安利魚蛋粉 (Closed)

又試兩父女去撐枱腳，今次去左筲箕灣東大街試下呢間魚蛋粉。行到街尾已經見到好多人係度等位，約莫等了15分鐘就有位了，坐位比較迫，但無所謂啦，個個都係食完就走我食牛腩魚片頭米粉，爸爸食片頭腩撈粗，再加一碟炸魚皮，一碟油菜，每人一支可樂，媽咪一去旅行，我地兩個就作反了爸爸話佢個撈粗的粗麵有啲醎，所以加左少少上湯去撈黎食，中和返醎味，亦變得無咁乾身魚片好味，無碎骨，好彈牙 牛腩無渣，一啖咬落去軟淋淋，略帶少少肥膏 炸魚皮好脆，就咁食都唔太醎

去第三次先成功食到因為佢夜晚七點就收不過又一次証實太大期望食完會覺得只係嘛嘛地TEA TIME去, 冇咩人入到去比想像中光鮮+大我叫左柱侯牛腩河老公叫左魚旦河我地食完都覺得冇咩特別, 只係OK, 唔算好食辣椒油好辣好香走時見台台都食撈粗, 可能因為我地冇叫撈粗喇

好多人排隊.. 所以都係外賣叫左碗片頭坑腩撈粗.. 坑腩今次無平時咁好食.. 有 d 靭.. 不過撈粗幾好食

咪咪嚤嚤又攪到三點三, 揸車回家途中, 想起已有一陣子沒有吃安利, 一扭呔便落到東大街了...講開又講, 編輯先生知唔知安利其實有兩個版, 一是, 另一個是, 店鋪相片是一樣的, 編輯可否將二合為一? 講番今日, 食咗個切腩撈幼, 冇叫片頭了, 我反而想真d牛腩, 撈麵依然咁美味, 可惜今日的切腩則麻麻, 太瘦無乜肥, 落有點鞋... 只有慨嘆今天切腩切得唔夠靚吧!

The shop probably was too proud of its history and brand recognition; it did not care about its/her customers or visitors at all. From sitting there for about 30 minutes, we observed that the waiter and waitress were all trained with really rude service attitude. There were visitors of old woman and tourists; they shouted to their customers and forced them to sit in a very crowded table. The tone was rude and loud.The fishballs were good; the noodle was not bad; but the services or attitude was

我的最愛~安利~如果要食佢好美味o既崩沙腩就要係朝頭早十點前去到遲左o的崩沙閃晒唔關我事~崩沙腩~肥瘦式中超美味, 仲有佢o嫁~辣豉油~又香又辣~正到不得了, 哈哈哈哈~o羊都唔洗講...我就每星期起碼食三次, 佢已前有兩間舖o嫁, 不過舊舖加租冇做啦, 記得去新舖~慢慢排隊~啦!

星期三，天氣晴朗無雲。筆者特地放半天假，陪同太座往東區醫院作例行懷孕檢查。BB女於媽咪肚入面已經五個月了，身體發育一切正常，可以放心。檢查完畢，是時候解決生理需要，應太座嘅要求，到筲箕灣食麵去。到筲箕灣食麵，「安利」係必然之選。早上十一點幾，人客不多，好容易就搵到位坐。搬了新舖位，係舊舖嘅斜對面，地方寬敞了，燈光亦通明了。也是點了一些耳熟能詳嘅名物，如片頭坑腩撈粗、奶油多及奶茶等。片頭彈牙，金黃色嘅外衣亦甘香；坑腩嘅腩肉、牛筋一層叠一層，充滿牛肉香味，加上牛筋嘅爽滑，是人間極品，嗜牛者不可不吃；撈麵依然保持水準，麵條表裡色澤如一，証明撈得十分均勻，麵條亦有咬口，上乘之作。伴碟嘅清湯鮮甜味美，入口便盡是大地魚肴出嚟嘅湯味。奶油多平面面積比一般的少，但麵包較厚身，而且絕不吝嗇牛油，整塊牛油是密密鋪在多士上。多士沾滿了煉奶，加上牛油嘅微鹹香，令人愛不釋手。再來一杯香滑嘅奶茶，這個brunch便完滿了。太座進食完畢之後，小B女在媽媽肚內踼完又踢，連佢都話好味，舉腳贊成。埋單都係五十幾蚊，平均都係廿零蚊。雖換了新舖，但食物質素依然，是謂「新瓶舊酒」。

河粉->from 食家refer no good, but 現場鄰座實物比信心-> ordered ->得wor~牛腩->"un", everybody可以慳番個quota待去隔離食sweets魚旦->正!冇味精,真係自製撈粗->澳門係鹹味(i like it~! ,星馬係甜(I hate it) ,佢係"arm arm"好！唔會乾又唔會油膩！食完原味再加少少辣椒油，９５分！，扣掉辣椒油億億地５分service ->lunch time, 一坐下狂"吹"3次,我係港燦遊筲箕灣,慢慢睇,采你都傻~２人ｏｒｄｅｒ２樣ｓｈａｒｅ，要碗仔３次都冇中坈肥侍應認為我地好煩，送下馬威～我地另叫女侍應取，馬上俾，中坈最後自己玩自己，攞到黎見我地已經有，死死地氣收番．

還記得安利還是大排檔的日子...桌椅都放在凹凸不平的斜斜石地上, 當是的安利是我兒時的最佳美食...真的非常好吃!! 重回舊地, 味道還是特別, 只此一家的味道, 可是已經沒有記憶中那魚湯的香濃...還是那小小的一碗, 讓人吃不飽...偶爾回來, 也只想找回兒時的幸福感覺而已...

