OK德海南雞專門店 (新都城中心) (Closed)

今日放工同friend去寶林做gym之後餓餓地就係附近搵到呢間ok德海南雞專門店就諗住入去試下 一入去見到餐廳都幾大下 裝修設計都好靚 比人一種好舒服既感覺 待應都好好禮貌招呼我地入去坐 menu入面都有好多食物 但我地緊係試下佢地招牌海南雞飯 即使入面都幾多人下 但由落單到上飯都只係幾分鐘到 速度同效率都幾好 而且個油飯仲係新鮮出緊煙既 食落入好香亦唔似其他餐廳咁油膩 而主菜既雞去骨亦都去得好好 份量好多 食落啖啖肉 佢地仲提供三種唔同既醬汁 當中酸辣汁最好食 醬汁既份量亦都夠我地點曬所有雞肉黎食 餐廳提供既質素絕對配得上佢地既價錢 下次經過都會再食多次

差不多試過餐廳內所有的東西，海南雞菜色都很出色，米飯可口！當然招牌海南雞飯不得不試，嫩滑清甜，吃得出醬料也很用心地去製造。今天是今年第一次再去這間餐廳，見到換了新的午餐菜單，馬上嘗試新東西，真的很可口，香茅豬扒炸得鬆脆多汁、香茅味濃郁、醬油是一貫的高水準、那些蔥油很下飯......簡直毫無可挑剔之處，也嘗試了同行的泰式扎肉炒河粉，可口得忘了拍照。吃到最後剩下一些白飯時，問侍應可否多給我一點醬油時，他也立刻回應，馬上端來仼我添加，服務態度非常好！這間小店快變了我的飯堂。

最近黎左寶林開工，想係到搵下唔同嘅野食，有個住寶林嘅朋友就介紹呢間嘅海南雞飯，所以lunch就黎試試午餐選擇唔多 有海南雞飯，口水雞飯，越式河粉，咖哩牛腩飯 同一個每日唔同嘅款式但係黎到當然要試下雞，又想食辣，就叫左口水雞飯，連飲品 60蚊肉嘅份量都幾慷慨，唔會得幾舊就算，雞味濃，肉質嫩滑，最驚喜係個辣汁真係好帶勁，怕辣嘅朋友就唔好試，入口果下以為係普通辣油，慢慢滲啲麻辣味出黎，好快成口都係麻辣味但又未至於死辣到令人好唔舒服，個汁送飯非常惹味不過午餐定價60蚊一個飯餐，都要等出糧先再黎

今次OK德海南雞飯其實真係OK得(並唔係好得)！等候時間接近由落單到食得只係3分鐘，所以食物其實都一般。本身雞嘅味道一般，而油飯就比較乾，幸好自家調製嘅醬汁救咗佢成份雞同飯，只好叫餐廳畀多啲醬汁了。

今日晏晝入寶琳踩單車，踩完餓餓哋就過咗新都城中心嗰邊搵嘢食。行完一轉商場都冇咩啱心水，但又唔想咁頹食連鎖式快餐店，於是就懷住失望嘅心情離開。點知走嘅時候見到地鋪有間裝潢唔錯嘅餐廳，仲傳嚟一陣油飯嘅香味，飢腸轆轆嘅我就當然條件反射咁行咗入去。入到去坐低就梗係要叫返個海南雞醫肚，伙計都好快手將碟熱辣辣嘅海南雞送上我面前。老實講第一眼望到碟飯有少少驚訝，冇諗過份量咁足，用嚟醫肚真係啱啱好。味道方面真係唔錯，啲雞夠滑、油飯夠香，而嗰3個醬汁亦都各有風味。估唔到而家仲會有性價比咁高嘅餐廳，會推介畀其他朋友嚟試！

