老夫子餐館 (Closed)

老夫子漫畫我由細睇到大，既然朋友講起有間老夫子餐館，咁一定要黎捧場啦! 原來比想像更加好睇又好食，場內仲有王澤先生既親筆簽名! 不枉此行！ 菜式方面都好有心思，全部用上老夫子漫畫常用的四字標題，仲可以一邊諗食咩，一邊同朋友仔估下係咩食物添! 我最中意呢度法式焗田螺配薯蓉，牛油味濃，又香又滑，好好食!至於呢個蜜桃水果花茶都好推薦! 除左盛載的器皿非常吸睛，份量亦十分足! 一路食一路飲都夠! 仲有大大塊的水果可以食，唔會過甜而且好新鮮，健康又抵飲! 甜品方面，如果多人一齊食，必叫呢個招牌火焰雪山!好大份! 香濃的慕斯內藏厚厚的雪糕，勁好食!最特別係上桌時侍應點火的一刻!全場矚目，好似睇左場精彩表演呢！影相位啊哈哈! 食飽後大家都影左一輪相先捨得走，因為呢度裝修真係好靚，處處都有老夫子的蹤影，fans一定忍唔住周圍影! 仲有不少實用又精美的紀念品可以買呢！