來到安利食野,我例牌叫他們的魚旦河，等了3分鍾(算得上很快手,因為成個堂都滿晒人)，亞姐奉上了招牌魚旦河，魚旦食落口，彈口，不易咬入像人家很淋徊d,有魚味,很新鮮,不愧他們在魚蛋介中有很高的地位，來 筲箕灣食都係食佢地d魚旦(有d人就話王林記....不過我就唔太欣賞他們的魚味被其他調味料所蓋過)，很穩定，未見有失手。而伴著的魚片及片頭亦有水準，不死實，亦不過鹹，炸得不過火。但老實講河粉只能說係ok...份量與質量都是較一般。今次d粉身有點過淋，而份量亦不足夠我作午餐。

男朋友最近都喜愛四處帶我去食不同的食物, 佢話因為得閒會上openrice 找好食的食店去試, 我問佢之前又唔見佢周圍去? 哈, 原來佢唔識得睇雜誌, 唔知原來雜誌都有飲食的文章..今次又去食未食過的餐廳, 安利魚旦粉我食一碗魚旦米, 食落... 好味!!! 魚旦雖然比較細, 但係你會覺得真係食緊魚肉, 而唔係粉, 魚片好特別, 喺出面的舖多數食到係大大塊的爽爽的但胡椒味重於一切的魚片, 安利注重係魚肉的味道, 此點係令我覺得魚旦好食的原因塊炸魚皮炸到好香, 好脆, 仲可以用鮮嚟形容, 米粉一般, 但湯底係反璞歸真的蔥粒清湯, 要好味, 唔一定係落好多骨去煲的, 唔好只係一味味精就得了今次男朋友又立左大功了

去到筲箕灣東大街，發現有兩間安利。幾經核實，才知這間是玄門正宗，當然係來正版店試試！我和朋友各叫了魚蛋河及腩河，還有西多。河粉爽口，但出色的是魚蛋，除彈牙外，魚香十分濃烈，非常不錯。至於西多士沒什麼特別，與其他茶餐廳食到的分別不大，可能是我們最後才食西多，放了一段時間沒那麼好吃。其實東大街有好多食店，但這間仍如此出名，果然是有其過人之處。

每次經過安利都人頭湧湧，今日都唔例外。坐低例牌叫牛腩撈粗同可樂。時而世逆，e度的牛腩已經無以前咁好食…雖然切得薄煮得淋又入味，但牛腩有荕(是成本的問題？)。還好麵跟以前一樣彈牙，豉油撈得混循入味。味精是有的，但不太多，起碼我無不停飲水。雖然不及以前美味，但還是值得一試的﹗

專登由牛頭角搭地鐵去筲箕灣安利食牛腩魚片撈粗麵，去到剛好一點左右，我地一行三人係正門想入去之際，有個哥仔問幾位，叫我地去後巷排隊，原來企正門口ｄ人係等緊外賣的，之前睇過食評，如要等位大約十分鐘，等了十五分鐘有位了，不過坐得幾迫，七八個人一張枱，食得幾辛苦呀！睇電視又話牛腩有幾種？但我問ｄ火計有什麼腩，他只答切腩，３個人叫了兩碗切腩撈粗，成條魚片厚切，同埋本人一定會試奶茶，叫了茶走、西多（都係睇完食評話好食才叫）、一碟魚皮。Ｄ麵幾好食，吾會淋，牛腩都好淋，雖然望落好似好瘦，魚片一條大約有七舊，不是什麼特別好食，尤其是西多，講到幾好味，不外如是，好彩都都是茶水師傳即刻整，算熱， OK啦！奶茶吾澀口，都算飲得過，不過吾係最好個隻，總算試過，吾會專登再來食了

趁這裏將近結業，今天放工後就到老店食麵，叫了片頭腩撈粗(29)，撈麵的湯味度較咸，但尚算鮮味，牛腩較失色比較靭，可是魚片頭就非常好味，軟硬適中有咬口爽身有魚味，加上撈得很混循的豉油粗麵，條條都有沾有豉油，用心烹調，真的非常美味，這裏經營很久，由當初的街邊檔到現在入舖，可是還是敵不過加租，有一點唏噓。http://icuteee.mysinablog.com/index.php?op=ViewArticle&articleId=1495424