老夫子餐館 (Closed)

藤野美子♡第三篇食評細個嗰陣，我成日嗲老豆買老夫子比我睇我諗個陣既我得7到8歲點解對老夫子情有獨鍾？到而加我都未搵到標準答案比自己，可能系有時八格漫畫又冇字，當時我細細個又睇得明啲漫畫想表達咩就比佢吸引左。如果你地有睇過老夫子，一定知道最後會有小朋友既畫畫，我當時系成日畫畫就系為左寄信上去，可以系上面見到自己既畫，果然，真系有日比我等到有我既大名同自我感覺非常良好既畫。對於老夫子，我只可以講有種非常親切既感覺，吾通。。。。佢系我前世既老豆吾好意思，廢話多左正題黎啦～上星期有日同家姐day off ,諗緊去邊食好西，我就醒起曾經搭車經過見到老夫子餐館，個陣同男朋友講想黎，黎到2046都未去到😒🙄🙄🙄🙄終於同家姐去左，當日我地揀左lunch time 時間去，因為近地鐵站又系門口位又系地鋪，所以非常易搵重點系大大個老夫子企系門口，想搵吾到都難一入到去原來要上一層先到，但我已經企門口企左十分鐘先系上去因為太興奮！！沿住樓梯都有老夫子既佈置，真系好吸引，上到去見到老夫子，秦先生，大蕃薯！系咁影相！重點平日中午時間吾太多人，所以慢慢影迷妹影完之後就入餐廳。點解咁靚架？！不無天花板，櫈，牆，連餐具

老夫子漫畫我由細睇到大，既然朋友講起有間老夫子餐館，咁一定要黎捧場啦! 原來比想像更加好睇又好食，場內仲有王澤先生既親筆簽名! 不枉此行！ 菜式方面都好有心思，全部用上老夫子漫畫常用的四字標題，仲可以一邊諗食咩，一邊同朋友仔估下係咩食物添! 我最中意呢度法式焗田螺配薯蓉，牛油味濃，又香又滑，好好食!至於呢個蜜桃水果花茶都好推薦! 除左盛載的器皿非常吸睛，份量亦十分足! 一路食一路飲都夠! 仲有大大塊的水果可以食，唔會過甜而且好新鮮，健康又抵飲! 甜品方面，如果多人一齊食，必叫呢個招牌火焰雪山!好大份! 香濃的慕斯內藏厚厚的雪糕，勁好食!最特別係上桌時侍應點火的一刻!全場矚目，好似睇左場精彩表演呢！影相位啊哈哈! 食飽後大家都影左一輪相先捨得走，因為呢度裝修真係好靚，處處都有老夫子的蹤影，fans一定忍唔住周圍影! 仲有不少實用又精美的紀念品可以買呢！

親友從外國回來，指明一定要試老夫子餐館! 原來佢一直有睇開老夫子漫畫，最近喺網上知道開左主題餐廳，見到d裝修咁靚，未返香港已經期待左好耐呢！今次叫左好受歡迎既招牌火焰雪山，份量比想像中大，叫得火焰雪山，當然有火啦，看侍應點火的一刻，大家都覺得好刺激! 微焦的幕絲和香軟的雪糕，混在一起頗有冰火二重天之感，非常可口! 另一道甜品是夢幻雪山-棉花糖雪糕，擺盤十分有趣，是很大的一捆棉花糖蓋住雪糕球。大家吃的時候一起撕開來，玩得又食得，開心!飲品是柚子鮮果冰茶，比想像中大壼，即使和朋友一起分享也很足夠。水果食得出是新鮮的，不是那種放了很久的罐頭，味道天然，清新好喝。估到呢度門通向邊度嘛？答案是女廁! 真係去廁所都要欣賞多兩眼!呢度d裝修好精緻，務求任何角落都有老夫子~令食客更加投入漫畫世界呢！親友都表示十分滿意! 仲話會叫埋外國d朋友去香港都要黎食~

