御將燒 (雙子匯1期)

Open Now

Now Closed

行完體育館順路過去Sogo睇，凍冰冰掙扎食火鍋定大阪燒，見到個大頭妹醬汁之前超市見過，坐落環境好舒服 坐到窗口位望到出邊。服務員見我哋冇叫嘢飲俾咗啲暖水同熱水，點餐都有詳盡介紹3個分別，以前喺旺角食過大阪燒今次試吓個現代燒。服務員話現代燒製作時間會耐少少，所以我哋叫其他嘢食可以邊食邊等。叫咗個菠菜豆腐小食，個鐵板章魚燒都幾特別同以前傳統嗰隻完全唔同各帶子雖然望落去有啲細但都唔錯👍🏻 在座有老人家叫個馬鈴薯燉肉俾啲長輩食，不過牛肉有時有少少筋。現代燒雖然等得耐真係幾好食，而且好大份成個巨無霸咁，好似食緊大阪燒又有個麵，有個剷仔小朋友可以切下切下好開心，成餐飯都乖D。😅聽個服務員講廣島燒先係佢地既重點，今次冇食到下次試下先，未走呀仔巳經話要再去喱間食。✌️

啟德雙子匯呢度開咗好多新食店，等登過嚟試吓呢間日本過江龍Okosta ！佢有一面都係落地大玻璃，好有空間感，啲座位都坐得好舒服，我自己就最鍾意坐喺吧枱位置睇住師傅喺面前整嘢食！呢度主打廣島燒同鐵板燒料理，價錢都好大眾化，例如大阪燒一份都係大約百零蚊一份，我覺得幾合理！我覺得大阪燒係必食嘅，佢哋嘅食材好新鮮，配合埋廣島燒醬，紫菜同鰹魚片，食落口感豐富又滿足！另外佢個和牛鐵板燒都好出色，加埋秘製嘅洋蔥醬好夾，啲牛食落去又腍又多汁，推介👍🏻

讚-服務幾好 侍應好肯理客人 亦有幫啲客換座位 唔錯彈-食物實在難搞 大阪燒呢科嘢本來就唔會預期有幾好味 但呢間真係特別差 醬汁好淡 啲粉勁厚 另外叫左個炒雞肉 啲雪味勁到連啲醬都蓋唔到 真係唔建議

你入呢間店之前 請諗多一分鐘！呢間野 “得個殼” 睇個門面但千萬唔好比佢厄到我都中晒招服務態度差👎🏻👎🏻👎🏻👎🏻👎🏻任何問題 個經理聽完就算唔會有任何歉意或補償請返你飲杯野/做返拆扣都唔會不要對佢有任何期望上菜慢 兼混亂👎🏻👎🏻👎🏻👎🏻食到你滿心期待變失望價錢貴 又份量少👎🏻👎🏻👎🏻食到心情好都變唔好👎🏻👎🏻👎🏻👎🏻👎🏻👎🏻👎🏻👎🏻

平時食嘢都唔會特登去po食評，呢間餐廳搞到我火爆到要po第一則評價🥲25號聖誕節諗住食餐好既 見佢有$788既聖誕節套餐就入去食啦一黎就黎左熱既小食先，問佢點解3個前菜都未到，佢話廚房同步唔到，已經聽到成頭問號都算啦，黎曬啲小食同個前菜之後等佢個蠔同蝦大阪燒點知等左差唔多成個鐘頭都未到好啦，食完個大阪燒之後，仲有個飯未到就話取消個飯-.-直接埋單 等張單都等左好耐啲職員一句唔好意思都無😵‍💫間舖頭已經唔多人都可以冧檔食餐飯食左兩個鐘..仲要係無食曬….真係好無言唔會再食呢間嘢

聖誕節見間餐廳唔多人，咁八百蚊兩個人食都覺得應該會正正常常。點知入到去舉手想叫個戴眼鏡阿叔男待應幫手落單佢直行直過我，如果你有嘢忙緊，我唔介意你俾個眼神或者同我講叫我等一陣，然後佢後面個同事都尷尬左走埋黎幫我落單。然後等左一段時間就上左雞翼，但明明個餐有頭盤，結果遲過我地黎果枱頭盤都到左我地雞翼都食埋個頭盤都未到，擺明唔記得比我地，果個眼鏡男待應仲同我講話唔係唔記得俾，只係出菜時間唔同，九唔搭八，都算。然後我入去坐咗一個鐘頭三十分鐘淨係食咗個頭盤、雞翼同埋個蛋，其他嘢全部都未嚟。忍唔住催吓佢哋，然後就有兩個大阪燒到咗。食咗一個鐘頭45分鐘，佢仲有個飯未到，因為之後我有嘢要做，已經等唔到咁耐，我就同佢講真係等得太耐我唔要個飯埋單同雪糕我。本身如果啲服務好啲我都唔介意等吓。同埋重點係，真係個場唔係好多客！雖然我呢餐唔係特別貴，但係正常個客人食食吓個餐一臉勁唔耐煩嘅樣同你講佢要埋單，你係咁意都問吓發生咩事？但係佢哋完全冇任何服務可言。嘢食已經唔好食！間舖頭亦都唔係10分多人都可以冧哂檔！仲要啲服務咁差！真係點樣都唔會再去！

昨晚平安夜，在啟德發現這食店，食品像大阪燒，於是取號等入座，等約一小時便入内進食。點咗聖誕節期間限定餐：頭盤：糖醋漬青瓜八爪魚、南蠻漬茄子、糖醋漬日本菠菜伴炸豆腐第二道菜：我們選了特色廣島蠔、芝麻手羽第一主菜：我們選了法式鵝肝御好燒、大蝦御好燒第二主菜：迷你蛋包麵餐另包香檳一杯（每人）及甜品整體食物質素、環境景觀不錯，食物份量較多（對我個人而言）頭盤三個小食，我個人較喜歡茄子及菠菜，而八爪魚爽，特色廣島蠔好味，芝麻手羽皮脆，御好燒不錯（只是大份了一點）可值得再去試下其他食物

