OK便利店 Hot & In 美食吧

Open Now

Now Closed

呢排見ok便利店賣廣告講好多麵包🥯🍞同埋行入去好似有一半都變咗麵包鋪雖然坊間有好多千層吐司但係便利店買最方便最快 其實都係聖安娜出品正常味 香港製造都要加分（七仔嗰款係大陸做🫢）

今次夾心飛碟新出有四個口味每個$11，咁我梗係要買齊嚟試一試先啦！☺️☺️～～～日本蘋果～～～起初以為會有蘋果粒，但原來只係蘋果味嘅蘋果醬，亦都分唔到係唔係來自日本，係食到浸蘋果味嘅不過有啲失望🥲🥲～～日本蕃茄～～～食落唔止蕃茄味，再睇個包裝原來係蕃茄肉醬味，不過真係做得幾似，呢個有驚喜😊😊～～～沖繩菠蘿～～～同蘋果一樣都係菠蘿味嘅菠蘿醬，菠蘿味亦都一般，呢個更加失望😗😗～～～北海道粟米～～～呢個都係唔只得粟米，原來仲有沙律醬跟埋，粟米🌽瘦瘦地😅😅，沙律味就正常😄😄

OK新出左三款有啲厚度嘅瑞士卷，買齊三個試吓先！😉😉～～～原味瑞士卷～～～味道正正常常冇乜特別，係勝在夠厚😙😙～～～抹茶紅豆瑞士卷～～～會食到少少抹茶嘅苦味，不過都係好輕微☺️☺️，紅豆粒粒唔算太多，呢個算係合格啦！😝😝～～～奧利奧瑞士卷～～～未食已經喺心裏面打定底Oreo一定會好甜😀😀，但食落又唔係好甜之餘個味道仲要唔似Oreo味，你唔講我仲以為係普通嘅朱古力味，呢個反而有少少失望😅😅～～～鹹蛋雞肉鬆 . 沙律醬味～～～唔記得有冇食過，只係買多件有75折所以買埋佢😂😂肉鬆量勁少，鹹蛋味一般，唔推薦🫢🫢

7月1號又係一個做都冇停手嘅公眾假期🙁🙁，就算身體好攰，但唔知點解經過OK都想入去行一下，咁就又比我見到個新產品，咁買黎獎勵下自己啦！🥳🥳～～～花生🥜粒粒榛子醬·朱古力🍫忌廉～～～今次淨係新出一款口味有啲少，通常會出起碼兩個嘛😝😝講返個包食落唔會好甜，完全唔係想像中濃郁嘅味道，咬落會有少少花生🥜粒粒嘅口感，同時亦都食得出係花生🥜醬溝榛子醬嘅味，花生醬同榛子醬比例4 ： 6啦，唔係話特別好食，但可以一試！😗😗最後有啲唔明點解幅圖個醬會係粉紅色嘅🤨🤨？

今次出嘅新產品係漢堡包🍔三文治，我就第一次見佢出漢堡包🍔，同埋OK會員可以每個平$4，咁買來試吓先！😁😁～～～熟蛋🥚吞拿魚🐟芝士🧀布里歐🍔～～～佢所講嘅熟蛋🥚，原來係水煮蛋🥚切片😌😌，吞拿魚🐟醬就勁多， 食落滿滿嘅吞拿魚🐟味可惜蓋過晒蛋🥚味，芝士🧀就OK啦😉😉！～～～厚燒玉子🥚黑椒火腿布里歐🍔～～～塊玉子蛋🥚真係幾厚😄😄，帶有少少甜味，我都幾鍾意幾啱我胃口，火腿就正常火腿味但食唔到有黑椒味囉！😗😗

OK飛碟系列，今次又出新嘢 ‘ 全新日式系列 ’，試吓先！😁😁～～～吞拿魚～～～呢個吞拿魚唔係新款，但之前未食過，所以買來試吓。內裏係啡色傳統吞拿魚沙律醬，🤴🏻都幾鍾意食吞拿魚醬，所以就覺得OK😀😀～～～抹茶麻糬～～～呢個好有驚喜，咬開係深綠色嘅螢光綠有少少嚇人😳😳，不過抹茶味幾濃郁，同埋內裏嘅麻薯好煙韌粒數都唔少😉😉（可能係氣炸過嘅原因）😝😝～～～日本咖喱～～～係日本咖喱帶點蘿蔔味嘅甜味，唔夠濃味亦比較偏乾😐😐～～～北海道粟米～～～內裏粟米唔算好多，不過顏色都幾靚，味道似喺日本即飲罐頭粟米湯味，都唔錯👍🏻👍🏻～～～日本半熟蛋～～～早前已經出過一次，今次就覺得蛋黃味更加濃郁，顏色上都偏黃少少😙😙五款裏面最有驚喜嘅係抹茶麻糬，不論顏色視覺上同味道都帶嚟新驚喜🥳🥳

