大戶屋

Open Now

Now Closed

今日黎到荃灣大戶屋食飯，睇左一大輪餐牌，最後決定食味噌醬煮吉列熟成豬排鍋。個豬排鍋一黎到已經聞到一陣好濃烈既味噌醬味，急不及待夾左條菜試下味。啲菜完全吸收晒味噌醬既味道，令到唔係好鐘意食菜既我都覺得非常好食，而且味噌醬既汁撈埋落碗白飯到食，相當開胃。而吉列熟成豬排除左吸收到味噌醬既精華之外，佢本身都相當冧，而且就算浸左係喺啲熱汁到咁耐，層炸粉都冇出現皮肉分離既情況。可能真係好好食，會覺得份量有啲少，想繼續食落去。

今日自己一個黎到大戶屋食飯，聽朋友講話呢到既鯖魚幾好食，所以叫咗個燒鯖魚定食試下。除咗條鯖魚同碗飯之外，仲有沙律、湯同埋刺身。沙律我就不嬲都唔係好鐘意食所以唔多講，刺身就幾新鮮既。另外飯果到加10蚊可以轉做五穀飯、淮山蓉飯、鮮雞蛋拌飯、海藻飯同埋小魚飯，不過我落單之後先見到，所以剩係食到白飯，不過碗白飯都幾好，唔會話太硬。鯖魚皮脆肉嫩，腩位仲好肥美，好多魚油，幾好食，不過食得多會好快就會有飽濟既感覺。

大戶屋已經係我嘅飯堂😅因為諗唔到食咩食啲日式嘅家庭料理係最好既Comfort Food 🇯🇵 今次嚟到荃灣都係唔想覓食就揀左大戶屋 呢間舖位比較細 等候位置都人來人往 唔好坐🌝 最咪錯咗嘅位置喺角落 服務員叫極都睇唔到👎🏻 而且Trainee 亦都欠缺日式專業既服務態度🎓 都係建議去返市區例如銅鑼灣店🏙 食物服務各方面更加有信心⭐️ 燒鹽麴熟成五花腩 🥓平時五花腩有兩種口味今日剩返一款🌚 肥瘦比例合格唔會太油膩 炙燒過逼出油香 有返一般既水準👍🏻⭐️ 燒花魚 🐟有魚香但整體燒得偏乾身🔥搭配蘿蔔蓉送飯係平實嘅美味🍚 但缺點就係幼骨比較多

大戶屋係賣日式家庭料理既，有多款日式定食選擇，豬牛雞魚甚至刺身飯都有。所有野食都大大份，味道有水準，不過價錢略嫌有啲進取🤔嗌左一個特選二人餐，$340包兩款小食、兩款主菜、$30以下飲品、味噌湯、茶碗蒸/白飯同埋雪糕。價錢絕對唔平架la，但係真係幾豐富既。另外再嗌多左款定食，食物既種類好豐富，咩都可以試到啲，味道每一樣都唔錯，不過就真係貴左啲🙈  記得宜家join佢地會員有得送薯仔沙律或者$30以下既飲品。1⃣️大戶屋風味炸雞翼（二人餐）啲雞翼好大隻，而且好多肉，食落炸得好脆，外面既醬汁有少少酸酸地😯幾特別。  2⃣️迷你黑醋真鱈魚野菜（二人餐）魚塊都算幾多，係炸過既，外面係黑醋汁，酸酸甜甜幾開胃，而且菜既種類同份量都算多，感覺幾健康🥰呢兩款小食都比我預期中大份同埋好食。  3⃣️滑蛋吉列牛肉鍋（二人餐）主食可以係十幾款入面揀兩款。吉列牛肉因為見出面比較少地方有得食，同埋佢餐牌幅相望落去好好食咁，所以就揀左佢。黎到有少少失望，同我想像中好大出入。見到佢餐牌幅相既吉列牛肉係中間既肉呈粉紅色，感覺肉質好粉嫩，但係黎到既時候，成件牛肉比炸衣包實曬，完全見到唔到入面既肉。諗住唔緊要，應該食落都係一樣既啫，

晚餐食大户屋，等位係一個問題，經過成日都見到人山人海。所以唯有早啲食，或者夜啲食。🧐定食黎講性價比其實唔錯，百幾蚊個定食，質素同味道都有一定保證。今次叫左一個原條燒魚，好似係期間限定，食落唔錯。當然有埋跟餐既沙律，麵豉湯，茶碗蒸。

