老坑火鍋

Open Now

Now Closed

今日好想食火鍋 開工到放工都一直掛住打火鍋... 唔得... 一定要食 > < 搵全家人出動先得 火鍋要多人食先正架嘛!! 7點正 媽咪以經坐低左 本身想叫媽咪叫個番茄煲加蟹 原來媽咪佢地來過幾次都未食過 叫左個番茄+苦瓜 @@ 無咩特別味道 當清熱囉 點菜了: 九土魚 - 個樣好新鮮 碌完入口 一食就知唔係得個樣 真係新鮮 有6條魚 分開一半 好味道 豬肺併生腸 - 新鮮唔係急凍 豬肺生腸乾淨 爽ロ!!四寶丸 - 有蝦丸，墨魚丸，牛丸，鯪魚丸 都唔係急凍架　全部新鮮料　不過蝦丸同墨魚丸食唔到有咩味　綾魚丸唔腥　牛丸唔得　唔係有根　係D肉味好怪...花膠魚肚 - 細碟到死　＞＜　當然唔係酒樓中高等貨　還可以啦靚靚本地牛肉- 例牌兩碟　好貴呀!! 以前九十依家百四!!　無變既係ー様好好味　出面D急凍肉ー脚伸開佢喇 無得比 重有點粉絲雜菜粟米！！仲有D豉洒無撈水架　有蒜茸同辣椒碎 打邊爐呢d配料就夠喇 來食野嘛 又唔係食配料...好好味呀 6位 飲beer x 5支 3枝氣水 總共900有找 除開 150位 d野又新

2008.10.04 (六) 緬懷及拍照完畢，G哥哥來電約我倆HOTPOT，主堪稱火鍋之王當然樂意奉陪。從土瓜灣步行到紅磡，幸好炎夏已過否則絕不會途步至此。從門外向內看食客廖廖可數，何解不見G哥哥高大威猛既身影便致電他，原來他在轉角處另一家快餐店內﹔怪不得剛才那舖面如此光猛整潔寬敞，原來是老坑新舖。G哥哥說 正，我倆初到貴境當然無異議，店員大姐報价 $220 可揀肉蟹或水蟹，兩男士贊成要肉蟹，後加配料 : 豬潤﹑黃花魚﹑四寶丸(蝦﹑牛﹑鯪魚﹑魷魚)﹑炸麵拚魚皮﹑花膠拚雞腸﹑烏冬﹑什菜(西洋菜/唐蒿/唐生菜)﹑免費鱔片及金菇菜 (何以免費?!此乃秘密!! ) 登.登.登.登….湯底到，整鍋湯紅卜卜真係野未食先興奮，大個蟹蓋响湯面(撩下個湯先)蟹鉀都好大仲好好肉地添啵﹔配料當中以四寶丸較出色，賣相精美吸引粒粒爽口彈牙。港人既火鍋習慣是先肉後菜，所以想提提大家加菜前謹記來一口湯，精華所在清甜味美，下菜後湯被菜味蓋過成了一鍋菜湯。其實火鍋配料要求好簡單，只要新鮮乾淨便可達八十分，餘下廿分且看調味廚神功力及服務員態度了。連三汽水+兩啤酒 埋單 $590總括︰話平唔平，高檔貴价紅磡區又未必做得起

呢篇係我第一篇既食評 雖然一早已是openrice常客..但都係得個睇字 @_@e+考完alevel 又得閒就黎貢獻下 =]睇晒openrice十大呀,,咁點搵野食呢??我多數會睇下十大食家d食評搵好野食 機緣巧合比我搵到老坑火鍋反應幾好喎 又有蕃茄鍋底 我至愛呀 哈哈咁就搵齊人 撞去~地點都幾偏僻呀,,,少少難搵..而且比d殯儀館圍住..女仔夜晚去有少少驚ga..-.-本人怕等位 所以盡可能都會先訂位一去到 坐底就叫左個蕃茄蟹湯先 加茄膏呢個湯底幾正 又多料 除左蕃茄薯仔同蟹..仲有d蜆.. 火鍋料就叫左:鮮豬腳筋拼喉嚨定,,,推介呢兩樣都唔係平時打邊爐有得食..幾特別~腳筋一黎到倒晒落去~臨尾先食 ,,夠淋入味,good!喉嚨定就很爽扇貝,,,正常~但唔係好大隻本地手切肥牛(小),,,推介好新鮮!! 好好味~~ 肥瘦恰到好處..入口有咬感又唔覺un..very good呀~金菇拼草菇拼冬菇,,,新鮮~但不算太突出韮菜餃拼羊仔肉,,,沒特別..韮菜餃仲有d唔好食添..皮太厚了 ~_~生菜,,,整體黎講幾好味呀~蟹肉鮮甜 ..佢又扑裂左d殼先放落去d湯到所以食起黎都幾方便食到最尾 飲個

