Video
8-min walk from Exit A1, Ma On Shan MTR Station
continue reading
Telephone
23278383
Payment Methods
Other Info
Accessible Environment
Details
Above information is for reference only. Please check details with the restaurant.
Recommended Dishes
所有基本中菜菜式有齊但小心中伏片皮鴨係凍龍蝦係霉個茨汁係豆粉狀只有包片皮鴨塊皮同叫咗十五分鐘都未嚟嘅白飯係熱加埋所有人都唔願做已經唔寄望有招呼兩個人五百元咁既質素去之前請三思🙏🏻🙏🏻🙏🏻
continue reading
晚上8點入座，10分鐘內將15人一圍的所有菜全部一次過上，九成上的菜都係凍的，而且食物質素非常差劣。向服務員反映過可否暫時不要連續上菜，便立刻遭到拒絕。直到不夠位置上菜就不斷執走，並開聲催促客人盡快食，將還未食完的都收走，期間服務員不斷以不禮貌方式回答客人要求。客人只是要求將食物暫放旁邊枱，就遭受一位帶眼鏡女服務員多次不禮貌回覆。一次極度差劣的晚餐體驗，聞所未聞的差劣服務態度，食物質素非一般差，永不會再去。
continue reading
馬鞍山呢間酒樓，平時都有嚟食過晚飯，晚飯都覺得唔錯。平時日頭見到都幾多人嚟飲下午茶，於是呢日又嚟試吓，點知下午茶就唔係好掂，點心方面一般，啲食物大部分都凍冰冰。炸蝦角啲薯條係凍晒，又乾又淋。雖然呢啲一定係炸好晒，都唔係凍冰冰嘛，叮返熱都好呀，完全係凍冰冰又乾。個蝦角都唔係好熱。蜆芥鯪魚球又係個啲凍冰冰嘅薯條，係咪諗住冇人會食就算，難食都起碼整返熱呀。鯪魚球都唔係熱辣辣，室溫，所以都唔係好脆，好似都唔會有太多魚骨食唔到，鯪魚味有啲腥可能因為唔熱。叉燒腸都係唔熱，室溫，入面啲叉燒有啲都幾肥食唔到燒賣賣相都一般，有兩粒好似冇菇咁，入面啲豬肉勁肥，有啲根本咬唔到，一堆肥膏同筋，而且又唔熱叉燒河粉叉燒偏瘦，都幾硬，因為都係唔熱味道一般，重點全部唔熱服務都一般，攞碟沙律醬都叫咗4次先有
continue reading
幫襯咗馬鞍山壹滙幾年，發覺食物質素越嚟越差，衛生更是欠奉。韭菜餃配薯條，薯條是凍的，都唔知擺咗幾耐，齋腸粉用隻紅色膠碟載着，膠碟周邊好污糟。如果唔係遷就媽媽老人家唔使行咁遠，根本唔會揀呢間洒樓，下次一定唔會再幫襯。
continue reading
屋企的長輩及同輩兄弟，好多都有返咁上下年紀了，過時過節，要老人家煮餐大龍鳳，實在是非常之辛苦。所以，這一年過冬，大家就決定出街食。由於近冬至，而且我們決定得好遲，所以好難搵到啱大家食既地方。最後，我們在《壹匯》訂到檯了，就簡單地叫小菜食晚飯，來一個冬至家庭聚會一餐飯啦。在酒樓叫小菜食晚飯，永遠都離不開燒味這東西，因為，燒味，尤其是叉燒，真係由未長齊牙的BB，到掉晒牙齒的老人家，都可以安心同開心食。是日的功夫叉燒王，是正宗既梅頭肉，味道既甜又腍，未等到飯黎，已經被搶一空。最快趣出現的，始終是味部的出品，所以好快就有雞食。我們點的，是酒席實有的脆皮燒雞。這一個燒雞，極之香脆，也有啖啖濃郁定雞油香，真不錯。紫蘇原籠蒸海蝦，就是簡單的蒸大蝦。用紫蘇葉鋪在籠底，出來的蝦的確是比較香。但我覺得，只是增加了香味，味道上同白灼蝦既分別不大。口感上，這蝦是爽口的，亦夠鮮甜，算是不錯。為小朋友而叫的，有鳳梨咕嚕肉。賣相好，只是味道是偏甜的。之不過，這例牌的份量也實在是太少了，基本上只是有兩三舊。純兩位小朋友享用。另外，也是小菜中的薑汁芥蘭。爽口，味道甜，是這一個炒芥蘭的唯一一個令人開心之處。而不好之處，就是碟菜好油，仲油過係大陸食既炒青菜。給太太點的，有一個鮮菌燒豆腐。這絕對是一份紅燒豆腐，做到外層少少脆，又豆腐的內心就完全地香滑香嫩。而且個豉油汁的夠味道，伴飯食一流。在酒樓食晚飯，除會食大量的燒味之外，蒸一條魚也是一個小小的定律。該日點了一條清蒸海斑，是一條厚肉，肉質比較實淨的石斑魚。感覺，算是不過不失吧。皇子片皮鴨，絕對是一個失望之作。根本沒有把所以鴨皮都片出來，而且帶有厚厚的鴨了。幸好，剩下的鴨殼交給我們帶走。而且鴨皮不脆。說真，這東西是酒樓的冬至推介，令我知道，下次不會再點推介的菜式。(不過，人類總要重複同樣的錯誤，周不時會中伏。)以上的東西唔夠食啊，咁我地就加點兩個餸，而其中的燒鵝是十分出色的。餐牌上的燒鵝，取名叫晚爐燒鵝皇。甚麼是晚爐呢? 相信是明爐燒鵝既別稱吧。的確，這燒鵝皮脆肉香而且多汁，又是一個伴飯的絕佳食物。另一個是石榴一字骨。只六件的炸排骨，伴以石榴果肉，看起來特別，但實際上，就是炸排骨。吃入口時雖是香口，但整個感受只是一般。這酒樓，感覺一般般啦。我可以說，在馬鞍山區內，這絕對不是 top of the list 既食肆。難怪當日我們臨急臨忙，都訂到位啦。
continue reading