OK德海南雞專門店 (新都城中心) (Closed)

今日呀dee 黎到寶琳搵食，其實新都城選擇都好多，例如正東胡同既蘿蔔絲酥卷同埋聰嫂既哈蜜瓜豆花都好正！！眾里云云就揀左間專食海南雞既去試下先！佢位置地面，所以要出番去商場先會見到。海南雞飯實際佢真係由海南黎　因為佢就係海南四大名菜之一既文昌雞（其他三項就係東山羊、加積鴨同樂蟹）有間食東山羊係觀塘下次可以介紹番！咁海南雞就由移民傳到去東南亞紅左又番番黎，情況就好似印度人帶左拉茶文化咁。八點半去到都唔算都唔算好多人，都即刻有位坐。一打開餐牌，以為佢得幾味野，點知佢又有all day breakfast, pasta 跟住小食又有雞翼咁..應該都係食fusion野。唔理咁多叫個海南雞飯餐（叫餐加10蚊有埋湯同菜) = 75蚊菜就真係普普通通 白灼菜，都幾大碗下！跟住上個湯，佢個湯真係值得一讚，唔敢亂講係咪冇味精，但係至少應該煲左好耐，又會配同氣節去整岩既湯，唔會外面來來去去都係紅青羅白，讚讚讚！最後就係重頭戲—海南雞飯照舊都係三個醬，甜豉油，薑蓉同埋泰式辣醬甜豉油—唔算太甜同埋唔太杰身薑蓉—好中式口味但略太多油係底（可以多渣少油）泰式辣醬—非常入味雞就真係普普通通，應該可以再咸Ｄ，但明白口味

食物賣相吸引；室内環境感覺乾淨衛生; 侍應生服務態度好!最欣賞不用味精的食肆，真材實料，帶小朋友去食也安心很多。我自己最喜歡口水雞的香辣, 無骨海南雞飯的雞就算雞胸也嫩滑。白雲鳳爪大甜大酸大辣也平衡得很滋味。即叫即炸的雞翼最受小朋友歡迎。咖啡和特飲也不錯!

無骨海南雞飯，一上枱，已經覺得好吸引。d🐔好滑，好好味，一d都吾肥，大件事，連🐔皮都食埋。有3隻醬汁，姜蓉好好味，橙色隻汁酸酸微微，黑豉油甜甜地。三隻撈飯都咁好味。最後要叫多半隻先夠食。一定會再嚟。已經好飽，餐牌上面仲有好多其他食物👍🏻下次要叫多d人來先可以試哂佢

見新開業不久,,lunch set價格亦不算便宜決定和老公來這裡一試,,看看性價比如何！！既然這店叫海南雞專門店,,就當然點海南雞飯啊！老公則點了香茅雞翼湯河～海南雞飯～雞件與飯的份量適中是黃油飯,,不會太油肥膩,,卻又略嫌不夠香～雞件好滑～～～惜沒有雞味！！要沾醬料吃才有味道呢！平常愛沾醬油吃,,但這裡的醬油不太夠味！也是不夠香～薑蔥的味道也稍為淡是酸辣醬最夠味啊！！香茅雞翼湯河～雞翼帶香茅味,,但size偏細隻湯河有各式香料,,湯底不太鹹,,算是OK白蘿蔔不夠入味不夠甜～整體來說,,性價比不高貴價卻又不太特別好吃>.<"環境及座位舒適

天氣終於涼返少少…飯癮亦隨之回歸...呢間海南雞飯專門店原本喺長沙灣開店…之後就搬咗黎將軍澳啦…門口有一級…原本打算唔食架啦～點知另一個門口原來有斜道...最開心係門口無擺貨物阻塞（感激）…於是可以好順利就入咗去啦！店內其實唔細…只係枱凳擺位比較進取..而且款式又多元化…例如：有矮梳化、卡位、酒吧high table、及一般嘅二人枱...不過裝修有心思…感覺係舒服嘅…最有feel嘅係…店內不停播住80年代嘅廣東歌...侍應又有禮貌～由於食店比較擠迫…話雖如此...侍應們態度好好...好願意幫忙...見到有bb車亦盡量騰空位置比佢哋放好...另外，輪椅使用者可選擇嘅座位只得另一入口旁（即有斜道）嘅位置...算不錯吧～星期日亦有lunch set提供...第一次嚟當然要食招牌海南雞飯啦...賣相唔錯喎～油飯好食呀...油膩感唔嚴重...又唔會令人食幾啖飯就覺得好漏滯...而且啲蔥油酥好幫到手...因為令到d米飯好香又帶有少少鹹味～雞肉份量都多㗎～肉質幾嫩滑...又有肉汁...三款醬汁入面…令人有驚喜嘅係中間嗰隻黑豉油…醬身少少杰...食落有豆香味...坊間比較難遇到...朋友揀咗咖喱牛腩飯

當晚一家4口去食，點左2個海南雞飯，口水雞飯同1個$118 小食拼盤~ 食物味道ok,但係份量真係小lo,尤其係個拼盤絕對係呃錢，唔該去睇下越棧個拼盤啦，人地豐富好多lo!! 餐具靚就真係幾靚，但係裝雞飯個隻長方型碟太淺la,d飯好難"不"lo!!