打openrice提供的訂座電話一直找不到老坑便請住附近的友人看看執笠沒有得知老坑仍人頭湧湧就高興地和啤及友人前來從openrice得知老坑加了新舖及plasma和啤一個箭步衝去新店噢，全院滿座失望地被職員帶去舊舖卻有驚喜－我們三人被安排坐在三邊圍有凍櫃的一張大枱內上有分體冷氣彷彿走進獨立VIP箱房先來蕃茄蟹煲蟹肉鮮甜，蕃茄湯香濃湯底越煲越濃點菜，職員建議我們乜都拼就拼出：金菇拼草菇拼冬菇：　草菇－我第一次食咁好味既草菇，其他兩款一般鱔片：好大碟，三人食極都食唔完魚餃拼老坑自製椰菜餃：魚餃比外間的算好；留意椰菜餃好易爛鮮肥牛：好鮮，點他們的辣椒鼓油好爽桶蠔：一百大元，好新鮮西洋菜拼唐生菜：好大兜珊瑚丰：約八大舊豬腳筋拼牛脆骨：沒有特別，下次不會再叫蝦丸拼墨丸：都是一般窩心是他們提供的一大碟紫天椒，配襯鼓油一絕本想吃其他食家推介的煲仔飯但飽到再吃不下了是晚朋友升職請客，祝她繼續開開心心多謝你餐飯啤龜好滿足

能吃到新鮮的火鍋實屬不易，而這兒從來都不會失望，而款式也是比較多選擇的，老坑是越開越大了，今次是去到了新開的一邊，越開越多房間，人客也沒有減少，大大圍檯到了黃金時段也是爆滿的，檯夠晒大，檯與檯之間是香港少有的闊落，很好坐。湯底還是選擇了花蟹番茄煲，是信心的保證，不油不膩，越吃越開胃，最愛的豬腸豬肚不可少，雞腸也不錯，正常人可能會覺得很噁，但食落的確是不錯的！帶子有點兒小，不過食落也滋味，始終都是那句，食火鍋都係最重要就那個醬，老坑自制的醬油配姜茸+辣椒真的食過番尋味，非常不錯！

昨晚食完土瓜灣鴻福火鍋,本想去九龍灣大榮華,點知六點已經大排長龍!....唯有走之!老婆建議去番老坑!咁就決定番兜老坑火鍋!因上週至來過,,,但佢話難忘個招牌鍋底喎!? 咪就係蕃茄蟹鍋囉!講真真係幾好味,,,,但上次食完我飲了六大杯水,即是話鍋內有很多味精!?不過老婆話去,吾通吾聽咩! 今次都係蕃茄蟹湯底,韮菜餃,四寶丸,珊瑚蚌,肥牛,什菜,和煲仔飯(雞)!今次和上週竟然會有小小分別,湯底的蟹竟然比上次大隻而且肉質很好,真正肥大肉厚!二.湯底比上次小味精,(因到現在02:30.AM我也不飲了很多水),而肥牛及四寶丸也比上週新鮮!而新鮮就是打邊爐的一切,其他都不用多說! 而今次加了一煲煲仔飯,大大煲份量夠,飯的水份洽到好處,加埋醬油...正! P.S:埋單$595

睇過咁多大哥大姐推介,上星期日終於一試!都係兩大兩細去...大開食界!湯底當然是蕃茄蟹湯,餐前小食~雞腳,四寶丸,水餃,珊瑚蚌,肥牛,氣管兩溝(忘記咩氣管),牛腳根拼魚(吾記得咩魚_見圖)!好老實講,呢家香港大多數既火鍋店食物一定新鮮,呢到都係一樣,所以不再形容!我想講是...此店可能是家庭式,服務比一般店好.因我地點了些以前未食過的,如什麼喉嚨,脚根....啊!開始左無幾耐...老闆娘就過來教我們吃的先後次序,每樣食物所需時間等!非常細心!而湯底真是成也湯底,敗也湯底!何解!?讚~服務和食物都可說是水準之上,而且同價錢的食物可以兩溝,呢樣真係小有,即是話如果叫四碟 ,兩溝後等如是八種食物!彈~上面講過成也湯底,敗也湯底!何解!? 因為是蕃茄蟹湯,所以湯底很鮮甜,也因鮮甜我和太太喝了超過四碗仔湯(因沒太多肉,所以湯沒什麼油),也因呢四碗仔湯,我和太太回家後每人飲了超過五杯水,即是話湯內有很多味精!此乃敗筆處!如果不是有大量味精,呢餐會很完美!

