Oliver's Super Sandwiches (奧海城一期)

Open Now

Now Closed

每天必會拎番份頭條日報睇住坐西鐵番工,印象中, Oliver's Super Sandwiches既優惠卷出現過不少次數.今次, 終於剪左落黎去食喇~這是我第一次光顧Oliver's Super Sandwiche : ) 地方舒適, 食物OK, 印象很不錯呢 $43 包括有酥皮湯, 主菜一客, 飲品一杯 (好抵食!)挪威煙三文魚, 蜆肉扁意粉配刁草忌廉汁扁意粉質地比起意粉硬身一點, 相對更彈牙更有咬口; 忌廉汁厚身, 每一口都可以掛著忌廉汁再加埋鮮味蜆肉 & 啖啖肉既挪威煙三文魚, 煙三文魚有時會過咸, 呢個就唔會 ~~  不錯呢~唯一美中不足是刁草味道不夠突出~酥皮忌廉湯呢個餐最吸引我既係..... 我想飲酥皮湯  果然無令我失望, 未食已經聞到好香濃牛油味, 包著酥皮裡面既係南瓜忌廉湯, 伴著南瓜蓉, 將酥皮吸收湯黎食, 特別正!酥皮湯一定要趁熱渴喔! 熱檸水illy 即磨咖啡SHOP NAME: Oliver's Super SandwichesADDRESS: 大角咀海輝道11號奧海城一期UG06舖

今日又係星期日，同細妹去左食Oliver 的tea set估唔到咁好食，分分鐘好食過酒店的呢2人tea set有3層高第一層有蘋果批同朱古力蛋糕第二層有魚餅，雞翼，炸雞最下層有牛角飽同酥皮盒最多食就系雞翼，d汁多到漏出來，好香好香。牛角飽同蛋糕都唔錯。我地好快就清光光食物好味，可惜我地等左差唔多半個鐘先有得食下次見人小先會再去食

難得早上在大角咀出現,完成公務後就找地方吃早餐,奧海城一期裡只有吉野家、大家樂這些連鎖店,看到同是連鎖店但較少遇上的奧利華三文治,極為西式的早餐款式讓我動心,跟平時常吃的港式早餐的確有點分別,過了上班時間的早餐時間可容易在半開放的餐廳裡找到位置。以一般快餐先買票形式,拿著膠牌找個座位,店員隨即拿來餐具及牛油作預備,很有效率。熱咖啡以ILLY杯盛載,相信都是用上同品牌咖啡豆磨出咖啡,表面咖啡脂薄如沒有,有點像熱朱古力的熱咖啡有陣咖啡香飄來但入口不夠醇厚,口腔裡總算有點香味徘徊,雖則不會延續很久但已經可以了,只配一包咖啡糖個人來說甜度剛好,雖然水準不算很好,早上來一杯也是滿足的。多款美味早餐中,其實以最巨型的那款最合心意,只是時間不容許慢慢享用,選個份量較輕的比較合適。三款雞肉早餐腸、煙燻豬肉腸、早餐腸煎得有點焦香,可是自己分不出那種是那種,只記得紅色腸衣那款口感最脆,一種肉腸吃來有點辣,兩種就有點香草香,肉質爽爽腸衣脆脆的都同樣好吃唷。吃了三條香腸,唯一的蔬菜烤蕃茄可以解油膩,半個新鮮蕃茄略為煎過表面後,本身酸甜多汁的蕃茄肉多了一點點煎過的香氣,灑上點點香草更為好看,鮮茄的酸味令本來有點

