愛民茶餐廳

Open Now

Now Closed

話說每個星期都係固定某一日某個時間去，食到侍應都認得我哋都知我哋叫咩食同埋飲啲咩，今次都係叫返嗰啲嘢，沙嗲牛肉公仔麵，雞髀薯條，雞翼薯條，煉奶麥皮，鹹牛肉三文治，腸仔公仔麵，今次都唔多介紹啦，因為佢啲食物冇得輸，非常之好食，最重要嘅就係侍應嘅服務態度亦都非常之好，同客人打成一片好似一家人咁，侍應經常會同食客有講有笑，讓食客食得開心又俾得開心，由一入門口開始就已經開心食開心走。香港真係冇乜茶餐廳做到咁樣

最近何文田廣場同愛民邨畀兩大連鎖店攻陷咗一係三哥 x 譚仔 二係百分百 x Itamama x Itamomo x Chicken Factory 可想然之 有幾乏味😔 為咗打破呢個悶局 同事決定今日午餐間喺愛民邨屹立多年嘅街坊小店 <愛民茶餐廳>呢間茶餐廳都有啲歷史 裝修都係舊式茶記嘅格局 雖然侍應們都係上咗年紀嘅叔叔伯伯們 但佢哋反應同上菜嘅速度超級快😁 同事嗌咗是日午餐@$43 咖哩雞飯 魷魚肉餅飯 芙蓉蛋飯我就嗌左個雙拼麵餐配熱茶走@$36沙爹牛肉腸仔米粉 3／5一罐茶餐廳水準之作 米粉質地爽口 沙爹牛肉口感軟淋 沙嗲味唔突出 茶記正常發揮 腸仔有輕輕煎香過 旦味道偏鹹🤥茶走 4／5呢杯熱茶走 算係我喺何文田佢飲過既頭第1, 2位 有茶味 入口順滑 有奶香 甜度適中 配埋黑白淡奶嘅杯 夠曬港式 冇咩可以挑剔👌總結: 食物對得住個價錢👌 溫馨提示: 愛民茶餐廳而家接受八達通支付 可以用嚟搞泊車優惠🙃

朝早一早起身，一向都知愛民茶餐廳係一啲舊式既餐廳，好多時間都係會快食，但係今日有時間睇下佢個餐牌，可能平時真係無睇餐牌啦，發現竟然佢係有一個加2蚊，轉蛋白治，依個我真係驚喜萬分，可能我真係少食舊式茶記，覺得好特別，出面好少餐廳會特登做依款既三文治比客人，依點非常值得讚賞。另外，佢個沙嗲牛肉通心粉，都係同出面唔同，佢個沙嗲牛肉係好嫩滑，沙嗲好入味，一個39蚊早餐真係好抵食。下次我都會咁樣叫，蛋白治沙嗲牛肉通粉，值得推薦。

以前中學係愛民食開嘅大排檔好多都已經執晒，好彩愛茶依然仲係到，但連平時幫襯開都會見到嗰個好好人既叔叔好似都已經無做😭我次次去親嗌C餐都一定比friend笑🤣（腸仔煎蛋飯🍳🍚），但真係冇計，好鍾意愛茶嘅甜豉油，撈埋蛋汁再撈飯真係無得頂‼️值得推介嘅係愛茶既酥皮蛋撻，蛋味好香濃🥚😋其實呢間同普通茶記都冇咩分別嘅，但食嘅都唔係味道，係中學嘅回憶啊😭🏫

這次由於看見愛民邨的天馬快餐要倒閉結業，於是專程再來愛民邨。來到實地，才發現原來大排檔經已一早翻新，而翻新那間餐廳亦都寫出「開業一週年慶祝」的字句。於是搜尋其他餐廳時，才發現原來有這一間愛民茶餐廳。由於未吃東西，上到來愛民邨就立即找這間餐廳一看，門外看見不少下午茶，於是內進，有人探測體溫，之後安排坐卡位。友人之前一天叫干炒豬扒公仔麵，感覺豬扒比較乾，於是這天我就點了一個干炒雞扒公仔麵。公仔麵的份量也不少，應該超過一個，有點醬油，鹹味還算挺鹹的，加了少許這兒的辣椒油，這兒的辣椒油沒有蒜粒在內，辣味還挺強勁的。雞扒的份量也不少，有些更顯得大塊，肉質也不算太乾，但中間還是欠缺肉汁。這兒的飲料也還可以，但味道不像是幾十年舊式茶餐廳那種風味，駌鴦味道欠濃，而且這個下午茶炒公仔麵，也不算太划算，因此，如果下週開始，天馬快餐倒閉之後，基本上都沒有什麼原因需要專程來愛民邨。旁邊門口有麵包賣的舊式餐廳。