前晚有朋友打電話比我，叫我幫佢打電話搵老板娘霞姐訂位，話同佢班同事撐枱腳，並且叫埋我一齊去，本著『飲飲食食 不遺餘力』精神，所以昨晚我就落埋去老坑打邊爐喇。昨晚落著大雨，天氣稍涼，老闆紹哥留左新舖的枱比我地，呢次都係我第一次落去新舖，每次落去都係去舊舖巷仔果邊，新舖使我地一行人覺得喚然一新，裝修又靚，地方又寬敞，最緊要係有兩大部十六比九飛利浦大電視嘛，以後落黎撈埋電視汁打邊爐都得呀。今晚都係做番D指定動作，叫番D食開的好似蕃茄蟹湯、蕃茄蟹湯、薑蔥魚皮、 鍋料包括手切肥牛『頸脊』、生腸、泥鯭、小黃花魚、小倉魚、大鱔片、大墨魚、四寶丸、海參、花膠、雞子、雙菜餃等等，全部都保持到水準，不過可能個蕃茄蟹湯太多料，同埋落多左茄膏，所以有第一次食的朋友覺得咸左D。除左打邊爐外，我地仲有叫雙腸雞煲仔飯同埋黃鱔煲仔飯，兩煲都係落足料大大煲的，食完記得用火鍋湯浸下煲飯焦，鍋湯浸過的飯焦先至係全煲飯的精華，包保食過返尋味。

搭車過紅磡，此間老坑火鍋真的很難找，亂撞亂碰也竟然俾我地搵到，真的幸運~其實自從小肥羊後又嘔又呵成晚之後，由很愛打邊爐到完全好大陰影，淥完D野食落也有作嘔的感覺所以聽到話打邊爐也是心脅~ 並沒有任何的期待，感覺1定是只食蔬菜而放棄肉類~ 但今晚食完老坑火鍋後，我拾回了對火鍋的信心與情感~ 實在是很好，而不半點陰影發作的感覺火鍋由湯底開始便已是精挑細選~ 200大洋的番茄鮮蟹湯底，鮮味得離配合起番茄是完全不會油膩用材是非常的新鮮~ 所以雖然是街內的大排檔式，但價錢也是不低於高級火鍋店~新鮮的牛肉沒有經過冷藏，非常新鮮~ 好好味~ 4寶丸是真的讚~ 墨魚、牛肉、蝦、魚滑用料非常新鮮~ 配著多蔥的陪伴，食落非常的滋味~ 與冷凍貨實在是差天共地，非常彈口值得1提的是豬肺與豬腰~ 從來未試過已打邊爐方式品嘗~ 平常人不敢吃，出面的火鍋店也沒有這處的豬腰實在是嫩滑彈牙~ 食落是豬潤的感覺，但沒了那份粉粉的感覺，是純粹的嫩滑彈牙，非常棒~第1次見到牛百葉係黑色的~ 原來這才是正宗的~ 出面食到白色的是原本黑色漂白的~ 又上了1課再值得1提的是其醬油~ 是獨家調過的，點食物是非常的對味，與普通吃到的不

早幾日同女友去老坑火鍋, 一入到去就有個疑似事頭婆o既人serve我地. 先黎叫湯底, 我地睇左一陣, o個位女仕就介紹我地蟹鍋, 佢話今日d蟹靚. 其實我地對蟹鍋無乜興趣, 不過我見menu度印住 價錢係 "時價", 所以好奇問一問幾錢, 佢諗一諗就話: "$200 o者", 咁我話唔駛啦, 兩個人叫個咁貴o既鍋好似唔多抵同埋我地又唔係咁好蟹.最後我地揀左咸菜豬肚鍋($70) - 個鍋唔多足料同埋好鬼淡, 然後我地叫野食, 呢個女仕又不停sell我地食貴野, 我都係無乜點理佢, 食返我地自己想食o既o野算咯, 最後叫左本地鮮牛, 四寶丸, 珊瑚蚌同埋雞腸拼豬肺.配料新鮮o既, 係d本地鮮牛切得厚左少少. 不過價錢貴得離譜, 我地埋單要四百幾銀, 雖然更貴o既火鍋店都有唔少, 不過我地都唔覺得呢間有乜咁特別, 配料選擇又少, 又無得混醬. 我通常去食火鍋都鍾意叫一碟雞件或者雞肉, 但我o係呢度我無叫到, 因為又係兩個字: "時價", 我諗又係要百幾蚊一碟.同埋最唔鍾意係o個位女仕成日o係度sell野, 落order o個陣已經勁sell, 食到中途又黎sell生蠔, 一陣又黎sell菜

昨晚突然收到個朋友call約食飯，咁啱我向呢頭附近，咁耐無見加上聽到去呢度吃，之前睇過食評一直都想試。來到班friend已開餐中，見到個湯底好劇烈，一坐低試下隻蟹，掂喎! 都幾鮮甜。有個friend好醒目叫了我鐘意吃的雞腸，不俗。草姑，豬潤，豬肺 - 好味，但牛肉就麻麻地，切得太厚。之後入夜老闆娘過來同我地打招呼，仲請我地飲啤酒，正呀!!!我地食飽飽就啤啤佢，爽。攪到人地收工先至埋單，但老闆娘都唔趕我地走，服務不俗!!p.s. 但好多食物已售罄，試唔到添...