昨天想起早前在網上購買黑松露醬未取，為免自己大意忘記掉，趁未到期限翌日到奧海城辦妥此事，不用心掛掛！該店位於一期，同上次到來探望『麥太甜品』相近！取貨後看見Oliver's Super Sandwiches，突如其來想起了焗薯及我的優惠券，剛好兩人肚有點餓立即拿定主意步入{利華}！說起來我記不清多少年沒光顧了，依稀印象在沙田新城市分店吃過幾次！餐廳內沒有客人非常寧靜既輕鬆又自如，我們同樣要煙三文魚沙律拼蛋沙律焗薯，各人一杯咖啡和熱檸茶！ 選擇食物我回到坐位不久便奉上熱飲，熱咖啡看上像阿華田而且味道略淡，難以相信用illy 咖啡豆沖出來，不太好喝！ 記憶中olive's焗薯輕盈小巧，眼前兩個甚有份量焗薯配上兩大球沙律，用$33這個銀碼連飲品絕對超值，沙律中冰凍煙三文魚份量絕不吝嗇亦好滋味，接著是焗得熱乎乎薯仔拌著蛋沙律吃實在無懈可擊，雖然薯仔蛋沙律這種食材很普通，當它們放於一起時，有講不出的美味。簡簡單單的一頓休閒下午茶過後，朝向尖沙咀方向去了！

見悶悶地, 又想食好啲, 搞搞新意思, 去咗Super Sandwiches 嘆番個上等dinner.相比大型連鎖快餐廳, 價錢貴得黎值, 有service, 有環境, 食物味道有誠意, 比貴十幾廿蚊都願呀...間唔中的話!同大爺分別叫咗2個set, 有湯+意粉+熱飲 酥皮忌廉蘑菇湯明知酥皮係好肥, 但都要升級轉做酥皮, 因為唔使錢! 我覺得個酥皮整得太厚, 焗既時間又唔夠, 雖然個湯夠熱, 但係塊酥皮我係可以好容易咁成塊起, 唔夠鬆化. 不過個湯又幾好飲, 夠濃, 夠creamy. 肉醬扁意粉喱度提供既只有扁意粉, 無圓意粉, 我個人鐘意食圓意粉多啲. 個意粉完全唔夠熱呀, 無論係意粉定肉醬, 稍為微溫都無, 對於我食野鐘意燙口既人, 完全唔合格. 我相信如果溫度可以控制番係正常熱度, 好味指數會倍增. 下次再唔夠熱, 實行叫佢翻熱先得. 挪威煙三文魚、蜆肉扁意粉配刁草忌廉汁一樣係唔夠熱, 一睇就知. 賣相係唔錯, 不過味道就唔多清楚, 因為係大爺既, 我自己就唔會叫喱個, 一來唔鐘意食蜆肉, 二來個湯又係忌廉湯, 個意粉又係忌廉汁, 好似食黎食去都係嗰隻味咁, 有啲口味變化會好啲

"技術性失業十天"的第二天，當然把握時間做運動，不然可能會頹到再不想上班。成日都說奧海城其實沒有甚麼選擇，尤其一期。因為有$5券的關係，當然吃一個貴一點的早餐。人手不夠，收銀員是一邊收錢一邊做其他事，所以都排了好幾分鐘才到我。叫了一個"早餐全接觸"，甚麼都有。就像去茶餐廳想試真章要吃"公司三文治"，去茶樓要吃"小炒皇"一樣，可以看到一個廚師的功力、選材、處理。送餐員很有禮貌。衛生都不錯。價錢$29-$5券=$24。沒有券唔抵吃，有券就剛剛好合理。

其實這間「利華超級三文治」的分店，早在開張不久自己便已為它寫了在openrice的第一篇食評，當時對它的印象和給它的評分都不錯，可惜事隔大半年，這次到來吃早餐，卻竟留下一個不愉快的經驗。話說這次幫襯是在周日的早上，大概九時多的時間，來這裡吃早餐的客人卻已不少，可是因為這裡的地方比較細，加上座位又擺放得頗密，令人坐得甚為逼狹。本來這還不算太有問題，但坐在逼狹的座位上，其他食客和侍應久不久便在自己的身後經過，擺放食物的圓桌子又企得不甚穩陣，結果在讓座給人經過的時候，差點兒連擺放在桌子上的早餐都倒瀉在地上。再還不特止，那位南亞裔的侍應還好像是我阻著他一樣，以絕不友善的眼神望了我好一會，實在令人氣上心頭。加上這裡的早餐質素只是一般，又不是特別好吃，就連最基本的奶茶、咖啡也未做得好，但價錢卻比附近的大家樂貴上一截，實在不太抵食，在這種種方面都不理想的情況下，試問又怎能給它一個ok的評價呢！

