道頓堀御好燒專門店 (希慎廣場) (Closed)

今晚同屋企人去食呢間有得玩又有得食既道頓堀御好燒專門店由於星期六我地一行6人 所以預先訂位一入到門口就有好多燈籠🏮 好有日本feel🇯🇵我地叫左個6人餐 有2個前菜沙律🥗，4款不同既御好燒，7款鐵板燒，有3款肉，2款海鮮，同1份蔬菜🥬，6杯飲料同6個甜品最期待既御好燒黎啦～ 全部都分得好整齊上比我地，餐牌後面會有教學，真係搞唔掂都可以問服務員，佢地都好熱心解釋教我地整👍 我地第一次整都非常成功～個人覺得一定要加呢個芝士薯仔年糕😍 再脆內軟，好香濃既芝士味，口感一流♥️♥️環境，食物同整體感覺都非常良好，下次會再同朋友黎食♥️

生日想食日本野，又想開開心心煮下野食，所以就去左呢間，邊玩邊食！我地六個人，叫左個六人餐！前菜有蕃茄同沙律🥗 其實幾好食嘅，不過，之後啲蔬菜set又有蕃茄，有點重覆！之後就係主菜。有廣島燒，道頓堀雜錦大阪燒，炒麵。個餐牌會教曬啲步驟比你，就算你吾識煮野，跟足步驟都好難會fail! 而且佢提供曬不同醬料比你，你想加幾多就幾多！Feel free🙃🙃鐘意食肉嘅朋友，呢個set都包左好多肉，有牛舌，牛肋肉！泡菜魷魚吾算好辣，幾開胃另外追加左芝士薯仔年糕，必食之選！超濃芝士係中間，正！最後，仲有柚子，綠茶，雲呢拿雪糕，非常完滿🤤

用餐過程非常不愉快叫左個二人set 包前菜，廣島燒，御好燒，一份烤肉，一份海鮮，甜品同飲品。落單後，前菜未到就黎左碟肉，每份上菜時間相隔大概10-15分鐘，食完一份，等到鐵板上面啲油都乾曬，仲未有人傳菜。我哋同隔離枱示意左店員不止3次，要幫手跟進下，結果都係等好耐先有，上菜無乜禮貌，一句唔好意思都無。最後，食左2個鐘，等既時間仲耐過食野，甜品未上就埋單走人。成個過程，店員一路行行企企，係度傾計，其實當時淨係得幾台客，唔清楚係咪咁忙，所以要等半個鐘先上到另一碟，呢間員工既態度令我覺得好失望。之前去過旺角分店，無呢個情況發生，員工態度好好，有講解到點樣燒先會好食，仲會幫手燒。唔建議大家去銅鑼灣呢間，貼錢買難受，食到一肚氣，唔明白點解仲需要收服務費，根本無服務。

我今日過銅鑼灣同老婆食晏，點知俾呢間野激到我不嬲都唔寫食評既都要黎openrice打返段野發洩下，繁忙返工食晏時間等左45分鐘先黎，上錯食物，食物質素差，員工又冇交帶.. 真心唔會再幫襯呢間野，問題總結如下1. 員工質素差我地12:30 order完兩個lunch set, 一個係御好燒，一個A4和牛。係12:55 同13:00左右都追過單，兩位男員工都係話會跟進後就行行企企，亦冇同返我地講咩事，最後同男經理追單講返個情況都冇表示少少歉意2. 餐飲安排差跟餐既白飯同汽水係大概12:45已經到左，main course到果陣汽水d冰已經溶哂，白飯都凍左3. 出餐慢同出錯單，食物質素差最後我地再係13:05搵經理傾，御好燒係13:10左右先到，埋單後我地先發現佢地俾左個平d既御好燒我地，A4和牛13:15先到，份量正常偏少，但肉質我覺得連一半價錢都唔值