難得平日放假，去完citywalk二期睇戲就可以去返一期度食飯，兩邊消費都可以用嚟免費泊車👍佢有個平日lunch menu，只限星期一至星期五叫咗個豚肉壽喜燒，本身以為佢會包沙律、湯、茶碗蒸、雞蛋，點知嚟到原來冇雞蛋、冇茶碗蒸。味道都幾濃郁，但係豚肉就煮得老咗啲。另外叫咗個咖哩芝士雞扒飯，本身以為係碟頭飯咁，點知有驚喜嘅係佢連埋個鍋，嚟到仲好似鐵板燒咁，但係呢個味道就普普通通。做埋會員有得送一個雞蛋沙律或者一杯特飲，我就揀咗雞蛋沙律，因為本身午市套餐都有包飲品。雞蛋沙律反而係全場最驚喜🤣份量夠多，味道好好🤣

入去之前以為呢啲連鎖日式餐廳好死板，或者好貴。望吓個Menu其實刺身丼又有、壽喜燒又有、炸物、牛肉便當都有。而且好多配搭，有迷你版嘅丼飯，啱晒有選擇困難症嘅人。冇記錯呢個丼飯大概係$150左右，連埋前菜配菜其實算好抵，因為佢肉嘅份量好多。不過冇得揀幾多成熟，個牛肉丼飯嚟到嘅時候我覺得有啲生，但係肉質同味道都好唔錯，最後食晒啲肉食唔晒啲飯，建議佢啲飯可以走咁啲俾多啲菜，咁樣減肥人士都可以成日嚟食！總括嚟講對呢間餐廳印象唔差，下次會想試埋佢其他款式

之前同屋企人食過幾次都覺得幾好食，但隔咗半年上星期再去就真係好無奈又驚訝！食物方面，我食一個牛豬set加錢$33配日本鮮蛋飯。五花脯豬幾好食有油香但牛扒就熟曬好韌、切件甘薄同鐡板上就越煎越熟🙈我已經即時拎開咗啲牛但都救唔到。薯仔沙律足料好食有口感、蒸蛋就偏淡、而我碗加多十幾$的生蛋飯就更淡而冇味😢我媽嘅飯都嚇親我🙈八九十蚊個餐粒蛋竟然變晒形、睇嚟餐廳對食物外表要求較低。甜品方面叫左抹茶蕨餅$4x🙈omg係最失望。蕨餅應該係有口感煙煙韌韌但這次是實身粉粉的🧐冇口感可言，抹茶味就濃嘅。服務方面，有個副經理佢有很重的內地口音又講得快、我都聽得吾太清楚佢講咩更何況我年過六十的父母，佢仲要冇耐性好惡、我爸聽唔清楚佢講咩要重複多一次佢就燥底黑面。而其餘兩位內地待應就上錯左兩次食物、見到副經理再教佢地睇單。

等位等咗好耐終於入到去，叫咗牛肉壽喜燒同埋一碗五穀飯。個壽喜燒一望就知overcooked，撈蛋食諗住會滑啲，點知隻蛋都幾腥下，然後個壽喜燒汁又太甜，牛肉又鞋，夾埋真係好唔掂......所以唯有直接倒咗啲蛋入個鍋度，不過都無咩用，好彩有叫飯，唔係真係甜死。埋單嗰陣想飲多杯茶先走，好有禮貌咁同個有鄉音嘅服務員講咗2次唔該可唔可以加啲茶，結果佢幫其他台嘅人加，就係唔幫我加。然後佢走過嚟同我講用餐時間個半鐘要我離開，但係我明明食咗1粒鐘都未夠，真係離晒譜🙄🙄🙄

大户屋係香港唔算多分店可能因為香港嘅大戶屋都仍然係日資佢嘅lunch set話貴唔貴話平唔平睇價錢就會覺得有啲貴大約$100左右但食完之後自己就覺得幾抵食叫咗網上面好多人都推介嘅豬腩肉佢嘅豬腩肉唔算好薄份量都好多味道上都幾出色可以講成為你平時會去韓式燒肉燒出嚟嘅豬腩肉加上佢特製嘅醬汁同埋煲仔飯真係幾唔錯加上自己好鍾意食糖心蛋佢中間嗰兩隻蛋醃製得非常之出色唔會太鹹睇落去係白色但食落去好香醬油味甚至比媲美於一般嘅拉麵店個set有烏冬又有飯其實可以兩個女仔share除翻兩個人其實好抵食雖然咁樣食好似有啲說但我真係完全食唔晒🙈🙈🙈

