Oliver's Super Sandwiches

Open Now

Now Closed

呢一份下午茶餐叫做經典炸魚薯條配黑松露蛋黃醬，連埋一杯熱嘅即磨咖啡，味道比想像之中好，以$48黎講，呢件炸魚柳嘅質素都算係唔錯，炸粉唔會太厚，唔會食極都食唔到魚柳，不過啲薯條就差少少，唔知係overcooked定係返炸，食落去有少少韌，感覺上唔係新鮮即叫即炸嘅，不過48蚊有炸魚有薯條仲有杯嘢飲唔敢有咁高要求啦。除咗有黑松露蛋黃醬之外，佢另外跟多一包沙律醬同埋蕃茄醬，其實佢個黑松露蛋黃醬味道已經唔錯，包沙律醬好似有啲浪費。

估唔到依家super sandwich 都有即叫即炒，叫左個冬陰功炒意粉，好好食，再叫多一杯coffee,店員收餐盤上年紀姨姨好有禮貌，依家快餐店有這個服務都好小見。

收工唔想食咁多嘢 又食健康啲 就嚟咗食沙律三文治 呢度有樣野好就係可以自選沙律🥗 每日都有幾款唔同嘅沙律任你配搭 佢又唔同Combo可以睇你嘅肚餓程度而選擇 今次我就揀咗食公司三文治加一個沙律 套餐嚟講都唔算太貴 而三文治都會係新鮮整 非常之大份

其實本來諗住飲杯嘢等人，點知見到呢一個38蚊嘅餐，估計應該唔會好豐富啦，咁飲杯嘢都要廿幾蚊，所以就照呢個下午茶餐啦，點知原來佢有一碗雜菜湯螺絲粉，再加兩件碎蛋沙律酥盒，再跟多一杯即磨咖啡，杯咖啡都唔細杯㗎，究竟係平時飲杯嘢貴定係呢個餐真係平呢。味道方面基本上冇乜要求，而佢呢度係ok嘅。

食得多重口味，有時都想食light少少。salad可以選擇大或小，大約$60-80，有紅菜頭、蘋果雞肉、薯仔雞蛋和羽衣甘藍甘荀等幾款可以選擇，都幾好食，食材搭配得不錯，亦都新鮮。沙律醬都比較多，濃味一啲，可能都唔算特別幫助減肥😂😂炸魚柳意大利粉，魚柳新鮮炸起，脆口，意粉偏淋身，整體感覺唔錯，好食。焗薯熱辣辣，薯仔外脆內軟，配上三文魚蛋沙律或肉醬，一如既往好食。加10幾蚊可以加配小食，芝士肉醬薯條味道濃郁，抵食❤️

下午茶時間好肚餓，行過好多年都無幫襯過嘅Super Sandwich’s, 見環境都唔錯就入喇。知自己肚餓都唔點茶餐點正常意粉🍝。嘩，menu張相好似好得喎！🍽C1煙三文魚意粉+咖啡$70 （現實辦）😑碟意粉🍝呢…..先唔講薄薄一層，我都唔飽，咁男仕應該一定唔夠。好，說好的煙三文魚和蜆肉呢？唔搵到碟底都見唔到，又少又碎！味道就唔該哂「Grated Cheese Power」& 「Tabasco」，屋企要買番兩支先👍🏻☕️乜杯咖啡咁流，不如你menu張相換咗無拉花的，咁就無期望無失望！好後悔，早知點茶餐，平啲抵食啲，唔係香港人唔捨得食，係你交唔到貨！！

想係銅鑼灣醫醫肚食個快餐所以6點幾去左super sandwich 通常都係去食早餐晚餐就少啲叫左個焗薯加左個熱辣辣磨菇湯（湯有兩款揀）個湯算hei唔係好sticky ge磨菇湯味道都ok最中意係睇住佢機械人送餐👍🏻😂

去開SOGO購物, 跟住行去百德新街那邊, 順便去翡翠明珠的Super Sandwiches吃好耐無吃的焗薯. 雖然位處鬧市, 但估唔到餐廳既面積都大, 環境舒服. 叫咗我的例牌，碎蛋沙律焗薯, 咖啡. 以為好似以前咁自己取食物, 但原來現在有機械人送餐服務, 只要將個感應器放响枱既特定位置, 咁個機械人就會將食物送到我張枱傍邊, 然後自己就由機械人桌面拎就得. 講返個焗薯, 有沙律伴碟, 份量適中, 味道同以前一樣， 中上之選， 但薯仔就好似比以前細了. 定係我大食咗? ， 簡簡單單完成一餐, 滿意的.

