一點心 (通菜街)

Open Now

Now Closed

午飯放lunch突登坐車落太子食點心😂好耐以前食過一點心，當年仲未大裝修，所以今日重遊舊地唔認得出佢個新look，哈哈！餐廳煥然一新，地方大左，光猛左。食飯時間人多，有堂食也有外賣，幸好一入去就有位坐。皮蛋瘦肉粥皮蛋有大有細粒，不規則切碎，皮蛋味唔夠濃。肉粒喺方粒形狀，唔會因為瘦而嚡熠熠。粥底夠黏身，唔會係粥水，夠飽肚！薄皮鮮蝦餃皮係真係薄既，而鮮蝦大大舊爽滑彈牙，幾好食！茶就唔知點解淡而無味，得個深色，完全無茶味，只係飲左半杯就唔想飲落去... 茶位6蚊一人...

如果我每次一個人到太子，都會入去幫襯佢，差唔多都係例牌，鳳爪排骨飯同牛肉球。但近來星期六星期日及公眾假期，都少去，因為要加壹。同埋有人多幫襯，要等位。呢次兩個人去，食多幾樣嘢。鳳爪排骨飯，鮮竹牛肉球，炸春卷，糯米雞，叉燒餐包，同埋香芒奶皇卷。樣樣都好食，送到餐枱上，樣樣都熱辣辣。脆卜卜。除咗糯米雞同埋盅頭飯外，相信其他三樣都係即做。奶皇卷，凍甜品， 10分美味。茶錢，盛惠每位$6。至於價錢，最近呢幾個月來加咗好多價。其實呢間點心店，由開張直至現在，我都係佢嘅常客，水準還可以保持。

茶，真係好一般，冇茶味。不過好有點心舖嘅氣氛，枱枱凳凳、裝修都有種香港味道，價錢實惠，但你問我係唔係香港必食點心/餐廳之一，絕對唔係🙈*🥟叉燒焗餐包 (3件) $23 🌕🌑🌑🌑🌑嗚，失望。明明係招牌點心，但餐包凍冰冰，叉燒餡又少，咬開基本上係半空心。🥟家鄉咸水角 (3件) $21 🌕🌕🌕🌕🌑熱辣辣，脆卜卜。外皮煙韌香脆，內餡豐富，值得一食。🥟香煎蘿蔔糕 (3件) $22 🌕🌕🌗🌑🌑普普通通，粉多蘿蔔少，可以一食，但不會回頭。🥟潮州蒸粉果 (3件) $19 🌕🌕🌕🌗🌑粉果偏小，內餡豐富但其實係花生量多，沙葛少豬肉少。🥟蜜汁叉燒腸 $28 🌕🌕🌕🌕🌑腸粉皮滑，叉燒完全唔嚡，而且份量合理。🥟鳳爪排骨飯 $30 🌕🌕🌕🌑🌑排骨用左鬆肉粉，肉質腍啤啤0肉味，勝在白飯份量多，撈豉油一流。🥟豐料糯米飯 $32 🌕🌕🌕🌕🌗好耐冇食糯米雞(?)啦，大片荷葉包住糯米飯，入面有一塊肉+半邊鹹蛋黃，料足又香，一啲都唔覺得油膩，不過食完一個一定飽到上心口。

近幾年大家都幫襯多左呢啲點心專門店因為其實佢都方便。今日路經過太子，可能因為太早嘅關係，所以未有人龍，所以就過咗嚟一盅兩件呢度嘅裝修有啲特別，牆上面嘅畫喺7/80年代街景。點心款都算多蒜香蝦春卷 $24新鮮炸出嚟嘅春卷，卜卜脆，入邊嘅蝦肉爽口彈牙蟹黃蒸燒賣 $33一籠入邊有四粒，燒賣嘅肉質偏硬身，中規中矩，如果有兩粒嘅選擇就更加好四寶滑雞札 $34腐皮包住雞件冬菇火腿魚肚，份量都算大，但係味道唔算好突出