星期六日放假，訓到自然醒，同屋企人落街食個雞飯，啲雞好滑，啲汁好好味，配上油飯，60幾蚊，食完滿足哂！2點半後下午茶時間，唔想食雞飯可以揀粉麵，一樣咁好食！😋

今晚同屋企人過黎寶琳食飯，一出寶琳地鐵站就見到呢間餐廳，聽朋友講呢間餐廳野食唔錯😯，抱著嘗試既心情試下🧐。店內環境舒服，裝飾上帶點復古效果😎。店員服務態度好好，上菜速度快，值得一讚👍。當然要試下招牌菜-海南雞飯😋，整碟海南雞飯擺設好精美，有三款醬汁可以選擇。雞肉嫩滑，最緊要係無骨，食起黎啖啖肉🤤。再加上油飯都好正，$68蚊價錢絕對值得一試。屋企人都有叫豬脾飯和咖喱牛腩飯，味道都唔錯😋。Set 餐有埋老火湯，足料味道一流😀。麻辣腎片夠惹味，但都幾辣。5個人食飯，總數5百幾。價錢合埋，值得推介。😋

叫了一個海南雞飯餐，一個口水雞飯餐！口水雞醬汁味道不錯，但略嫌太杰身，如有多少少汁會比較好，雞都叫ok海南雞醬汁都係唔錯，不海南雞越食越咸，咸到好似食鹽咁套餐有菜加老火湯，反而老火湯有驚喜，味道唔錯

海南雞份量比較少，雞油飯又話要等半小時以上(當時係6:30，晚市才剛開始，無可能賣晒掛)，結果被迫轉為白飯，變成海南雞白飯，不過收費卻無折扣，即係變相加價; 雞肉去骨帶皮，製法正宗，但質地一般，相信是雪藏肉，幸好不是嚡口或肉質鬆散，算係過得去。豬髀飯就非常離譜，豬髀只得好少肌肉，大部份係肥膏，可以話係一碟豉油脂肪飯，直頭慘不忍睹，雖然唔夠飽，但又唔忿氣追加其他食物，怕中多一次伏，搞到埋單後要去別處食多半餐。

星期日約左男朋友睇戲 由於太晏起身既關係 本身約食lunch變左食tea哈哈 買完飛見仲咁早就周圍睇下有咩食 本身諗住食最近新開都幾多好評既牛肉面 但係去到門口見到太多人排隊都係下次先食行多幾步見到有間海南雞環境裝修唔錯 而且下午茶時間唔洗等位就入得去 所以即刻決定入去試下哈哈入到去即刻有員工好熱情既招待 問幾多位 然後就帶左我地入座 入到去發現全部都係沙發位 呢點抵讚 坐得好舒服唔會pat pat痛好快就有員工拎左個Menu嚟 呢間餐廳話明係海南雞專門店 就緊係要試下招牌海南雞飯啦 本身諗住嗌多個意粉但驚太多食唔哂就嗌左個下午茶 雞翼拼薯條食落單果陣先知原來下午茶加野飲係半價 咁熱緊係加返2杯凍飲啦唔知係咪因為下午茶人流較少 所以海南雞飯好快就到左 一嚟個擺盤就好靚好高級既感覺哈哈 一d都唔hea 岩哂我呢d港女打卡扮食貴野味道方面 海南雞配有3隻汁 同出面相比有d唔同 而雞方面真係好好味 又滑 份量都ok 最後飯就比我預計中好味好多 睇相都睇得出d飯幾多油 我覺得海南雞一定要配油飯先好味！仲要係咁多油哈哈 望到都開胃！唔經唔覺 已經同男朋友兩份食哂成個海南雞飯呢個時候 我地個雞翼薯

平日唔好海南雞既我，淨係鐘情於呢間😁呢間餐廳好闊落，而且全部凳都喺Sofa凳，店內環境舒服，帶點復古感，坐係梳化位都幾relax架!其實呢間餐廳仲有其他越南野食，但我次次黎都係叫四川麻辣口水雞飯。鐘意佢個麻辣夠香夠辣，呢到啲雞件預先去骨起哂肉，肉質夠滑，冇骨之餘啖啖肉!而且皮下脂肪極少，雞皮亦夠薄，重點係佢啲雞無羶味架。我每次叫都會叫少飯，唔洗怕食唔哂浪費麻~係將軍澳黎講算係幾唔錯既餐廳😆

