大戶屋 (Closed)

薯仔沙律作為開胃菜不錯但伴碟的生菜不新鮮,觀感老硬且有黃泥,所以連生蕃茄也沒吃了!冷蕎麥麵味道不錯的!醬油麴牛扒盒子飯(定食)OK的!牛扒軟口,味噌湯可以的,茶碗蛋入口嫩滑(內裡就只記得有雞肉了…)凍檸檬茶看着很優雅,但上枱時就只剩下兩小夥冰了,茶味不濃!

記得當年正式踏入上班生涯，同事們同我食welcome lunch 就是在荔枝角的大戶屋。至此不時有慶祝活動都會光顧這裡食午餐。今日返工不順，晚餐亦來這裡訴苦，無意發現抵食的精選套餐！🌟平日精選午餐零售價: $270- 迷你炸雞小食而言，份量剛剛好。外皮酥脆、內裡多汁，更可要求提供沙律醬，為香嫩炸雞帶來溫和感。- 迷你黑醋真鱈魚野菜鱈魚味濃，而且入口爽脆。多款新鮮野菜加入黑醋調味後變得酸甜開胃。- 燒鹽麴熟成五花腩大户屋的燒物向來有品質保證，其燒鹽五花腩亦是餐廳名物。五花腩油脂豐富、口感軟嫩，烤後再有油而不膩的風味。搭上椒鹽，提升腩肉原有滋味。不過，今晚的燒鹽麴熟成五花腩頗為失色。- 吉列熟成豬扒玉子鍋六七成熟的滑蛋，切一下金黃蛋黃立即流下，加上洋蔥片香甜惹味，再搭皮薄肉厚的炸豬排，口感豐富入口即化。味道：7/10環境：7/10性價比：9/10回頭度：9/10

曾於两天前光顧太古大戶屋，無論食物質素、待客服務、環境清潔都非常滿意；今日星期日下午來到荔枝角店，一嚐優質的日本風味，卻以為入了普通的茶記，食物質素有圖為證，用慘不忍睹來形容，MENU多款暫停供應，帶位員工態度差劣，不像進了一間日本料理，給顧客帶來很壞的印象，無下次。

正餐我叫咗嗰滑蛋燒雞飯可能啲飯加咗啲蛋，好滑咁但喺啲雞唔係咁滑，冇咁好食不過呢碟餸都幾香嘅。我又叫咗嗰日式蒸蛋又香又滑又多汁一開始我以為入面有日式魚蛋但係原來入面有冬菇同雞可以加啲豉油，好好食㗎但係要用匙羹插吓先正。啲Strawberry Ice cream都唔錯第一啖感覺上好似入口即溶咁第二啖開始食出啲奶嘅口感第三啖開始有士多啤梨嘅味道同事啲雪糕真係好冰凍相信真雪都士多啤梨味雪糕雲呢拿味雪糕

今天去了碧海藍天的Aeon 本想在旁的酒樓吃午飯 怎知暫停營業 只有選擇這店 店內外都是傳統日式裝修 餐牌也是 設有會員制 適合哈日一族愛光顧的 我就興趣不大分別要了熟成豬扒定食和鹽燒五花腩定食 很普通 沒有驚喜也沒有失誤 正常有的湯 前菜 蒸蛋 都齊 就是一個很平淡的午餐 填飽肚子就算

一個合理的價錢，可換來等價的午餐，就是我今午去的大户屋。在這餐廳我叫了日式吉列雞扒咖哩飯，等咗約十來分鐘後，我知道我的決定是正確的，因為我帶著口罩仍能嗅到一陣陣的日式咖哩的味道，我個人開始為之一振，各種感官都開動了。個飯是熱的，並在鍋裏發出滋滋聲呀，至於雞扒，也不令我失望，其外層大多都是脆的趣的，而在日式咖哩汁調和後，我一啖一啖的入口，合上了雙眼，專心聆聽美妙的味覺樂韻，輕奮不了。最後，由一杯不甚花巧的黑咖啡作結。食完之後會是怎樣? 當然是裂口滿足而笑的了。非常感謝這間餐廳的用心，希望能有多些人去享受同領匯您們的各種餐食。