今次出咗新嘅粉紅色富士山吐司🍞，齋睇都會心情變好啊😚😚，順便買埋個三文治🥪，仲要係我鍾意嘅黑松露做材料，再用埋OK會員優惠券仲抵，咁點都要試一試啦😚😚～～～草莓🍓味富士山吐司🍞～～～（$15）望住粉紅色嘅富士山吐司🍞，少女心💓出晒嚟😍😍。味道就係淡淡地嘅草莓🍓乾味，少少酸少少甜🙂🙂！唔需要再跟果jam再配埋芝士焗一焗就最好味😋😋～～～SUMO黑松露午餐肉碎蛋紫椰菜三文治🥪～～～（$20）目測午餐肉已經好厚，打開係鋪滿左整個三文治嘅三角形🤩🤩，有種賺左嘅感覺🥳🥳裏面嘅一點點黑色係混合黑松露喺裏面，午餐肉同黑松露嘅味道比例大約6:4。紫椰菜就少咗啲得幾條😝😝，另外碎蛋嘅份量都幾多同都有蛋味☺️☺️

今次出嘅田園新系列當中有三款係水果一款係半熟蛋🥚！另外仲有一款之前未食過嘅朱古力🍫脆脆！😘😘幾款一樣係氣炸鍋3分鐘/120度～～～蜂蜜🍯柚子～～～有好香嘅蜂蜜🍯柚子味，十足似韓國嘅蜂蜜🍯柚子茶一樣☺️☺️～～～草莓🍓果肉～～～內裏只有兩粒草莓🍓果肉，草莓🍓醬嘅顏色亦都唔係好鮮紅，淡淡地😅😅，食落草莓🍓味唔夠喉😗😗～～～芒果🥭果肉～～～相對草莓🍓嘅果肉呢個芒果🥭嘅果肉係比較多啲，但同樣都係冇乜芒果🥭味，失望😒😒～～～日本半熟蛋🥚～～～傳統嘅半熟蛋🥚味，蛋🥚味香濃，果然冇令人失望😋😋～～～特濃朱古力口脆脆～～～打開包裝已經好香朱古力🍫味，分量充滿着整個夾心內膽，仲有濃濃嘅朱古力🍫脆脆增加口感，五個裏面最鍾意呢個😚😚食完新系列嘅四款味道：除咗半熟蛋，其他三款內裏含量大約只有一半，特別係草莓同芒果嘅果肉又細又冇味😑😑試過就算啦！🫣🫣

OK便利店新出左四款KOPPEPAN嘅麵包🥖，今次早餐每日食一款，食齊佢🥳🥳四款都係用氣炸鍋120度10分鐘😁😁～～～中華炒麵 . 沙律醬～～～麵包再加麵諗住會好滯，炒麵加咗沙律醬帶點甜味比較容易入口，氣炸鍋之後麵包會變得酥脆，早上食暖笠笠嘅炒麵麵包都係一個唔錯嘅選擇😊😊澱粉質萬歲🥳🥳～～～花生醬 . 椰🥥奶吉士～～～花生醬及吉士醬比例一半一半，雖然佢唔係超爆滿亦未去到超濃味，但食落感覺係剛剛好，感覺似係茶餐廳嘅奶醬多🥰🥰～～～日本紅豆🫘 . 椰🥥奶吉士～～～紅豆🫘嘅甜味係第一口已經濃濃感受到，但食到第三口再加埋椰🥥奶甜就會覺得好漏😆😆，係適合同人分享嘅麵包🥖～～～日本半熟蛋🥚 . 沙律醬～～～呢類密封式麵包🥖佢話係半熟蛋🥚你都唔信啦🤥🤥，不過塊蛋🥚都幾好味起碼有蛋味🥚，做早餐都唔錯總結：四款麵包有鹹有甜各有特色，比較推薦係鹹味嗰兩款😁😁

