古早味原住台灣 (Closed)

又到食飯時間，周圍散步睇下有咩好食，不知不覺行尖沙咀 呢間古早味台灣原味好吸引，餐廳佈置好有台灣味道 而且有著台灣不同的景點比人去打卡幾有特式.坐低叫左自己好想食的 酥炸鹽酥雞 -雞肉嫩中帶滑，炸得乾身色澤帶金黃，火候同時間師傅都掌握得唔錯，食落唔會太鹹 做得唔錯宜蘭葱餡餅-餡餅細細個 一啖就可以食完 比想像中少蔥 但有好多汁流出嚟 醉雞卷-好鍾意呢個醉雞卷，夏天都係鍾意食啲涼涼嘅小食，有酒味嘅食物我就更加喜愛 雞肉嫩之餘 酒香味剛剛好 鴨肉冬粉 - 湯頭雖但很鮮甜,鴨肉很軟嫩 可以再食多一碗 雙色台灣香腸-表面外皮烤至香脆, 分別是原味及墨汁,兩者味道差不多, 甜甜的, 有很多片 幾特別 。大滿足最後係飲品檸檬冬瓜愛玉飮-夏天來一碗冰涼的檸檬冬瓜愛玉真的可口解膩 又消暑紫薯黑糖鮮奶-紫薯真材實料，呷下還有紫 薯蓉今晚食到好有台灣味道的一頓飯

來到尖沙咀食台灣野，鋪頭係isquare 附近，好方便。入到餐廳，好大，成層都係，店員好有禮貌咁招呼我哋坐低。古早味干撈麵（$60） -麵條彈牙有咬口，好多豬軟骨，件件都好大件同埋夠入味。而且面嘅份量非常之多，仲有蛋同埋伴菜青瓜。仲叫咗杯珍珠奶茶（$22）-珍珠好煙銀，茶味濃，奶茶甜度岩岩好。酥炸鹽酥雞（$38） -新鮮滾熱辣， 啱啱出爐，雞塊好脆而且唔會乾，炸到岩岩好，肉質鮮嫩。滷肉飯 （$58）- 滷肉飯味道濃郁， 脂肪同瘦肉比例均勻，肉汁十足，多料。餐廳性價比好高，大約$60幾蚊就有個主食，十分化算。

去開尖沙咀行街，想搵一間坐得舒舒服服又唔貴嘅餐廳，諗起呢間位於誠信大廈嘅古早味，舒服好食又抵，仲食得好飽添有大大個嘅卡位，座位好寬敞，仲有落地玻璃，食台灣野食到有少少太空feel添叫咗一個古早味乾撈麵，有一大舊嘅豬軟骨，好淋好入味，仲有好大隻滷水蛋，撈麵最好食係個肉燥醬，記得撈勻先好食，啖啖面啖啖肉燥滋味另外再叫咗一碗古早味牛肉麵，湯底香濃，牛肉索晒湯底嘅精華，又夠厚切，好有口感叫個午餐，可以加$15，有好多款原盅例湯可以揀，今日叫咗一個海底椰排骨湯，湯底清得嚟好有肉味，蜜棗配上海底椰，令個湯更加鮮甜午餐會跟一杯飲品，叫咗個黑糖珍珠奶茶，補$4差價，呢個珍珠煮得好軟熟，調味調得好好，黑糖掛杯視覺效果亦都好好午餐選擇非常之多，有炒麵湯麵，亦都有唔同嘅飯類唔夠飽仲可以叫小食，廿零蚊一個，非常經濟。食咗咁多嘢，兩個人都唔使$150 ，坐得舒服，喺尖沙咀來講，真係悠然自得。

