Oliver's Super Sandwiches (Closed)

星期六好耐無嚟又一城咁啱又好耐無嚟呢度食焗薯，咁就一於搵位坐低嘆下先。以前食焗薯我最鍾意叫碎蛋沙律焗薯跟湯同咖啡...食完超級滿足架今次係餐牌到見到“費城牛肉。車打芝士醬焗薯”唔知係新出定我太耐無嚟食已經上架好耐望住圖片超滿芝士 鋪滿住焗薯嘅時候，即時覺得好似係度話食我啦...食我啦咁哈哈！跟餐有埋碎蛋沙律迷你牛角包，磨菇湯同熱咖啡朋友唔食芝士所以最後都是叫碎蛋沙律焗薯...因為哩度嘅碎蛋沙律真的好好味！

是日經過九龍塘～唔知食咩好又唔想去food court，醒起呢度有supersandwich就過左黎食啦～叫左個芝士火腿磨菇包同埋牛肉焗薯，兩個餐都升級左做超級套餐，即係有個主菜之外仲有個磨菇湯或者雜菜湯同埋一杯野飲～個芝腿菇包真係超大個！夾滿哂料，d磨菇多到一路食一路跌出黎～磨菇湯入面都有好多磨菇，個湯都好creamy~美中不足係個包太大，好難一啖咬到個包同所有料至於個焗薯，由於佢有沙律伴碟，就算鋪滿芝士食落有沙律中和都唔太漏～入面有大大塊牛肉，仲有個牛角包添～夠哂飽肚！飲埋杯野飲真係飽到第二朝都唔駛食早餐

今日放工經過九龍塘,見有夏日特飲推出，又好耐無食過，就同朋友一齊去試下。碎蛋焗薯沙律🥗係我的至愛，個薯仔好粉，配埋碎蛋，正。至於沙律菜都係千年不變，正常水平，但就份量好似越來越少，可能百物騰貴的原因😂。朋友的三文魚硯肉意粉都ok,份量正常，如果係男仔就可能會唔夠。至於杯藍色靚靚特飯原來係柑桔🍊梳打，飲落去好清新，夏天成個人醒曬🤩。總括而言，餐廳的食物屬正常水平，價錢合理，有新產品時不妨一試😌。

同朋友3個人原本諗住去食peppe lunch,但太多人廢時等,就嚟咗依度食晏,我地叫咗,Oliver's Master Club×1Norwegian Smoked Salmon and Clams Linguine in Creamy Dill Sauce×1+Milk Tea×1Linguine with Prawn and Herbs in Tomato Sauce×1Oliver's Master Club係公司三文治,真係足料,味道唔錯,有菜有蛋夠晒健康Norwegian Smoked Salmon and Clams Linguine in Creamy Dill Sauce三文魚煮得幾好,個醬冇咩味Milk Tea凍奶茶冇咩茶味Linguine with Prawn and Herbs in Tomato Sauce蝦煮得唔錯,茄汁帶小小新鮮番茄味幾清新

今日要去九龍塘上堂，但係提早左到，所以決定俾自己食個豐盛的早餐🥣行黎行去唔知食咩好，最後決定食super sandwich，對上果次食應該已經係好幾年前既事😂雖然我一向好少飲咖啡，但真係太眼訓唔飲唔得，杯咖啡都正常水準既。個早餐我覺得都OK既，雖然唔可以同真係專門食brunch既餐廳去比較，不過overall每樣野食都合格。個蛋都整得幾滑，唯獨個包硬左少少，咬到太攰所以食左一半就算。如果有心思d個擺盤整得再好d就更加好啦～

有時食太多中菜茶餐廳都好悶, 間唔中食下三文治salad 做下午茶都唔錯呀, 星期六就簡左成日都見既super sandwich 老公簡左煙三文魚碎蛋焗薯, 薯仔唔乾身, 三文魚都好夠味, 下午茶食依個真係岩岩好!!我就簡左烤雞焗薯, 同樣唔乾身, 雞肉都冇雪味, 配埋少少Salad , 份量唔算多, 不過唔使食到太飽要留返個肚今晚晚餐再刷過架嘛跟手叫左杯salt Carmel latte, 我第一次飲, 咸咸地幾得意個味道見佢除左焗薯仲有salad bar, 等我下次又試試先

afternoon chat with friends, found that super sandwich with good seating and certain privacy between the tables. ordered one tea set, that's valued. with sandwiches, pancakes and chicken wings, add 6 dollars for a regular cold drink. total is 62 dollars. you may say that's expensive, but when you know a iced latte is 40dollars then you may think, tea set is not a bad choice at all. this restaurant has table serving. like. I like the most is they will step forward for asking if you need the straw

今早難得早出門，見時間尚早便去又一城搵地方食個靚早餐🥣見food court 既舖頭來來去去幾間好鬼悶都唔想食，好彩仲有間Super Sandwich係商場另一邊有早餐食，一於去試下。可能我早來，所以好像剛剛開舖一樣未有客人，在電子餐牌睇完食咩就去counter order，但佢會畀架機仔你放係枱面，然後會有人送餐。由於未有太多客人，所以份早餐很快有人送到了🌞我點了個魚柳餐，有啤酒炸魚柳🐟(當然唔係用啤酒炸，不過我估係英式的fish and chips的炸法）、黑松露炒蛋同迷你牛角包🥐上桌時果然覺得件魚柳很不錯，先是看起來炸得不會太乾身，size也是剛剛好。黑松露炒蛋也不欺人，起碼不會只有一兩點黑色。吃下去魚柳果然有驚喜😋😋炸得剛好不太會黑、也不太油、魚肉還很嫩而不太很乾。配上的沙津醬是有酸瓜碎粒的，再加一塊新鮮檸檬去配魚柳食，可見是有誠意之作。炒蛋的份量也剛好，真的有點黑松露味道😛雖然未算是還滑的炒蛋，但也順利及格。唯一無甚驚喜是牛角包，沒甚牛油香，似是買回來的大貨，不是自家製的。值得一提是，碟上的配菜生菜、檸茶內的檸檬等都十分新鮮，不會像連鎖餐廳的一早切定放到有點乾，算是誠意之作。