見好耐無食過老夫子，又再黎呢度，但今次約埋朋友黎食Lunch。呢度係老夫子主題餐廳，連個餐牌都係老夫子個樣。真係坐度邊，都有老夫子同佢既朋友陪你食飯。Lunch Set有呢啲，都好多種類揀，仲有牛扒，當然係我最愛！點咗呢個飲品，跟餐加HK$18，係熱情果鮮果冰茶。佢另一個名叫做「十萬火急」！XDDD就連個茶都好有心思，生果另上，俾你加入個冰茶度。而且，就算粒冰都係有生果架！咁樣飲，就唔怕啲冰融咗，令個茶變淡味啦。餐湯，我哋都揀咗白湯，即係忌廉湯。而個包包，就好鬼軟熟，也是這裡值得加分的地方。絕不晬雪到硬一硬又唔好食的餐包哦～兩個都係牛魔王，所以點了兩款牛的Lunch Set！呢一味，係「板燒美國西冷配薯菜」，HK$98好似Lunch會覺得貴？但牛既質素絕對令你覺得值！因為牛扒好靚，而且夠晒大塊呢！夜晚都黎食過，同Lunch一樣質素的牛，但Lunch Set價錢平一半有多哦！你睇，半成熟度剛剛好，也是最好食的時候。不會韌，夠Juicy而且多肉汁。而個薯菜，也不是一條條的薯條咁簡單。反而係紫薯波波呢～～另一款，係這個和風一口牛，呢個仲抵！HK$68咋！超抵食！而份量都唔少架！用上和牛，但係

今天跟2位朋友到位於太子的老夫子餐館食晚飯。先上一層樓梯，門前擺了老夫子，大蕃薯的公仔，可供食客拍照。整間店是以黑白色調為主，並以老夫子中的角色作裝飾，桌子椅子，牆壁以至天花板，到處都是拍照點，像是走進老夫子的漫畫世界。是裝飾得很不錯的主題餐廳。餐牌DIECUT了老夫子的剪影形狀，非常可愛。我跟朋友2個人，點了2個主食：咖喱蔬菜飯，鐵板燒雞。飲品是熱玫瑰果茶，熱MOCHA。還點了2個甜品：店舖的招牌火焰雪山及焦糖吉士布甸。先說說主食，咖喱蔬菜飯，擺盤非常誇張大的一碟。咖啡汁微辣，不過不失。朋友的鐵板燒雞配薯菜，燒雞肉質嫩滑，大份又抵食。薯茸微甜也非常好吃。至於甜品側是讓人非常驚艷，這是我首次吃火焰雪山。火焰雪山上桌時，侍應先把我們座位的燈光調暗，再把預先準備好的液體淋上雪山上，即產生一些火焰，場面很浪漫。雪山外層是厚厚的蛋白，裡面有一層蛋糕加上結實的雲尼拿雪糕於底層。雪糕很好吃，份量非常巨大，2個人實在吃不下。建議多些朋友分著吃。最後不得不提的是熱果茶，水果先用杯子盛起，而茶則是用一個很大的試管狀器皿盛起，現代感十足。熱玫瑰果茶甜甜酸酸十分開胃，推薦給喜歡喝果茶的朋友。

今日係結婚紀念日老公話好想去試試老夫子餐廳，聽落都已經有啲“耐人尋味”。我本人沒有特別喜惡，只是對佢選擇於紀念日去覺得有趣， 既然我倆都未去過就順他意思去試試看，就當係去一個平平地嘅主題樂園。餐廳位置在太子樓上舖，唔算太顯眼，不過除非你唔係香港長大，對老夫子一無所知，如果唔係無可能走漏眼。上到樓梯，兩個人兩對眼都被餐廳的裝修及佈置擺設吸引住了，難怪我老公會那麼興奮要到這裡試試，真係兒時回憶返晒來，食物選擇就原原全全係茶餐廳菜式，同的早/午/特/快餐囉。坐落先知原來其實係金記冰室的另一分支店，主題餐室食裝修就自然對食物無乜特別要求，不過價錢始終要貴過一般茶記再坐耐小小就發現依度真係俾一班好似我吔咁嘅kidults 來玩嘅老夫子主題餐廳，店內有很多老夫子漫畫，到處的裝飾都可供各食客拍照，我倆亦玩得好投入，如大眾同好拍照不斷過足癮。因為當日早去關係所以冇打算訂枱，抵達時亦剛好有位，但坐了不久踏入午餐時間就開始人多，原來大部分客人都有訂位的真係有啲估佢唔到，有啲重係遊客𠻹老夫子果然名不虛傳，但係食物絕對唔係依度嘅主打，餐廳的公仔同裝修先係真正賣點所以唔好對食物有任何特別期待。