因為喺附近返學，所以成日都會經過愛民邨睇吓有咩食。呢間愛民茶餐因為喺附近返學，所以成日都會經過愛民邨睇吓有咩食。呢間愛民茶餐廳已經有好耐歷史，應該有好多街坊都會食呢間茶餐廳。我最鍾意食佢個窩蛋免治牛肉飯。因為呢啲飯先有茶餐廳嘅味道。而且佢環境真係好歷史悠久，好懷舊嘅感覺。我好鍾意呢個茶餐廳。

何文田食晏唔知食乜好，喺呢條老屋村冇理由又去快餐連鎖店，最後竟然揾到呢間茶餐廳，呢度無論門面或者餐廳裡面嘅裝修都同呢條老屋村好配合，非常懷舊，唔單止咁，連快餐嘅食物都喺，我叫左個煎蛋腸仔飯配熱奶茶，朋友就叫左葡汁雞飯配凍檸茶，我覺得最好就係呢度侍應落單丶上碟丶互相溝通嘅態度都會又快又大聲，好似以前啲餐室咁，非常熱烈又有親切感，個腸蛋飯淋左豉油喺面，豉油唔係特別好出色，但正正佢保持住以前豉油嘅味道，令到成碟飯可以食番以前嘅味道。

我諗已經十幾年無嚟過，侍應嘅樣貌都好似換哂，望住牆壁上嘅菜單，見到鮮奶，立即勾起晒我嘅童年以前唔知道哩道有燴意粉，公司燴意粉非常足料，雞扒豬扒火腿香腸，大大件蕃茄。雞扒好食過豬，豬似係一塊無味嘅肉，單純滿足食玉獸嘅慾望。兩者肉質都唔會過份鬆軟，亦唔會乾柴意粉汁未夠味，反而加埋料嘅懷舊橙色蒜蓉汁同埋煎蛋嘅蛋黃就立即升華。蕃茄煮得半軟，平衡一下全碟肉嘅膩口意粉口感無錯係燴意粉嘅偏軟身。食得太飽，只好買走我一樣响哩道必食嘅菠蘿包同雞尾包返屋企食

說到菠蘿包，這裡的出品是我的最愛，幾乎每次都是家人買回來放到第二天才吃，菠蘿皮仍能保持香脆，麵包亦不會變硬。由於麵包已放上一天，吃前我會用微波爐加熱，然而近來兩三次再吃，麵包的口感都很奇怪，中間吃起來像沾過水的厚紙皮，難以咬開，口感不像食物(.....雖然我還是吞掉了)，於是特地過來當場驗證，到底是它的質素下滑，還是因為放上一天的緣故，或是微波爐惹的禍？實地考察結果是肯定並非質素下滑，菠蘿皮依然香脆，甜度剛好，吃起來有點像合桃酥。麵包鬆軟，沒有像紙皮的口感，只售$4，價廉物美。印象中沒喝過這裡的奶茶，既然來到不妨一試。奶茶茶走少甜，茶味尚欠一點濃，熱度未達理想，明明吃掉菠蘿包沒用上多少時間，奶茶已經只剩微暖，不過市面上的奶茶大多都有着這兩個問題，比它質素好的本來就很難找到，可以說這杯已經達到平均水準了，不過賣$16一杯偏貴。既然菠蘿包堂食沒問題，必須買回家放一天再吃試試看，不過不會再跑上來寫結果了，雞毛蒜皮的話留在Facebook匯報吧。

食個五香肉丁麵，加杯熱咖啡早餐，跟著乜都冇，就要$33，太貴，冇下次。。。。。。。。。。。。。。。。。。。。。。。。。。。。。。

吃過旺角某家茶記出品被受熱捧的菠蘿包印象中賣五蚊一個 味道不過不失若然新鮮出爐吃一個還算不錯 放涼了就沒什麼大不了但原來最好的一直在身邊經過這家茶餐廳已不知多少年卻吃不過三次 更別說他們出品的麵包然而一天路過這茶餐廳瞥見裡面放着的菠蘿包面容姣好 氣色捧 波大又圓終於被它吸引獻出第一次付款的時候才知道這麼大的菠蘿包才賣$3.5現在去美心$3.5什麼也買不到吧一口咬下去立顯厚度驚人最重要是菠蘿皮脆又香 甜度剛好 味道足麵包並非空氣包 密度適中有口感更令人折服是即使放到第二天菠蘿皮仍然保持香脆麵包亦不會變硬又大又平又香又脆又好味又耐存我的第一個五星食評誕生了！

