會以西式為主，所以我的雞扒餐就有腸仔、雞蛋同茄汁豆。說真，只差煙肉同薯仔，這基本上等同一個西式的全日早餐，而且肉、腸、蛋都不是馬虎地煎，熱熱的，帶點點焦，感覺份外的香口，而茄汁豆是熱的，令吃者食得份外的開心。奶茶，也是不錯，香味十足，

今日過彩虹村探個老友，順便食返個下午茶！所以再嚟依間老號！叫咗個下午茶餐，肉丁煎蛋公仔麵，餐飲熱菜蜜！五香肉丁只喺普通罐頭嘢，煎蛋亦都好一般，菜蜜都冇咩西洋菜味！裝修環境只屬一般茶店質素！咁點解仲要嚟呢？其實依道主打大件夾抵食，亦品嚐到八十九十年代初嘅情懷！喺依個地產霸權，租金狂飆嘅社會，仲有26 蚊嘅下午茶，真喺賣少見少！

下午三時多，還未吃午餐，於是到樓下、我從未幫襯過的愛群快餐店叫了一個牛油豬仔包。豬仔包烘得頗脆，但咬下包後便塌下去，不及翠華及勝香園的那麼脆，而且牛油份量太多！其實味道及價錢來說已OK, 不過我始終仍鍾情翠華及勝香園的，因此不會再encore了。

食品如炸雞脾，大多數係凍既，米粉又好似糊仔咁。而且價格亦唔便宜。中湯味精多，西湯有一大片油浮面。奶茶苦澀，檸檬茶苦到飲唔到。最過分是職員態度惡劣，其中一個早上收銀經常大聲說話，根本整間餐廳都聽到她的話，又經常離開收銀處，要客人等她回來叫餐。另外，下午該位收銀，聲稱2:30後不再炒麵和飯，要求我叫下午茶餐。其實都冇問題，但當我坐著吃了一半，其中一位熟客叫了炒牛河，裏面師父還說：「好，我炒俾你」該位熟客給了40元。當我吃完，我向收銀說：「你剛才不是說你們2:30後不再炒麵和飯嗎？」收銀答我：「師父話炒既，唔關我事。」(眼都唔望下)我話：「咁我唔係客……」我都未講完佢面露惡相，就大聲答我：「佢唔係客，咁得未呀？」1)如果佢唔係客，點解你收佢$40？   姐係揀客做，人地成日俾惠康印花你個收銀，你就做俾人？2)好，就假設佢唔係客，係咪唔做我地生意先，姐係有客都唔做啦。咁我都冇野好講，總之再咁落去，我覺得唔會再有人幫襯你lor 

Ksmeow要吃即炒小菜，除了愛光顧大排檔外，最近就很愛光顧這間老牌快餐店...．．．踏進愛群快餐店，就好像進入了時光隧道！從裝潢來看，餐廳仍然停留在80年代模式！那個大到不能看不見的Cashier；那些膠椅卡位、細到不能再細的圓椅；放調味料的膠箱；水吧附近的舊式膠牌、相片...不其然，令我諗起《Monica》這首紅極一時的經典作品！Thanks, Thanks, Thanks, Thanks, Monica誰能代替妳地位...．．．以舊式快餐店的小炒計，這裡的鑊氣拍得住大排檔，當晚跟早肥先生點了兩客晚飯套餐，咕嚕雞球及金銀蛋時菜！《咕嚕雞球》鑊氣十足！咕嚕汁酸甜適中，很惹味！雞球上的炸粉不厚，雞肉味道亦可！《金銀蛋時菜》菜清洗得超級乾淨（非常非常難得！），肉碎很多！而且肉碎是預先充份調味，吃起來酒香很濃！讚！《老火湯》老火湯足料，味道濃而不算味精！《飯》超級大碗，而且蓋得非常實！．．．兩客晚飯套餐連老火靚湯，才八十多元！而且份量足、鑊氣夠、不算味精... 仲有懷舊感覺，那裡找？今回小食評分享完畢，多謝欣賞！

是日在彩虹吃早餐，牛池灣邨內的茶記都幾乎都試勻了，就跑到另一邊的彩虹邨找吃的，最後找了一家名為愛群快餐店的快餐，來吃個早餐。雖然說是快餐，但所賣的食物，全都是茶記平常吃得到的食物，但上至裝修，及買東西吃的方法，到最後杯奶茶的杯，也令人感覺如置身大XX快餐。買了一個早餐包喝包碗麵及蛋腿麵包，是標準豐盛的早餐。煎蛋要求要了反蛋，外表看來是煎得微焦了，但入口又感覺不到灼熱感，了無生氣，蛋白不算軟嫩，蛋白香普通，但偏偏蛋黃又是煎得半生熟的好貨色，一口蛋黃汁的入口，怎也很難說會沒蛋味吧。火腿也是標準的味道，不過值得一讚的是煎得不油膩，但感覺就不夠熱辣；同來的麵包飛了邊，麵包不太軟熟，而內面塗的牛油都不是太香，個人認為較為普通。主食是沙嗲牛肉麵，本人基本上在茶記吃麵餐，都有過半的機會點這一味，大大碗的麵，其湯有如很普通即食麵的味精湯，那堆沙嗲牛肉的醬，一堆的放在麵餅上，毫無疑問，店家的沙嗲牛肉，醬油味道很濃，而且也帶點花生香，令人真的有吃沙嗲的感覺，而且再值得一讚的是，牛肉不太化學，頗有嚼頭但帶筋。公仔麵當然要有濃濃沙嗲醬伴吃才美味，不過本人已經很久沒吃過，湯跟醬合一之後，味道仍是濃烈的沙嗲牛麵了