一個人食LUNCH 真係冇乜選擇~~剛巧行開太子, 見到老夫子餐館好似幾特別, 仲有好多款午餐選擇!!!佢地既 lunch 價錢唔算太平；勝在款式多, 野食種類都多元化!!!午餐有跟餐湯, 我就揀左羅宋湯~~仲有餐包喝埋!!!!餐我就揀左和風一口牛(跟飯)個飯既份量都幾多下, 仲有好多粒牛柳粒架!!一口牛咬落軟淋又JUICY, 又唔會太油身;水準幾好wor, 仲跟埋洋蔥同菜粒, 肉同菜都均衡~跟餐仲有埋餐飲, 加$18可以轉特飲添;呢度既食物質素同價錢係成正比, 間唔中食貴少少對自己好D 啦~

我諗喺香港地，老夫子算係人所皆知嘅卡通人物，知道佢開咗餐廳就自然好想去，耐人尋味下都好呀。一上到去都估到會有好大隻老夫子喺度恭候大家， 咁啱到咗萬聖節仲有萬聖節版本添。舖頭外仲見到啲老夫子公仔可以購買，隻大番薯都真係幾得意，之不過我又唔想抱住個老男人瞓覺囉，就算要抱都抱陳小姐下話。內部嘅裝修都幾現代化，如果唔係用老夫子，而係一啲現代藝術畫作，我估大家都以為係高檔西餐廳。你咁樣望住我會唔好意思食嘢囉～另外有一間好大嘅房畀一班角色包圍，睇到有啲眼花添。仲有架好啱小朋友坐嘅車型餐區，隔開班小魔怪一流呀﹗係時候叫嘢食，個餐牌都係老夫子嘅嘜頭，果然係主題餐廳。另外萬聖節自然有應節嘅菜式啦。 揭開餐牌第一件事係搵下耐人尋味喺邊同係咩，原來佢係瑞士汁乳鴿一隻，究竟兩者有咩關係呢？實在係耐人尋味。其他菜式名同食材一樣近乎完全無關係，純粹玩味性質，當學下四字成語吧。 先叫杯嘢飲，呢杯係道高一尺（秦先生玩意：菠蘿黑鑽石特飲），咁其實黑鑽石即係涼粉，雪碧菠蘿涼粉飲落唔會有咩特別，但有大大個棉花糖喺上面，呃吓like係唔錯嘅。叫坐享其成嘅瑞士汁牛河，同干炒牛河唔同，瑞士汁牛河屬於濕炒河，其實我就鍾意干炒牛河多

老夫子漫畫真係可以話由細睇到大~~宜家係太子竟然開左間【老夫子餐館】就趁宜家唔駛返工就去回憶一下!!!一上到黎門口, 就已經見到老夫子受大番薯係門口迎接我~~真係特別有親切感!!!平日下午黎到唔算好多人;咁就可以慢慢坐食個 LUNCH 啦~~我就點左呢杯【一飛沖天】, 即係熱情果鮮果茶 (熱) 佢另外會有隻杯放埋生果比你倒D 鮮果茶, 令到鮮果茶更出味!!而且佢既味道酸酸地, 唔太甜, 幾清新下"*不能吃牛既我, 就點左【世外桃源】即係焗豬扒飯~~因為即叫即焗既關係, 所以製作需時;出黎既賣相幾好, 熱辣辣咁!!!份量都幾多下, 茄汁都好多~~最貼心既係佢既豬扒係已經切好哂, 方便進食;豬扒好淋身入味, 唔錯"*呢度仲有CAKE 食架添~~我就揀左特濃朱古力蛋糕;半硬身既蛋糕質感, 朱古力味都算濃郁!!!為整個午餐畫上完美句號~~

