Ollies Bar & Grill

Open Now

Now Closed

呢間餐廳喺上環荷李活道，都唔難搵喺正文武廟斜對面。佢嘅午餐要$178，價位算係偏高，不過知道有乜嘢食又覺得抵食喎。好似一般餐廳咁，佢前菜有得揀餐湯同沙律。侍應同我講沙律係自助形式但係要上一層樓去攞，原本諗住怕麻煩揀餐湯啦，不過佢大力推薦沙律吧，就試下啦。行上一層發現新天地，個地方好開揚好靚，沙律吧有好多嘢食，唔只係有沙律菜，連 Parma Ham、Salami 同壽司都任攞，每樣味道都好好，真係淨食沙律吧都已經夠飽！主菜肉眼扒份量都唔細，肉質幼嫩，胡椒汁惹味，伴碟薯蓉又香又滑，好味👍食埋主菜已經好飽，但係仲有甜品，雪糕唔會太甜，幾好。呢餐真係食到超級飽，計落呢個價錢都算值得☺️

中午同朋友食飯，約去上環食。ollies位置就係正文武廟對面，非常易揾路。雖然平時都有去過文武廟，但冇乜留意到有呢間西餐廳。呢次係我第一次去食，見到中午人客算係幾多，餐廳2層都坐到80%。呢度lunch set $178，另收加一，包左湯/自助沙律bar 2選1，main，同埋軟雪糕。我今次就叫左烤魚，而朋友就叫左steak。我揀左餐湯，是日湯係南瓜湯，口感好綿滑，好creamy，完全唔係一般溝粉個隻。雖然salad bar感覺上會抵食啲，因為自己可以係出面夾餸，但我個人覺得碗湯都係功夫菜黎，值得飲。烤魚賣相好好，吱埋啲檸檬汁落去，令味道清新一點。條魚係外面脆，入面好juicy，幾唔錯！我都有食一啖朋友塊牛扒，都好tender。最後杯雪糕其實係自己去部雪糕機度吱黎食，味道方面一般啦。

我們點了Wednesday 的special dinner 牛扒餐(一杯紅酒）及單點一個意粉；我必須說，這是一次非常愉快的體驗。這個牛扒餐非常美味，肉質柔軟，口感豐富，配料新鮮，整個口味非常均衡。而且，它的份量非常大10oz, 兩個人分享，完全能夠滿足我們。此外，這杯紅酒也不錯，能搭配了牛肉的風味及海鮮意粉，使整個用餐體驗更加完美。除了食物和餐酒外，服務也非常好。服務員非常友善，態度非常溫暖，而且十分專業。他們不斷地關注我們是否需要幫助，並確保每一個細節都得到照顧。此外，餐廳的環境也非常舒適和輕鬆，讓我們能夠輕鬆地享受美食和葡萄酒。整個用餐體驗非常愉快，物超所值。總結來說，這家餐廳提供了非常好的食物、美味的酒和優質的服務，讓我度過了一個非常美好的Wednesday Night!

上環返工唔，怕行高D(在文武廟斜對面)，這間餐廳係午餐的一個好選擇。雖然食物不是特別好食，但牲比價高。Set Lunch全部$168+10%，不會這樣加幾十，那樣加幾十。我們選了Salad Bar，Salad Bar設在樓上，如果坐樓下，要行上上面攞野食呀!Salad Bar當天有ancake烤椰菜花西瓜青瓜雜菜紅菜頭芝士烤南瓜三文魚泡菜壽司、牛油果壽司3款火腿蒜蓉包我喜歡紅菜頭芝士和Parma ham。紅菜頭沒有腥味，芝士雖然小芝士味，但好滑。Parma ham不會咸，非常合我口味。同事話三文魚泡菜壽司好味，蒜蓉包好脆。烤澳洲西冷扒配炒磨菇,西蘭花苗7-8成熟的牛，所以硬了點，淡肉味。磨菇和西蘭花苗略油了點，但味道剛好，不會太咸或太淡。蟹肉扁意粉我試了小小，我覺得味道好，意粉軟硬適中。但同事吃全碟覺得太油，事實吃完意粉，整個碟底都是油。摩洛哥羊扒配孜然飯,蒜香四季豆,薄荷乳酪同事說完全沒有羊味。甜品是自助雪糕，可用筒或紙杯。我用了筒，筒好脆，士多啤梨雪巴好清甜。環境舒適。員工服務好好，抵贊。

