古早味原住台灣 (Closed)

呢間之前喺旺角同銅鑼灣都食過，今次喺尖沙咀i-square望對面2樓見到有，完全唔諗就上去。叫咗咸蛋苦瓜，鹽酥豆腐，炸蝦排，櫻蝦荷葉飯。 首先咸蛋苦瓜好爽唔苦，切得好薄，味道適中，不會太咸，鐘意食苦瓜既人一定鐘意。鹽酥豆腐分量比想像中小，味道唔錯，軟林林，滾熱辣。炸蝦排好彈牙，但無乜蝦味。櫻蝦荷葉飯好多櫻蝦，飯有好多汁，太濕，如果乾身d會好d。整體來說都ok，保持到水準，同其他分店差不多，傳菜速度快。