老街 (西洋菜南街)

Open Now

Now Closed

作為台灣嘅粉絲最鍾意就係周圍搵好食嘅台灣菜😜今日同朋友去太子附近試食老街，希望有驚喜～ 餐廳裝飾係復古風🎰好靚😍鹽酥雞肉操便當（$46）食過咁多鹽酥雞，其中一個通病就係太油同太鹹。呢度嘅鹽酥雞除咗無呢個問題之外，肉汁仲好鮮甜😋(不過個人應為肉操就稍為鹹咗少少所以如果下次再嚟應該會叫鹽酥雞便當)牛腩牛筋面（$68）朋友話米線幼身，有驚喜！最後兩個人埋單$119 總括來講都算係抵食🥰 下次應該會再嚟～

今日一個人行完花墟，亂行見到呢間鋪位與位之前空間比較大就入左走。睇左一輪唔知食咩好，然後就有伙記拎左張下午餐餐牌，下午茶時間A+B+C。要了小碗肉燥飯+ 酥脆鹽酥雞+香腸+豬耳+香芋奶茶，岩哂一個人乜都想食又驚食唔哂既人，或者自己食到但唔好意思叫好多既人。飯正常，但肉燥無乜肥膏，偏瘦變左有D乾。鹽酥雞3粒，好味唔會油而且唔重口味，正。豬耳爽既，但無咩味，唔好意思係無味。杯香芋奶茶自己唔記得寫要加珍珠，所以就算了。

每次講到下午茶時間，就會自然諗起老街，因為佢個下午茶實在太太太太太抵食！而且個人比較鐘意食台灣野，真係百吃不厭🥴老街下午茶真係好賞心悅目，有主菜、3款小菜仲有野飲，都係$3x起😭救命真係好抵食！窮人恩物🧚🏻‍♀️下午茶好味道😋😋😋😋.5從左至右係小碗麻辣乾麵，熱台灣奶茶，黃金脆薯，鹽酥雞，豬耳，椒麻牛肚絲，鹽酥雞（再次🤣），小香腸，小碗滷肉飯，熱台灣咖啡下午茶關係，所有份量都會變小，主菜大概有一碗仔好似兒童餐咁😊好肚餓既話建議未必嗌下午茶，怕唔夠飽😆個人黎講食過哂啲下午茶主食，最鐘意都係麻辣乾麵，有啲紅油係底撈勻一下，成個麵香辣椒麻，非常惹味💕滷肉飯同肉碎飯相比之下，滷肉飯略勝一籌🌟因爲多汁同有啲肥肉，同白飯更相配。小食亦好貼心可以揀3款，每款都試過哂，始終都最鐘意鹽酥雞！佢炸得好香口又多汁，同係台灣食鹽酥雞差唔多水準😍另外牛肚同豬耳都係唔錯既推介，有啲似伴酒菜，但細細份過下口癮😝野飲就有好多款揀，最鐘意台灣奶茶，香濃順口，甜度十分足，鐘意甜野既你可以一試😆

剛才收工路過行咗入嚟老街食碗麵，純粹想飽肚暖胃。落完單無耐就嚟咗碗唔熱嘅麵，我同侍應小姐講碗麵唔熱，佢就拎入去廚房窗口仔叫人再加熱。正因為我好肚餓所以我就望住個窗仔，居然俾我見到個侍應伸隻手指入碗麵度探熱.... 天呀！有無搞錯呀？要正常人點食呀？到底佢有無衛生常識咖？響咁嘅疫情，咁嘅經濟環境，已經好少人安心出街食飯了，作為食肆係咪應該更加需要員工注重衛生呢？？我寧願肚餓都即刻俾錢埋單，碗麵我一啖都無食過，睇到已經想反胃，希望顧主可以睇到呢篇文章，如果要知真相請睇返你哋個CCTV，另請教導員工學識衛生及做人要將心比己，。

不得了真係不得了！個滷肉飯真係太好食啦，米飯有趙口，一粒一粒咁好香，滷肉嘅份量雖然唔多，但係一件件絕對唔係燥肉，滷肉汁沾滿大半碗飯，簡直就係一流。細碗嘅份量對女仔來講應該都好足夠，仲可以嗌多啲唔同嘅嘢食添。拌麵一樣都好好食，個醬汁濃而唔油膩，雞扒煎到個皮脆卜卜，仲有四大件食到好飽呀！小菜叫咗麻辣牛肚，台灣香腸，亦都係相當之唔錯嘅。最驚喜係連珍珠奶茶都好好飲啊，叫咗芋香奶茶，唔會太甜，珍珠係我鍾意軟林林嗰種。呢間餐廳同台灣餐廳絕對有得揮，我一定會再嚟食過😻👍🏼

其實之前都吃過這一間的牛肉麵，不過感覺沒什麼特別，但想不到鹵肉飯給我驚喜！餐廳環境不大，裝飾顯然有用心！台灣古早味鹵肉飯😋😋😋😋光顧過不同的台灣店，這間的口味是最接近台灣。台灣的鹵肉飯是肉碎，但這一間是可以看到一塊塊的鹵肉，醃製得很入味，再配上醃蘿蔔乾、鹵蛋、炸薯塊，已經吃得很豐富了！另外，白飯較軟熟，感覺是台灣米，而且可以鹵汁浸濕左飯粒，可以每吃一口，都有淡淡鹵味，但不會感到油膩，還免費送你一杯台灣奶茶，正！

