歲月冰室

Open Now

Now Closed

位於筲箕灣附近的歲月冰室， 晚餐時段去， 飯餐加燉湯加嘢飲都係$68，抵👍首先燉湯足料， 每日不同款式， 有時候係無花果燉雪梨， 有時候係茶樹菇………… 同埋真係用燉盅， 又夠熱， 絕對唔係平時茶餐廳送嘅例水/味精水 所以睇得出佢好有心機整個燉湯， 因為燉湯數量有限 所以如果你太晏去就可能會賣曬， 所以如果想試燉湯嘅朋友就要早啲去， 而本身燉湯要加18蚊但當日老闆好好，請我飲 當日叫咗涼瓜排骨飯， 涼瓜唔會太苦，回甘， 排骨有肉， 唔會舊骨黐住肥膏，咬唔到， 再加埋菜心送畀你， 份量絕對足夠，再唔夠可以加， 之後飲埋杯奶茶，飽到100分行返出去( 滿足) , 老細仲請我食即炸韭菜餃， 多餡， 多汁， 炸得夠脆，多謝佢餐牌定期都會轉， 大家可以去試下唔同嘅款

去到筲箕灣嘅時間 真係冇計劃去邊一間餐廳？只係好想食海鮮。 冇幾耐，路經歲月冰室如何茶餐廳裏面都有海鮮食 所以求其嗌咗兩碟 嘩食完之後感覺上佢哋嘅水準拍得住酒樓👍🏻真係冇得輸

呢間舖頭員工算是有禮貌，地方算乾淨，食物真的唔錯，款式也不停更換！我覺得老闆非常有心，我們應該支持依間小店！我一共食過三次，包括外賣，之前食過西蘭花班球飯，佢嘅班球唔係坊間嘅急凍魚柳，我覺得好值得推介！

一間冰室 每個餐賣既價錢係當區都算係中上俾個份量 仲可以衰過d兩餸飯 味道方面 真係食唔出有咩特別之處 其實出餐既時候 望住碟咁既飯點解仲可以覺得冇問題 遲黎既客 同一款野可以多成倍幾份量 我都唔知咩玩法如果指有好幾個客一整嗌 所以一次過炒 呢樣我理解 但都唔係__街到 一碟飯既份量分幾碟飯阿？70蚊個飯 碟飯一望廚餘咁 細心數過 得4粒肉仔 我真係多__謝你 咁益我 難聽d講句 食個老麥幾十蚊都冇咁嬲 再加上 如果碟飯份量 碟碟都咁少 最多以後唔食 冇必要特登打咁多字 但最谷氣 係望到同一碟飯 隔離枱多自己碟飯唔係多少少 係多成倍以上 再望下自己碟飯 幾粒肉 連舊肉都稱唔上 俾著你係客 條氣順唔順 間餐廳又好似覺得冇野先好野如果俾咁既價錢食廚餘 建議大家行多幾步 一半價錢食個兩餸食 飽肚兼實惠

✅️✅️✅️✅️✅️✅️✅️✅️✅️✅️✅️✅️✅️✅️✅️✅️✅️平時食開豬雜同蔥油雞扒飯❤️今日叫左土魷肉餅飯，唔係死死實實真心幾好食比我想像中出色，有下次！！！！同事就叫豬雜炒麵，老實炸麵底係無得輸，撈埋個汁其實好爽，個炸麵底出面應該都唔多鋪頭肯做，有呢樣野食既對我黎講已經係加分位😂重點係，佢又真係整得唔差喎，所以我會比90分，如果剩豬肚豬心會開心好多😂外賣自取重有85折埋單都係50蚊晚餐黎講合格有餘❤️❤️❤️❤️❤️

😋歲月冰室💛抵食街坊鮮豬什 + 住家燉湯--------------------👉🏼金牌豬什湯粉 $58新鮮豬什可遇不可求同冰鮮真係唔同層次😎處理得好冇異味胡椒湯底大滿足分量多超抵食👉🏼招牌蔥油蛋蓋飯（豬扒）$58滑蛋乾身唔會濕淋淋驚浸濕豬扒同飯保持到滑嘅感覺加埋蔥油超好送飯豬扒炸得酥脆但有啲嗱得過龍👉🏼燉湯 +$10今次係霸王花豬骨燉湯飲完冇口渴真材實料味道：🌕🌕🌕🌕🌑CP：🌕🌕🌕🌕🌑--------------------

看到有小小的新店開了，就進來試試。孩子想吃湯麵就來了一碗雲吞麵。湯麵一餸$40，雙拼$45。份量很大，麵質彈牙，雲吞是白皮的肉雲吞。湯底是胡椒豬骨，拼上芽菜，和潮州店不太一樣。不錯但在這裡可以選其他更出色的。時令餐牌裏有聖子煎米粉$98。我最愛的煎米！果斷選了。稍微等了10-15分鐘。阿姐們很友善，街坊式搭訕了一會就上菜了。廚房手勢很好，煎米外脆內軟，聖子剛熟，調味剛好，很香豉椒味沒有過鹹。他們其實是豬雜專家，這次沒機會試。下次一定要帶父母來。還有很多其他選擇，可以慢慢試。

