老坑火鍋

Open Now

Now Closed

我都已經去過幾次，每一次牛肉都好鮮同好好味，大家有機會一定要試！

又係頌揚出隊的晚上, 之前幾次追思禮拜都行得幾遠, 但剛看完南瓜兄的食評,就決定今次行近點, 由萬國出來, 原來一條直路就到.見其他食友可能比較少來這一帶, 總有點掙扎, 反而我們頌揚一班人就帶著平安行來.夜晚這裡一帶都係老坑的地方, 雖然比較晚才來到, 人頭湧湧, 但只見侍應兩三下手勢就搭出一張新臺. 坐在街邊, 仲通爽, 旁邊的貨車在上落貨, 我只在想東莞仔幾時來到.先去揀食物, 最後揀了手切肥牛, 四寶丸, 雙餃, 黑柏葉.鵝腸, 竹笙,海參, 扇貝, 同雜菜. 湯底當然係番茄蟹煲.番茄蟹煲: 9分, 這個湯底, 一個字形容: 堅. 上臺時先喝第一輪, 已經清甜無比.到後期再飲更加吸收了其他食物的精華, 係越來越甜, 但無過濃的感覺. 淋了的番茄同薯仔依然入味, 小弟不懂食蟹, 只吃了一件, 相當鮮甜. 兩大隻花蟹, 只見姊妹S同弟兄M埋頭苦幹下都未能清盡, $160的湯底, 其實不算貴.剩計飲番茄蟹湯已值回票價.其他火鍋料只係配角. 當中雙餃, 竹笙, 海參等等, 本身味道不太濃烈, 結果最易吸收番茄蟹的味道. 手切肥牛反而係麻麻, 沒有太多肥羔部份, 浸完番茄蟹湯亦未能太出湯

天氣突然轉冷,有什麼事比一大班人聚首打邊爐更好?有朋友提議去紅墈老坑火鍋,沒人反對,一行十一人,有金融界的才子,有法律界靚女,亦有電訊界的俊彥,一同勇闖異域.穿梭在長生店,骨灰盅店,花店等小街小巷,名正言順"陰陽路四之與鬼同行". 因大多人不懂去,或因"地理環境"問題,不敢獨自前往.本來相約在"世界大酒店"門口等,登時有友人抗議唔好玩啦.)亦有友人份屬路盲,搭過海巴士搭過站.打來問路,因電話接收問題,抑或當中存在語障,在電話上再三指導友人曲街,曲街呀!聽唔聽到?).事後友人來到.同我講當時我真係打個突,我落錯車,要搭的士,致電問你應該點去.你就係咁叫我_街?心諗,我落錯車,使唔使係咁問候我下話?後尾我先聽到,原來係曲街.) 穿梭眾長生店後,看見燈火香盛的老坑,有點找到沙漠上的海市蜃樓.眾食客埋首,正與火窩談談情,跳跳舞. 十一個人,分兩個爐,來到當然來一窩番茄蟹煲,再加一窩清湯加沙爹的鴛鴦湯底.材料未到,當蟹窩一滾,眾人急不及待嘗其湯底.材料有番茄,薯仔,花蟹,蜆肉.以時價計,是日收費$160.用兩隻花蟹同蜆去熬,再加番茄,鮮甜得很.花蟹肉鮮.吃落啖啖肉. 全班差不多全部牛魔王,手切肥

聖誕節夜條街鬼咁多人, 0係唔想同人迫同捱貴夾唔飽的所謂聖誕餐之下, 結果同男友去幫襯想去好耐的老坑火鍋. 呢次亦都係第一次去.當然二話不說立即叫左個出哂名既番茄蟹湯底, 見到足足有兩隻蟹咁多, 於是一見滾起就食啦...新鮮, D肉又甜又爽, 再加埋新鮮番茄, 味道好夾! D湯同媽咪煲的住家番茄薯仔湯有得輝!琴晚仲叫左細牛肉, 山蝴蚌, 四寶丸同炸魚皮, 樣樣都好新鮮, 牛肉好稔, 有牛味! 值得一提都幾大碟頭, 兩個人唔大食的話, 食完以上各項都9成飽!值得一讚係服務, 雖然只係大牌檔, 但伙記們(可能係老闆!)個個都好親切, 見你叫得多野會叫你食住先, 又肯俾意見, 唔似出面的招牌式笑容, 同猛落咀頭想你叫多D野.所以就算係貴, 埋單都係笑住俾錢...