食台灣菜，就係因為佢食物上枱快！這間老街，見人客不多，第一次去試。又唔錯喎！性價比高！椒麻牛肚絲唔會多油又唔會太辣！鹽酥雞都好食，乾身得黎都juicy 滷肉飯味道適中至於魚酥皮蛋豆腐就一般啦如果加多少少秘製醬汁，應該可以受歡迎！最後當然要飲返杯笆樂汁這餐台式晚餐。簡單，豐富，味美👏🏻

今晚行行下太子入左呢間小店，老老豆豆，甘既價錢，真心平靚正既，食至台灣風味既。突然又好想去轉台灣啦。呢度個炸木魚豆腐好滑，鹽酥雞都正，但個飯就一般，冇咩特別別，不過總體份量就小左d,兩個女仔食都岩岩好既

諗唔到食咩，見幾多人，就入去試吓！鋪頭唔算大，7點幾都坐到full曬，要搭枱！滿漢大塊牛肉麵：冇想像中咁足料，牛肉真係幾多，但少鞋，唔係咁好味，花枝丸ok，幼麵，湯底唔算濃，成碗嘢最有驚喜係蘿白，冇渣，索曬d汁，好味！食得辣加少少辣椒，成碗麵添色唔少！紅燒牛肉麵：反而普通牛肉麵入面d牛肉薄身d，食落有味d又冇咁鞋！鹽酥雞拼小香腸：台灣腸不嬲好中意食，基本上係食親台灣嘢都叫，不過不失咁！但雞完全係below average, 咬落好粉，雞亦冇味！總括黎講，咁嘅價錢，可以再好d！台灣嘢，香港好多選擇，應該短期唔會再幫襯！

收工太晚沒煮飯，於是就到了常常路過的老街解決晚餐。全店以台灣美食作招徠。店內的裝修及氛圍都充滿幾十年前懷舊寳島風。(雖然價錢一點也不懷舊，而是充滿現代氣息！）很多年沒去過台灣，也更久沒吃過火車便當，於是就點了一個牛肉牛筋便當，以為會是一盒上，但原來只是一碟上，失望。至於味道也只是不過不失，肉質略微太亁身不夠汁，如果不是在台灣菜的店吃，都未必吃得出是台式，除非那只滷水蛋是一個提示 。加$3 優惠價要了一杯珍珠奶茶，珍珠夠多，奶味濃，都OK

豬軟骨整到好諗，幾入味，但就略微咸左小小。.另外，配菜都多款式，有酸菜，炸薯仔，肉燥汁。但飯既份量就非常之小，男仔可能唔夠飽tim😣🥡上網見到呢間食台灣麵好似出名啲，如果有機會，下次可以試不

早左放工出到太子始創中心呢邊買嘢買完野後唔知食咩好到處關左一下就發現左呢一間台灣野餐廳入邊係以懷舊特色主題環境都算唔錯當時已經係九點幾唔想食太多於是乎就叫咗兩個飯同兩杯野飲店員先上咗兩杯野飲一杯係蜂蜜檸檬水新鮮檸檬配搭上天然蜂蜜酸酸甜甜都幾好飲5星另一杯桂花冰梅汁就有啲失望啦其實就係普通嘅酸梅湯係一啲桂花味都冇嘅3星再嚟上咗兩個飯鐵路雞扒便當雞扒唔會太老不過可惜唔入味而且滷肉飯啲滷肉實在太少個雞排又唔夠味滷肉又少就好難食晒成個飯3星另一個一口小香腸便當啲香腸幾好味都係同樣問題滷肉少左啲但味道係唔錯嘅4星總括嚟講$150食兩個碟頭飯係有少少貴性價比唔算好高而且店員服務亦不算好但在太子區來講如果你唔知想食乜預算又唔係特別高想食飽的話其實都可以嚟試一試

又是獨行俠，又出動揾野食，今次來到太子門外充滿台灣風味的食店，於是走進去試試。先就裝修，很有台灣風味，去得食台灣野緊係食牛肉麵，但牛腩及牛肉的餐牌圖d圖都非常吸引，最後揀左牛肉麵，價錢$60,中等價錢，5分鐘左右麵到，先講麵身是我喜歡的硬身有咬口，份量亦適中，牛展亦做得出色，淋身而有咬口加上爽滑的牛展，配上有咬口的麵條，可惜湯底不夠濃，佢係夠味但是感覺唔夠台灣的湯底濃味，如果湯底加強再鑽研， 應該會更加出色。

叫左個紅燒牛肉面（有牛筋）同豆腐皮蛋。碗麵嘅牛肉肉質一般，牛筋可以，每様兩嚿仔。豆腐皮蛋，豆腐冇咩味都算，個皮蛋真係...完全冇味，些少皮蛋味都冇，食左兩啖，真係已經唔想食。加杯凍奶茶，$120 有找。咁嘅價錢，我寧願去始x留下。

想食個飽飽既下午茶 就諗起台灣牛肉麵 見到呢間舖名 就好快禁入咗去台灣牛腩筋麵 湯汁係牛肉滷水湯帶有鹹香 麵我就覺得煮得唔錯 麵條啱啱熟 一啲都唔淋 有口感 好QQ 配埋個湯一流 牛腩係三成肥七成肉 有咬口又帶淋身 好香牛肉味 比例都唔錯 雖然唔係入口即溶 但係 都好淋身 重牛味 一啲都唔會攝牙 又唔鞋口 一啲都唔會令人失望 個牛筋係一咬即溶既感覺 成口骨膠原開埋餐飲洛神花茶 酸酸甜甜 好開胃 又去吓油味 成個餐都好好食