又嚟到我最喜愛嘅點心環節🤣點心真係太好食，而且係食極唔厭嘅😋今次好多人一齊Share所以叫嘅款式都可以多好多😍鮮竹牛肉球 -24夠晒大粒熱辣辣入面啲馬蹄好爽口-薑蔥牛栢葉 -28爽口嘅牛栢葉整得都幾入味-豉椒蒸鳳爪 -23唔知大家會唔會好怕食鳳爪呢😳我自己就好鍾意食啦😋呢個鳳爪都幾入味但又唔會話好淋唔會一夾就甩開-四寶滑雞紮 -34好鍾意食佢塊腐皮🤣芋頭都幾粉同幾香-鮮蝦菜苗餃 -26成粒餃漲卜卜🥟入面充滿住咁多菜感覺好似健康啲😜餃皮雖然通透，但都有少少厚😅-北菇滑雞飯 -30有啖飯落肚好似係必須的🤣滑雞份量一啲都唔少幾個人Share又食吓點心都幾夠而且滑雞幾滑蒸飯滲透住啲雞油特別好食😍薄皮鮮蝦餃 -36鮮蝦大大粒不過唔知係咪運送過程中已經焗咗一陣食嘅時候有幾粒蝦餃皮爛咗但佢嘅皮係真係薄嘅👍🏼-叉燒焗餐包 -23誤會咗係雪山叉燒包🤣不過餐包仔都幾好食甜甜哋咁焗翻熱個皮脆脆哋重好食😋咖哩土魷 -28因為個人口味唔太鍾意食所以俾得低分咗啲😳土魷有啲硬-蟹皇蒸燒賣 -33呢個又係食點心必叫之選燒賣大大粒咬落都好厚實-北菇棉花雞 -32好滑好淋😋-黑椒牛肚 -34幾有咬口但又不會太韌整得幾入味

味道其實係可以 但疫情期間要加收10%服務費 感覺好似比人昆左一樣 收銀個表情仲要好似老馮一樣 出左名就唔怕冇生意 .....下次唔去了 ..............................

叫外送速遞叫過好多次，食物質素好好，包裝好整潔。今次第一次到店取。落住大雨，我訂左食物早左到，行到去餐廳，哥哥叫我返上車等，佢搞掂拎過黎車俾我🥰好感動！多謝你呀！

全香港最好食嘅點心餐廳實至名歸選擇花款好多以所以菜單上面中英對照極都寫咗所有嘅食物敏感例如gluten係香港極少有對遊客及非本地人咁friendly嘅菜單內部員工非常友善亦都識得講英文對答如流內部裝修有個好大嘅舊式香港油畫食物方面佢哋嘅蒜香春捲係最好食蒜味濃郁大部分點心分量正正常常諗得出嘅選擇都搵得到餐廳亦都比你帶出面嘅飲品例如可樂零食等等但係有個地方就係餐廳非常爆多人所以大部分時間都要等都要攞籌所以記住早啲去價錢亦都適中每一次去食兩個人二百蚊左右已經食過十次或以上

这家店是被朋友过来吃的，朋友说，他曾经无数次来刷过这家店，每次都是固定点几样好吃的东东，所以这次我们点餐交给了他，我图片上放出来的这些，都是比较不错的，至少我本人没吃出来哪个比较好吃，哪个比较难吃这样子，所以按这个点基本没错了。

一早食饮早茶🍵细细间店，好多人排队食，比较出名，滴野都幾好味。😋不過唔知是未太多人排隊，所以如果人唔齊，就算排到你，都唔可以入座，要人齊先可以。點佐家鄉鹹水角好脆，只是入邊滴料就有滴少如果多滴就好啦，哈哈😄然後其他蝦米腸粉，鳳爪，排骨，都是必點，叉燒包都幾OK 👌