安排入去餐廳時，突然又比其他客人掉位要新既客人係出面係咁等⋯係咩安排呢？上菜混亂，一碟飯可以拎完比一枱客，之後發現送錯，再拎去比第二枱客，第二枱客都話送錯，再送返去比第三枱客，員工極唔專業，無衛生常識，拎住碟送仲要商量好耐，噴晒口水落去，再送比客人食餐牌無圖睇，再黎「蟹棒」當「蟹肉」🙄🙄有違反商品說明條例之嫌？🙄蟹肉帶子御好燒》只係蟹棒帶子御好燒炒飯差不多一百蚊，2-3舊細肉，完全唔抵食廣島擔擔面，得肉碎加面，又係百幾蚊，份量又少，極為失望！味道好一般，價錢真心貴，極度唔建議大家食，食到一吐氣！問個經理，經理解釋話「蟹肉」變「蟹棒」係跟日本做法？！咁點解唔係跟日本定價？What？！無語😓

During a recent visit to the 12th floor of SOGO in Kai Tak, my wife and I had the pleasure of dining at a this restaurant. From the moment we stepped inside, we were greeted by friendly staff who made us feel welcome. Their courteous service set a positive tone for our meal.The restaurant's environment was clean and well-maintained, contributing to a pleasant dining atmosphere. Soft lighting and tasteful decor created a cozy setting, perfect for enjoying a meal with my wife. We were eager to try

最近啟德sogo開業，入面都無乜餐廳可以揀，睇個menu既時候本身覺得好似幾唔錯🤗就諗住試下啦。開業個排夜晚想walk-in基本上都無位，因為商場餐廳實在太少，咁就拎左個電話number之後人流小d既時候再去食。去到之後兩個人叫左大阪燒同廣島燒，等左15分鐘先上到一個，咁佢整要時間都體諒既，但份量望落都幾細，然後食到咁上下又等左15分鐘左右先到到淨低個份大阪燒。以前食香港另外個間道頓燒御好燒叫兩份已經好飽。咁由於係依間野到食唔飽既關係，就想加多份廣島燒食。重點來了，加完單之後等左差唔多半個鐘份廣島燒都未到。中間有幾位同事黎confirm左幾次我地既野食到齊未，我地亦都有反映加左份廣島燒但未到。但加單後半個鐘後先黎話漏左單，如果確定要等，15分鐘黎先可以整好🤗唔知中間依半個鐘到底係幫左地追左d乜野，睇怕只係見我地食完野想趕人走而無幫我地follow up🤗同埋唔通依15分鐘內，連一份廣島燒都出唔到？只可以話新餐廳，安排完全不知所謂，份量又細，味道亦都無乜特別。無乜事都唔會食第二次。

岩岩開幕嘅啟德The Twins大家都急不及待去朝聖，新SOGO對比銅鑼灣同尖沙咀嗰個都多咗一份日式嘅潮流感，更加貼近日本百貨嘅設計👍🏻 不過暫時食肆方面唔算太多選擇，今次就先開箱位於13樓嘅大阪御好燒過江龍「Okosta」！餐廳背面全部都係落地玻璃設計，透光得來仲好有空間感👍🏻 簡約嘅木系餐桌，卡位夠晒大同舒適😎 而最估唔到係價錢冇想像中貴，餐廳主打嘅廣島燒同御好燒都係百鬆啲蚊一份，都好大眾化🙂‍↕️《 歐姆蛋包麵 》 $138 4.5 / 5蛋包炒麵賣相好靚，蛋皮金黃薄身👍🏻炒麵夠鑊氣🔥餡料有炒得軟熟嘅椰菜、肉片等，沙律醬同大阪燒醬連同蛋皮一齊食口感豐富😋 不過如果多啲肉片就好啦🫠《 帶子蟹肉御好燒 》 $128 4.5 / 5賣相同樣標準靚😎 但帶子蟹柳都係比較少，尤其蟹柳碎濕濕🥲 口感唔錯，椰菜蛋漿都好香👍🏻 尤其外層煎得好香脆，真係做到外脆內軟😋 不過哩度菜等候時間比較長，大概二十幾分鐘先上菜🤨 可能由於剛開業冇耐，相信其後會改善🙂‍↕️餐廳環境鋪墊，食物質素都好令人滿意，係唯獨見到一樣嘢有少少意難平🥲就係價值$20嘅凍烏龍茶竟然比小編見到係就咁用普通便利店樽裝茶倒出嚟嘅加冰產物

雙子塔滙新開，由於係試業嘅第二日，所以要去前台book位先。第一段時間係6:00-8:00，之後就第二段時間（冇位）。要限人流同keep住個quality要求坐吧枱，有日本師傅駐場。即刻落order，Menu裏邊多數係文字冇咩圖畫，有黃金大阪燒，問侍應係咩黎，佢答冇，所以唔知佢係咩樣。師傅都準備埋位，一有單好努力咁樣整，日本駐埸一男一女師傅就明顯比較快手，因為有啲師傅都仲問緊個底係點樣整，要加啲咩材料？😅最先上碟嘅係歐姆蛋包面，係日本師傅炒嘅之後有一個係豚平燒$88，但係冇影相，同平時大阪燒一樣裏面有塊大豚肉。飲品種類唔多，而且未有酒牌所以飲清水。聽店員講之後會將圖畫加入菜單，另外午市都會做套餐，不過都要一段時間