九龍塘又一城係食方面真係冇咩選擇 一係就要去到九龍城個邊,所以每次係又一城都係Super sandwiches 好耐之前有個學生優惠 成日都同朋友黎食 勝在又平又好味 但學生優惠唔知係咪完左 今日都係有事係九龍塘做野 順便快快食個晚餐晚市都幾多人下 見好多返工既人都係到等位 但今日我自己一個好快就搵到位環境都尚可接受 如果要坐底同朋友傾耐計就恐怕唔太得 因為都幾多人 今日叫左挪威三文魚蜆肉意粉 加埋湯同野飲意粉煮到岩岩好 唔會一舊舊同淋個汁方面唔會太稀 個口感好豐富 每一淡都食到三文魚同蜆同夠creamy 汁夠濃痴得住啲意粉湯就係正正常常既白湯 淡淡湯都會食到料68蚊黎講真係算唔錯 諗唔到食咩不妨係女一個好選擇

2人行食吓焗薯先～下午茶時間一入去就有位啦～幾好叫咗兩個下午茶餐：煙三文魚沙律、碎蛋沙律焗薯跟熱咖啡～迷你意大利粉配酥皮忌廉蘑菇湯煙三文魚沙律唔會腥～碎蛋沙律蛋粒細細粒配剛焗好薯仔熱辣辣香噴噴～illy咖啡豆香~ 焗薯配咖啡令一番風味那威三文魚、蜆肉扁意粉配刁草忌廉汁份量剛好～三文魚配蜆肉味道夾～意粉唔會乾～酥皮忌廉蘑菇湯即叫即焗脆皮唔夠脆～如果焗多5秒脆皮層次更鮮明～依家脆皮底層未熟透～湯有好creamy嘅忌廉廉蘑菇味道

晚餐時間到，又一城呢邊話多唔多，話少唔少，都有幾多餐廳選擇，但唔係間間啱我食，有啲係價錢唔啱，有啲係味道唔啱。唔想食快餐店，又想快啲，除咗M記，就係Super sandwich。呢度嘅焗薯幾好食，但我今次只係食普通嘅意大利麵，因為價錢唔算好貴。但係咁就中伏啦，單睇賣相，已經唔係好吸引，只係焗熟咗意大利麵，再喺義大利麵上面加一pat醬上去，食入口，同食頹飯冇分別，啲忌廉醬食落去真係好膩，而且忌廉都唔算好健康，真係好失望呀，有機會唔會再食。

返工好唔開心,心情真係好差!決定哄返自己開心， 食好d!呢間Super sandwiches, 已經食了好多次,因為我真係好鍾意食。一於選個最貴和最邪惡的餐--肉醬闊麵配薯條, 還要配蘑菇湯和凍檸茶。蘑菇湯真是好好飲! 好濃的忌廉蘑菇味!闊條麵的肉醬略為太鹹，如果淡返少少會更好。芝士在麵的上面焗熔了， 基本上係一絕。最邪惡當然是炸薯條，是我喜歡吃的厚身薯條!不過可惜今次炸得不夠脆， 如果脆一些會更好食! 食完開心返了!😄

去九龍塘聽 seminar，順道食 lunch，平時會到 food court，但今次想食一個豐富的午餐。藉此輕鬆一下，再回去工作。想來想去，終於選了這店，很久沒食過焗薯了。我點了個套餐，有湯、有沙律，仲有焗薯 飲了一啖蘑菇湯，驚喜萬分 沒想到這連鎖店都有香濃的蘑菇湯！落足料，絕不馬虎 凱撒沙律的蔬菜非常新鮮，清甜！很久沒吃過焗薯，任何配料也覺得好味 偷閒 relax，很滿足的午餐！價錢稍貴，但食物質素高都值得 ^_^

今日冇時間煮飯，只好帶囝囝出外吃飯。他説一定要去Supersandwiches吃它的Burger 及French Fries，他真懂吃。唯有一接完放學9秒9行去Supersandwiches，因為午飯時間那兒是超級多人，自己一個就無所謂，但要照顧佢就有點困難，要找過好d位置的坐位，方便我排隊買食物時見到他。幸好，早起的鳥有蟲吃，找到了位，可以安心買他至愛的Burger & French Fries及橙汁及我至愛的Club Sandwich。Burgar : 很大份，cheese plus beef plus tomato plus vegetable，有層次，牛肉juicy加fresh tomato更juicy!French fries : thick and crispy!Club sandwich : 也是很大份，vegetable plus ham plus egg，healthy and fresh!很好味的午餐，大滿足。

有時成日去同一間餐廳, 就算日日食唔同既餐, 都會悶。不過, 如果個間係super sandwiches, 日日食早餐我覺得都ok. 點解? 因為佢早餐質素比較好, 環境比同價錢快餐要好, 食得舒服, 坐得舒服, 自然日日食都應該得。今日嗌左以下相呢個餐, 其實食物內容同其他快餐相差無幾,但 super sandwiches 就係有特別豐富既感覺。事實佢又係多個羅宋湯, 飲落好fresh , 朝早成個人醒左。而佢炒蛋好creamy 又唔會好重奶味。 薯餅岩岩好唔會太脆。十分好。