I love eating Okonomiyaki but this one is my favorite. Since I am eating alone for afternoon snack, I ordered the deluxe Okonomiyaki, it has mix seafood with meat and I also ordered chicken tempanyaki. Its my first time cooking Okonomiyaki so the server is very kind to show me how to cook it and it was an amazing experience seeing how its cook and you need to wait 5 minutes each side to be cook at thesame time I am cooking the chicken. When its cooked I started eating. The taste is very light th

嗰晚放工約咗幾個好姊妹食晚飯，有一位提議不如食大阪燒，咁啱希慎廣場幾就腳，就食呢間啦！我早左收工諗住等位，點知原來依家已經冇乜人食，去到就即刻有位啦！💓一入到去就見到非常日式嘅裝修，好多燈籠掛住喺天花嘅附近，幾有特色。🏮🏮-我哋四個女仔叫咗個二人分享套餐，另外再叫多咗幾樣嘢食。-🥗首先係前菜沙律🌟沙律份量足夠🌟味道正正常常冇乜特別牛油燒帶子好香，大大粒唔錯！呢度最特別係可以自己製作食物，好玩度大增！而且有說明卡教整每一款食物，所以即使手殘都整得好味㗎！😽-🐽呢個係廣島燒🌟有麵，豚肉，椰菜等等嘅材料🌟跟足步驟去做，記住跟埋計時器啊！🌟最後灑上木魚碎同紫菜，我哋都整得似模似樣！✌🏼✌🏽個人就覺得濃味咗小小，可能因為我哋落得太多醬料啦哈哈！🦐道頓堀雜錦御好燒其實發現每一款燒完出嚟都好似樣，差啲分唔到......🌟呢款有芝士碎係入面，不過唔係好食到芝士味🌟反而海鮮材料比較多，每一啖都食到因為二人餐唔夠食嘅關係我哋仲叫多咗一個。🐽泡菜豚肉御好燒除咗外表差唔多之外，我哋發現原來味道都差唔多......哈哈🌟唔係話唔好食，不過完全食唔到泡菜味呀！哈哈！幾個朋友聚會嚟呢度都幾適合，我哋幾個女仔都玩得好

年幾前食過道頓堀的尖沙咀分店，今天去了銅鑼灣行花市醒起銅鑼灣開左分店，就去先拎飛，行個大運，返到餐廳剛好有位。有最低消費，每人$100不包加一。雜錦廣島燒 $118，大量椰菜、豚肉、麵、海鮮。朋友最愛吃炒麵大阪燒，佢先睇左教學，由佢煮理就最好不過，店員話廣島燒係進階板，但我朋友完全無難道！好玩又好食！芝士薯仔年糕 $38，有2粒，有舊牛油比你先落鑊，年糕裡面有超多芝士，要小心吃。甜品軟芝士厚燒班戟 $58，之前食過夏威夷風班戟，今次試新野，樣子好像梳乎厘pancake，但口感和味道也有點不一樣，呢個厚燒班戟要去控制也有點難度，有個蓋比你每邊焗三分鐘，但一打開佢已經發到好大了，不過都尚算合格。個面好脆的，裡面不會太空氣，好飽肚！

午餐又試新餐廳，今次試食大阪燒，午餐有四人同行一人免費優惠。叫咗個炒飯，叫咗個炒面，一個牛，同以為叫咗大阪燒。有個牌教你每一樣野點樣去炒點樣去燒。全部都要自己嚟，因為唔係燒肉，炒飯同炒麵都要不停咁喺度炒，有啲攰。味道係唔錯嘅，因為係自己炒，哈哈。個以為係大阪燒嘅菜，原來唔係大阪燒，中咗伏，大家叫嗰陣時要間清楚。因為真係好想食大阪燒，所以就再叫多咗一份。原來都食得晒。你哋見到嗰個圖，雖然都係我哋整嘅，但係個面係waiter幫手。哈哈

唔知係咪佢哋新開張門口部機無紙都唔知咁我咪好心提醒佢哋囉睇完佢哋換完紙之後居然叫我再禁過飛但後邊已經有幾十個人禁過係咪傻架🙄我仲要一家大細企喺度等佢換紙等左成大半個鐘🎉不知所謂