#跟住我食唔中伏.帶住敏感寶寶出街食😎要揀岩好餐廳今次就揀咗 ootoyahk 日本料理餐廳我未有寶寶時已經係大户屋忠粉因為好欣賞佢地自家製嘅日式家庭料理而且多年來水準穩定😋.#more優惠今次來仲發現佢地有得儲分😍原來裝咗 storellet我仲即刻拎埋個「迎新優惠」！埋單掃下張單上嘅QR code就儲到分之後又可以用分換更多美食喇🤤正！.....#荃灣美食 #ca師奶餐廳_荃灣 #日本料理 #美味い #美味しかった #yummy #Foodie #Japanesefood

已經一年都無嚟食過，6號中午再嚟食返五花腩定食，味道依然keep到，食過返尋味，今日10號夜晚再嚟過，都係叫左個五花腩定食加串燒，上菜同平時一樣等左10分鐘左右，但五花腩係凍嘅，差唔多食完個定食再上埋串燒，但都係凍嘅，完全勁失望囉😒雖然舖頭冷氣係開到好大，但串燒相都無影嚟到即刻放入口都係凍😞

好朋友四出搵工，邀請佢一齊食lunch，為生活一齊打打氣！荃灣西一帶好多新餐廳，美食多籮籮，朋友好希望試呢間！呢度外望園景，看到都市人急速步伐，裡面的食客放慢腳步，加添悠閒的步調！我哋點左豬腩肉，兩面平均煎香，瘦身好食銀雪魚肉質鮮嫩，保持水準

朋友幫我揀咗依間日式餐廳補祝生日飯我以前未嚟過呢間餐廳，都幾期待吓晚飯時間，所以門口有7~8個人排緊隊，我地就攞飛先，都等咗25分鐘先有位，餓到肚都扁，門面充滿咗日式風格有好多支長竹立咗喺度，好有大自然嘅feel一入到去坐低，侍應俾咗個二人座位我哋 店內 環境優雅，燈光明亮， 坐落去有一種好舒服嘅感覺，超relax而且我哋坐嘅位置，剛剛好可以遠眺到窗外面嘅夜景，望到荃新天地四隻字我哋睇咗一陣餐牌，最後我決定食魚生飯定食朋友就食銀雪魚西京燒定食我另開嗌咗一杯～巨峰提子梳打飲品唔好睇碗魚生飯好似好少份量咁，其實只係佢個碗好鬼大個啫，份量絕對係剛剛好夠一個人食有突㗎！一上枱...真係嚇親我哋兩個，一齊講左句「嘩」佢個碗真係大到好巨型唔係誇張，心諗～有冇必要拎個咁巨大嘅碗裝飯一邊食啲生薑，一邊食淋咗豉油&wasabi嘅魚生飯，真係食指大動勁開胃碗飯有幾款刺身，三文魚、帶子、甜蝦， 吞拿魚等等， 雖然食落感覺又未話去到真係好新鮮咁，甜蛋亦未夠甜，不過勝在夠大塊，整體嚟講碗飯都合格嘅～定食入邊仲有茶碗蒸& 麵豉湯，反而麵豉湯我覺得幾好飲，如果湯入面再多一啲豆腐就好喇不過茶碗蒸我就有啲失望，食落好

我同媽咪都是昨天放假休息，少不得就一起出去行街，行到3點嗰陣經過荃新天地大戶屋，見到又好想試下，嗰陣時餐廳裡面只有幾枱客人，廳面只有一個白色衫職員係度，入到去嗰職員見我哋拎好多嘢就安排咗一張大圓台我哋，非常體貼的安排。安頓座位後，職員好有效率地為客人倒茶上餐具，先來飲杯熱辣辣的茶，接下來就是看餐牌。雖然只有一名職員但是我哋一示意落單，佢都好快上前服務。我都係食我最鐘意的五花腩定食。媽咪就是牛扒定食。可能就沒什麼客人。上菜速度好快，大概15分鐘就來齊哋嘢。味道一如既往，沒有令人失望。都好抵食仲有餐飲送非常唔錯。因為4點約咗朋友有事,不到一個鐘我哋就埋單走人。希望大戶屋保持優質的食物味道。也要保持優質的服務質數。