之前試過一次叫大戶口嘅外賣午餐，覺得幾好味，又算抵食，所以今次再試下叫 d 唔一樣嘅，但係今次有d 失望，可能因為對佢期望過高？今次叫咗一份蛋包飯兒童餐，阿女話好好味，不過雞肉得一舊，仲要炸到過曬火，好乾 另外仲叫咗份醬燒雞肉 + 黑醋鱈魚野菜 and 肥牛 + 黑醋雞肉野菜，呢兩份個味就同之前差唔多，不過醬燒雞肉 and 黑醋雞肉都係炸得太乾… 相對較為失色。整體黎講，算係不過不失。如果可以好好控制下炸雞嘅時間，相信會更加好。提外話，前面嘅同事態度好好，只係等餐時間比較耐

大戶屋不嬲都係我嘅all time favorite, 因為本身都鍾意食日本定食, 大戶屋一向價錢合理, 食物種類多, 水準穩定 (無論香港定日本都係咁好食). 我本身去開銅鑼灣同太古嘅分店, 因為嗰日去開九龍嗰邊, 所以去咗荔枝角呢間分店, 結果中伏🥲【燒醬油麴金目鯛定食🐡 $126】其實我已經好熟悉呢間餐廳嘅食物, 諗住叫我平時食嗰個燒花魚定食, 但係臨落單之前見到餐牌有呢一個魚好似好好味咁, 所以就諗住試吓個定食一嚟到我呆咗 - 睇落去勁細條+勁乾😟 食落仲乾😓 張相影出嚟好似OK但係其實真係好鞋肉質又薄身…認真失望【大戶屋銀雪魚西京燒定食🐟 $160】男朋友就叫西京燒銀雪魚定食平時銀雪魚都好油, 但係估唔到呢一度就燒到啱啱好, 銀雪魚反而幾好食😂 不過賣相都有待改善🙃【燒鹽麴油甘魚鮫🐠 $100】我哋仲叫咗燒油甘魚鮫其實我落單之前都好驚因為之前食過, 真係食落成啖都係油, 不過喺呢度食又係令我喜出望外 - 完全唔油, 有肉, 燒得幾香口, 唔錯😆【涼拌拼盤🥗 $30】我哋想食多啲菜所以叫埋涼拌拼盤, 有菠菜, 泡菜, 日式海苔, 正常水準總括嚟講呢間分店嘅燒魚偏乾 (應該話非常

今日 在這叫外賣 ，單號989。 回家路上 全部食物跌係地上， 全部唔食得。 發現原來外賣紙袋 濕透了， 穿咗。 餐廳沒有吧 麵豉湯 蓋好。 打去投訴， 餐廳說下次我再去會 賠番一碗湯畀我。 咁同比返一杯茶 我作賠償有咩分別？ 完全不能接受!

復活節假期，周圍人頭湧湧，去到邊度都總覺得人嘅數目使我感到侷促，一家三口決定去大戶屋食日本嘢，坐得舒服之餘亦食得安心。叫咗一客兒童餐比仔仔，非常豐富，雞肉親子丼，配薯餅，有甜品同蘋果汁，最令仔仔高興係有小玩具，一架小飛機玩具，使佢全程食得開心；小朋友食得開心，大朋友更可以食得專心。環境方面，我一向對大戶屋嘅座位設計都好滿意，坐得鬆動舒服之餘，枱與枱之間有足夠嘅距離，大大張枱感覺唔會好迫，最啱一家大細或朋友聚會一流。

早幾個月還在裝修大戶屋，今天午飯時間見無人排隊就跟朋友入座了😋。🍱燒鹽麴熟成五花腩定食 (6/10)：五花腩油脂和肉的分佈平均，煎得香口。這個本身是單點主菜，我們另外加了錢轉套餐，前菜、茶碗蒸和麵豉湯不過不失，一般味道。🍜吉列豬扒定食配烏冬 (5/10)：吉列豬扒表皮香脆，肉質實而無乜味，小編覺得有點失望。另外，叫的時候還以為跟餐只配一個冷烏冬，原來豬扒底下是一整碗白飯，一個人食有點多呢！🏞️環境設施 (8/10)：日系簡約設計，室內空間大，每枱之間空位闊，適合聊天。🤵服務質素 (6/10)：店員有禮，惟等待食物時間較長，但可接受的。😋回頭率 (5/10)：價格頗貴，食物不算特別好食。