茶位 $6/人頭鳳爪排骨飯 $29好食！ 排骨有肉味！軟得嚟有咬口，唔係一味死腍！食得出無被鬆肉粉乸過！豉油亦好好，唔會太鹹！飯分量亦足！👍🏻蜜汁叉燒腸 $26腸粉滑溜，腸粉皮薄，叉燒肉唔少，唔係是但一、兩片交貨！👍🏻黑椒牛肚 $32黑椒味重，醬汁偏濃杰，惹味！ 牛肚算大片！有彈性！有口感！潮洲蒸粉果 $17 / 3pcs餡料多，飽滿，脹卜卜，好多花生粒題外話，點心紙寫明只此一家，無其他分店，對J妹嚟講呢句都幾深刻🤔 J妹諗： 唔通太易撞名？所以店主要寫清楚俾食客知道？！🤔

太子的一點心，果然是拎咗平民米芝蓮的點心小店。點心即叫即蒸，全部熱辣辣，真係好好食及高質，味道是中等之上。鮮蝦腐皮卷，蝦好彈牙，腐皮鬆脆。香煎蘿白糕，料唔多，但勝在煎得2面都香脆。懷舊雞包，正正常常。鲜蝦菜苗餃，脹脹卜卜料多美味👍🏼。豉椒蒸鳯爪都係正常。蜜汁叉燒腸，喜歡佢嘅粉皮薄滑。最後；不得不提啖茶，好難飮😅（所以見到有人自己帶茶葉去沖）坐位位置一般舒適。如果繁忙時間預咗要等位，總括價格ok,味道好。

話說放假一早起身想食點心，聽朋友講太子呢間點心都唔錯，一於坐車出去遠道去試試星期六都接近滿坐，幸好等咗一陣就有位餐牌上嘅點心選擇都多，我一行二人點了5 籠點心，滿足了！▶️蟹皇蒸燒賣 - 蟹黃蟹籽都唔覺有，老實說$31 有點偏高▶️叉燒焗餐包 - 叉燒餡料豐富，必食之選！▶️潮洲蒸粉果 - 正正常常，但餡料足夠嘅▶️四寶滑雞扎 - 只係正常，又係唔明點解要$33 ▶️炸兩腸粉 - 油炸鬼食落還脆，比坊間大多數炸兩嘅油炸鬼淋晒好好多，讚！總結：點心質素合格，但某啲點心價錢略高，感覺上似將價位拉上補下，但整體而言還可接受

一點心⭐️食物質素：4.5/5（部份食品食得出係人手製作，非一般茶樓可以食到）⭐️環境：4.5/5（座位後有壁畫，畫得好靚，特別有香港味道）⭐️服務：3/5（侍應冇乜反應）⭐️抵食指數：4/5茶錢$6@位人均消費：$60左右地址：九龍旺角通菜街209 A -209 B地下（太子A出口）ps: 逢星期六日同公眾假期要收+1服務費，所以閒日過嚟食就最抵食啦！#太子 #太子美食 #飲茶 #你今日飲咗未 #香港 #香港窮遊 #foodie #foodiehk

呢個dept最後一次飲茶🍵自從疫情開始咗一排，已經經常喺公司叫外賣，就快離開嘅我想飲多次茶，呢間仲話係米芝蓮添，最愛佢嘅咸水角～食過佢先發覺出面好多間茶樓都冇佢咁好食！仲有，九龍城送到過嚟仲熱㗎！點心：🥠咸水角🥢外脆內軟，就算放咗喺盒入面焗住一陣都冇淋，呢個真係十分滿分！叫親都要人頭數目，起碼每人一件！🉐推介🉐🦐鮮蝦菜苗蝦餃、蝦腸、鮮蝦腐皮卷🥢呢幾款都好味～蝦大大粒，腸粉好滑👍🏻🉐推介🉐🥢馬拉糕🥢好味又軟熟🦐炸雲吞🥢好味，又係焗咗陣都仲keep到好脆👍🏻🐽叉燒餐包🥢略嫌面頭唔夠蜜糖，食得叉燒餐包就係鐘意面頭光亮，充滿蜜糖嘅味道🐷馬蹄肉餅飯🍚唔鐘意食飯嘅我冇食到飯，但同事都話佢嘅盅飯好味，肉餅都好大件👍🏻💰$393/5人份量（包含運費）⭐️4.5星/5星🈵分