同老公返到寶琳，正諗緊食乜，突然諗起有間新開張食海南雞的。喺門口等位時望下餐牌，除咗海南雞，仲有越南粉麵，小食，All day breakfast，馬來西亞咖喱，手調咖啡等等。我地當然試海南雞飯啦，本來想試埋潮式豬脾飯，但服務員話宜家剛開業，暫時餐牌上只有綠點的才有，咁我就轉食咖喱牛腩飯。叫飯 飲品可以半價享用，我地order咗杯青瓜荔枝特飲(特價後$21)

見有新餐廳新開，梗係試下新野。黎到都要等左一陣至有位。唔介意搭枱。待應好快遞上menu，見到呢度連all day breakfast都有。甘梗係食餐廳最拿手的食物啦，呢晚叫左個雞絲湯河，仲有海南雞套餐。手撕雞絲金邊湯粉上枱，金不換縐曬皮好深色下，配料芽菜比較少，青檸如果俾我自己落會好d，佢放埋落湯其實唔係個個食客喜歡。試下味先，湯底味道平庸左少少，唔緊要，試埋d其他先，雞味鮮味唔突出，粉唔夠滑同米香，亦比較厚身(有d金邊粉比較好食)。盛惠HKD45，尚可接受。海南雞套餐，例湯即上，湯有些湯渣，微溫唔夠熱，湯底鮮味唔夠，欠個性。登登登，主角上場。試下個飯先，唔......油飯偏乾，雞油感覺欠奉，香味亦唔夠，食落比較鬆散。夾件雞黎食下，無咩雞味，少「鞋」，無令人想繼續食的衝動，而另一靈魂所在的醬料亦唔吸引，反而成個set係油菜做得比較好。一人set盛惠HKD75。甘佐敦柏檔海南雞飯比較好，一人晚飯set好似仲平少少(如果無記錯)。食完，吸引我再幫襯力度比較低。

首先好奇怪，人哋門口都明明寫 "Cafe Ok海南雞飯專門店"，點解係呢個名又唔同，但地址又啱喎🙄幾星期前行過見到都已想來試試，因本人都好鐘意食海南雞飯😅今天早了經過，只係等兩張枱，好快就有位了！ 好彩都好坐，因我都麻煩，近窗唔想坐，係咁被等位個啲人望住哂食，佢有啲飲嘢位，用來食飯就唔多舒服。 睇餐牌，原來都有意粉類同咖啡添，坐坐吓就望到佢架咖啡機。 下次都可來試試！粉到，賣相都ok，正常。跟住我個海南雞到喇！ 俾多十蚊，多個菜仔同湯，個湯幾好味添，飲得出有用心煲，唔係個啲水加料加味精嘅湯。 至於個雞飯，都唔錯嘅，但未去到好好味。。。而個兩種醬料都一般般。 所以想再來都係為左試吓杯咖啡同西式嘢

這間海南雞飯專門店開了好一陣子今日終於可以試一試餐了一個人食，當然就是試這裡的招牌菜吧當海南雞飯來到時賣相也不錯首先，試一試黃油飯它的份量不少而且又不會太油膩可是不夠香海南🐔也算可以肉身可以算是滑的只是有點鹹另外，醬汁方面薑蔥很鹹甜豉油像有點澀味的ABC醬不過，辣汁不錯整體而言，都倘算一般但這個價格下我便未必選擇這間的海南🐔了

同太太嚟開呢区探朋友，港鐵站對開，見到外裝幾吸引，入去試吓個tea.坐低真係幾舒服，環境唔錯。雞翼香宜不油，薯角軟硬適中，特飲有個好靚嘅名“幸福天使”，太太都話價錢合理，值得推薦！

專程開個account去寫，因為實在太郁悶！先講清潔情況，眼見其實乾淨的，但坐底一陣酸'叔'味，餐牌寫十款餸得五款有售，然而想食個咖哩豬話賣哂，唯有揀個湯檬，又話檬粉賣哂，實在太沒癮，結果我只叫了杯咖啡就算！呢間野短時間內都唔會再幫襯！PS. 當時是黃金晚飯時段20:30 😓

開張人好多，等左20分鐘先有得入座，第一round 啲飯有點兒糊，等2 round ok。雞好滑，但價錢偏貴同好多餐牌上食物都未有。服務態度一般，阿姐經常企係後面等收碗．．．

新開既海南雞飯 一於試下新野海南雞同碗飯都幾入味 好似加十幾蚊就可以有菜有碗晚餐黎講價錢都算ok既 不過份量就少左啲整體黎講 味道都算幾好 員工都有禮貌 下次可以試下其他野

從深水埗遷入將軍澳，由三百尺變大到七百尺，「變幻原是永恆」應該食物質素都會走樣⋯事實⋯食物種類變多十倍，地方闊落十倍，舒適左十倍，價錢貴左1/5倍之麻海南雞，依舊皮脆肉嫩，多汁少肥叫左半隻都唔夠喉，黎多客「口水雞飯」（少少少辣）汁醬依舊惹味少麻唯一試新菜式「越式拼盆」春卷，不油利，好脆口，蔗蝦，蝦肉嫩口，炸度剛好，炸扎肉、香茅雞翼，預期水準，拿捏準成，仲有椰菜沙律伴碟整體中上，價錢合理👏