環境舒服 高CP值日本菜🍱拍拖拍到唔知食乜好👫想揾間舒服又乾淨嘅餐廳🍴傾下計，又唔想太傷荷包💰呢到就啱你喇！🤩晚市定食 二人套餐 $300包兩款小食+兩個主菜+兩碗白飯+兩碗湯（另加錢可以要飲品）小食方面1️⃣炸雞球🍗份量適中 每人有兩舊炸皮算簿，有肉汁。上菜時，夠熱，外皮仲係脆🍖食肉獸必點！2️⃣炸雞翼 有四隻 正常發揮🤣味道係普通咸味 冇特別主菜🤩重頭戲❤️1️⃣燒鹽麴熟成五花腩呢個係全店最好食嘅主菜👍🏻好有睇頭咬落肉汁豐富，富有豬肉香味。🐷食落冇筋，非常軟淋🤤旁邊有薯仔沙律🥗有青瓜🥒同埋甘荀🥕可以中和豬肉嘅油膩感🥩調味方面，有鹽同埋醋，點鹽可以提升豬肉嘅香味，食落似烤肉咁。而點醋嘅話就可以減油膩👍🏻非常好食😋2️⃣味增煮吉列熟成豬扒玉子鍋🥩🍳上菜時，個鍋係啱啱滾起，好熱辣辣🥵豬排份量好足，算大塊🥩而且有2cm厚。咬落有肉香，冇筋。味增醬偏咸，尚可接受😆可以餸飯至於玉子🥚本來應該係溫泉蛋，但係因為小編唔食生嘅雞蛋，所以呢就叫餐廳轉熟蛋🍳之後仲有兩個湯🥣同白飯🍚湯係普通味增湯，而白飯係日本珍珠米🍚食落有質感呢間嘅賣點係環境😆因為荔枝角嘅呢間分店，位於aeon地下。位置較偏，少啲人食。所以餐廳入面唔算多

心思思又想食日本嘢，又唔係淨係想食壽司，所以嚟咗大戶屋😬😬今晚叫咗個鰻魚飯定食，牛肉壽喜燒套餐，五花腩拼牛扒套餐原條鰻魚飯，鰻魚唔算多骨，不過啲飯就好似少咗啲，所以顯得果汁比較多，不過味道係唔錯嘅👍🏻👍🏻牛肉壽喜燒，壽喜燒湯底比較甜，一樣都係幾好食，可惜牛肉不算太多，所以顯得果報唔係好夠肉👌🏻👌🏻五花腩拼牛扒，牛扒處理得幾好，生熟程度剛剛好，有咬口亦都唔係偏淋，五花腩唔算太大驚喜，不過味道都唔錯👌🏻👌🏻食咗幾次，而家先發覺原來每個套餐係可以添飯的，唔怪得以前成日啲飯都咁細碗😅😅

本身打算攞飛食排長龍迴轉壽司之後隔離睇戲，睇完戲出嚟會有得食，估唔到5:30去到已經唔派飛。睇完戲唔知食咩好，突然醒起可以去食大戶屋。每次去大戶屋都會叫燒鹽麴熟成五花腩，加$23轉定食，再加$10就可以揀其他種類嘅飯，我就只係轉定食普通飯。朋友叫咗黑醋雞肉野菜，都係轉定食。定食包括主食、麵豉湯、茶碗蒸及漬物。先講五花腩，上菜嘅時候係暖嘅...如果熱d就仲好食，每舊都有燒過嘅香味，肥瘦適中，另外有薯仔沙津及蔬菜沙律伴碟。因為之前食過剛剛燒好就上菜嘅五花腩...真係好好食。朋友食嘅黑醋雞肉野菜，黑醋唔太酸，都非常開胃。定食碗飯不太大，份量適個女仔，男仔大部分都應該唔夠飽，但係定食可以添飯一次，我同朋友添咗一碗飯share就啱啱好啦！可能係坐嘅位置問題，比較難叫到侍應。添飯同加茶都係要等侍應到枱附近收拾餐具先加到。

之前好想食日本野 🇯🇵 去左食大户屋 人到去好日式既裝修 侍應都好有禮貌👍🏻佢有午市定食套餐 價錢唔貴 百幾蚊有主食 茶碗蒸 麵鼔湯 漬物🌟主食我哋揀左銀鱈魚西京燒同麵鼔湯玉子炸豬扒😬兩個味道都好好 銀鱈魚肉質嫰滑 新鮮有魚油香 美中不足係份量略小🤭豬扒厚實 油脂分泌啱啱好 咬落去啖啖肉 略嫌玉子太熟 半生熟會更加好百幾蚊有咁既質素 我好滿意呀 會再幫襯❤️❤️❤️