依間位於荷里活道嘅餐廳喺好天氣襯托下，顯得特別悠閒😌午餐係半自助形式，有任食嘅沙律吧，然後可以點主菜，亦有飯後甜點 - 沙律吧側邊嘅乳酪雪糕~沙律吧大概有7-8款沙律﹑芝士﹑水果等等，鐘意食沙律嘅應該會覺得唔錯‼️.主菜點咗3成熟嘅牛扒，仲記得係澳洲牛，食起黎算係幾有牛味，但唔算好滑！牛肉上面仲鋪咗一堆蔥油(?)，所以整體有少少油膩~另外同事分別點咗雞肉和三文魚，聽講味道都唔錯！

food portion is huge16oz steak bigger than your face.taste ok.good service, i like the young waiter boy.**no complaint.#food #likes #delicious #sweet #bhfyp #vegan #dinner #breakfast #cake #homemade #healthyfood #lunch #foodstagram #healthylifestyle #yum #foodphotography #dessert #foodblogger #foodlover #omicron #foodig #hkfoodpoet #閃電五連鞭

倒數前諗住醫飽咗個肚先，揸車經過呢間餐廳裝修幾靚好似幾有氣氛咁，所以就入左黎食。架車啱啱停定，準備入嚟嘅時候嗰度嘅waiter已經好熱情咁樣歡迎我。仲幫我安排咗一個近窗嘅位置。之後我叫左個beef burger。嘢食到咗之後第一個反應就係超！大！份！大份到一個人應該食唔晒，超級抵食！薯條啱啱炸起好脆好好食，個burger好足料，一啖都咬唔晒個，食材嘅味道都夾，塊牛好juice超正！下次帶埋朋友黎先🤣

放假的時候, 很喜歡去休閑的地方嘆一個下午餐今日周圍遊, 沒有刻意安排去那間餐廳用膳, 反而這樣才有驚喜, 到處逛到處遊, 走到有心水的餐廳, 刻意再看看餐牌, 就選定這間了鮮果楓糖漿班戟配雪糕🥞水果非常新鮮, 班㦸很鬆軟, 加上了糖霜, 賣相很精緻牛扒蛋早餐（8安士西冷扒）🥩意想不到牛扒很好味, 口感不錯、份量有點多, 配菜新鮮士多啤梨奶昔🍓濃濃的士多啤梨味, 很香濃很香滑的奶昔餐廳出面可以泊車, 位置很方便這間餐廳可攜帶寵物

成日都話幸福黎得太突然，但你有無諗過幸福雖然唔係必然，但你可以去尋找，正所謂人係無甘容易死既，但死起上黎真係好容易，所以要把握機會，男人黎咖麻，拖拖拉拉實食齋，扭扭另另正乸型。一於你有你拼搏，我有我揮霍，呢間「Ollies Bar & Grill」grill完再chill，chill完再grill，你話幾寫意呢？👇📌S T A R T E R S -▪️ PAN FRIED · SCALLOPS - $188▫️ 先黎個「香蒜帶子·南瓜泥」治癒一下先，一碟四粒原粒帶子，SIZE夠哂厚肉，外層稍為煎到帶少少焦香，食得出係新鮮貨，肉質爽口嫩滑，加埋底部南瓜泥，將成個鮮味帶出，好食！📌S A L A D S -▪️ BURRATA · HEIRLOOM TOMATOES - $170▫️ 賣相好似小籠包既「布拉塔芝士·番茄」，一咬落口感清爽，再配搭成個大量新鮮車厘茄、橄欖油、意大利黑醋，連埋沙律菜一齊食，整個感覺相當開胃。📌P A S T A -▪️ SPAGHETTI · VONGOLE - $160▫️ 從未試過嗌呢個「香蒜白酒·蜆肉意粉」D大蜆係多到食極都有，而且份量係相當驚人，足以應付三個人食。

中環Ollies Bar & Grill的沙律屬於自助式😋 食物選擇很多，有蔬菜🥬 芝士、橄欖、醃火腿、牛油果壽司、法包、藜麥等等。主食點了烤牛扒，很厚身呀😍 軟嫩多汁，配搭的半邊焗薯沾忌廉，入口好溫暖😚甜品是帶柚子味的芝士蛋糕，超好味！且回味無窮🤤 小小一顆，配上大大的盤子，即便是這麼小顆的甜品也很講究擺盤哦！順帶一提，這裡是寵物🐶🐱友善餐廳，地下有半開放式座位，當天就有隻chow chow趴在座位旁邊曬太陽🌞❤️