一入到呢間海南雞飯餐廳，就聽到店員好大聲咁歡迎你，好耐冇試過咁好禮貌嘅餐廳我同朋友2個坐埋咗去卡位，估唔到2pm人客都唔少我哋叫咗兩個餐，餐飲嚟先，熱奶茶同凍檸茶都上得好快，味道亦有茶記嘅水準我叫嘅係口水雞飯，基本上係海南雞飯嘅雞嚟嘅，所以都係冇骨嘅淋上好多口水雞嘅麻辣汁，炸蒜等，好惹味辣度好夠，差唔多係譚仔嘅5小辣，一邊食一邊舌頭好麻嘅感覺好爽海南雞飯由佢開業至今味道都冇變，雞肉仍然夠滑嫩，配上三色醬汁同酸嘅醃配菜，有新意得嚟又不失傳統午餐呢個價錢，有服務，坐得又舒服，都幾合理

我平日甚少到將軍澳區，老是覺得這邊無論娛樂設施還是美食都很匱乏。在朋友大力推薦下，專誠來到寶琳站附近的OK德海南雞專門店。吃過如此出色的海南雞，我終於找到了下次再來將軍澳的理由😆餐廳鄰近寶琳站，主打海南雞和越式美食。店內環境寬敞，坐得舒服，值得一讚的是店員的有禮態度。雖然客人很多，但店員無論落單還是上菜都保持效率，而且很有笑容。海南雞賣相不錯，上枱時已去骨，雞皮呈金黃色，令人食指大動。海南雞肉質嫩滑，肥美厚肉，有濃郁雞香。油飯份量慷慨，粒粒分明夠乾身，有淡淡香料味，香口之餘亦不會覺得膩。附上的三款醬汁薑蓉、黑醬油和辣椒醬亦不遜色，辣椒醬帶點微辣，不會蓋過雞味，惹味醒神。而我最愛黑醬油，微甜甘香，無論是撈飯還是蘸雞也是一流。泰燒黃金豬頸肉豬頸肉即叫即燒，上枱時香氣撲鼻。豬頸肉外脆內軟，灑上花生碎和秘製辣醬，辣度很容易接受，十分惹味。而且份量不容小覷，適合三至四人享用。香茅豬扒越式湯河豬扒熱辣辣，香茅味道香濃，如果可以分開另上就更好。湯河大大碗，湯頭味道清甜，讓人忍不住一口接一口，把湯全部喝光。河粉夠滑，口感不錯，值得一試。三文魚黑松露意大利粉三文魚擺成花朵形狀，賣相吸引。黑松露配上三文魚

原來返夜班、真係好辛苦嘅、因為太耐未返過呢啲連食反時間都冇嘅夜班、簡直苦不堪言。返工前見有啲時間、又感覺有少少肚餓、都係食埋反先返工、就係地鉄站对面間诲南鸡飯專門店睇吓有冇特別嘢食先。打開餐牌見到有好多嘢可以選擇、但又唔想食诲南鸡、所以叫左個炭燒豬頸肉反和一杯愛在深秋嘅飲品、唔知点解係個飯先到、好香嘅炭燒味道、肉質都幾好、跟住飲料都來了、個样好靚、飲落幾清新、好快就食完、嗱嗱林趕返工、又要等明早收工、先有早餐食。

三點三 又到tea time最like就係食海南雞飯今次終於可以試下 ok德 睇下係咪真係咁得不過 原來 tea rime. 無海南雞飯 要收正價 凍野半價 都$81,鬼叫 果刻咁想食去打電話叫外賣自取招牌海南雞飯d飯 好香椰漿味size都好足夠 一定飽至於海南雞 大家都見到 好有光澤雞皮有爽脆 食落口感唔肥膩d肉都好細嫩 好滑溜 唔會老身烹調時間啱啱好 仲有dd紅 但唔會出血水真係 好醬料方面有辣醬 有甜醬油 有葱油我個人唔食辣 所以試唔到俾大家聽至於甜醬油 我鍾意撈飯 好下飯 好好味至於葱油 好幼細 唔會話有渣都係好香口 點雞食一流凍檸檬茶 就係一般茶記果d無特定別 comment如果下次食 我都係lunch time or dinner食有湯 有菜