一點心 (通菜街)

Open Now

Now Closed

茶，真係好一般，冇茶味。不過好有點心舖嘅氣氛，枱枱凳凳、裝修都有種香港味道，價錢實惠，但你問我係唔係香港必食點心/餐廳之一，絕對唔係🙈*🥟叉燒焗餐包 (3件) $23 🌕🌑🌑🌑🌑嗚，失望。明明係招牌點心，但餐包凍冰冰，叉燒餡又少，咬開基本上係半空心。🥟家鄉咸水角 (3件) $21 🌕🌕🌕🌕🌑熱辣辣，脆卜卜。外皮煙韌香脆，內餡豐富，值得一食。🥟香煎蘿蔔糕 (3件) $22 🌕🌕🌗🌑🌑普普通通，粉多蘿蔔少，可以一食，但不會回頭。🥟潮州蒸粉果 (3件) $19 🌕🌕🌕🌗🌑粉果偏小，內餡豐富但其實係花生量多，沙葛少豬肉少。🥟蜜汁叉燒腸 $28 🌕🌕🌕🌕🌑腸粉皮滑，叉燒完全唔嚡，而且份量合理。🥟鳳爪排骨飯 $30 🌕🌕🌕🌑🌑排骨用左鬆肉粉，肉質腍啤啤0肉味，勝在白飯份量多，撈豉油一流。🥟豐料糯米飯 $32 🌕🌕🌕🌕🌗好耐冇食糯米雞(?)啦，大片荷葉包住糯米飯，入面有一塊肉+半邊鹹蛋黃，料足又香，一啲都唔覺得油膩，不過食完一個一定飽到上心口。