Oliver's Super Sandwiches (新城市廣場三期)

Open Now

Now Closed

見間野明顯係Sell 三文治，咁我就叫左個公司三文治試下三文治的確係幾大份，而且材料都多。不過我要罵既野都好多，首先佢比既刀叉完全無用，雙層三塊麥包你想一個普通市民點樣切？夾硬切只會令入面D料漏哂出黎。比刀叉完全唔知為乜，一D都唔細心。材料係多，但係你食落印象最深既只係凍既生菜芝士蕃茄，最特別係個芝士，根本就係岩岩係雪櫃拎出嚟就求其夾落去比人食。而且入面既肉毫無存在感，你唔仔細食都唔會食到煙肉同雞。個包係暖但係入面D料係凍，成個包比人感覺就係忽冷忽熱又無誠意。真係食到我好嬲連最基本既三文治都整唔好，希望而間野個名可以整走Sandwiches。太失望，唔會再食只會建議想打卡既人去食，想食三文治既你可以唔洗考慮

沙田Super Sandwich着黑衫嗰啲部長由我嚟到走嗰40分鐘都對住下屬呼呼喝喝， 我見全場得嗰兩個白衫待應做到忙到7彩，又執枱、送餐、清潔 ，但係班部長剩係識手指指自己又唔過嚟幫手，搞到我都無心機食飯。作為一間大集團餐廳，到底公司有無定時去每間分店巡查同監督員工? 部長自己都搞唔掂自己，仲有資格管下屬?我嗰晚食咗個黑松露芝士雞肉焗薯，收咗我成$55，味道普通，黑松露同雞肉得嗰兩三粒，完全唔直。我揀餐廳除咗考慮味道仲會考慮服務，我叫個白衫待應攞枝飲管畀我，佢攞到嚟返返過去個白衫待應竟然畀個黑衫部長鬧，叫佢做咩唔叫客人出去自助櫃度攞真係無諗過呢間餐廳唔畀員工提供extra服務畀客人!!!我唔會再考慮再幫襯Super Sandwich甚至大家樂集團其他餐廳，呢間嘢CP直又低，管理人員當員工狗也不如，連錢都唔捨得請人

見呢間餐晚市座無虛席，似乎好似都幾好食，就隨機咁入左試下自己點完餐之後會俾個感應器你放係枱面都特定位置，會有職員幫手送餐～經典公司三文治🥪三文治採用全麥方包，材料都幾豐富，偏乾身但味道都可以費城牛肉車打芝士焗薯🥔個人認為兩者味道非常唔夾⋯食落去有少少想嘔😭😭同埋啲焗薯唔夠熱⋯係偏硬既薯仔唔係薯蓉口感😕最後食左兩啖唔想再食😭作為配菜既牛角包同埋沙律都唔錯既⋯兩個餐都配有忌廉湯，但忌廉湯唔好飲⋯出面嘅罐頭湯更加香口⋯

唔知大家有冇試過好肚餓要去搵嘢食，但係冇幾耐又約咗人食飯唔可以食咁多呢？呢個情況食下啲輕量嘅主菜就最啱喇我就係薯仔同蕃茄嘅狂迷嚟嘅，所以當我見到蕃茄雞肉芝士焗薯嘅時候，毫無猶豫就叫咗呢個餐嚟食喇個份量真係啱啱好呀，食完即刻有飽足感但係又唔會過飽，隔咗兩三個鐘之後食下一餐都冇問題，當然味道都係相當不錯啦

这里的员工的素质有待提高，他们会乱吼乱叫对其他员工，并且态度非常差，看着和听着都让人心里感觉不舒服，希望人事部可以提高下员工的仪容仪表，和基本的服务礼仪，并且希望每个员工在做事情的时候可以秉承着心平气和的态度，员工之间的对话可以让餐厅的氛围看着更加的和谐，而不是急躁，和愤怒，希望人事部可以加强这方面的管理，并且提高员工在这方面的认识，相信如果这方面得到改进，餐厅的未来会更加的美好，希望我的建议人事部可以进行积极的调整，谢谢

好無奈之下食藍店，但係好耐無食過焗薯，所以都係食左本來我唔係叫吞拿魚，係叫左費城牛肉，但係佢落單果時應該落錯左。既然無扣錢，決定硬食。黎到時侯，發現吞拿魚仲吸引過老友個費城牛肉，D肉乾曬，無賣相，我食左舊，仲要好咸吞拿魚就不過不失啦，醬汁唔會太酸，都算好食。沙律菜就少左D咯。。。

其實今次係想讚下佢地既飲品，呢排多左去呢間坐，坐低買杯野飲可以做下野，都唔錯一向有焗薯癮嘅我其實間唔時都會幫襯下呢間呢排發現佢哋嘅朱古力同埋焦糖玫瑰咖啡都幾好飲，所以就幫襯多咗不過唔知係咪太多人，通常都要等好耐，起碼要等三四個字以上， 希望佢哋可以改善下啦

今日中午去了西餐廳吃， Oliver's Super Sandwiches。雖然店鋪名叫sandwiches 但係我要咗炸魚意粉，我覺得好好味同好好食 ，三嚿魚柳燒得外脆內軟 ，好入味 配上軟淋適中嘅意粉 ，仲有三片香葉 ，令碟意粉顯得好清新。

