Oliver's Super Sandwiches (Closed)

好耐冇食super sandwiches ,之前似快餐店形式,但見最近好似餐廳咁,好似貴咗,感覺上價錢都貴咗!!!今日係星期日,未夠3點,想入黎食下午茶,唔知係因為假日冇茶餐定未夠鐘,定又一城生意旺分店冇,只有午餐,但唔太啱食,要返平常餐牌,焗薯係招牌菜!!之前會叫牛肉焗薯,但後來餐牌冇咗,但落單果陣問佢講又話有,今次再問佢,佢就話冇,唯有要費城牛肉焗薯,價錢大約$70,只包飲品!!好耐冇食,但味道一樣好味!!

同朋友食個late dinner，揀左連鎖店super sandwiches... 食焗薯套餐，貪心揀左super combo套餐，結論係食焗薯得喇。我叫左相中嘅E13套餐（$75），芝士牛肉焗薯+碎蛋沙律牛角包+意大利雜菜湯+飲品（凍檸茶）（另加$6）。幻想與現實-食物嘅實物圖是咁的：焗薯一貫質素，不過我揀左車打芝士醬就漏左啲...反而牛角包喺冇期望底下算唔錯，其實我應該order碎蛋沙律焗薯就match喇。咁樣一個餐要$81，果然係百物騰貴。

今日下午我們去咗九龍塘又一城嘅「Oliver's Super Sandwiches」食下午茶！煙三文魚碎蛋沙律焗薯同費城牛肉車打芝士醬焗薯嘅焗薯都幾大個，舖面嘅材料非常足料豐富，碎蛋好芳香軟滑，而煙三文魚嘅肉質相當嫩滑，有好濃郁嘅煙燻味，不過唔係一大塊，而係切成好多小片，再撈埋啲沙律醬，感覺真係幾正！至於費城牛肉就有三大塊，肉質好鬆化軟滑，牛肉味相當濃郁，而且表面淋上大量溶化嘅車打芝士，雖然味道好香濃，但感覺比較膩，而伴碟嘅凱撒沙律好爽甜新鮮，淋上沙律醬汁再加埋麵包粒同煙肉碎，令到口感更加豐富！

Super Sandwiches以焗薯為最出名，當然系食焗薯啦。今次叫左三文魚蛋沙律焗薯，配沙律，粟米湯和奶茶。焗薯味道一與以往，香軟美味，三文魚加了沙律醬，味道被搶去。沙律份量不算少，伴上芝士碎口感味道更豐富。

蔬菜沙拉有芝士碎和少量烟肉，总体而言非常健康；不知是否因为和焗薯摆在一起，不会很凉。意大利蔬菜汤蔬菜种类也很丰富，味道偏清淡，也没有很浓稠。焗薯是重点！！！大概一整只土豆被焗得软软的，浇上食客选的配菜(我选的是西兰花，不过店家好像在推牛肉)和芝士。和KFC的土豆泥比缺少黑椒汁，但多了土豆的清香，好评配菜西兰花也被焗得刚刚好。整体来讲，口味偏清淡，不会太油，很适合夏天。环境偏现代，几乎没有油烟感，比较舒适。

經過festival walk食lunch見到有super sandwich 就入左去喇不過平日點幾鐘，好多人排隊可能多人放lunch time Super sandwich 除左焗薯之外我最中意都係佢既意粉，同埋酥皮湯！每次都係嗌佢既蜆肉三文魚意粉配埋個蘑菇湯，不過其實飲落又覺得同意粉個汁好似🤦🏾‍♀️下次都係叫返野飲算朋友就叫左個肉腸螺絲粉我地share jor 黎食，不過不失啦！不過下次唔會再lunch time黎，太多人了

我好鍾意食焗薯，可惜香港無咩地方有焗薯食，而呢間連鎖店有好多分店，每次想食焗薯都會第一時間諗起佢！我次次都係叫SUPER COMBO MEAL🤣 因爲太貪心啦，呢個餐咩都有，岩晒三心兩意既我，有凱撒沙律+碎蛋牛角包（記得之前仲有吞拿魚揀）+焗薯+飲品/湯（我就加多少少錢兩樣要埋）佢個沙律可以中和返無咁滯，加上感覺都健康少少，有d菜食下但個包就嫌唔夠新鮮，如果上菜個陣係微暖同脆就更好啦！至於主角焗薯...我就揀左芝士加牛肉，食肉獸一定要有少少肉先開心，如果有咸牛肉就仲正😍

特別的日子，來個特別的早餐係特別貴的早餐今早在九龍塘又一城出現，可試試這兒的早餐🍴落單付款後埋位等食物送上炸魚黑松露炒蛋窩夫炸魚很大件而且有肉脆漿粉不算太厚，新鮮炸起仍保持香脆內熱窩夫只是暖暖的，入口軟身鬆糕口感，不要期望是香脆窩夫那款跟著送上雞扒炒蛋多士，賣相較為普通，似一般快餐店早餐但分別的是…燒雞扒是用日式燒汁做，夠入味而且雞肉仍保持juicy，又不似一般快餐店炸雞扒…炸得乾乾硬身的多士使用麥包(兩片)，感覺清新健康啲最後送上…最重要的…一日之初的"開眼"茶這裏絕對沒有想要的奶茶，但咖啡都可暫代住先今早選了Mocha，而另一半保持一貫作風榛子鮮奶咖啡(skim milk)Mocha(少甜)以為朱古力味會較輕…但這裡確實做到…不失朱古力味仍很濃只是小甜的讚呀！原本過百元的早餐但會員折扣後，一百元有找👏間唔中…嘗試下貴價早餐也不錯吧！

Don't feel like having rice tonight so decided to get some spaghetti at Oliver's. I always wonder why their name says "Super Sandwiches" but the truth is most customers are not there to eat sandwiches. Oh well.......Ordered the G5 combo with spaghetti in dual sauce (bolognese and cream with clam and salmon), corn soup and hot drink. This month as a member I got a free upgrade to an iced tea instead. Got my number and found a table to sit down. Food was served within 10 minutes. Their spaghetti i

When all the other restaurants are still closed in the morning or when you are in a rush during lunch hour, here is the place for a decent quick meal in Festival Walk. Their sandwiches are delicious, heathy with lot of flavours and veggies.    Meal price is very reasonable with a  cup of illy coffee included.   It was definitly a happy meal for me to keep up my day.