放飯同事帶我來，已經是下午茶時間，所以有下午茶餐，價錢都圍繞在40多至50多，在尖沙咀來說，價錢算是便宜。我點了牛肉麵，牛肉麵用的是牛展，湯底都算濃郁，不過我認為每次食的湯底濃度都不太一樣，試過很濃亦試過不夠味。下午茶包飲品，可以選擇18蚊或以下的飲品，不過18蚊的飲品選擇沒有太多，但加幾蚊就可以轉珍珠奶茶等手搖飲品，都算很抵。

星期日在尖沙咀走到累了，去了附近吃晚餐。到了「古早味原住台灣」，這間跟旺角的又好像不太一樣。餐廳位於北京道誠信大廈2樓，就在iSquare對面，一點都不難找。入口處有幅色彩豐富的牆，四周都油上台灣特色的壁畫，裝修簡潔優雅，地方環境大，帶台灣民族氣息，令人好舒服。牌上的台灣食物種類很多，但可惜晚市沒有套餐。很不一樣的是，這家古早味除了台灣招牌的牛肉麵之外，還有很多不同種類的小炒，所以今晚決定點了一些小菜來吃。花枝蝦餅表面金黃酥脆，每一口都食到蝦肉和墨魚肉粒，非常之彈牙爽口，高度推薦！海鮮粉絲煲粉絲煲內有大蝦、魷魚、和大量粉絲。粉絲索盡海鮮煲的精華，味道夠，拌飯一流，但整體有點乾。味道不錯，帶微微酒香。菜脯煎蛋菜脯煎蛋份量多，粒粒菜脯口感豐富，很爽口，也不會太鹹，送飯也一流。白飯白飯用上竹筒盛載，很有農村風味，可惜飯蒸得太乾，不煙韌軟熟。上菜速度快，價錢合理，可以再次光顧。

今日約左朋友黎呢間台灣餐廳食飯，我地都係第一次黎，覺得幾有趣既野係原來尼度有啲手工製作品，都幾精緻九層塔手抓餅，九層塔味道濃郁👍🏻👍🏻好食，值得推薦. 油麥菜都好食反而覺得滷肉飯同撈麵味道一般，如果醬汁再多啲就會更加好最後到個甜品🍮好大一碗好足料👍🏻而且味道不錯👍🏻值得嘗試

今日到尖沙咀行街行街之前當然先要吃飽先有力逛！經過見到有間台灣餐廳便上去試試 地點非常方便就在isquare對面樓上鋪～男友喜歡吃台灣牛肉麵二話不說便點了這個牛肉質實 大大舊 肉質不韌 反而能夠鎖住肉汁男友說不錯吃小妹就點了鹽酥雞扒麵鹽酥雞扒炸得酥脆 香口香而不膩啊大大一塊湯頭先屬於較淡的一類但亦不錯 可以去去油膩感下之再來想試試甜品/小食我們還點了兩杯飲品解解渴在炎熱的夏天凍飲始終才是皇道 可以解暑 令人精神為之一振喔

又再繼續帶著爸爸媽媽在尖沙咀的搵食之旅！吃過拉麵、潮州菜之後，今次跟他們「來到」台灣😂涼拌木耳雖然木耳有微辣，但味道不太濃烈反而令人覺得清清的很開胃。蟲草花燉鴨湯媽媽點名想喝的蟲草湯，看到湯料也不少和她喝得津津有味的樣子應該還不錯👌🏻糖醬燒爐魚我跟媽媽都是愛魚之人，這份糖醋魚就完全是我們「杯茶」。比起外間的糖醋魚，這裡的醬汁沒那麼多和濃，較適合我爸媽的口味！岩鹽露筍拌黑肌露荀很新鮮，賣相、份量跟味道都不錯，也不會太油膩。古早味牛肉麵最傳統的台灣牛肉麵，厚厚的牛肉片剛好就可以填飽爸爸的胃。