曲街確實幾獨特，集鬼魅與熱鬧於一身，前有大光燈，後有清湯大利，左有殯業工會，右有世界大酒店，站在中間都幾窄駛，心有愧者都幾難立安于穩。去年這段時間已在這裡約好幾個飯局，但奈何種種問題都未能成事，今趟不管他仍是廿多度的天氣，找了舊朋友過來，一為神功二為弟子，相聚情誼之餘又可大快朵頤。先要謝謝黃頁地國，使得地方不致相當難找；老板娘安排落腳於後街舖位內，兩部分體式加上四把掛牆風扇，光猛燈火，跟街外面水盡鵝飛是天淵之別。人數不多，精致點就來了一鍋蕃茄蟹鍋小茄膏、細手切牛肉、并四丸、魚皮炸麵、鱔片并黃沙潤及雜菜。蕃茄蟹鍋比估計中大，整整兩只中型花蟹，嘗過蟹肉後絕對是鮮活貨色，鍋內以上湯、份量不小的蕃茄、鮮蜆肉、西芹、大豆牙…，可想而知甘甜味道相當；初嘗一口，因小茄膏原故是會較淡的，但後期的湯底已變成極品了，連盡好幾碗，自已都配服自已。手切牛肉果然是名不虛傳，需沒有美國日本澳洲的濃鬱牛味，但勝在有趙頭口感，沒有過多肥脂，配上清淡的海鮮湯，應比起其他湯底來得精采。其次的炸魚皮亦是不可多得，果然要像分手情侶的拖拖拉拉才得出極品真味，而油份不多亦是高手所為，君不見整煲蕃茄蟹鍋到後期滴點不多已知一二。其他

昨晚1行8人來打邊爐,位置頗隱蔽,要問途人才找到。值得一提是1)湯底:鮮茄蟹煲,走茄膏,所以小了茄味。蟹滾起時,亞姐已走過來叫我們先撈起蟹肉,否則就會老。蟹都算肥美多肉2)炸魚皮:在滾水中輕灼即食,微脆。朋友們都說得3)手切肥牛:唔"so",食1片,有質感又嫩。叫了2碟細,因亞姐說咁樣抵d,信佢!4)4寶丸:細細粒,但全部好彈口,足料5)豬腳根:要淥半小時,d根好彈口,帶住d肉又腍6)菜餃:皮雖不薄,但好菜味7)魚角普通是:-椰菜餃-雞腸,鵝腸,豬喉亞姐服務唔錯,我們漏點了出名的牛肉,突意走來提一下,又幫我計點樣叫抵這班朋友好難約,故一見面就無停嘴,互"窒"大笑,所以我果檯好嘈。對不起周遭的食客!

各位網友說得沒錯, 蕃茄蟹煱底好味, 不像某些店加入茄膏, 這裡蕃茄味調得好好. 而本地的手切牛肉真的有牛肉味又不韌(例的$80 /大的$130), 而手打牛肉丸都好味, 不過牛軟骨就好硬, 唔好叫!! 一提碗切碎的青紅椒又香又辣.

因為有朋友推介呢到既蕃茄蟹鍋, 自己本身係蕃茄迷, 所以就跟佢黎試. 個鍋一放低就梗係要試下個湯底咩味道啦. 超甜, 一飲就知道係落左茄膏. 我麻麻地果陣甜味. 後來先睇到網友話可以叫佢唔好加茄膏....其他野都係覺得普通, 除左湯底隻蟹幾甜, 同埋牛肉都幾有牛味. 本人都係prefer鴻福多d. 雖然呢度企理好多.有樣野唔係幾滿意既係...叫野飲要叫幾次先黎...乜酒水唔係最賺錢架咩.

我就覺得好正。鮮茄蟹煲必食，湯底鮮甜無比。手切牛肉、海鮮和丸類均一絶。我每年都幫襯幾次。

Last night, one of my friend brought me there. He said this is the most wonderful hot pot place now. We had total 3 persons. We tried the famous Crab Soup and it is very tasty, sweet and Yummy. The crab is soooo big. For other dishes, we tried fresh hand-cut beef, both dumpling made from them, 2 kinds of 丸(squid+beef and I love the beef very very much). Also 鱔片, 魚腩, 仲有一條白色的管, 好爽! 仲有墨魚.. Everything after put into the soup, become very good.. I can still remember the taste in the next day.. H