喺中環要食個set lunch其實好難搵到百零蚊就搞得掂 仲要有性價比 就難上加難今次呢間係朋友推薦 佢話一直好想試吓 我哋就趁lunch來一個小聚❤️餐廳係對住馬路 如果唔閂門嘅時候就會好嘈 要揀偏入面嘅座位先可以細聲傾偈 但另一個好處就係陽光好充足 上晝做嘢超級忙嘅話 就可以喺lunch到有個little break, 享受一下chill嘅感覺～前菜有一個湯跟小麵包 主菜因為我哋兩個人所以一人揀咗一個再share食 首先係七成熟牛扒配薯條 因為對黑椒敏感 所以我哋特登轉左一個honey mustard sauce! 為呢個牛扒同埋薯條生色不少 第二個主菜我哋就叫咗魚 佢個皮煎得幾脆不過因為呢一個品種我哋兩個都唔太鍾意食所以都會覺得牛扒好食啲除咗主菜之外 佢哋仲有埋甜品🍮 係一個小型嘅芝士蛋糕🍰 食落幾有驚喜 而且士多啤梨好新鮮超級甜！

⿻⿻ 𝘖𝘭𝘭𝘪𝘦𝘴𓏲𓏱𓏭𓏭今次去呢間係荷里活道嘅澳式bar & grill 𓉱環境已經好有外國feel 鋪頭有雙層 樓下係半室外嘅設計 陽光充足加上悠哉嘅氣氛 好啱週末去歎個brunch 睇圖一就知沙律份量超大！其實所有嘢食份量都好大所以嗌嘅時候可以留意返(੭˙꒳​˙)੭火箭菜沙律賣相又靚又健康 石榴籽同番茄超級fresh 仲有好食嘅大啡菇牛扒係16oz嘅澳洲牛臀肉 肥瘦啱啱好 叫咗medium不過出嚟熟咗少少 side包埋薯條同沙律佢地啲早餐都好多款 叫咗brekky bowl (圖四) 有hummus有halloumi cheese仲有兩隻poached egg 食完好滿足雞肉番茄牛油果多士(圖五)都意外地大份 多士焗到脆卜卜 加上溶咗嘅芝士同足料雞肉好正～𓏲𓏱𓏭𓏭Rocket parmesan sun-dried tomato & portobello mushrooms salad $170Australian D. Rump $268Brekky bowl $148Chicken, tomato & avocado toasties $110

之前同朋友盲舂舂喺上環搵嘢食結果揾到寶！嗰陣時仲係聖誕節，而佢嘅Menu間唔中都會轉下首先我係嗌咗佢嘅沙律做starter沙律吧雖然唔算好多選擇，但勝在質素真係OK！跟住就嚟到戲肉，烤肉眼扒啦叫左7成熟，扒肉質好軟熟又juicy!印象中唔使15分鐘我已經成塊扒食晒反而薯條質素就有啲參差我嗰份就落得太多鹽 而朋友嗰份就太少，搞到勁淡但都可接受啦最後就上左檸檬芝士慕絲做結尾 酸酸甜甜 拎黎refresh番成餐飯嘅油膩感一流～

外面近門口既位置好開揚，帶🐶既可以坐呢度。假日早餐供應到4pm, 好多選擇，足足有2頁。 不過早餐只係得野食，唔包野飲，如果叫埋野飲，人均消費接近2百，價錢算略貴。 野食份量都幾大，賣相好精緻，味道都好好，基本上都冇咩野可以挑剔。服務：都唔錯，refill水幾密下。衞生：都ok, 上手走左之後執乾淨抹好枱先叫我地坐泊車：下面街有錶位，但都幾full, 或可以泊對面馬路望住食，不過當日(星期日)見呢頭都抄得幾密，要小心

第一次叫午餐試試，這個蜆肉意粉好大盒$160，蜆肉大粒，意大利粉好多，牛油白酒蒜蓉汁，酸酸地，再加以辣椒，有點兒辣，但十分野味。外賣送到還是暖暖的，值得一贊。好味！