呢間之前喺旺角同銅鑼灣都食過，今次喺尖沙咀i-square望對面2樓見到有，完全唔諗就上去。叫咗咸蛋苦瓜，鹽酥豆腐，炸蝦排，櫻蝦荷葉飯。 首先咸蛋苦瓜好爽唔苦，切得好薄，味道適中，不會太咸，鐘意食苦瓜既人一定鐘意。鹽酥豆腐分量比想像中小，味道唔錯，軟林林，滾熱辣。炸蝦排好彈牙，但無乜蝦味。櫻蝦荷葉飯好多櫻蝦，飯有好多汁，太濕，如果乾身d會好d。整體來說都ok，保持到水準，同其他分店差不多，傳菜速度快。

稍后又飛去台灣玩呀! 耶! \(^0^)/去台灣之前, 止止引, 食住香港嘅台灣菜先!友人話食台灣菜可以試試古早味, 咁…. 就去古早味頂頂台灣引先!首先, 由餐廳店名, 去到內裡環境, 感覺日本風比台灣味強, 正路嘅…. 台灣本土都有好強日本味嘛!打開menu, 好多台灣小食提供! 重有我嘅最愛滷肉飯!上枱鹽酥豆腐, 鹽酥雞軟骨, 蚵仔酥, 麻油炒腰花, 藥燉鳥骨雞湯同滷肉飯, 相信夠頂住引.鹽酥豆腐其實等同香港嘅椒鹽豆腐, 豆腐外脆內幼軟, 唔錯.鹽酥雞軟骨用嘅炸槳, 不論外表顏色同口感, 同一般炸槳唔同, 顏色較淡黃色, 口感比平時食開嘅較脆口, 滿意.蚵仔酥係第一次食, 以為外皮用雞軟骨同一個炸槳, 原來係唔同喎, 由哩點可以睇得到廚房師傅幾噤有 heart. 蚵仔肉極之嫩滑, 同香脆炸槳一齊放入口感覺好神奇, 先香脆後嫩滑, 夠特別.其實麻油炒腰花係友人點, 我估腰花係豬腰, 而自己好少食, 所以只食一兩件, 食落比較爽口同彈牙，無話煮得過火，反而腰花上有我中意嘅蔥！D蔥段吸收咗芡汁更正，我專攻蔥段，朋友食腰花，食哂！睇D旅遊節目介紹魯肉飯同滷肉飯嘅分別, 睇完都唔係好明, 

尖沙咀就是搵食艱難，通常都係價錢高但食物質素卻非常平傭，今次呢間都唔例外。點了手扒烤雞、干貝櫻花蝦荷葉飯及麻油炒腰花，都是餐廳的推介菜。先講雞，出黎賣相唔錯，肉質都算嫩，不過卻無乜味，好彩有個秘製醬汁⋯⋯個荷菜飯正常啦，櫻花蝦都香，至於個炒腰花就真係麻麻，佢入面有豬腰同豬潤，可惜d豬腰炒到好似豬潤咁，完全無晒豬腰應有嘅爽口感覺。呢間野都有幾多台灣食品選擇，由咸到甜，包羅萬有，如果想近近地食下台灣野，一試無仿。

Aeon Market逢星期三都有特價的，啲野真係好抵掃完貨之後就當然要食晚飯啦記得之前食過呢間台灣菜又抵食又好食，就同媽咪黎食啦今日有廚師推介，本身我都想食椒鹽蝦，但媽咪話唔想食辣野唯有下次同朋友再黎食鹹蛋炒苦瓜呢個送飯一流鹹蛋黃起沙架，好正不過就咁食的話就會鹹左啲，所以最好就係送飯食新竹炒米粉呢個看似好普通，但炒得好好食米粉炒得好乾身，唔會好油膩，但米粉又唔會好硬味道亦岩岩好我真係好鍾意食呢碟新竹米粉蒜泥白肉蒜味好香，而五花肉切得好適中，蒜香味容易融合落五花肉