繼續抽獎🥳🥳今次買咗限定嘅富士山🗻吐司🍞+JUMBO 份量三重口感 ’ 碎蛋 . 炸蝦🍤 . 紫椰菜 ‘ 米麵包🥪同樣都係用氣炸鍋炸💣佢5分鐘～～～富士山🗻吐司🍞～～～$22外表模仿富士山🗻外型嘅麵包，上面白色、下面係藍色，整體幾靚幾特別，打卡食品😚😚！聲稱冇添加人造色素🧐🧐，食落口感軟綿有彈性，正常麵包味道😋😋，氣炸💣過後口感更佳😘😘～～～碎蛋 . 炸蝦🍤 . 紫色椰菜米麵包🥪～～～$20一份有菜、有蛋、有肉嘅營養均衡三文治🥪，面積太厚好難一口食齊三款餸🤣🤣，各款餸都好鮮明，特別係炸蝦🍤，唔會有霉味☺️☺️今次抽獎都係抽唔中想要，繼續努力💪🏻💪🏻

OK便利店有抽獎，$20抽一次，其實一直都想試，依家有得食又有得玩，睇吓好唔好運先🤭🤭UFO POCKET 夾心飛碟今次用咗氣炸鍋炸佢3分鐘😁😁～～～好立克～～～味道好淡，真係唔係好食到有好立克味😑😑～～～雀巢美祿～～～氣炸到內餡已經變咗做液體，味道係重朱古力味，食得出係美祿味😄😄～～～阿華田脆脆醬～～～夾心同美祿一樣已經變咗流質，好濃郁嘅阿華田味！😄😄，佢多咗脆脆料，更加食得出係阿華田味😚😚食晒三個飛碟🛸！勁飽☺️☺️

深夜總是餓，夜晚去到OK店，見到有蕃薯味雪糕，見到呢隻係期間限定款，梗係快啲買來試吓啦一打開入面有幾粒小丸子好得意呀，上面仲有啲焦糖，同埋有黑芝麻，擺得好靚！試吓一個蕃薯味，真係幾特別喎！唔會好甜（唔計焦糖啲醬嚟講）我覺得好好食😋最食埋雲呢拿雪米滋簡直係一流！食飽飽瞓覺💤見到我清晒就知道幾好食啦！大家買來試吓推薦！

喺華御結買咗三個飲團🍙，我+🤴🏻應該就唔夠食啦！再係樓下OK睇下有咩食😊😊，咁啱佢嘅飯團🍙又做緊$22/2 ，咪順便買埋😄😄～～～明太子飯團🍙～～～要讚飯團🍙嘅紫菜做到幾乾身同脆口，大家都知壽司🍣、飯團🍙嘅紫菜林左真係會扣好多分🤣🤣！明太子份量適中，鹹鹹地少少辣都幾好味😚😚～～～豬肉鬆飯團🍙～～～米飯嘅質感比較濕潤，粘度一般！豬肉鬆食落會較乾，要配飲品🤣🤣！但都好味🙂🙂食完都係8:00，但做完手術對眼都幾攰！快啲瞓覺覺豬先😴😴

一睇就知又係貪個公仔頭先會買啦！😆😆唔係line fans 但又幾得意，當係食一個視覺享受嘅早餐吧，如果仲要好食嘅真係當賺左🤣🤣買時接上手熱辣辣，咁唔方便係街食，帶回公司已經一個鐘之後啦😓😓，好彩係由好熱變左熱😘😘但左邊已經變左樣😖😖Ryan包包表面啡色可能係襯返主人公個膚色，個內涵係芝士咖喱薯仔包，宣傳相影得就好飽滿，但實際就......自己睇啦🙁🙁果然係照騙😑😑味道方面有好香嘅咖喱薯仔味，芝士味就唔係好覺有，整體黎講包就係普通啦，係有Ryan加返d分啦😍😍

Fb 廣告介紹兩款三文治，薯仔火腿三文治（菠菜包），三重芝士三明治（紫薯包）比佢紫薯、菠菜吸引先買黎試下，首先佢面包呈現紫薯有紫色，菠菜有綠色，外表唔錯幾靚仔靚女，味道方面先唔講菠菜、紫薯，作為普通薯仔火腿、三重芝士算係合格！兩款味都幾重食得出應有嘅味道😁但紫薯味同菠菜味一律欠奉同白面包冇分別，有少少失望😞用ok stamp 可以$10/1 份買到，買時約9:00pm ，比錢時店員提議晚間時段已經$11份， 優惠卷可留下次用，但只想試試味拒絕左佢，服務加分！👍🏻👍🏻最後留意到製造商係聖安娜餅屋！