高考的午餐時段去了一間附近的快餐店我記得間店ok出名但分店唔多今日咁啱見到就梗係要試試我叫了揚州炒飯有火腿粒…碎蛋…等等這些都是普通揚州炒飯要有的料看上去都ok但一吃下去就……很鹹啊香味是有的但鹹味也影響了飯的味道我更試過有一啖食到一舊鹽鹹到飛起我媽媽曾說過出邊的菜總比家中的菜好吃因為出邊的食肆大多用了很多鹽和味精雖然落鹽的確係可以令到餸菜更好味但都唔洗落咁多嘛而且價錢也略貴這碟揚州炒飯都要$34

食完一肚火, 但年關將近, 多野做, 無時間在此反映, 現在補回.特式雞翼不脆, 肉是粉的, 好差. d炒飯無料, 算, 但炒到臭燶, 真係惡頂, 事實上都有不少燶的飯粒, 但奇就奇在食到鹽粒同味粉未炒散, 怒向收銀小姐反映, 小姐說炒過一碟給我, 但我已很火, 即走.

愛群快餐店～十幾年後都仲係咁o既裝修格局再加上收銀都仲O係O個個靚姐~令人懷念!!!佢足料厚厚O既公司三文治~加埋O野飲都係25蚊!好抵食..仲要熱LAKLAK!!!

冇錯又係我!落街買lunch廢事煮 買外賣而家車仔麵愈黎愈貴lu以前4蚊1個*食送* 或 麵之後5蚊1個*食送* 或 4蚊麵而家全部都5蚊 冇計啦 inflation......車仔麵(辣魚蛋 + 蘿蔔 + 豬紅 + 幼麵)辣魚蛋d汁真係好辣 攪到成碗麵都係辣魚蛋可能煮得太耐 淋左d蘿蔔好淋好入味好甜!我鍾意豬紅冇嘜特別幼麵佢煮得耐得制==拎到番屋企果陣已經好淋-0-可能依個阿姨新黎......之前未叫過佢煮到咁==學生買 送豆漿!我以為我都冇 我冇著校服 結果都有但係正如我之前所講杯豆漿唔太好飲 d味道怪冇豆味又多水咁...........ok 係比蘿蔔

訓得太晏訓到1點搞搞下2點岩岩好落到去食下午茶薑蔥鮮牛肉麵 + 凍豆漿 $18薑蔥都頗足夠牛肉好淋 應該都有用粉la過麵整得淋左少少!豆漿都夠凍但豆味唔太好

過去幾個月的星期六都因事到順利, 每次都去愛群食TEA。愛群係舊式快餐店, 多年來屹立不倒相信係因為食品質素出色。星期六的油雞髀到TEA的時間大概都賣清。薯條係即炸的, 粗果隻, 好食!魚柳飽塊炸魚用的魚柳很厚, 一下子食左兩個。難得係舊式快餐店, 但衛生保持得很好, 我帶住1歲大阿囡去食都冇擔心地方唔乾淨。餐廳的員工又有人情味, 對幫襯的老人家及有需要幫助的人士都特別照顧。就連年輕的哥哥仔員工都很好禮貌。兼且有泊車優惠, 專登揸車去食都OK。

12月30日，11:00早上收到太座電話，要到西貢江湖救急，本想在牛池灣來碗早粥；怎知牛池灣和彩虹竟然食無粥，最後無奈底到這店開餐。要了炒米粉和齋啡。炒米粉：即炒，夠鑊氣；火腿絲和著米粉炒，另外還鋪滿了火腿片、蛋絲和椰菜絲，份量足。齋啡：香濃偏苦此店以街坊生意為主，店員和食客有說有笑。其間有位伯伯，打翻了熱飲，店員馬上打掃，收銀則叫水吧準備飲品。得見這景像，店內倍添暖意。

話說岩岩箍左牙D牙好痛所以要食粥LUNCH去順利果間愛群叫粥堂食皮蛋免治牛肉粥<--貪佢唔洗咬就咁吞就得哈哈溫馨小提示:盡量都唔好外賣因為堂食大碗得多!個粥底唔錯皮蛋數量都OK架D肉呢好似落得多得制梳打粉但都可以接受既!嘩13蚊大大碗你想點但係值得一提既係佢D匙污糟左少少!要改善

愛群，其實住在４順都無人不識，由懂事開始都吃它們的常餐，好多年，之前仲有下午荼好好吃，飯都ｏｋ，雖然有小小下降，但其實可以接受，如果它們不做，真係無野食啦，那店的員工都好多年，要努力呀，我們會支持你