一直覺得數十多元吃麵包不太經濟，所以很少嚐試這類三文治店。碰巧有優惠券，又經過此分店，便走了進去。從未吃過此店的產品，很想試不同種類的食物。想來想去，終於點了至尊三重奏：包括酥皮湯、煙三文魚及碎蛋沙律烘三文治配凱撒沙律（選了半份烘包及半份沙律），以及特飲（香橙紅茶）。酥皮湯及香橙紅茶屬好味之作，烘三文治及沙律用料新鮮，達到水準，在質素、味道及價錢相秤下，感覺稍貴。

呢個時做入黎食,緊係最少人呢~所以可以任揀坐邊道也可以,買野食付款果陣,那位收銀女職員(年紀唔夠20歲吧)係新黎無幾耐吧,不過佢無打錯資料入收銀機,事關我地只係好簡單點左1份2人餐+2杯drinks only,但凍飲要加4蚊..所以點熱飲算了~我問佢餐飲唔飲紅茶可以飲乜,係由經理幫手答我的~ 我未去享用tea之前,已經上過olivers-supersandwiches webiste搵定食咩好,見到呢款L1 tea set很吸引~呢個價錢相比起旺角新世紀廣場的老富昌cafe的英式tea, $99..........所以呢間的英式tea set真係好抵食,質素又有保証tim L1: Oliver's After Tea (for 2person) with a pot of English Tea $88一上菜果陣係上2杯飲品先~ 熱檸茶紅茶很濃香,3片lemon片,再飲落去有少少澀的味道~呢個下午茶托盤上菜時,實在唔知食邊樣好呢!!個賣相同埋website的menu圖樣一式一樣!實在是太好了~~~100%無誤導成份可言,那個waiter是印巴人士吧~佢無講任何野就放低刀,叉+糖包,可

天寒地凍的早上，半夜起身看罷歐霸杯不久，小休一會，已是飢腸轆轆，飢寒交逼下，想起Oliver's Super Sandwichew剛在奧海城一期開了一間新分店，特地前往享用一份豐富的早餐，慶祝所捧愛隊的勝利。雖已是差不多上午九時，新店確是新店，裡面仍是非常熱鬧，看來附近的大家樂將遇上勁敵了。看看水牌，早餐選擇確是不少，驀然看見當中有一欄寫著「暖笠笠冬日推介早餐」，其中一款竟有「忌廉蘆筍三文魚湯」在內，在只得7、8度的低溫下，這似乎是一個好選擇，好，就這個吧！其實這個盛惠$27的曖笠笠早餐除了有「忌廉蘆筍三文魚湯」外，還有法蘭克福腸、乾番茄炒蛋、半個鮮番茄和意大利包（跟Anchor牛油），加上一杯熱飲，委實蠻豐富的。講到質素，腸仔、炒蛋和麵包，和一般吃到的相差不遠，個鮮番茄就很juicy。那個最吸引自己的「忌廉蘆筍三文魚湯」頗為creamy，蘆筍味很出，三文魚份量就不太多，不過都幾好飲。唯獨是那杯奶茶，淡如開水，始終是這類賣情調和特色的美式快餐店的弱項，總是沒有港式絲襪奶茶那種香濃醇厚的味道。談到服務，可能這間分店是新開張不久，員工人手不足或是未熟手吧，執枱的效率是低的，坐下之後，一直都