今日第一次黎~~岩岩入黎比佢嚇親...因為成條街都係佢既...而且已經差唔多爆晒...我地叫左個蕃茄蟹煲...太濃味...早知唔要茄膏...隻蟹幾大隻幾有肉..唔錯!!碟牛肉最好食...不過$180真係太貴...其他野好似黑柏葉,手打四寶丸都唔差~~~雖然裝修一般但坐得算舒服仲開大冷氣~~~算係咁..

上次到大光燈後經過這裡已打算短時間過來幫襯，幾次安排之下都未能成事，但見快回暖之餘這幾天天氣頗冷，就快快設局來個蕃茄蟹窩吧！在這小店，狹狹窄窄，環境不好，而從曲街向裡望不知就裡者理應絕不過來光顧，但老饕們對這寶號絕不陌生，是趟光顧適逢是假期前夕，來幫襯的人客頗多，但得老板娘安排下才能安座舖內，算是乾淨企理，當然什麼都不說，先來個蕃茄花蟹窩，然後再點的其他的。先上的花蟹窩仍是大堆頭傑作，材料豐富不在話下，兩只花蟹仍是那樣甜美，亦因此，湯頭的鮮甜大家可想而知，跟著來的，沒煮上半小時的鮮豬腳筋是無法誘發其美味的膠質原，配上蕃茄花蟹湯，無語論之；獅子魚仍是滑漏非常，多灼一點時間亦不會變樣，本地手切牛肉及炸魚皮仍是跟蕃茄花蟹湯絕配的火鍋材料，當然這裡出名的炸魚皮更技高一籌，外層的那炸粉漿亦因吸盡鮮甜的湯頭而令人又愛又恨。胃納有限未能多點幾款，但幾樣不錯的材料配上一個極美的湯底，怎會有差遲！後話一：帶新相識的男朋友或女朋友來光顧這裡可以說是考驗愛情的其中一個方法，試試！後話二：自已已經聲帶發炎，但為了光顧這裡，盡地一鋪吧！後話三：那晚外面天氣頗冷之餘仍下著毛毛細雨，火鍋真的是一個不錯的選擇！

2008.02.19見咁多人推介咪同女友去試吓是晚九點幾落到去，個哥仔响路邊開張枱比我，之後有位就即刻轉返比我，都算ok啦番茄蟹湯底(冇花蟹用肉蟹)$200兩隻蟹都幾靚手切鮮牛$120太瘦但都係脊位有牛味九肚魚大大條黑柏葉拼豬腰花膠拼魚肚三支黑啤湯都幾甜冇乜味精，如果用花蟹認該仲鮮D最唔滿意係碟牛肉排檔式但係都幾好service

琴晚一家人去試,叫蕃茄蟹湯底包括2隻細肉蟹($200),湯底味道好淡,只有酸味同少少蕃茄味,蟹又細隻又無乜肉,可能近排天氣凍無靚海鮮。總之200蚊就唔底啦。另外叫咗以下火煱配料,本地手切牛$120-好細碟,但好有牛味及肥/肉均勻,9分(原本買$90,加咗價)八爪魚拼魷魚$50-好新鮮,好甜,8分鷄腸拼鵝腸$50-鷄腸ok,8分;鵝腸用梳打粉發到同橡根一樣,1分四宝丸$50-真係自己手打,9分鷄潤$40-普通硬實實嗰d,唔係黃沙潤,5分白鱔片$50-正常,7分半隻鮮鷄$100-正常,7分油炸鬼拼炸魚皮$30-炸魚皮好鹹,4分;油炸鬼正常,7分什菜$30-正常,7分泥鯭$50-8小條,有d魚肚清洗唔乾淨,5分另加6beers&4soft drinks至於服務就麻麻啦,由其當老板娘sell我哋食大石班時,我話下次先啦,佢立刻黑晒面走咗去。另一位服務員便繼續落單,又再sell我哋食大石班同其他海鮮。我更見伙記們公然容可一熟客係店內吸煙,而其他食客就係店外食煙。