台灣的美食，總是讓我百吃不厭。每次從台灣回來，都總會特別想念它的美食。念着念着，又心思思想再去。寶島的美食，對我來說就像有一種魔力。經友人推介，來到了這間台菜餐廳。一出電梯門，便看見餐廳充滿地道台式的裝潢和色彩斑斕的可愛壁畫。我倆被帶到非常寬敞的卡位就坐，打開餐牌，被那琳琅滿目的菜色所吸引。幾乎你能說出的台菜，也能在這餐牌中找到。古早味牛肉麵經常聽台灣人說「古早味」，到底「古早味」是什麼意思呢？其實「古早味」來自閩南語，就是指食物用傳統方法製成，充滿傳統風味的意思。我不是地道的台灣人，未能評論這牛肉麵是否傳統風味。但我可以說，這牛肉麵味道非常好。牛肉麵湯底就是靈魂所在，味道鮮甜得很。牛𦟌煮得很琳，筋肉位咬感恰到好處。豐收飯這個豐收飯是名副其實的台式大碗飯，份量很充足。餸菜包括有台式香腸、滷水雞翼、焢肉、滷蛋、鯖魚和醃蘿蔔等。古早味滷白菜白菜就是我們常吃到的娃娃菜，這道菜以滷肉來煮，香甜的滷肉汁被娃娃菜充分吸收，讓整道菜提升至另一層次。兩人的晚餐共$200左右，算是非常實惠。這裏的座位亦很舒適，如想約朋友來一個經濟型的聚會，這裏亦是一個不錯的選擇。

今日嚟到 古早味原住台灣餐廳環境都幾有台灣特色同埋餐廳嘅坐位好多夜晚8:00pm 食飯時間，唔需要等位太好喇～ 👏🏻Menu入邊嘅選擇都好多，食物嘅圖亦都影得相當吸引飲品方面選擇全部都係台式飲品真係多到唔知點揀😍肉臊飯味道好香！同埋撈勻之後，肥豬肉油份溶化係飯到，真係好台灣嘅味道呀！食到有啲油膩嘅時候，再食一片腌製蘿蔔，解膩 ～炒粉絲粉絲加入肉絲、蝦乾、蘿蔔同椰菜，味道都好夾，鮮味十足。同埋炒得散，唔會好實👏🏻辣味鹽酥雞鹽酥雞上加咗辣粉，令到食嘅時候更加過癮，而且好香脆，如果可以細粒啲會仲開心珍珠奶綠珍珠奶茶飲到悶悶地，將紅茶轉成綠茶，綠茶嘅香味同奶幾夾，另有一番風味呢間餐廳真係唔錯，同朋友食飯都坐得幾舒服而且整體味道幾好好似去咗台灣咁

放工來到尖沙咀，下車後就一直下雨，心想還是跟男朋友先吃飯吧！經過iSQUARE附近看到有台灣菜，想起男友沒到過台灣，不如先帶他去吃吃台灣菜先吧！這間店的裝修很有風味，有五顏六色的牆，有充滿古早味的碗碟，跟他們的名字很搭！食物方面，基本上出名的台灣小吃都很齊！我們就點了滷肉飯、古早味牛肉麵、酥炸鹽酥雞和綜合芋圓。滷肉飯（$58）吃台灣菜必吃滷肉飯！肉肥瘦適中，又滷得很入味，吃完不會太膩。古早味牛肉麵（$65）牛肉麵是粗麵條的，牛肉跟麵的分量剛好，麵條很彈牙！酥炸鹽酥雞（$38）店員把熱騰騰的鹽酥雞上碟，我們趕快拍一張照就忍不住吃了～平常吃炸雞，吃一點就想停手，這次的炸雞炸皮薄，有椒鹽洒在表面，又香又脆，令到我們吃不停口！綜合芋圓（$45）吃完主菜，怎可以不吃芋圓？我們點的綜合芋圓分量頗大，2個人都夠吃了！內有芋圓、紫薯圓、地瓜圓、珍珠、紅綠豆和仙草等等。夏天吃真是透心涼呀！要再來試試其他菜式！