無聊的一個中午，我來到愛民邨。漫無目的的尋食日，漫無目的地在愛民邨左尋又尋，我竟然對冬菇亭的食肆完全不感興趣。於是，我就在邨內的街鋪及商場尋找我的午餐。而我在未進入領匯的冷氣商場之前，給我找到一間同屋邨同名字的茶餐廳，名叫《愛民茶餐廳》，我看見，有麵包部，也帶點點舊，而且座無虛席，感覺上，這茶餐廳應該有點舊屋邨味道，於是，我就決定入來，先食返個午市套餐。餐廳分了兩鋪，一邊是麵包店的鋪，鋪內也有座位，但麵包鋪好像不能進出，一定要經由茶餐廳那邊出入。可見得，連用兩鋪位也能夠在中午爆場，這《愛民茶餐廳》的確是很旺。午餐，我點了一個葡國雞飯，純雞球，沒有菜，也沒有骨，是工友學生的肉感午餐，很好很香的葡國汁，很肉厚很滑的雞肉，而味道，就是完美的葡汁味，雞味??? 不要強求了，這一種汁多多午餐，我只可以說，食得飽就是好。另一天來，干炒叉燒意，是非常傳統的香港式炒物，味道同做法等同干炒牛河，但有三樣不同，一、是叉燒不是牛肉；二、是意粉不是河粉；三、就是多了洋蔥的出現。味道好好，好濃好香，也感覺到好好鑊氣，但干沙的最大弊處...就是好油。最後，要說奶茶，我可以說這是一杯出色的奶茶，茶有香味，夠濃，又夠

終於開到個account, 可以響呢度分享我地食飯的經歷....講返正題, 我和先生剛結婚, 搬去何文田, 那天的早上, 我和先生及我爸, 一行三人去了這間近近地的茶餐廳來個快快的早餐,三個人一坐低, 各自點了麵餐, 於是就等,大約十五分鐘, 都算快, 就有餐上, 點知我地叫的火腿, 變了沙爹牛肉, 我先生同一位伙記講佢上錯餐, 請佢換過, 點知個伙記竟然發老脾道:"係你頭先叫架, 我地無上錯俾你!!"其實, 火腿同沙爹牛肉, 我地都可以照食, 不過, 唔係咁囉, 落錯單, 仲要發老脾, 你咁的態度, 就算我地本來食咩都無所謂都變有所謂啦~我地都算, 錯都照食囉, 點知, 佢一路行去水吧, 佢一路大聲咁嘈, 話我地好話佢落錯單, 上錯餐~短短的二十分鐘, 真係食到氣頂.....況且, 食物質素不外如是, 公仔麵煮過頭, 沙爹牛肉唔沙爹, 凍檸茶得二片薄如紙的檸檬, 茶味唔足.所以就這一次, 我地呢兩個何文田街坊都唔會再去呢間茶餐廳....免得囉嚟激氣~ 

新鮮出爐的大大個菠蘿包(真的很大) , 每個$3, 十分划算最重要的是, 表面的菠蘿皮夠厚夠大塊, 夠脆(估唔到第2日食都脆)唔會太甜, 反之食到既係麵包本身的甜味是正宗的價廉物美!鼓勵大家去試試!

一直很想試這間甚具歷史的屋邨茶記。是日早上找到了空檔，專程坐多一程小巴過來光顧...時間仍然很早，但小巴站卻已堆滿了學生哥，要等兩至三輛才能上車。幸好車班次夠密，等了不到十分鐘就上到了....走入去，看見人頭湧湧，插針都插針不入。幸好只是一個人，搭檯也不成問題....飛快的下單，怱忙便要離開，連報紙也來不及看。人多，就是這般樣子了....要了標準的ABC餐一份。評審標準好與壞的重要指標當然是那杯熱奶茶。稍嫌這裡調的奶味太重，茶本身也不怎樣的滑。小弟還是喜歡茶味濃一些的奶茶....餐包是他們自製的，入口鬆軟。若此時可以加上一塊厚厚的牛油夾在中間來個"冰火"的話，那就超"正"的了；蛋下了太多油去煎，極度油膩，而且邊位又不夠脆，完全不及格。此時唯有用义戳穿蛋黄，再用之來醮麵包，這樣才吃得過....紅腸通亦是普通過普通。通粉沒淥得腍爛是唯一的好處；湯底有一點點"師傅"味；紅腸只是求其用滾水淥過，沒有煎香，當然大感乏味....我不是"愛民人"，對這裡沒有特別興趣及感情。若單論食物的水準而言，是真的很普通。故此於我來講，這只是另一個吃情懷的地方而已....