特登過海試味點知失望而回今次目的主要系試及弟(豬雜)所以一有位入去就叫左個豬什抄河走蔥/凍奶茶少冰：碟雜河嚟到比距嚇咗一跳勁大碟超多料炒蛋花/豬肺/豬心/豬潤/豬肚/粉腸/肉片/（仲有樣估距唔L到既野“豬大腸”個人唔食既,因為港式雜燴炒河豬雜炒河無乜人會落距🤮🤮）河炒得夠鑊氣,豬雜整體都唔錯！腌得夠味，但個茨勁水現場因為太多外賣單搞到冧曬檔堂食狂漏單遲出單十分混亂同枱個哥仔都話堂食冧曬都唔CUT停外賣我杯凍茶就系食曬都未嚟漏左，埋單同收銀講取消返埋單65蚊。是次總給豬雜系得既但是次經曆試過就算🙊🙊

今日外賣3餸湯銀針粉，回來打開，只有牛丸和墨丸和少少芽菜，沒有給墨魚頭, 真係有點失望撇開比漏餸，牛丸和墨丸係好好食，牛丸有爆汁、墨丸彈牙，另外試咗豬什湯米，清洗乾淨，沒有異味。

路過筲箕灣電車道，見有間叫歲月冰室話，走進去點了金牌豬雜炒河和招牌沙嗲牛筋腩炒河，兩道招牌菜都是份量足，絕對能夠滿足飢餓的胃口。金牌豬雜炒河的味道鮮美，而且不帶任何腥味，各種豬雜的味十分濃郁，尤其豬腸，讓人食得十分過癮。招牌沙嗲牛筋腩炒河則是口感豐富，牛筋腩炆得十分淋及入味，加上沙嗲的香辣味道，令人回味無窮。除了這兩道招牌菜之外，老闆還送上了兩碗燉湯，足料而且沒有味精的味道，非常可口。整體而言，歲月冰室的食物都很有驚喜，口味十分正宗。總的來說，這是一家值得推薦的港式餐廳，我一定會再來的。

食個early dinner趕去睇戲，唔想太飽，所以叫個四寶湯粉，我唔食牛，問伙記（又好似老闆）走牛轉其他，點知原來四寶是五寶，份量幾多，共有豬肉丸、爆汁貢丸（唔太覺爆汁）、胡椒豬肉丸（超正）、雲吞（大粒）各兩款，八大粒，仲有魚皮，少見有得揀懷舊銀針粉，湯底係胡椒湯，少辣帶甜，仲有墨魚肉，好好味，飲咗好多，暖晒！同伴叫左西蘭花魚飯，煎魚塊唔係炸，唔似出面咁多粉漿，啖啖肉，好似健康啲👍🏻伙記（又好似老闆）送我地飲燉蟲草花燉湯，味道清淡，普普通通，加$10飲都合理。可以安哥

終於忍不住要寫寫食評，有人話想要知道間店得唔得，叫碟乾炒肉河就知曉，哇! 我竟然食倒一碟，食完之後唔會滿口都係油咖肉河，油咖份量係點到即止，而且唔口渴(即是冇加味精)，簡直驚喜吖!之後食過清湯牛筋腩，湯味好鮮而不油膩，肉質細嫩而潤滑，加埋白飯無與倫比。鴨腿湯飯也一絕， 陳皮香味撲鼻配合冬瓜，東菇及大大隻鴨腿煲出來的湯也非常美味，還有各式的燉湯都好正。近來就食過土豆排骨非常野味，還有家鄉煎魚餅，魚餅用上很多不同材料炮製而成，有驁喜。這間小店每兩星期就會轉換菜單，並且添加兩款新嘢。哈哈! 師傅似乎想挖盡心思創造新菜式，務求令到客人食得開心。

筲箕灣新開的小店。裝修簡單但舒適。叫了一碗豬大腸拼貢丸湯麵，份量充足。大腸乾淨夠入味，貢丸爽口彈牙。配上濃濃的胡椒豬骨湯底，別有一番風味。另外還有招牌豬雜，下次可以一試。 😃

在短短的兩週內已來食了四次，食物品質不錯。第一次試過鴨腿湯飯，和牛孖筋炒面。鴨飯的陳皮味好得，個鴨湯都得。炒麵，炸到全脆，我同老板講喜歡半脆半軟，老板話下次出聲，無問題。第二次食三杯雞，西蘭花斑球，和燉湯，三款都好得，龍骨湯夠熱，雞和斑球都入味和好食。第三次和三個朋友一起再來，點了- 牛筋炒面，黃酒藥膳云吞雞，手工肉餅和干炒牛河。炒麵這次有出聲，正；肉餅有秘密，正；云吞雞個湯特別，正；干炒牛河，見真功夫，正。歲月這小店不錯，我推薦。唯一不好的一地方是廚房老板喜歡音響，播歌噪音大，這就不是食物問題了。

新開張約兩星期 首先試過沙嗲牛筋腩炒河 肉質不俗 河粉混合献汁恰到好處 略嫌沙嗲味稍淡 凍奶茶茶味濃郁 甜度適中👍另一晚試金牌豬什炒麵 豬什份量足 包括豬肉 肝 腎 肚 腰俱全 全部新鮮冇腥味 豬肚用胡椒醃過有心思 献汁美味 麵餅卜卜脆 很久未試過如此正宗傳統水平👍連飲品$74夜市較靜 收8:00 希望生意可好轉及開夜d做耐啲 😀