第一次同朋友黎，原來是漫畫主題餐廳！四處都是老夫子角色，十分搞笑。一到了的便叫了個水果茶！好精美呀！而且味道十分的好！不太甜，還有濃濃的果香。推薦！小吃是炸魚手指，還有美味的薯格。主食則叫了燒春雞，味道不錯！香橙梳乎里，上面有老夫子的圖案！質感柔滑很好吃，個人覺得這裏的甜品都很不錯的樣子，一直在menu選擇困難。我最喜歡我認為最值得一提的是，火焰雪山！吃之前會先關燈看火點下去的樣子。外面是很柔滑的蛋白，內有一點蛋糕和雲呢嗱雪糕，好看又美味呀！超級推薦！由於我們去的當晚是平日，所以立即有位，店員親切，食物性價比很高！

九月才跟友人即興到港式扒房過口癮，一圓留美學生回味道地特色的心願 揚起餐巾遮擋飛濺油汁，淋上醬汁時細聽咋咋聲，正是港式扒房有趣的地方打從小學之後就沒有相關記憶， 然而當時的巨型牛扒只有外觀算為吸引，那霉腍鬆散的質感實在教人不禁恭維用餐過後，暗自決心與那家連鎖扒房告別，這不代表我們就此放棄港式西餐 深知港式扒餐通常用料普普，對入木三分 $198沒有極高期望，僅求正常可入口 見友人出盡力切分五成熟的西冷牛扒，誰知吃起來只是微韌，未會實如橡膠中心仍保一點粉嫩肉色，不膻不腥，至少回應了我們希望食物正路的想法 不忘老夫子的名物坐享其成 $88，即是瑞士汁牛河，色澤濃潤，甜香誘人牛肉腍柔不霉，保有滑牛嚼感，無腥膻，調味後亦屬甜而不膩誰料我們失了算，及至河粉放涼仍未撈拌，導致結塊又未能均勻上色沾味，可惜 免去三心兩意的難題，直接選擇足以分享又不至飽滯的得意忘形 $118 香橙梳乎厘製作需時，需待約廿分鐘，建議分秒必爭的話，不要待飯後才下單 不像坊間所謂大件頭梳乎厘般震撼，光滑表層烘至香口濃味，其實是我最愛的部分 當然細緻綿密的焗蛋白也不俗，橙味不會太嗆口，就是油了些少，但又未到膩得難當

早幾日同fd一齊去試下間聽左好耐未去過既老夫子餐廳，之前都去過下其他主題餐廳，但佈置真係差好遠~e間真係裝修得好正，連窗同櫈都係老夫子，如果係fans真心正~!幾個人食，當然叫左前菜先~芝士焗薯皮，比想像中少份量，但都幾大舊，芝士好多但唔漏，焗得剛剛好~!然後係炸手指魚，好味~~~炸得剛剛好，唔會太硬，入面d魚肉唔會太乾身，唔多粉，啖啖肉~而且係配薯格~~薯格超好味~!!!btw, e碟份量好多，好多隻手指魚~~~超抵食！e個不得不講！最近好想食乳鴿，黎到發現有，即刻叫！第一次食瑞士汁乳鴿，都幾入味，而且隻乳鴿難得幾多肉~~沾埋鹽食一流！主菜就係羊架！！中意食羊一定唔可以錯過，好有羊味，d肉唔會太韌，燒得剛剛好，好味道~~~~!最愛e碟菜！飲品叫左柚子鮮果冰茶，好大杯!!<<e點超得我心~而且好靚，岩影相~飲落口清清定，可以去膩~黎得點少得叫甜品~~個火焰雪山，本來我都係諗住叫黎影下相，味道冇乜期望~但係原來白色個d唔係cream係蛋白，食落唔會覺得好肥，而且層蛋白唔算好厚，入面係好大舊雲呢拿雪糕！我已經對雪糕冇乜興趣好耐，但e個雪糕好味！有d hagandiz雪糕既感