一直都對 Oliver's 嘅焗薯有情意結，響舊鋪位差不多次次都要食，直至關閉，以為它退出新城市，失望咗好耐，唯有去第二間分店食，但次數一定少咗。直到知道會響新城市三期開返，真係勁興奮！當然繼續支持焗薯 🤭 一開始嘅焗薯真係依然好食（如圖）仲連帶中埋千層麵嘅毒 😂但……好景不常……漸漸……焗薯只係暖嘅，上面嘅餡料好少量，伴碟嘅菜得幾片……最嚴重嘅係，試過千層麵面頭係暖，中間嘅粉條未熟 🤦‍♀️ 雖然有換過第二碟（第一時間拮開中間睇，終於熟嘅 🙄），但食慾真係大減。之後再去嘅意慾真係少咗……

店鋪內的食客亦不少，今天不知吃什麼好，最後外賣了一個午餐，有一個傳統意粉和一個熱湯。～卡邦尼意粉奶白色忌廉汁配了惹味的煙肉，吃起來又滑又有𡁻口。意粉是扁的那種，煙煙韌韌，掛上醬汁，味道適中。～忌廉蘑菇湯滑滑忌廉蘑菇湯是用杯載起，喝起來尚算方便。

夜晚喺沙田去咗Super sandwiches食咗個簡便晚餐，驟眼望冇咩人，因為好耐冇食所以就試吓自己叫咗個雙拼扁意粉，汁又少意粉又乾又唔夠熱賣相都非常之唔吸引，值得欣慰嘅係佢俾埋相睇起黎好食；雜菜湯屬於正常水準。因為知道會唔夠食所以仲嗌左個費城牛肉芝士焗薯，同意粉一樣都係凍嘅，除咗芝士同沙律醬之外全部野都係冇味😥朋友就嗌咗個肉醬千層麵，呢個反而比較有驚喜，因為佢係熱嘅，再加上佢肉醬好惹味同薯條好夾，屬於滿意之作😄

之前試咗一次，今日決定再比多次機會。 咁既開頭，好明顯就係失望之作啦。 先講落單，之前好冇禮貌既經理（可能係佢個人風格，但咁既態度，真係🤦‍♀️）我問自選個餐可唔可以改魚柳，正常既會答我「唔好意思呀，唔可以，或者試魚柳個隻餐呀」或者 「魚柳要加錢」，但她回應係「唔可以」。 坐位方面，雖然有膠板，依足政府要求，但似乎太迫啦， 其本上出入都要側身外，坐滿既，巴士企位都闊過佢。食物方面，炒蛋係又乾又細份， 以前我最鐘意法蘭克福腸，可能成本貴轉咗芝士腸同早餐腸，但係兩隻我都試過唔好食。 其實佢不如試下某類食食材貴1-2蚊， 唔好多過3蚊， 我覺得咁係可行。 宜x 既熱狗腸成本都唔係貴好多呀。唯一可讚係送餐個位女士， 佢做咗好耐，以前係新城市地下店時，佢已經係度。 即使送餐或收餐都係保持微笑。 沙田咁多早餐選擇，佢再係咁既level, 真係日日蝕。 而家係要做香港人生意，希望會尊重返香港人口味同服務啦。

好耐冇去沙田喇湊住3個小朋友...行到攰攰地來搵地方食下野休息下咁岩見到Oliver’s Super Sandwiches地方夠大 環境唔錯 下午茶時間有空位二話不說入去坐低啦叫左4個餐 下午茶包熱茶或者coffee其他飲品都要加錢炸魚🐟薯條🍟炸魚同薯條都熱辣辣 炸魚唔會一陣雪藏味 雞扒漢堡🍔配薯條🍟雞扒脆口 咬落唔會勁多油 南瓜薄餅🌮南瓜比較大粒 有少少硬配埋粟米同醬 食落都唔錯既雞翼薯球洋蔥圈雞翼入味 咬落口感比較硬身薯球好油 但味道甜甜的 好味洋蔥圈都好味

夜晚係沙田新城市廣場行完街，就諗住搵野食，點知周圍都排晒長龍，咁岩見到supersandwich 有好多空位，一於就揀呢間。自助機自助落單，揀左個三文治同意粉，埋單個陣部機壞壞地，叫極啲店員都扮睇唔到，態度都幾差。自己搵位坐低後，等部機響會自動送餐，呢個服務唔錯，公司三文治大大塊，睇落吸引，食落都okay,好飽肚。另一個意粉，好creamy, 可以另加芝士粉，三文魚份量都幾多，扁意粉較少見，硬度煮得剛好。餐湯黑松露蘑菇湯好香濃～～

Tea Set有成12款，只有一款係賣晒都可以接受，每隔兩三日嚟一次食都唔過分。叫左T12,意粉配湯$62，一細兜肉醬意粉，或者白汁三文魚蜆肉意粉。三文魚意粉好好通通，鹹鹹地，但係如果大啲就好啦。酥皮湯酥皮夠厚，浸湯嘅話好食！至於豆奶，味道幾特別，唔同維他奶同埋豆漿，係真係西式口味嘅豆奶～雞翼，$12有兩隻，下次應該唔再叫，因為比較細同埋有啲乾。玫瑰花味奶茶，只不過係加咗玫瑰花糖漿，冇乜特別，味道一般。