十二月頭去了這裡晚餐，吃了費城牛肉配車打芝士醬焗薯伴沙律，還轉了個超級套餐super combo，有埋個碎蛋沙律迷你牛角包，雜菜湯和熱即磨咖啡，這款焗薯好好食，都唔細個，上面有唔少車打芝士醬，芝士味道同焗薯幾夾，沙律是凱撒沙律，生菜都幾新鮮，仲有個細細個嘅牛角包，夾住少少碎蛋沙律都幾好食。跟餐的雜菜湯味1就比較普通，但入面都幾足料，不得不提這裡的即磨咖啡都好香，整個套餐好豐富，價錢在又一城算是很合理，相當滿意，唯獨環境實在太嘈雜，跟朋友談話有點辛苦。

上次食完一次後見到張單據上有個"底單優惠", 14日內既星期一至四可以用$49就食到個酥皮湯套餐, 我見咁抵食, 今日就專登又黎食下! 成個套餐有一客挪威煙三文魚蜆肉刁草忌廉汁拼肉醬扁意粉, 一客酥皮忌廉湯, 仲有一杯飲品. 扁意粉口感唔錯, 呢個意粉唔錯, 可以一次撈到兩種味道嘅汁, 兩種汁味道都唔錯, 肉醬偏甜唔會好鹹,  刁草忌廉汁都幾香, 入面仲有粒粒煙三文魚和蜆肉, 不過碟意粉唔算熱, 只係暖暖地, 如果熱的話會好食好多. 而酥皮忌廉湯就普普通通, 入面係南瓜湯, 味道甜甜地, 塊酥皮偏薄, 焗得唔夠香. 飲品點了熱即磨咖啡, 咖啡幾好飲幾香! $49黎講真係算OK, 可惜呢間晚市時間真係好嘈...環境麻麻地.

好少食super sandwiches, 可能有5,6年無食過，第一唔平，第二唔特別好食，第三唔就腳。咁岩黎又一城睇戲，food court 食到悶，貴野又排長龍, M 記更插針唔入, 有人早有準備剪哂coupon, 就食下啦~coupon set係抵既，$49 已有湯, 有MAIN有咖啡, 完全茶餐廳價錢(晚餐wo)先講下跟餐酥皮湯, 好有工廠倒模出黎既感覺, 個酥皮認真麻麻, 忌廉湯又無咩忌廉味, 好似加左好多水溝稀咁主菜試哂3款, 先係挪威煙三文魚,蜆肉意粉配忌廉汁, 3款黎講最唔好食係呢個, 同樣忌廉汁味道唔好, 但因有煙三文魚所以有返D咸味, 另有點唔夠熱。跟住煙三文魚沙律併碎蛋沙律焗薯伴凱撒沙律, 呢個我覺得係最好食既, 三文魚沙律併碎蛋沙律勁多, 唔會覺得食焗薯好齋, 凱撒沙律還可以。但最大問題係個碟好污穢, 好彩有薯皮唔係直接掂到個碟, 唔係都幾......最後蜜味火腿,車打芝士,蘑菇配意大利包, 就咁睇都覺得好普通, 似屋企都整到既感覺, 無咩誠意最後跟餐咖啡, 賣相OK仲夠哂大杯, 但水準又係一般, 不過預左啦!反而新出既墨西哥包就好好味!料非常多, 汁又配得好食

講下super sandwich 既下午茶，晚市就食得多唔知下午茶抵唔抵。一個是日pasta 三文魚蜆肉白汁意粉 加穌皮湯加一杯熱茶都只係$53，意粉份量就唔多架啦，不過質素係唔錯，三文魚新鮮，唔會有雪藏味，蟯肉同樣一樣，加上creamy的白汁，提升成個意粉的味道；蘑菇穌皮湯穌皮香濃，浸入湯度為湯加了一點色彩，不過同大家樂既分別唔大，唯獨是蘑菇幾chewy, 湯味道濃郁，都算係咁。另外一個係pancake 加brownie，pancake 唔算係厚身果隻，不過勝在麵粉味唔出，都算幾鬆口，brownie就真係太甜了，好似食緊一個極點朱古力咁，唔係好食得甜既道唔好亂試啦。

見落堂同番工仲有一段時間，決定去Oliver食番個Tea＋Lunch叫左個Tea set 三色薯皮加熱奶茶～三色薯皮＋熱奶茶三隻味分別係：肉醬／雞肉／酸忌廉全部都好好味！薯皮熱辣辣，三種口味有多重味覺享受XD 肉醬份量好多，酸酸地好開胃啊～雞肉個個口感好好，配上沙律醬一齊食一流！sour cream同絕配既煙肉架蔥粒，一如以往咁夾！配番茄同生菜，感覺好健康，份量都足夠入面既服務員都好好態度同笑容！環境氣氛都好舒服！下次再黎試其他tea set先