話說老夫子餐館新開業時，已經好想去試， 但無奈真係太多人，我都唔好意思叫朋友陪自己等，直到今次終於可以一嚐 (因為今次book到枱)，一入餐館， 彷如進入了時光隧道，童年回憶湧晒出嚟，餐牌上的食物名好攪嘢，食物份量亦夠大，至於味道就一般般，唯獨飲品同甜品夠特色(影相呃like 一流)，但最唔滿意的，就係因趕住收枱，我哋主菜仲未食完，便上梳乎厘，攪到好好哋一個朋友聚會，最尾變咗鬥快食比賽餐牌殘舊，建議定期更換豬扒幾入味羊架味道嘛嘛冇乜羊味好好味] 茶壺好特別朋友講笑話似……賣相吸引，引到隔離枱d客人都借來影相，但可能綿花糖太大嚿，所以倒汽水時，有d論盡！濺到瀉晒夠新鮮生日牌加$50不是問題，問題係錯字呢盛惠😅

老夫子可說是伴我成長的卡通，以前放假總喜愛在家看老夫子的漫畫，幽默而且不沉悶。之前聽說在太子開了老夫子餐廳，一直都好想去，又怕人太多，所以待熱潮冷卻後才第一次來。店內四圍都是老夫子的產品，除了甜品外，還有各式各樣的精品出售，每個角落的佈置都不一樣，還有些特式座位。菜單選擇好多，而且菜式的名字亦較特別，是從老夫子的漫畫中命名。種瓜得瓜 $48 是老夫子南瓜湯，味道非常討好，有濃郁的南瓜味，入口感覺好Creamy而且不膩。果茶及花茶系列連中三元 $46近來戒了凍飲，所以點了蜂蜜玫瑰果茶(熱)，茶壺的造型好特別，茶味甘香而不苦澀。耐人尋味 $98瑞士汁燒乳鴿(1隻)，小小的餐廳內竟然有乳鴿吃，乳鴿炸得鬆脆可口，肉質不鞋，沾上鹽粒更加美味。百發百中 $80法式焗田螺(6隻)，田螺口感彈牙，而且底下的薯蓉好入味，超香甜的。順手牽羊 $198烤紐西蘭羊扒，選了七成熟，黑椒汁配薯菜，羶味突出，入口羊肉好嫩，份量亦好多。坐享其成 $88瑞士汁牛河，牛河炒得乾身及濕潤度適中，瑞士汁味道較為甜。獨一無二 $48焦糖吉士布甸，焦糖外層香脆，布甸入口滑溜而且充滿蛋香，吃完好滿足。餐廳無論設計，以及食物質素都不

出賣年齡系列！老夫子漫畫！唔好話我知你未睇過丫！平時好少會介紹卡通/人物主題餐廳，因為覺得真係好唔抵食！明明同一樣野（尤其係食咖哩飯嗰間呢），純粹砌到個樣唔同，甚至只係加塊公仔牌就收貴幾十蚊！不過今次依間老夫子主題餐廳撇除咗童年回憶 呢個因素外，佢嘅性價比明顯俾一般高，而且食物款式夠多。帶大家上樓上睇吓啦！上到2樓轉身一望，你會見到好多由漫畫封面改製而成嘅玻璃窗！都真係幾懷念⋯記得我最早期接觸老夫子嘅事後，本漫畫嘅紙質係好似草紙咁嘅。到後期轉咗釘裝同紙質，頭幾頁仲變咗彩色添！不過我記得連價錢都貴埋，所以慢慢就無再買喇！門口前面已經有經曲角色，老夫子同大蕃薯嘅公仔俾大家影相！係喎⋯秦先生呢⋯入面嘅裝修同設計亦明顯花咗唔少心機！上至天花；下至坐椅，都加入咗老夫子入面嘅元素！牆身上嘅壁畫更加係細緻得驚人！而近門位置就有一部「仿」車！絕對係影相位！入少少嘅位置仲有幾格浪漫嘅卡位添！就連餐牌，佢地啲菜式名都係用四字語/成詞起名，真係會令我諗返起本漫畫！所以記得要留意埋佢地嘅餐牌！餐廳有好多舊式茶記常見嘅野食，例如：龍爭虎鬥 ( 瑞士雞翼 )、坐享其成( 瑞士汁牛河 )、世外桃源 ( 焗豬扒飯 )