平時返工多數日子都係帶飯，但係最近有d事所以夜晚冇得預備定飯盒，所以多咗機會出去銅鑼灣區覓食。但係日日出去食都幾貴，所以都要搵吓啲平價、但飽肚既選擇🤭 行到去百德新街個頭，比我見到呢間我喺中學時期🤫成日都幫襯既Super Sandwiches，平平哋又好味，於是就入咗去食。呢間Super Sandwiches超大間，完全唔使擔心冇位坐。最特別嘅係佢係用咗機械人🤖去送餐！買完嘢食之後將個感應器擺喺枱嘅特定位置，個送餐機械人就會將食物運到去你面前（不過你就要自己將食物由機械人桌面拎去自己枱面🤡）煙肉酸忌廉焗薯 + 凱撒沙律🥗 ($50)當個餐送到嘅時候，我先至發現原來買焗薯係會包埋沙律😆😆 感覺好似多咗一碟沙律食咁😆😆😆 個沙律份量都幾多，食完個沙律都飽咗三份一😅 一大碟沙律菜入面有凱撒沙律醬、煙肉脆脆🥓、同埋少少芝士片🧀 味道正常。至於焗薯方面，薯仔嘅size好似偏細?! (對比我N年前食嘅時候🫢)不過好在佢個酸忌廉同埋煙肉脆脆都俾得好慷慨，起碼我可以每一啖都食到呢兩種配料👍🏻

同朋友行銅鑼灣揾Tea 食, 意外發現, 下午茶熱狗餐做promo , 原價$59, 宜家買一送一, 勁抵食。 係前台落完單付款後, 將感應器後枱面指定位置後, 有店員送餐服務。 熱狗係翻熱了, 令熱狗上面芝士融左, 再舖少少辣肉碎及煙肉碎, 加埋條脆皮腸, 一啖咬落去, 口感好豐富, 而且脆皮腸夠長, 長過個包, 食到尾都仲有條腸係度, 呢個對食熱狗真係好重要。個餐可以跟杯飲品, 普通熱咖啡奶茶, 檸茶檸水唔駛加錢, 但飲杯凍檸茶要另加$7就貴左少少。

🍴Oliver's Super Sandwiches - 經典公司三文治 配南瓜湯（另加羽衣甘藍甘筍沙律）以前有食過佢嘅焗薯，不過今次first try佢個三文治！原來佢哋個「公司三文治」用咗全麥麵包 同埋 自家制香草沙律醬！份量比預期大，兩個人share一份已經飽到上心口！(*¯︶¯*)另外，超級推薦嗌佢個「羽衣甘藍甘筍沙律🥗」材料新鮮又大碗，絕對係健康之選！雖然我就超怕羽衣甘藍苦，但咁樣miz 埋啲南瓜🎃 其實都唔太難接受！

墨西哥甜椒雞脆卜卜薄脆這類墨西哥酥皮我常吃得多,但绝無僅有是焙乾成飛碟,而且甜味茄紅素雞肉就是不吃辣的也可以吃,加上彩椒和菜湯绝配,$60-70左右套餐相比正宗中東餐也很相宜,但好似只有下午茶？！如有辣也可不加辣選就perfect,環境舒適,服務又非常好！食物買相也很不俗,尤其疫情其間,衛生做足,常常有人消毒清潔枱面

我今天終於鼓起勇氣去了銅鑼灣食午餐, 叫了   1.)  煙三文魚意粉套餐,  2.) 芝士焗薯總共要: 港幣 八十八 (減去二十元, 大家樂入會套票)煙三文魚意粉, 不錯;  雜菜湯- 一般我最心愛- 芝士焗薯, 幾好總括來說:  耐不耐一餐, 也不錯.  

疫情關係，晚市冇堂食，好多餐廳都推出外賣優惠吸引客人買晚餐返屋企。呢間餐廳都加推晚市優惠，有一個新嘅外賣自取精選餐牌，最平只係$45起，加$8更可配熱即磨咖啡/熱茶1杯/湯1客，非常豐富😍燒雞胸•西蘭花•南瓜芝士汁焗長通粉 ($48)蘑菇湯 (+$8)呢個餐非常健康，🐓雞胸唔鞋口，燒過之後更加帶出雞肉嘅香味，而且份量唔少，至少有六、七件🥦平時太生或者太硬嘅西蘭花我唔會食，但呢個西蘭花焗得好淋好適合我👍🏻長通粉每一條都佈滿🎃南瓜芝士汁，好濃南瓜香，飲埋熱辣辣嘅蘑菇湯，食完好有滿足感🥰🥰

$62牛油果焗薯套餐.清爽可口.去過多間綜合都幾好,輕食佳,環境簡約舒適,小店也有table service,偶然失手,多數是高峰時間人多所致,當中暫時服務以銅鑼灣最好肉類焗薯都吃得多,試吓牛油果配沙沙醬再伴上小小凱撒沙律睇吓點樣？綠綠哋,看見幾吸引也幾好味！焗薯中細但稍嫌唔夠熱,牛油果醬清甜,但稍嫌小咗d整體不油不膩清清地又比沙律飽d,肉食以外多個選擇