19-07-06(三) 8:00pm朋友上openrice睇食評,話呢間冇人食完上黎喊,4個人,未試過就黎試下啦,叫左....番茄蟹湯底$160 只有一只蟹,首先要食左蟹先,肉蟹,好鮮味,爆肉,夠新鮮,蟹殼算多羔,羔夠香,有一斤重。如果想加多隻蟹大約佰幾蚊..但湯底太多茄羔,好甜,要再加水先可以飲湯,同呀姐講話太甜,呀姐話下次唔鍾意咁甜,可以叫佢地用少d茄羔,或者有d人唔鍾意落茄羔唔落都得,下次同佢地講就可以了手切肥牛(大) $140 似(鴻福)d肥牛,都ok啦油炸鬼拼魚皮..魚皮夠脆,炸粉唔不厚,好味,油炸鬼冇咩特別唐生菜..新鮮油麥菜..新鮮服務幾好,d呀姐夠多,想叫野都會即刻有人幫到我地。 $466

本來摘了日約了朋友們上星期來打邊爐, 可惜打電話去訂桌時發現老闆去了旅行... 休息... 十分失望...今個星期二再去過, 試了蕃茄蟹湯底, 湯底超濃, 好好味~ 姐姐說原來蟹是要先吃的, 好鮮甜, 件頭也不細~四個人吃了不少東西:手切牛肉(大)--不太肥, 但無筋, 好有牛味, 不是用粉'la'過的, 索了湯底的味道, 很好味! 畢竟不是處處的手切肥牛都好吃的!泥鯭魚--細細條, 都幾好味, 數量不少, 最終吃不下全部, 和店裡的貓貓分來吃~四寶丸--上次吃較有驚喜, 今次重點放了去別的食物上, 所以沒什麼特別~竹笙拼金菇, 雜菜--份量不少油炸鬼拼炸魚皮--用來索湯汁, 好味~還有三支啤酒三支可樂, 埋單620元, 坐了3個小時. 湯底到了尾聲變得很濃很甜, 各人捧著肚子都要飲兩三碗湯才捨得走~~~ 可惜老闆說夏天蠔不夠肥美, 所以沒有賣, 今次沒有得吃, 唯有等冬天再去吃過吧~~~

其實地點有點兒難搵, 一來自己唔熟紅磡, 二來佢身處0既巷仔又唔太起眼. 不過好就好在附近的街邊有得"免費"泊車, 但如不幸被人抄牌就閣下自理喇.湯底冇乜特別, 但一心0黎食0既肥牛就冇令我失望. 有牛味, 夠鬆化. 正.其他的配料不過不失.整體不俗, 都算抵食.

星期日同朋友黎左呢間火鍋試下, 聽個店名以為好烏糟, 其實裝修似舊式住家形式, 而店內只有四至五細張台供人客用, 我地八時唔夠黎到都坐左三台客, 可能天氣熱少左人打邊爐。我地首先叫左個蕃茄蟹湯底150蚊, 阿姐話係最後一個(咁早就得番一個?), 跟住問阿姐扲餐牌, 但佢答無餐牌及叫我地出去睇下門口果道D盤有乜食, 睇完同佢講就得架啦, 出到去發覺選擇唔係好多, 呢個時間阿姐企埋黎介紹: 肥牛靚呀80蚊碟(我地要左一碟), 四寶丸60蚊丫自己整架好出名(又要左一碟), 另外果D雙拼又得單叫又得(我地叫左黑牛百葉拼雞腸), 再叫多碟油炸鬼, 但油炸鬼賣晒改要炸魚皮。蕃茄蟹湯底–湯底好甜應該架左蕃茄膏, 蟹好大隻好新鮮係即擋, 好有鮮味手切牛肉–睇落唔係好夠肥但新鮮囉,無根無渣四寶丸(蝦丸, 墨魚丸, 鯪魚球及牛肉丸)–蝦丸最好味夠爽口彈牙, 墨魚丸都可以, 但鯪魚球麻麻及牛肉丸好有肉味但無口感黑牛百葉拼雞腸–兩樣都好大隻/條好新鮮炸魚皮–大大塊浸落湯食都幾特別呢道D食物用料好新鮮又好大件, 不過就伙記唔多所以服務麻麻, 打邊爐茶都無柸比我地, 我地兩個人埋單HKD380都差唔多, 可以一試

Went there on a weekday, arrived at around 8:00, the place is already full. The two of us order a small beef, Wonton with Vegetable Dumpling, Eel Slice with "Lai Man" Fish, Fish "Pop" with Chicken intestine. We choose "Salty Vegetable and Pig Stomach" soup base and 4 Large Beer. The soup base is very rich and yummy, (little bit spicy) The beef is very tender... All other dishes are very fresh and tasty. The eel and fish "Pop" are wonderful. The waitress are very friendly and helpful. The environ